પાણિનીયશિક્ષા · અધ્યાય p10

યથા સૌરાષ્ટ્રિકા નારી તક્રઁ ઇત્યભિભાષતે ।
એવં રઙ્ગાઃ પ્રયોક્તવ્યાઃ ખે અરાઁ ઇવ ખેદયા

રઙ્ગવર્ણાન્ પ્રયુઞ્જીરન્નો ગ્રસેત્પૂર્વમક્ષરમ્ ।
દીર્ઘસ્વરં પ્રયુઞ્જીયાત્પશ્ચાન્નાસિક્યમાચરેત્

હૃદયે ચૈકમાત્રસ્ત્વર્દ્ધમાત્રસ્તુ મૂર્ધનિ ।
નાસિકાયાં તથાર્દ્ધં ચ રઙ્ગસ્યૈવં દ્વિમાત્રતા

હૃદયાદુત્કરે તિષ્ઠન્કાંસ્યેન સમનુસ્વરન્ ।
માર્દવં ચ દ્વિમાત્રં ચ જઘન્વાઁ ઇતિ નિદર્શનમ્

મધ્યે તુ કમ્પયેત્કમ્પમુભૌ પાર્શ્વૌ સમૌ ભવેત્ ।
સરઙ્ગં કમ્પયેત્કમ્પં રથીવેતિ નિદર્શનમ્

એવં રંગાઃ પ્રયોક્તવ્યા નાવ્યક્તા ન ચ પીડિતાઃ ।
સમ્યગ્વર્ણપ્રયોગેણ બ્રહ્મલોકે મહીયતે