પાણિનીયશિક્ષા · અધ્યાય p5

ચાષસ્તુ વદતે માત્રાં દ્વિમાત્રં ત્વેવ વાયસઃ ।
શિખી રૌતિ ત્રિમાત્રં તુ નકુલસ્ત્વર્ધમાત્રકમ્

કુતીર્થાદાગતં દગ્ધમપવર્ણં ચ ભક્ષિતમ્ ।
ન તસ્ય પાઠે મોક્ષોઽસ્તિ પાપાહેરિવ કિલ્બિષાત્

સુતીર્થાદગતં વ્યક્તં સ્વામ્નાય્યં સુવ્યવસ્થિતમ્ ।
સુસ્વરેણ સુવક્ત્રેણ પ્રયુક્તં બ્રહ્મ રાજતે

મન્ત્રો હીનઃ સ્વરતો વર્ણતો વા મિથ્યા પ્રયુક્તો ન તમર્થમાહ ।
સ વાગ્વજ્રો યજમાનં હિનસ્તિ યથેન્દ્રશત્રુઃ સ્વરતોપરાધાત્

અનક્ષરં હતાયુષ્યં વિસ્વરં વ્યાધિપીડિતમ્ ।
અક્ષતાશ્શસ્ત્રરૂપેણ વજ્રં પતતિ મસ્તકે

હસ્તહીનં તુ યોઽધીતે સ્વરવર્ણવિવર્જિતમ્ ।
ઋગ્યજુઃસામભિર્દગ્ધો વિયોનિમધિગચ્છતિ

હસ્તેન વેદં યોઽધીતે સ્વરવર્ણર્થસંયુતમ્ ।
ઋગ્યજુઃ સામભિઃ પૂતો બ્રહ્મલોકે મહીયતે