પઞ્ચવિંશબ્રાહ્મણ · ભાગ 2140

(પ્બ્ 7.6.7) જ્યેષ્ઠબ્રાહ્મણં વા એતત્
(પ્બ્ 7.6.8) પ્ર જ્યૈષ્ઠ્યમ્ આપ્નોતિ ય એવંવ્ વેદ
(પ્બ્ 7.6.9) યન્ ન્વ્ ઇત્ય્ આહુર્ બૃહત્ પૂર્વં પ્રજાપતૌ સમભવત્ કસ્માદ્ રથન્તરં પૂર્વં યોગમ્ આનશ ઇતિ
(પ્બ્ 7.6.10) બૃહદ્ એવ પૂર્વં સમભવદ્ રથન્તરં તુ પૂર્વં સૃષ્ટ્યાસૃજત તસ્માત્ પૂર્વં યોગમ્ આનશે
(પ્બ્ 7.6.11) તયોઃ સમાનં નિધનમ્ આસીત્ તસ્મિન્ નાતિષ્ઠેતાં ત આજિમ્ ઐતાં તયોર્ હસ્ ઇતિ બૃહત્ પ્રાણમ્ ઉદજયદ્ અસ્ ઇતિ રથન્તરમ્ અપાનમ્ અભિસમવેષ્ટત
(પ્બ્ 7.6.12) પ્રાણાપાનૌ વૈ બૃહદ્રથન્તરે જ્યોગ્ આમયાવિન ઉભે કુર્યાદ્ અપક્રાન્તૌ વા એતસ્ય પ્રાણાપાનૌ યસ્ય જ્યોગ્ આમયતિ પ્રાણાપાનાવ્ એવાસ્મિન્ દધાતિ
(પ્બ્ 7.6.13) યન્ ન્વ્ ઇત્ય્ આહુર્ ઉભે બૃહદ્રથન્તરે બહિર્ણિધને કસ્માદ્ બૃહદ્ બહિર્ણિધનાનિ ભજતે ઽન્તર્ણિધનાનિ રથન્તરમ્ ઇતિ
(પ્બ્ 7.6.14) પ્રાણો બૃહત્ તસ્માદ્ બહિર્ણિધનાનિ ભજતે બહિર્ હિ પ્રાણો ઽપાનો રથન્તરં તસ્માદ્ અન્તર્ણિધનાનિ ભજતે ઽન્તર્ હ્ય્ અપાનઃ
(પ્બ્ 7.6.15) મહાવૃક્ષૌ વૈ બૃહદ્રથન્તરે નિધનેન સમર્પ્યે
(પ્બ્ 7.6.16) યદ્ વૈ મહાવૃક્ષૌ સમૃચ્છેતે બહુ તત્ર વિભગ્નં પ્રભગ્નં શેતે
(પ્બ્ 7.6.17) ઐરં વૈ બૃહદ્ ઐડં રથન્તરં મનો વૈ બૃહદ્ વાગ્ રથન્તરં સામ્ અ વૈ બૃહદ્ ઋગ્ રથન્તરં પ્રાણો વૈ બૃહદ્ અપાનો રથન્તરમ્ અસૌ વૈ લોકો બૃહદ્ અયં રથન્તરમ્ એતાનિ મનસાન્વીક્ષ્યોદ્ગાયેત્ કૢપ્તાભ્યામ્ એવાભ્યામ્ ઉદ્ગાયતિ
(પ્બ્ 7.7.1) પશવો વૈ બૃહદ્રથન્તરે અષ્ટાક્ષરેણ પ્રથમાયા (?) ઋચઃ પ્રસ્તૌત્ય્ અષ્ટાશફાંસ્ તત્ પશૂન્ અવરુન્ધે
(પ્બ્ 7.7.2) દ્વ્યક્ષરેણોત્તરયોર્ ઋચોઃ પ્રસ્તૌતિ દ્વિપાદ્ યજમાનો યજમાનમ્ એવ યજ્ઞે પશુષુ પ્રતિષ્ઠાપયતિ
(પ્બ્ 7.7.3) પઞ્ચાક્ષરેણ રથન્તરસ્ય પ્રતિહરતિ પાઙ્ક્તાંસ્ તત્ પશૂન્ અવરુન્ધે
(પ્બ્ 7.7.4) ચતુરક્ષરેણ બૃહતઃ પ્રતિહરતિ ચતુષ્પદસ્ તત્ પશૂન્ અવરુન્ધે
(પ્બ્ 7.7.5) ન વૈ બૃહન્ ન રથન્તરમ્ એકં છન્દો ઽયચ્છત્ તતઃ કકુભાવ્ ઉત્તરે ઉપાદધુસ્ તસ્માદ્ બૃહતી પ્રથમા કકુભાવ્ ઉત્તરે તસ્માદ્ બૃહદ્રથન્તરે એકર્ચેન કુર્વન્તિ ન હિ તે એકં છન્દો ઽયચ્છત્
(પ્બ્ 7.7.6) નવ બૃહતો રોહાન્ રોહતિ નવ પ્રાણાઃ પ્રાણાન્ એવાવરુન્ધે
(પ્બ્ 7.7.7) ત્રીન્ પ્રથમાયાં રોહતિ ભૂતં ભવદ્ ભવિષ્યત્ તાન્ એવાવરુન્ધે ત્રીન્ મધ્યમાયાં રોહત્ય્ આત્માનં પ્રજાં પશ્+ઊંસ્ તાન્ એવાવરુન્ધે ત્રીન્ ઉત્તમાયાં રોહતિ ત્રય ઇમે લોકા એષ્વ્ એવ લોકેષુ પ્રતિતિષ્ઠતિ
(પ્બ્ 7.7.8) સર્વાન્ કામાન્ અવરુન્ધે ય એવંવ્ વિદ્વાન્ બૃહતો રોહાન્ રોહતિ
(પ્બ્ 7.7.9) વજ્રેણ વા એતત્ પ્રસ્તોતોદ્ગાતારમ્ અભિપ્રવર્તયતિ યદ્ રથન્તરં પ્રસ્તૌતિ સમુદ્રમ્ અન્તર્ધાયોદ્ગાયેદ્ વાગ્ ઇત્ય્ આદેયંવ્ વાગ્ વૈ સમુદ્રઃ સમુદ્રમ્ એવાન્તર્દધાત્ય્ અહિંસાયૈ
(પ્બ્ 7.7.10) બલવદ્ ગેયં વજ્રમ્ એવં પ્રવૃત્તં પ્રત્યુદ્ગૃહ્ણાતિ
(પ્બ્ 7.7.11) બલ્વલા કુર્વતા ગેયમ્ અભિલોભયતેવ વજ્રમ્ એવાભિલોભયતિ
(પ્બ્ 7.7.12) ક્ષિપ્રં ગેયં સ્વર્ગસ્ય લોકસ્ય સમષ્ટ્યૈ
(પ્બ્ 7.7.13) દેવરથો વૈ રથન્તરમ્ અક્ષરેણાક્ષરેણ પ્રતિષ્ઠાપયતોદ્ગેયમ્ અરેણારેણ હિ રથઃ પ્રતિતિષ્ઠતિ
(પ્બ્ 7.7.14) યો વૈ દેવરથમ્ અનન્વાલભ્યાતિષ્ઠત્ય્ અવાસ્માત્ પદ્યત ઇયં વૈ દેવરથ ઇમામ્ આલભ્યોદ્ગાયેન્ નાસ્માદ્ અવપદ્યતે
(પ્બ્ 7.7.15) ઈશ્વરં વૈ રથન્તરમ્ ઉદ્ગાતુશ્ ચક્ષુઃ પ્રમથિતોઃ પ્રસ્તુયમાને સંમીલેત્ સ્વર્દૃશં પ્રતિવીક્ષેત નૈનં ચક્ષુર્ જહાતિ
(પ્બ્ 7.7.16) પ્રજનનં વૈ રથન્તરં યત્ તસ્થુષ ઇત્ય્ આહાસ્થાયુકોદ્ગાતુર્ વાગ્ ભવત્ય્ અપિ પ્રજનનં હન્ત્ય્ અસ્થુષ ઇતિ વક્તવ્યં સુસ્થુષ ઇતિ વા સ્થાયુકોદ્ગાતુર્ વાગ્ ભવતિ ન પ્રજનનમ્ અપિ હન્તિ
(પ્બ્ 7.7.17) પૃષ્ઠાનિ વા અસૃજ્યન્ત તૈર્ દેવાઃ સ્વર્ગંલ્ લોકમ્ આયંસ્ તેષાં રથન્તરં મહિમ્ના નાશક્નોદ્ ઉત્પતત્
(પ્બ્ 7.7.18) તસ્ય વશિષ્ઠો મહિમ્નો વિનિધાય તેન સ્તુત્વા સ્વર્ગંલ્ લોકમ્ ઐત્ તાન્ સંભૃત્યોદ્ગાયેત્
(પ્બ્ 7.7.19) યસ્ તે ગોષુ મહિમા યસ્ તે અપ્સુ રથે વા તે સ્તનયિત્નૌ ય ઉ તે યસ્ તે અગ્નૌ મહિમા તેન સંભવ રથન્તર દ્રવિણવન્ ન એધિ
(પ્બ્ 7.8.1) અપો વા ઋત્વ્યમ્ આર્ચ્છત્ તાસાંવ્ વાયુઃ પૃષ્ઠે વ્યવર્તત તતો વસુ વામં સમભવત્ તસ્મિન્ મિત્રાવરુણૌ પર્યપશ્યતાં તાવ્ અબ્રૂતાંવ્ વામં મર્યા ઇદં દેવેષ્વ્ આજાનીતિ તસ્માદ્ વામદેવ્યમ્
(પ્બ્ 7.8.2) તત્ પરિગૃહ્ણન્તાવ્ અબ્રૂતામ્ ઇદમ્ અવિદાવેદં નૌ માભ્યર્તિઢ્વમ્ ઇતિ તત્ પ્રજાપતિર્ અબ્રવીન્ મદ્ વા એતદ્ ધ્ય્ અજનિ મમ વા એતદ્ ઇતિ તદ્ અગ્નિર્ અબ્રવીન્ માં (?) વા એતદ્ અન્નમ્ અજનિ મમ વા એતદ્ ઇતિ તદ્ ઇન્દ્રો ઽબ્રવીચ્ છ્રેષ્ઠસ્થા વા એતદ્ અહં વઃ શ્રેષ્ઠો ઽસ્મિ મમ વા એતદ્ ઇતિ તદ્ વિશ્વે દેવા અબ્રુવન્ન્ અસ્મદ્દેવત્યં વા એતદ્ યદ્ અદ્ભ્યો ઽધિ સમભૂદ્ અસ્માકં વા એતદ્ ઇતિ તત્ પ્રજાપતિર્ અબ્રવીત્ સર્વેષાં ન ઇદમ્ અસ્તુ સર્વ ઇદમ્ ઉપજીવામેતિ તત્ પૃષ્ઠેષુ ન્યદધુઃ સર્વદેવત્યં વૈ વામદેવ્યમ્
(પ્બ્ 7.8.3) યત્ કવતીષુ તેન પ્રાજાપત્યં કો હિ પ્રજાપતિર્ યદ્ અનિરુક્તાસુ તેન પ્રાજાપત્યમ્ અનિરુક્તો હિ પ્રજાપતિઃ
(પ્બ્ 7.8.4) યદ્ ગાયત્રીષુ તેનાગ્નેયં ગાયત્રચ્છન્દા હ્ય્ અગ્નિઃ
(પ્બ્ 7.8.5) યત્ પૃષ્ઠેષુ ન્યદદધુસ્ તેનૈન્દ્રં સર્વાણિ હિ પૃષ્ઠાનીન્દ્રસ્ય નિષ્કેવલ્યાનિ
(પ્બ્ 7.8.6) યન્ મૈત્રાવરુણો ઽનુશંસતિ તેન મૈત્રાવરુણમ્
(પ્બ્ 7.8.7) યદ્ બહુદેવત્યમ્ ઉત્તમં પદં તેન વૈશ્વદેવં સર્વેષ્વ્ એવ રૂપેષુ પ્રતિતિષ્ઠતિ
(પ્બ્ 7.8.8) પ્રજાપતિર્ વા એતાં ગાયત્રીં યોનિમ્ અપશ્યત્ સ આદીધીતાસ્માદ્ યોનેઃ પૃષ્ઠાનિ સૃજા ઇતિ
(પ્બ્ 7.8.9) સ રથન્તરમ્ અસૃજત તદ્ રથસ્ય ઘોષો ઽન્વસૃજ્યત
(પ્બ્ 7.8.10) સ બૃહદ્ અસૃજત તત્ સ્તનયિત્નોર્ ઘોષો ઽન્વસૃજ્યત સ વૈરૂપમ્ અસૃજત તદ્ વા તસ્ય ઘોષો ઽન્વસૃજ્યત

(પ્બ્ 7.8.11) સ વૈરૂપમ્ અસૃજત તદ્ અગ્નેર્ ઘોષો ઽન્વસૃજ્યત
(પ્બ્ 7.8.12) સ શક્વરીર્ અસૃજત તદ્ અપાં ઘોષો ઽન્વસૃજ્યત
(પ્બ્ 7.8.13) સ રેવતીર્ અસૃજત તદ્ ગવાં ઘોષો ઽન્વસૃજ્યત
(પ્બ્ 7.8.14) એતૈર્ વા એતાનિ સહ ઘોષૈર્ અસૃજ્યન્ત
(પ્બ્ 7.8.15) સર્વે ઽસ્મિન્ ઘોષાઃ સર્વાઃ પુણ્યા વાચો વદન્તિ ય એવંવ્ વેદ
(પ્બ્ 7.9.1) પિતા વૈ વામદેવ્યં પુત્રાઃ પૃષ્ઠાનિ
(પ્બ્ 7.9.2) એતસ્માદ્ વા એતાનિ યોનેર્ અસૃજ્યન્ત
(પ્બ્ 7.9.3) તસ્માત્ પૃષ્ઠાનાં સ્તોત્રં વામદેવ્યેનાનુષ્ટુવન્તિ શાન્ત્યૈ
(પ્બ્ 7.9.4) યદ્ ધિ પુત્રો ઽશાન્તં ચરતિ પિતા તચ્ છમયતિ
(પ્બ્ 7.9.5) અયં વૈ લોકો મધ્યમો વામદેવ્યમ્ એતસ્માદ્ વા ઇમૌ લોકૌ વિષ્વઞ્ચાવ્ અસૃજ્યેતાં બૃહચ્ ચ રતન્તરં ચ
(પ્બ્ 7.9.6) યદ્ રથન્તરેણ સ્તુવન્તિ યે રથન્તરાઃ પશવો ઽન્તરીક્ષં ત ઉપશ્રયન્તિ યદ્ બૃહતા સ્તુવન્તિ યે બાર્હતાઃ પશવો ઽન્તરીક્ષં ત ઉપશ્રયન્તિ તે વામદેવ્યસ્ય સ્તોત્રેણાવરુદ્ધાઃ
(પ્બ્ 7.9.7) ધ્રુવ આસીનો વામદેવ્યેનોદ્ગાયેત્ પશૂનામ્ ઉપવૃત્યૈ
(પ્બ્ 7.9.8) ઉપૈનં પશવ આવર્તન્તે ય એવંવ્ વેદ
(પ્બ્ 7.9.9) અન્તરિક્ષં વૈ વામદેવ્યમ્ અધૂન્વતેવોદ્ગેયમ્ અધૂતમ્ ઇવાન્તરિક્ષં પશવો વૈ વામદેવ્યમ્ અહિંસતેવોદ્ગેયં પશૂનામ્ અહિંસાયૈ
(પ્બ્ 7.9.10) કથમ્ ઇવ વામદેવ્યં ગેયમ્ ઇત્ય્ આહુઃ
(પ્બ્ 7.9.11) યથાઙ્કુલી પુત્રાન્ સંદશ્યાસંભિન્દન્તી હરતિ યથા વાતો ઽપ્સુ શનૈર્ વાતિ
(પ્બ્ 7.9.12) સ્વધૂર્ વામદેવ્યં ગેયમ્
(પ્બ્ 7.9.13) યો વૈ સ્વધૂર્ વામદેવ્યં ગાયતિ સ્વધૂર્ ભવતિ
(પ્બ્ 7.9.14) યાત્ય્ અસ્યાન્યો નિયાનેન નાન્યસ્ય નિયાનેન યાતિ
(પ્બ્ 7.9.15) ન બૃહતો ન રથન્તરસ્યાનુરૂપં ગેયં સ્વેનૈવાયતનેન ગેયમ્ આયતનવાન્ ભવતિ
(પ્બ્ 7.9.16) દેવા વૈ પશૂન્ વ્યભજન્ત તે રુદ્રમ્ અન્તરાયંસ્ તાન્ વામદેવ્યસ્ય સ્તોત્ર ઉપેક્ષતે
(પ્બ્ 7.9.17) અનિરુક્તં ગેયમ્
(પ્બ્ 7.9.18) યન્ નિરાહ રુદ્રાય પશૂન્ અપિદધાતિ રુદ્રસ્ તાં સમાં પશૂન્ ધાતુકો ભવતિ
(પ્બ્ 7.9.19) રેવતીષુ વામદેવ્યેન પશુકામઃ સ્તુવીત
(પ્બ્ 7.9.20) આપો વૈ રેવત્યઃ પશવો વામદેવ્યમ્ અદ્ભ્ય એવાસ્મૈ પશૂન્ પ્રજનયતિ
(પ્બ્ 7.9.21) અનવર્તિઃ પશુતો ભવતિ પ્રજા સ્વસ્ય મીલિતેવ ભવતિ
(પ્બ્ 7.9.22) કવતીભ્યો હ્ય્ એતિ પ્રજાપતેઃ
(પ્બ્ 7.10.1) ઇમૌ વૈ લોકૌ સહાસ્તાં તૌ વિયન્તાવ્ અબ્રૂતાંવ્ વિવાહંવ્ વિવહાવહૈ સહ નાવ્ અસ્ત્વ્ ઇતિ
(પ્બ્ 7.10.2) તયોર્ અયમ્ અમુષ્મૈ શ્યૈતં પ્રાયચ્છન્ નૌધસમ્ અસાવ્ અસ્મૈ
(પ્બ્ 7.10.3) તત એનયોર્ નિધને વિપર્યક્રામતાં દેવવિવાહો વૈ શ્યૈતનૌધસે
(પ્બ્ 7.10.4) પ્રવસીયાંસં વિવાહમ્ આપ્નોતિ ય એવંવ્ વેદ
(પ્બ્ 7.10.5) ઇતો વા ઇમે લોકા ઊર્ધ્વાઃ કલ્પમાના યન્ત્ય્ અમુતો ઽર્વાઞ્ચઃ કલ્પમાના આયન્તિ
(પ્બ્ 7.10.6) યદ્ રથન્તરેણ સ્તુવન્તીમંલ્ લોકં તેન યુનક્ત્ય્ અન્તરિક્ષંવ્ વામદેવ્યેન નૌધસેનામું યદ્ બૃહતા સ્તુવન્ત્ય્ અમુંલ્ લોકં તેન યનક્ત્ય્ અન્તરિક્ષંવ્ વામદેવ્યેન શ્યૈતેનેમમ્
(પ્બ્ 7.10.7) કૢપ્તાન્ ઇમાલ્ લોકાન્ ઉપાસ્તે ય એવંવ્ વેદ
(પ્બ્ 7.10.8) બૃહદ્રથન્તરે વૈ શૈતનૌધસે યદ્ રથન્તરાય નૌધસં પ્રતિ પ્રયુઞ્જન્તિ બૃહદ્ એવાસ્મૈ તત્ પ્રતિ પ્રયુઞ્જન્તિ બૃહદ્ ધ્ય્ એતત્ પરોઽક્ષં યન્ નૌધસં યદ્ બૃહતે શ્યૈતં પ્રતિ પ્રયુઞ્જન્તિ રથન્તરમ્ એવાસ્મૈ તત્ પ્રતિ પ્રયુઞ્જન્તિ રથન્તરં હ્ય્ એતત્ પરોઽક્ષં યચ્ છ્યૈતમ્
(પ્બ્ 7.10.9) ઉભભ્યાં બૃહદ્રથન્તરાભ્યાં સ્તુતે ય એવંવ્ વેદ
(પ્બ્ 7.10.10) દેવા વૈ બ્રહ્મ વ્યભજન્ત તાં નોધાઃ કાક્ષીવત આગચ્છત્ તે ઽબ્રુવન્ન્ ઋષિર્ ન આગંસ્ તસ્મૈ બ્રહ્મ દદામેતિ તસ્મા એતત્ સામ પ્રાયચ્છંસ્ તસ્માન્ નૌધસં બ્રહ્મ વૈ નૌધસમ્
(પ્બ્ 7.10.11) બ્રહ્મવર્ચસકામ એતેન સ્તુવીત બ્રહ્મવર્ચસી ભવતિ
(પ્બ્ 7.10.12) અથૈતચ્ છ્યૈતમ્
(પ્બ્ 7.10.13) પ્રજાપતિઃ પશૂન્ અસૃજત તે ઽસ્માત્ સૃષ્ટા અપાક્રામંસ્ તાન્ એતેન સામ્નાભિવ્યાહરત્ તે ઽસ્મા અતિષ્ઠન્ત તે શેત્યા અભવન્ યચ્ છેત્યા અભવંસ્ તસ્માચ્ છ્યૈતં પશવો વૈ શ્યૈતમ્

(પ્બ્ 7.10.14) પશુકામ એતેન સ્તુવીત પશુમાન્ ભવતિ
(પ્બ્ 7.10.15) પ્રજાપતિઃ પ્રજા અસૃજત તાઃ સૃષ્ટા અશોચંસ્ તાઃ શ્યૈતેન હુંમા ઇત્ય્ અભ્યજિઘ્રત્ તતો વૈ તાઃ સમૈધન્ત સમેધન્તે તાં સમાં પ્રજા યત્રૈવં વિદ્વાઞ્ છ્યૈતેનોદ્ગાયતિ
(પ્બ્ 7.10.16) એષ વૈ યજમાનસ્ય પ્રજાપતિર્ યદ્ ઉદ્ગાતા યચ્ છ્યૈતેન હિઙ્ કરોતિ પ્રજાપતિર્ એવ ભૂત્વા પ્રજા અભિજિહ્ગ્રતિ
(પ્બ્ 7.10.17) વસુનિધનં ભવતિ પશવો વૈ વસુ પશુષ્વ્ એવ પ્રતિતિષ્ઠતિ
(પ્બ્ 8.1.1) આષ્કારણિધનં કાણ્વંવ્ વષટ્કારણિધનમ્ અભિચરણીયસ્ય બ્રહ્મસામ કુર્યાદ્ અભિનિધનં માધ્યન્દિને પવમાને
(પ્બ્ 8.1.2) દેવેષુર્ વા એષા યદ્ વષત્કારો ઽભીતિ વા ઇન્દ્રો વૃત્રાય વજ્રં પ્રાહરદ્ અભીત્યેવાસ્મૈ વજ્રં પ્રહૃત્ય દેવેષ્વ્ આ વષટ્કારેણ વિધ્યતિ
(પ્બ્ 8.1.3) ત્રૈકકુભં પશુકામાય બ્રહ્મસામ કુર્યાત્ ત્વમ્ અઙ્ગ પ્રશંસિષ ઇત્ય્ એતાસુ
(પ્બ્ 8.1.4) ઇન્દ્રો યતીન્ સાલાવૃકેભ્યઃ પ્રાયચ્છત્ તેષાં ત્રય ઉદશિષ્યન્ત રાયોવાજો બૃહદ્ગિરિઃ પૃથુરશ્મિસ્ તે ઽબ્રુવન્ કો નઃ પુત્રાન્ ભરિષ્યન્તીત્ય્ અહમ્ ઇન્તીન્દ્રો ઽબ્રવીત્ તાંસ્ ત્રિકકુબ્ અધિનિધાયાચરત્ સ એતત્ સામાપશ્યદ્ યત્ ત્રિકકુબ્ અપશ્યત્ તસ્માત્ ત્રૈકકુભમ્
(પ્બ્ 8.1.5) સ આત્માનમ્ એવ પુનર્ ઉપાધાવત્ ત્વમ્ અઙ્ગ પ્રશંસિષો દેવઃ શવિષ્ઠ મર્ત્યં ન ત્વદ્ અન્યો મઘવન્ન્ અસ્તિ ચ મર્ડિતેન્દ્ર બ્રવીમિ તે વચ ઇતિ સ એતેન ચ પ્રગાથેનૈતેન સામ્ના સહસ્રં પશૂન્ અસૃજત તાન્ એભ્યઃ પ્રાયચ્છત્ તે પ્રત્યતિષ્ઠન્
(પ્બ્ 8.1.6) યઃ પશુકામઃ સ્યાદ્ યહ્ પ્રતિષ્ઠાકામ એતસ્મિન્ પ્રગાથ એતેન સામ્ના સ્તુવીત પ્ર સહસ્રં પશૂન્ આપ્નોતિ પ્રતિતિષ્ઠતિ
(પ્બ્ 8.1.7) ત્રિવીર્યં વા એતત્ સામ ત્રીન્દ્રિયમ્ ઐન્દ્ર્ય ઋચ ઐન્દ્રં સામૈન્દ્રેતિ નિધનમ્ ઇન્દ્રિય એવ વીર્યે પ્રતિતિષ્ઠતિ
(પ્બ્ 8.1.8) ત્રૈશોકં જ્યોગામયાવિને બ્રહ્મસામ કુર્યાત્
(પ્બ્ 8.1.9) ઇમે વૈ લોકાઃ સહાસંસ્ તે ઽશોચન્તંસ્ તેષામ્ ઇન્દ્ર એતેન સામ્ના શુચમ્ અપાહન્ યત્ ત્રયાણાં શોચતામ્ અપાહંસ્ તસ્માત્ ત્રૈશોકમ્
(પ્બ્ 8.1.10) યાસ્માદ્ અપાહન્ સા પુંશ્ચલીં પ્રાવિશદ્ યામ્ અન્તરિક્ષાત્ સા ક્લીબં યામ્ અમુષ્માત્ સૈનસ્વિનમ્
(પ્બ્ 8.1.11) તસ્માત્ તેષાં નાશૈતવ્યા ય એષામ્ આશામેતિ તસ્મા એવ શુચો ઽપભજતે
(પ્બ્ 8.1.12) શુચા વા એષ વિદ્ધો યસ્ય જ્યોગ્ આમયતિ યત્ ત્રૈશોકં બ્રહ્મસામ ભવતિ શુચમ્ એવાસ્માદ્ અપહન્તિ
(પ્બ્ 8.1.13) દિવેતિ નિધનમ્ ઉપયન્તિ વ્યુષ્ટિર્ વૈ દિવા વ્ય્ એવાસ્મૈ વાસયતિ
(પ્બ્ 8.2.1) આષ્કારણિધનં કાણ્વં પ્રતિષ્ઠાકામાય બ્રહ્મસામ કુર્યાત્
(પ્બ્ 8.2.2) કણ્વો વા એતત્ સામર્તે નિધનમ્ અપશ્યત્ સ ન પ્રત્યતિષ્ઠત્ સ વૃષદંશસ્યાષિતિ ક્ષુવત ઉપાશૃણોત્ સ તદ્ એવ નિધનમ્ અપશ્યત્ તતો વૈ સ પ્રત્યતિષ્ઠદ્ યદ્ એતત્ સામ ભવતિ પ્રતિષ્ઠિત્યૈ
(પ્બ્ 8.2.3) વસિષ્ઠસ્ય જનિત્રં પ્રજાકામાય બ્રહ્મસામ કુર્યાત્
(પ્બ્ 8.2.4) વસિષ્ઠો વા એતત્ પુત્રહતઃ સામાપશ્યત્ સ પ્રજયા પશુભિઃ પ્રાજાયત યદ્ એતત્ સામ ભવતિ પ્રજાત્યૈ
(પ્બ્ 8.2.5) આથર્વણં લોકકામાય બ્રહ્મસામ કુર્યાત્
(પ્બ્ 8.2.6) અથર્વાણો વા એતલ્ લોકાકામાઃ સામાપશ્યંસ્ તેનામર્ત્યંલ્ લોકમ્ અપશ્યન્ યદ્ એતત્ સામ ભવતિ સ્વર્ગસ્ય લોકસ્ય પ્રજાત્યૈ
(પ્બ્ 8.2.7) અભીવર્તં ભ્રાતૃવ્યવતે બ્રહ્મસામ કુર્યાત્
(પ્બ્ 8.2.8) અભીવર્તેન વૈ દેવા અસુરાન્ અભ્યવર્તન્ત યદ્ અભીવર્તો બ્રહ્મસામ ભવતિ ભ્રાતૃવ્યસ્યાભિવૃત્યૈ
(પ્બ્ 8.2.9) શ્રાયન્તીયં યજ્ઞવિભ્રષ્ટાય બ્રહ્મસામ કુર્યાત્
(પ્બ્ 8.2.10) પ્રજાપતિર્ ઉષસમ્ અધ્યૈત્ સ્વાં દુહિતરં તસ્ય રેતઃ પરાપતત્ તદ્ અસ્યાં ન્યષિચ્યત તદ્ અશ્રીણાદ્ ઇદં મે મા દુષદ્ ઇતિ તત્ સદ્ અકરોત્ પશૂન્ એવ
(પ્બ્ 8.2.11) યચ્ છ્રાયન્તીયં બ્રહ્મસામ ભવતિ શ્રીણાતિ ચૈવેનં સચ્ ચ કરોતિ
(પ્બ્ 8.3.1) દેવાશ્ ચ વા અસુરાશ્ ચૈષુ લોકેષ્વ્ અસ્પર્ધન્ત તે દેવાઃ પ્રજાપતિમ્ ઉપાધાવંસ્ તેભ્ય એતત્ સામ પ્રાયચ્છદ્ એતેનૈનાન્ કાલયિષ્યદ્ધમ્ ઇતિ તેનૈનાન્ એભ્યો લોકેભ્યો ઽકાલયન્ત યદ્ અકાલયન્ત તસ્માત્ કાલેયમ્
(પ્બ્ 8.3.2) એભ્યો વૈ લોકેભ્યો ભ્રાતૃવ્યં કાલયતે ય એવંવ્ વેદ
(પ્બ્ 8.3.3) સ્તોમો વૈ દેવેષુ તરો નામાસીદ્ યજ્ઞો ઽસુરેષુ વિદદ્વસુસ્ તે દેવાસ્ તરોભિર્ વો વિદદ્વસુમ્ ઇતિ સ્તોમેન યજ્ઞમ્ અસુરાણામ્ આવૃઞ્જત
(પ્બ્ 8.3.4) સ્તોમેન યજ્ઞં ભ્રાતૃવ્યસ્ય વૃઙ્ક્તે ય એવંવ્ વેદ
(પ્બ્ 8.3.5) સાહ્દ્યા વૈ નામ દેવા આસંસ્ તે ઽવચ્છિદ્ય તૃતીયસવનં માધ્યન્દિનેન સવનેન સહ સ્વર્ગંલ્ લોકમ્ આયંસ્ તદ્ દેવાઃ લોકેયેન સમતન્વન્ યત્ કાલેયં ભવતિ તૃતીયસવનસ્ય સંતત્યૈ
(પ્બ્ 8.3.6) વિદદ્વસુ વૈ તૃતીયસવનં યત્ તરોભિર્ વો વિદદ્વસુમ્ ઇતિ પ્રસ્તૌતિ તૃતીયસવનમ્ એવ તદ્ અભ્યતિવદતિ
(પ્બ્ 8.3.7) સર્વાણિ વૈ રૂપાણિ કાલેયં યત્ પદપ્રસ્તાવં તેન રાથન્તરં યદ્ બૃહતો રોહાન્ રોહતિ તેન બાર્હતં યત્ સ્તોભવાન્ પ્રતિહારસ્ તેન બાર્હતં યદ્ દ્રવદિડં તેન રાથન્તરં સર્વેષ્વ્ એવ રૂપેષુ પ્રતિતિષ્ઠતિ
(પ્બ્ 8.4.1) સાધ્યા વૈ નામ દેવા આસંસ્ તે સર્વેણ યજ્ઞેન સહ સ્વર્ગંલ્ લોકમ્ આયંસ્ તે દેવાશીછન્દાંસ્ય્ અબ્રુવન્ સોમમ્ આહરતેતિ તે જગતીં પ્રાહિણ્વન્ સા ત્રીણ્ય્ અક્ષરાણિ હિત્વૈકાક્ષરા ભૂત્વાગચ્છત્ ત્રિષ્ટુભં પ્રાહિણ્વન્ સૈકમ્ અક્ષરં હિત્વા ત્ર્યક્ષરા ભૂત્વાગચ્છદ્ ગાયત્રીં પ્રાહિણ્વંશ્ ચતુરક્ષરાણિ વૈ તર્હિ ચ્છન્દાંસ્ય્ આસન્ સા તાનિ ચાક્ષરાણિ હરન્ત્ય્ આગચ્છદ્ અષ્ટાક્ષરા ભૂત્વા ત્રીણિ ચ સવનાનિ હસ્તાભ્યાં દ્વે સવને દન્તૈર્ દંષ્ટ્વા તૃતીયસવનં તસ્માદ્ દ્વે અંશુમતી સવને ધીતં તૃતીયસવનં દન્તૈર્ હિ તદ્ દંષ્ટ્વા ધયન્ત્ય્ અહરત્ તસ્ય યે હ્રિયમાણસ્યાંશવઃ પરાપતંસ્ તે પૂતીકા અભવન્ યાનિ પુષ્પાણ્ય્ અવાશીયન્ત તાન્ય્ અર્જ્જુનાનિ યત્ પ્રાપ્રોથત્ તે પ્રપ્રોથાસ્ તસ્માત્ તૃતીયસવન આશિરમ્ અવનયન્તિ યમ્ એવ તં ગાવઃ સોમમ્ અદન્તિ તસ્ય તં રસમ્ અવનયન્તિ સસોમત્વાય
(પ્બ્ 8.4.2) તે ત્રિષ્ટુબ્ જગત્યૈ ગાયત્રીમ્ અબ્રૂતામ્ ઉપ ત્વાયાવેતિ સાબ્રવીત્ કિં મે તતઃ સ્યાદ્ ઇતિ યત્ કામયસ ઇત્ય્ અબ્રૂતાં સાબ્વ્રવીન્ મમ સર્વં પ્રાતઃસવનમ્ અહમ્ ઉત્તરે સવને પ્રણયાનીતિ તસ્માદ્ ગાયત્રં પ્રાતઃસવનં ગાયત્ર્ય્ ઉત્તરે સવને પ્રણયતિ
(પ્બ્ 8.4.3) તાન્ ત્રિષ્ટુપ્ ત્રિભિર્ અક્ષરૈર્ ઉપૈત્ સૈકાદશાક્ષરા ભૂત્વા પ્રાજાયત તાં જગત્ય્ એકેનાક્ષરેણોપૈત્ સા દ્વાદશાક્ષરા ભૂત્વા પ્રાજાયત
(પ્બ્ 8.4.4) તસ્માદ્ આહુર્ ગાયત્રી વાવ સર્વાણિ ચ્છન્દાંસિ ગાયત્રી હ્ય્ એતાન્ પોષાન્ પુષ્યન્ત્ય્ ઐદ્ ઇતિ
(પ્બ્ 8.4.5) ઇન્દ્રસ્ તૃતીયસવનાદ્ બીભત્સમાન ઉદક્રામત્ તદ્ દેવાઃ સ્વાદિષ્ઠયેતિ અસ્વદયન્ મદિષ્ઠયેતિ મદ્વદ્ અકુર્વન્ પવસ્વ સોમ ધારયેત્ય્ અપાવયન્ન્ ઇન્દ્રાય પાતવે સુત ઇતિ તતો વૈ તદ્ ઇન્દ્ર ઉપાવર્તત યત્ સ્વાદિષ્ઠયા મદિષ્ઠયેતિ પ્રસ્તૌતિ તૃતીયસવનસ્ય સેન્દ્રત્વાય

(પ્બ્ 8.4.6) સ્વાદિષ્ઠા વૈ દેવેષુ પશવ આસન્ મદિષ્ઠા અસુરેષુ તે દેવાઃ સ્વાદિષ્ઠયા મદિષ્ઠયેતિ પશૂન્ અસુરાણામ્ અવૃઞ્જત
(પ્બ્ 8.4.7) પશૂન્ ભ્રાતૃવ્યસ્ય વૃઙ્ક્તે ય એવંવ્ વેદ
(પ્બ્ 8.4.8) તાસુ સંહિતમ્
(પ્બ્ 8.4.9) સાધ્યા વૈ નામદેવા આસંસ્ તે ઽવચ્છિદ્ય તૃતીયસવનં માધ્યન્દિનેન સવનેન સહ સ્વર્ગંલ્ લોકમ્ આયંસ્ તદ્ દેવાઃ સંહિતેન સમદધુર્ યત્ સમદધુસ્ તસ્માત્ સંહિતમ્
(પ્બ્ 8.4.10) કાલેયં પુરસ્તાદ્ ભવતિ સંહિતમ્ ઉપરિષ્ટાદ્ એતાભ્યાં હિ તૃતીયસવનં સંતાયતે
(પ્બ્ 8.4.11) સર્વાણિ વૈ રૂપાણિ સંહિતં યત્ પદપ્રસ્તાવં તેન રાથન્તરં યદ્ બૃહતો રોહાન્ રોહતિ તેન બાર્હતં યદ્ પદનિધનં તેન રાથન્તરં સર્વેષ્વ્ એવ રૂપેષુ પ્રતિતિષ્ઠતિ
(પ્બ્ 8.5.1) ઉષ્ણિક્કકુભાવ્ એતે ભવતઃ
(પ્બ્ 8.5.2) ઉષ્ણિક્કકુબ્ભ્યાં વા ઇન્દ્રો વૃત્રાય વજ્રં પ્રાહરત્ કકુભિ પરાક્રમતોષ્ણિહા પ્રાહરત્ તસ્માત્ કકુભો મધ્યમં પદં ભૂયિષ્ઠાક્ષરં પરાક્રમણં હિ તદ્ અભિ સમૌહત્ તસ્માદ્ ઉષ્ણિહ ઉત્તમં પદં ભૂયિષ્ઠાક્ષરં પુરો ગુરુર્ ઇવ હિ વજ્રઃ
(પ્બ્ 8.5.3) વજ્રં ભ્રાતૃવ્યાય પ્રહરતિ ય એવંવ્ વેદ
(પ્બ્ 8.5.4) નાસિકે વા એતે યજ્ઞસ્ય યદ્ ઉષ્ણિક્કકુભૌ તસ્માત્ સમાનં છન્દઃ સતી નાના યજ્ઞંવ્ વહતસ્ તસ્માત્ સમાનાયા નાસિકાયાઃ સત્યા નાના પ્રાણાવ્ ઉચ્ચરતઃ
(પ્બ્ 8.5.5) પ્રાણા વા ઉષ્ણિક્કકુભૌ તસ્માત્ તાભ્યાં ન વષટ્ કુર્વન્તિ યદ્ વષટ્ કુર્યુઃ પ્રાણાન્ અગ્નૌ પ્રદધ્યુઃ
(પ્બ્ 8.5.6) તાસુ સફં વિફમ્ ઇવ વૈ તૃતીયસવનં તૃતીયસવનસ્ય સફત્વાયાથૌષ્કલમ્ એતેન વૈ પ્રજાપતિઃ પુષ્કલાન્ પશૂન્ અસૃજત તેષુ રૂપમ્ અદધાદ્ યદ્ એતત્ સામ ભવતિ પશુષ્વ્ એવ રૂપં દધાતિ
(પ્બ્ 8.5.7) પુરોજિતી વો અન્ધસ ઇતિ પદ્યા ચાક્ષર્યા ચ વિરાજૌ ભવતઃ પદ્યયા વૈ દેવાઃ સ્વર્ગંલ્ લોકમ્ આયન્ન્ અક્ષર્યયા ઋષયો નુ પ્રાજાનાન્ યદ્ એતે પદ્યા ચાક્ષર્યા ચ વિરાજૌ ભવતઃ સ્વર્ગસ્ય લોકસ્ય પ્રજ્ઞાત્યૈ
(પ્બ્ 8.5.8) તાસુ શ્યાવાશ્વમ્
(પ્બ્ 8.5.9) શ્યાવાશ્વમ્ આર્વનાનસં સત્ત્રમ્ આસીનં ધન્વોદવહન્ સ એતત્ સામાપશ્યત્ તેન વૃષ્ટિમ્ અસૃજત તતો વૈ સ પ્રત્યતિષ્ઠત્ તતો ગાતુમ્ અવિન્દત ગાતુવિદ્ વા એતત્ સામ
(પ્બ્ 8.5.10) વિન્દતે ગાતું પ્રતિતિષ્ઠત્ય્ એતેન તુષ્ટુવાનઃ
(પ્બ્ 8.5.11) ઇન્દ્રસ્ તૃતીયસવનાદ્ બીભત્સમાન ઉદક્રામત્ તં દેવાઃ શ્યાવાશ્લ્વેનૈહાયિ એહિયેત્ય્ અન્વાહ્વયન્ સ ઉપાવર્તત યદ્ એતત્ સામ ભવતિ તૃતીયસવનસ્ય સેન્દ્રત્વાય
(પ્બ્ 8.5.12) અથૈતદ્ આન્ધીગવમ્ અન્ધીગુર્ વા એતત્ પશુકામઃ સામાપશ્યત્ તેન સહસ્રં પશૂન્ અસૃજત યદ્ એતત્ સામ ભવતિ પશૂનાં પુષ્ટ્યૈ મધ્યે નિધનમ્ ઐડં ભવત્ય્ એતેન વૈ તૃતીયસવનં પ્રતિષ્ઠિતં યન્ મધ્યે નિધનમ્ ઐડં ન સ્યાદ્ અપ્રતિષ્ઠિતં તૃતીયસવનં સ્યાત્
(પ્બ્ 8.5.13) દશાક્ષરં મધ્યતો નિધનમ્ ઉપયન્તિ દશાક્ષરા વિરાડ્ વિરાજ્ય્ એવ પ્રતિતિષ્ઠતિ
(પ્બ્ 8.5.14) અભિ પ્રિયાણિ પવત ઇતિ કાવં પ્રાજાપત્યં સામ
(પ્બ્ 8.5.15) પ્રજા વૈ પ્રિયાણિ પશવઃ પ્રિયાણિ પ્રજાયામ્ એવ પશુષુ પ્રતિતિષ્ત્શુષુ પ્રતિતિષ્ઠતિ
(પ્બ્ 8.5.16) રશ્મી વા એતૌ યજ્ઞસ્ય યદ્ ઔશનકાવે દેવકોશો વા એષ યજ્ઞમ્ અભિસમુબ્જિતો યદ્ એતે અન્તતો ભવતો યજ્ઞસ્યારિષ્ટ્યૈ
(પ્બ્ 8.6.1) દેવા વૈ બ્રહ્મ વ્યભજન્ત તસ્ય યો રસો ઽત્યરિચ્યત તદ્ યજ્ઞાયજ્ઞીયમ્ અભવત્
(પ્બ્ 8.6.2) બ્રહ્મણો વા એષ રસો યદ્ યજ્ઞાયજ્ઞીયં યદ્ યજ્ઞાયજ્ઞીયેન સ્તુવન્તિ બ્રહ્મણ એવ રસે યજ્ઞં પ્રતિષ્ઠાપયતિ
(પ્બ્ 8.6.3) યોનિર્ વૈ યજ્ઞાયજ્ઞીયમ્ એતસ્માદ્ વૈ યોનેઃ પ્રજાપતિર્ યજ્ઞમ્ અસૃજત તસ્માદ્ યજ્ઞાયજ્ઞીયમ્
(પ્બ્ 8.6.4) તસ્માદ્ વા એતેન પુરા બ્રાહ્મણા બહિષ્પવમાનમ્ અસ્તોષત યોનેર્ યજ્ઞં પ્રતનવામહા ઇતિ યજ્ઞં તતઃ સ્તુવન્તિ યોનૌ યજ્ઞં પ્રતિષ્ઠાપયતિ
(પ્બ્ 8.6.5) અસુરેષુ વૈ સર્વો યજ્ઞ આસીત્ તે દેવા યજ્ઞાયજ્ઞીયમ્ અપશ્યંસ્ તેષાં યજ્ઞા-યજ્ઞા વો અગ્નય ઇત્ય્ અગ્નિહોત્રમ્ અવૃઞ્જત ગિરા-ગિરા ચ દક્ષસ ઇતિ દર્શપૂર્ણમાસૌ પ્ર-પ્ર વયમ્ અમૃતં જાતવેદસમ્ ઇતિ ચાતુર્માસ્યાનિ પ્રિયં મિત્રં ન શંસિષમ્ ઇતિ સૌમ્યમ્ અધ્વરમ્
(પ્બ્ 8.6.6) યજ્ઞા વો અગ્નયે ગિરા ચ દક્ષસે પ્ર વયમ્ અમૃતં જાતવેદસં પ્રિયં મિત્રં ન શંસિષમ્ ઇતિ વૈ તર્હિ ચ્છન્દાંસ્ય્ આસંસ્ તે દેવા અભ્યારમ્ભમ્ અભિનિવર્ત્યં ચ્છન્દોભિર્ યજ્ઞમ્ અસુરાણામ્ અવૃઞ્જત
(પ્બ્ 8.6.7) છન્દોભિર્ યજ્ઞં ભ્રાતૃવ્યસ્ય વૃઙ્ક્તે ય એવંવ્ વેદ
(પ્બ્ 8.6.8) એતદ્ ધ સ્મ વા આહ કૂશામ્બઃ સ્વાયવો બ્રહ્મા લાતવ્યઃ કં સ્વિદ્ અદ્ય શિશુમારી યજ્ઞપથે ઽપ્યસ્તા ગરિષ્યતિ
(પ્બ્ 8.6.9) એષા વૈ શિશુમારી યજ્ઞપથે ઽપ્યસ્તા યજ્ઞાયજ્ઞીયં યદ્ ગિરા-ગિરેત્ય્ આહાત્માનં તદ્ ઉદ્ગાતા ગિરતિ
(પ્બ્ 8.6.10) ઐરં કૃત્વોદ્ગેયમ્ ઇરાયાં યજ્ઞં પ્રતિષ્ઠાપયત્ય્ અપ્રમાયુક ઉદ્ગાતા ભવતિ
(પ્બ્ 8.6.11) વૈશ્વાનરે વા એતદ્ ઉદ્ગાતાત્માનં પ્રદધાતિ યત્ પ્ર-પ્ર વયમ્ ઇત્ય્ આહ પ્રપ્રીં વયમ્ ઇતિ વક્તવ્યંવ્ વૈશ્વાનરમ્ એવ પરિક્રામતિ
(પ્બ્ 8.6.12) યો વૈ નિહ્નુવાનં ચ્છન્દ ઉપૈતિ પાપીયાન્ ઉજ્જગિવાન્ ભવત્ય્ એતદ્ વૈ નિહ્નુવાનં ચ્છન્દો યન્ ન શંસિષમ્ ઇતિ નુ શંસિષમ્ ઇતિ વક્તવ્યં સુશંસિષમ્ ઇતિ વા ન નિહ્નુવાનં છન્દ ઉપૈતિ વસીયાન્ ઉજ્જગિવાન્ ભવતિ
(પ્બ્ 8.6.13) યસ્ય વૈ યજ્ઞા વાગન્તા ભવન્તિ વાચશ્ છિદ્રેણ સ્રવન્ત્ય્ એતે વૈ યજ્ઞા વાગન્તા યે યજ્ઞાયજ્ઞીયાન્તા એતદ્ વાચશ્ છિદ્રં યદ્ અનૃતં યદ્ અગ્નિષ્ટોમયાજ્ય્ અનૃતમ્ આહ તદ્ અન્વ્ અસ્ય યજ્ઞઃ સ્રવત્ય્ અક્ષરેણાન્તતઃ પ્રતિષ્ઠાપ્યમ્ અક્ષરેણૈવ યજ્ઞસ્ય ચ્છિદ્રમ્ અપિ દધાતિ
(પ્બ્ 8.6.14) વિરાજો વા એતદ્ રૂપં યદ્ અક્ષરં વિરાજ્ય્ એવાન્તતઃ પ્રતિતિષ્ઠતિ
(પ્બ્ 8.7.1) ઇતો વૈ પ્રાતર્ ઊર્ધ્વાણિ ચ્છન્દાંસિ યુજ્યન્તે ઽમુતો ઽવાઞ્ચિ યજ્ઞાયજ્ઞીયસ્ય સ્તોત્રે યુજ્યન્તે યજ્ઞા વો અગ્નયે ગિરા ચ દક્ષસ ઇતિ દ્વાદશાક્ષરં પ્ર વયમ્ અમૃતં જાતવેદસમ્ ઇત્ય્ એકાદશાક્ષરં પ્રિયં મિત્રંન્ ન શંસિષમ્ ઇત્ય્ અષ્ટાક્ષરમ્
(પ્બ્ 8.7.2) અનુષ્ટુભમ્ ઉત્તમાં સંપાદયતીયં વા અનુષ્ટુબ્ અસ્યામ્ એવ પ્રતિતિષ્ઠતિ
(પ્બ્ 8.7.3) વાગ્ વા અનુષ્ટુબ્ વાચ્ય્ એવ પ્રતિતિષ્ઠતિ જ્યૈષ્ઠ્યં વા અનુષ્ટુબ્ જૈષ્ઠ્ય એવ પ્રતિતિષ્ઠતિ
(પ્બ્ 8.7.4) કથમ્ ઇવ યજ્ઞાયજ્ઞીયં ગેયમ્ ઇત્ય્ આહુર્ યથાનડ્વાન્ પ્રસ્રાવયમાણ ઇત્થમ્ ઇવ ચેત્થમ્ ઇવ ચેતિ

(પ્બ્ 8.7.5) વૈશ્વાનરં વા એતદ્ ઉદ્ગાતાનુ પ્રસીદન્ન્ એતીત્ય્ આહુર્ યદ્ યજ્ઞાયજ્ઞીયસ્યર્ચં સંપ્રત્યાહેતિ પરિક્રામતેવોદ્ગેયંવ્ વૈશ્વાનરમ્ એવ પરિક્રામતિ
(પ્બ્ 8.7.6) વૈશ્વાનરે વા એતદ્ અધ્વર્યુઃ સદસ્યાન્ અભિસૃજતિ યદ્ યજ્ઞાયજ્ઞીયસ્ય સ્તોત્રમ્ ઉપાવર્તયતિ પ્રાવૃતેનોદ્ગેયંવ્ વૈશ્વાનરેણાનભિદાહાય
(પ્બ્ 8.7.7) ન હ તુ વૈ પિતરઃ પ્રાવૃતં જાનન્તિ યજ્ઞાયજ્ઞીયસ્ય વૈ સ્તોત્રે પિતરો યથાયથં જિજ્ઞાસન્ત આકર્ણાભ્યાં પ્રાવૃત્યં તદ્ એવ પ્રાવૃતં તદ્ અપ્રાવૃતં જાનન્તિ પિતરો ન વૈશ્વાનરો હિનસ્તિ
(પ્બ્ 8.7.8) અપઃ પશ્ચાત્ પત્ન્ય ઉપસૃજન્તિ વૈશ્વાનરમ્ એવ તચ્ છમયન્ત્ય્ આપો હિ શાન્તિઃ
(પ્બ્ 8.7.9) અથો રેત એવ તત્ સિઞ્ચન્ત્ય્ આપો હિ રેતઃ
(પ્બ્ 8.7.10) દક્ષિણાન્ ઊરૂન્ અભિષિઞ્ચન્તિ દક્ષિણતો હિ રેતઃ સિચ્યતે
(પ્બ્ 8.7.11) મહદ્ ઇવ પ્રત્યૂહ્યં મન એવાસ્ય તજ્ જનયન્તિ
(પ્બ્ 8.7.12) ઉદ્ગાત્રા પત્નીઃ સંખ્યાપયન્તિ રેતોધેયાય
(પ્બ્ 8.7.13) હિઙ્કારં પ્રતિ સંખ્યાપયન્તિ હિઙ્કૃતાદ્ ધિ રેતો ઽધીયત
(પ્બ્ 8.7.14) આતૃતીયાયાઃ સંખ્યાપયન્તિ ત્રિવદ્ ધિ રેતઃ
(પ્બ્ 8.8.1) દેવા વા અગ્નિષ્ટોમમ્ અભિજિત્યોક્થાનિ નાશક્નુવન્ન્ અભિજેતું તે ઽગ્નિમ્ અબ્રુવંસ્ ત્વયા મુખેનેદં ચયામેતિ સો ઽબ્રવીત્ કિં મે તતઃ સ્યાદ્ ઇતિ યત્ કામયસ ઇત્ય્ અબ્રુવન્ સો ઽબ્રવીન્ મદ્દેવત્યાસૂક્થાનિ પ્રણયાન્ ઇતિ
(પ્બ્ 8.8.2) તસ્માદ્ આગ્નેયીષૂક્થાનિ પ્રણયન્તિ
(પ્બ્ 8.8.3) તસ્માદ્ ઉ ગાયત્રીષુ ગાયત્રચ્છન્દા હ્ય્ અગ્નિઃ
(પ્બ્ 8.8.4) તે ઽગ્નિં મુખં કૃત્વા સાકમ્ અશ્વેનાભ્યક્રામન્ યત્ સાકમ્ અશ્વેનાભ્યક્રામંસ્ તસ્માત્ સાકમશ્વમ્
(પ્બ્ 8.8.5) તસ્માત્ સાકમશ્વેનોક્થાનિ પ્રણયન્ત્ય્ એતેન હિ તાન્ય્ અગ્રે ઽભ્યજયન્
(પ્બ્ 8.8.6) સ ઇન્દ્રો ઽબ્રવીત્ કશ્ ચાહં ચેદમ્ અન્વવૈષ્યાવ ઇત્ય્ અહં ચેતિ વરુણસ્ તંવ્ વરુણો ઽન્વતિષ્ઠદ્ ઇન્દ્ર આહરત્ તસ્માદ્ ઐન્દ્રાવરુણમ્ અનુશસ્યતે
(પ્બ્ 8.8.7) સ એવાબ્રવીત્ કશ્ ચાહં ચેદમ્ અન્વવૈષ્યાવ ઇત્ય્ અહં ચેતિ બૃહસ્પતિસ્ તં બૃહસ્પતિર્ અન્વતિષ્ટદ્ ઇન્દ્ર આહરત્ તસ્માદ્ ઐન્દ્રાબાર્હસ્પત્યમ્ અનુશસ્યતે સ એવાબ્રવીત્ કશ્ ચાહં ચેદમ્ અન્વવૈષ્યાવ ઇત્ય્ અહં ચેતિ વિષ્ણુસ્ તં વિષ્ણુર્ અન્વતિષ્ટદ્ ઇન્દ્ર આહરત્ તસ્માદ્ ઐન્દ્રાવૈષ્ણવમ્ અનુશસ્યતે
(પ્બ્ 8.8.8) પશૂન્ વા એભ્યસ્ તાન્ આહરત્ પશવો વા ઉક્થાનિ પશુકામ ઉક્થેન સ્તુવીત પશુમાન્ ભવતિ
(પ્બ્ 8.8.9) બૃહતા વા ઇન્દ્રો વૃત્રાય વજ્રં પ્રાહરત્ તસ્ય તેજઃ પરાપતત્ તત્ સૌભરમ્ અભવત્
(પ્બ્ 8.8.10) જામિ વા એતદ્ યજ્ઞે ક્રિયત ઇત્ય્ આહુર્ યદ્ રથન્તરં પૃષ્ઠં રથન્તરં સંધિર્ નાન્તરા બૃહતા સ્તુવન્તીતિ યત્ સૌભરેણ સ્તુવન્તિ બૃહતૈવ તદ્ અન્તરા સ્તુવન્તિ બૃહતો હ્ય્ એતત્ તેજો યત્ સૌભરમ્
(પ્બ્ 8.8.11) યદિ બૃહત્ સામાતિરાત્રઃ સ્યાત્ સૌભરમ્ ઉક્થાનાં બ્રહ્મ સામ કાર્યં બૃહદ્ એવ તત્ તેજસા સમર્ધયતિ
(પ્બ્ 8.8.12) યદિ રથન્તરસામ્ના સૌભરં કુર્યાદ્ અજામિતાયૈ
(પ્બ્ 8.8.13) દેવાનાં વૈ સ્વર્ગંલ્ લોકં +યતાં દિશો ઽવ્લીયન્ત તાઃ સૌભરેણો ઇત્ય્ ઉદસ્તંભુવંસ્ તતો વૈ તા અદૃંહન્ત તતઃ પ્રત્યતિષ્ઠંસ્ તતઃ સ્વર્ગંલ્ લોકં પ્રાજાનન્ યઃ સ્વર્ગકામઃ સ્યાદ્ યઃ પ્રતિષ્ઠાકામઃ સૌભરેણ સ્તુવીત પ્ર સ્વર્ગંલ્ લોકં જાનાતિ પ્રતિત્ષ્ઠતિ
(પ્બ્ 8.8.14) પ્રજાપતિઃ પ્રજા અસૃજત તાઃ સૃષ્ટા આશનાયંસ્ તાભ્યઃ સૌભરેણોર્ગ્ ઇત્ય્ અન્નં પ્રાયચ્છત્ તતો વૈ તાઃ સમૈધન્ત
(પ્બ્ 8.8.15) સમેધન્તે તાં સમાં પ્રજા યત્રૈવંવ્ વિદ્વાન્ સૌભરેણોદ્ગાયતિ
(પ્બ્ 8.8.16) તા અબ્રુવન્ સુભૃતં નો ઽભાર્ષીર્ ઇતિ તસ્માત્ સૌભરમ્
(પ્બ્ 8.8.17) વૃષ્ટિં વા અભ્યસ્તાં પ્રાયચ્છદ્ અન્નમ્ એવ
(પ્બ્ 8.8.18) યો વૃષ્ટિકામઃ સ્યાદ્ યો ઽન્નાદ્યકામો યઃ સ્વર્ગકામઃ સૌભરેણ સ્તુવીત
(પ્બ્ 8.8.19) હીષિતિ વૃષ્ટિકામાય નિધનં કુર્યાદ્ ઊર્ગ્ ઇત્ય્ અન્નાદ્યકામાયો ઇતિ સ્વર્ગકામાય
(પ્બ્ 8.8.20) સર્વે વૈ કામાઃ સૌભરં સર્વેષ્વ્ એવ કામેષુ પ્રતિતિષ્ઠતિ
(પ્બ્ 8.8.21) અથૈતન્ નાર્મેધમ્
(પ્બ્ 8.8.22) નૃમેધસમ્ આઙ્ગિરસં સત્ત્રમ્ આસીનં શ્વભિર્ અભ્યાહ્વયન્ સો ઽગ્નિમ્ ઉપાધાવત્ પાહિ નો અગ્ન એકયેતિ તંવ્ વૈશ્વાનરઃ પર્યુદતિષ્ઠત્ તતો વૈ સ પ્રત્યતિષ્ઠત્ તતો ગાતુમ્ અવિન્દત
(પ્બ્ 8.8.23) ગાતુવિદ્ વા એતત્ સામ વિન્દતે ગાતું પ્રતિતિષ્ઠત્ય્ એતેન તુષ્ટુવાનઃ
(પ્બ્ 8.8.24) નૈવ હ્ય્ એતદ્ અહ્નો રૂપં ન રાત્રેર્ યદ્ ઉક્થાનામ્
(પ્બ્ 8.8.25) કકુપ્ પ્રથમાથોષ્ણિગ્ અથ પુરૌષ્ણિગ્ અનુષ્ટુપ્ તેનાનુષ્ટુભો નયન્ત્ય્ અચ્છાવાકસામ્નઃ
(પ્બ્ 8.9.1) હારિવર્ણં ભવતિ
(પ્બ્ 8.9.2) અસુરા વા એષુ લોકેષ્વ્ આસંસ્ તાન્ દેવા હરિશ્રિયમ્ ઇત્ય્ અસ્માલ્ લોકાત્ પ્રાણુદન્ત વિરાજસીત્ય્ અન્તરિક્ષાદ્ દિવો-દિવ ઇત્ય્ અમુષ્માત્
(પ્બ્ 8.9.3) તદ્ ય એવં વેદૈભ્યો લોકેભ્યો ભ્રાતૃવ્યં પ્રણુદ્યેમાંલ્ લોકાન્ અભ્યારોહતિ
(પ્બ્ 8.9.4) હરિવર્ણો વા એતત્ પશુકામઃ સામાપશ્યત્ તેન સહસ્રં પશૂન્ અસૃજત યદ્ એતત્ સામ ભવતિ પશૂનાં પુષ્ટૈઃ
(પ્બ્ 8.9.5) અઙ્ગિરસઃ સ્વર્ગંલ્ લોકં યતો રક્ષાંસ્ય્ અન્વસચન્ત તાન્ય્ એતેન હરિવર્ણો ઽપાહન્ત યદ્ એતત્ સામ ભવતિ રક્ષસામ્ અપહત્યૈ

(પ્બ્ 8.9.6) પૃષ્ઠાનિ વા અસૃજ્યન્ત તેષાં યત્ તેજો રસો ઽત્યરિચ્યત તદ્ દેવાઃ સમભરંસ્ તદ્ ઉદ્વંશીયમ્ અભવત્
(પ્બ્ 8.9.7) સર્વેષાં વા એતત્ પૃષ્ઠાનાં તેજો યદ્ ઉદ્વંશીયં તસ્માદ્ વા એતત્ પુરા સજાતાય નાક્રન્ પાપવસીયસો વિધૃત્યૈ
(પ્બ્ 8.9.8) એષ હ્ય્ એવ પૃષ્ઠૈસ્ તુષ્ટુવાનો ય ઉદ્વંશીયેન સ્તુવતે
(પ્બ્ 8.9.9) સર્વાણિ વૈ રૂપાણ્ય્ ઉદ્વંશીયમ્
(પ્બ્ 8.9.10) ગાયન્તિ ત્વા ગાયત્રિણ એતિ રથન્તરસ્ય રૂપમ્ એતિ હિ રથન્તરમ્
(પ્બ્ 8.9.11) આદિર્ બૃહત ઊર્ધ્વમ્ ઇવ હિ બૃહત્
(પ્બ્ 8.9.12) પરિષ્ટોભો વૈરૂપસ્ય પરિષ્ટુભં હિ વૈરૂપમ્
(પ્બ્ 8.9.13) અનુતોદો વૈરાજસ્યાનુતુન્નં હિ વૈરાજમ્
(પ્બ્ 8.9.14) અર્ધેડા શક્વરીણામ્ અતિસ્વારો રેવતીનામ્
(પ્બ્ 8.9.15) અર્ધેડયા વૈ દેવા અસુરાન્ અવહત્યાતિસ્વારેણ સ્વર્ગંલ્ લોકમ્ આરોહન્
(પ્બ્ 8.9.16) તદ્ ય એવંવ્ વેદાર્ધેડયૈવ ભ્રાતૃવ્યમ્ અવહત્યાતિસ્વારેણ સ્વર્ગંલ્ લોકમ્ આરોહતિ
(પ્બ્ 8.9.17) અર્ધેડયા વૈ પૂર્વં યજ્ઞં સંસ્થાપયન્ત્ય્ અતિસ્વારેણોત્ત્રમ્ આરભન્તે
(પ્બ્ 8.9.18) ઉપૈનમ્ ઉત્તરો યજ્ઞો નમતિ ય એવંવ્ વેદ
(પ્બ્ 8.9.19) પાઙ્ક્તં વા એતત્ સામ પાઙ્ક્તો યજ્ઞઃ પાઙ્ક્તાઃ પશવો યજ્ઞ એવ પશુષુ પ્રતિતિષ્ઠતિ
(પ્બ્ 8.9.20) આષ્ટાદંષ્ટ્રે ઋદ્ધિકામાય કુર્યાત્
(પ્બ્ 8.9.21) અષ્ટાદંષ્ટ્રો વૈરૂપો ઽપુત્રો ઽપ્રજા અજીર્યત્ સ ઇમાંલ્ લોકાન્ વિચિચ્છિદ્વાં અમન્યત સ એતે જરસિ સામની અપશ્યત્ તયોર્ અપ્રયોગાદ્ અબિભેત્ સો ઽબ્રવીદ્ ઋધ્નવદ્ યોભે સામભ્યાં સ્તવતા ઇતિ
(પ્બ્ 8.9.22) ઋષેર્ વા એતત્ પ્રાશોદ્ભૂતં યદ્ અષ્ટાદંષ્ટ્રે ભવત ઋધ્યા એવ
(પ્બ્ 8.10.1) ગાયત્રીષુ બ્રહ્મવર્ચસકામાયોક્થાનિ પ્રણયેયુર્ ગાયત્ર્યાં બ્રહ્મસામાનુષ્ટુભ્ય્ અચ્છાવાકસામ સૈષા ગાયત્રી સંપદ્યતે
(પ્બ્ 8.10.2) તેજો બ્રહ્મવર્ચસં ગાયત્રી તેજ એવ બ્રહ્મવર્ચસમ્ અવરુન્ધે
(પ્બ્ 8.10.3) ગાયત્રીષુ પશુકામાયોક્થાનિ પ્રણયેયુર્ ઉષ્ણિહિ બ્રહ્મસામાનુષ્ટુભ્ય્ અચ્છાવાકસામ સૈષોષ્ણિક્ સંપદ્યતે
(પ્બ્ 8.10.4) પશવો વા ઉષ્ણિક્ પશૂન્ એવાવરુન્ધે
(પ્બ્ 8.10.5) ગાયત્રીષુ પુરુષકામાયોક્થાનિ પ્રણયેયુઃ કકુભિ બ્રહ્મસામાનુષ્ટુભ્ય્ અચ્છાવાકસામ સૈષા કકુપ્ સંપદ્યતે
(પ્બ્ 8.10.6) પુરુષો વૈ કકુપ્ પુરુષાન્ એવાવરુન્ધે
(પ્બ્ 8.10.7) વિરાટ્સ્વ્ અન્નાદ્યકામાયોક્થાનિ પ્રણયેયુર્ ઉષ્ણિહિ બ્રહ્મસામાનુષ્ટુભ્ય્ અચ્છાવાકસામ સૈષા વિરાટ્ સંપદ્યતે
(પ્બ્ 8.10.8) અન્નં વિરાડ્ અન્નાદ્યમ્ એવાવરુન્ધે
(પ્બ્ 8.10.9) અક્ષરપઙ્ક્તિષુ જ્યૈષ્ઠ્યકામાયોક્થાનિ પ્રણયેયુર્ ઉષ્ણિહિ બ્રહ્મસામાનુષ્ટુભ્ય્ અચ્છાવાકસામ સૈષાનુષ્ટુપ્ સંપદ્યતે
(પ્બ્ 8.10.10) જ્યૈષ્ઠ્યં વા અનુષ્ટુબ્ જ્યૈષ્ઠ્યમ્ અવાવરુન્ધે
(પ્બ્ 9.1.1) દેવા વા ઉક્થાન્ય્ અભિજિત્ય રાત્રિં નાશક્નુવન્ન્ અભિજેતું તે ઽસુરાન્ રાત્રિં તમઃ પ્રવિષ્ટાં નાનુવ્યપશ્યંસ્ ત એતમ્ અનુષ્ટુપ્શિરસં પ્રગાથ્મ્ અપશ્યન્ વિરાજં જ્યોતિઃ તાન્ વિરાજા જ્યોતિષાનુપશ્યન્તો ઽનુષ્ટુભા વજ્રેણ રાત્રેર્ નિરાઘ્નન્
(પ્બ્ 9.1.2) યદ્ એષો ઽનુષ્ટુપ્શિરાઃ પ્રગાથો ભવતિ વિરાડ્ એવ જ્યોતિષાનુપશ્યન્ન્ અનુષ્ટુભા વજ્રેણ રાત્રેર્ ભ્રાતૃવ્યં નિર્હન્તિ
(પ્બ્ 9.1.3) તાન્ સમન્તં પર્યાયં પ્રાણુદન્ત યત્ પર્યાયં પ્રાણુદન્ત તત્ પર્યાયાણાં પર્યાયત્વમ્
(પ્બ્ 9.1.4) પ્રથમાનિ પદાનિ પુનરાદીનિ ભવન્તિ પ્રથમસ્ય પર્યાયસ્ય
(પ્બ્ 9.1.5) પ્રથમૈર્ હિ પદૈઃ પુનર્ આદાય પ્રથમરાત્રાત્ પ્રાણુદન્ત
(પ્બ્ 9.1.6) પાન્તમ્ આ વો અન્ધસ ઇતિ પ્રસ્તૌતિ
(પ્બ્ 9.1.7) અહર્ વૈ પાન્તમ્ અન્ધો રાત્રિર્ અહ્નૈવ તદ્ રાત્રિમ્ આરભન્તે
(પ્બ્ 9.1.8) તાસુ વૈતહવ્યમ્
(પ્બ્ 9.1.9) વીતહવ્યઃ શ્રાયસો જ્યોગ્ નિરુદ્ધ એતત્ સામાપશ્યત્ સો ઽવગચ્છત્ પ્રત્યતિષ્ઠદ્ અવગચ્છતિ પ્રતિતિષ્ઠત્ય્ એતેન તુષ્ટુવાનઃ
(પ્બ્ 9.1.10) તમ્ ઇવ વા એતે પ્રવિશન્તિયે રાત્રિમ્ ઉપયન્તિ યદ્ એકો નિધનં રાત્રેર્ મુખે ભવતિ પ્રજ્ઞાત્યૈ
(પ્બ્ 9.1.11) યદા વૈ પુરુષઃ સ્વમ્ ઓક આગચ્છતિ સર્વં તર્હિ પ્રજાનાતિ સર્વમ્ અસ્મૈ દિવા ભવતિ
(પ્બ્ 9.1.12) તે મધ્યમં પર્યાયમ્ અશ્રયન્ત તેષામ્ ઔર્ધ્વસદ્મનેન વાચમ્ અવૃઞ્જત
(પ્બ્ 9.1.13) વાચં ભ્રાતૃવ્યસ્ય વૃઙ્ક્તે ય એવંવ્ વેદ

(પ્બ્ 9.1.14) ત્રિણિધનં ભવતિ
(પ્બ્ 9.1.15) યથા વા અહ્નો માધ્યન્દિનં સવનં ત્રિણિધનાયતનમ્ એવમ્ એષ રાત્રેર્ મધ્યમઃ પર્યાયસ્ ત્રિણિધનાયતનઃ સલોકત્વાય
(પ્બ્ 9.1.16) મધ્યમાનિ પદાનિ પુનરાદીનિ ભવન્તિ મધ્યમસ્ય પર્યાયસ્ય મધ્યમૈર્ હિ પદૈઃ પુનર્ આદાયં મધ્યમરાત્રાત્ પ્રાણુદન્ત
(પ્બ્ 9.1.17) ત ઉત્તમં પર્યાયમ્ અશ્રયન્ત તેષાં ઘૃતશ્ચ્યુન્ નિધનેન પશૂન્ અવૃઞ્જત પશવો વૈ ઘૃતશ્ચ્યુતઃ
(પ્બ્ 9.1.18) પશૂન્ ભ્રાતૃવ્યસ્ય વૃઙ્ક્તે ય એવંવ્ વેદ
(પ્બ્ 9.1.19) ઉત્તમાનિ પદાનિ પુનરાદીનિ ભવન્ત્ય્ ઉત્તમસ્ય પર્યાયસ્યોત્તમૈર્ હિ પદૈઃપુનર્ આદાયમ્ ઉત્તમરાત્રાત્ પ્રાણુદન્ત
(પ્બ્ 9.1.20) તાન્ સન્ધિનાભિપલાયન્ત
(પ્બ્ 9.1.21) તાન્ આશ્વિનેનાસંહાય્યમ્ અગમયન્
(પ્બ્ 9.1.22) અસંહાય્યં ભ્રાતૃવ્યં ગમયતિ ય એવંવ્ વેદ
(પ્બ્ 9.1.23) એષા વા અગ્નિષ્ટોમસ્ય સંમા યદ્ રાત્રિઃ
(પ્બ્ 9.1.24) દ્વાદશ સ્તોત્રાણ્ય્ અગ્નિષ્ટોમો દ્વાદશ સ્ત્રોત્રાણિ રાત્રિઃ
(પ્બ્ 9.1.25) એષા વા ઉક્થસ્ય સંમા યદ્ રાત્રિઃ
(પ્બ્ 9.1.26) ત્રીણ્ય્ ઉક્થાનિ ત્રિદેવત્યઃ સન્ધિઃ
(પ્બ્ 9.1.27) યથા વા અહ્ન ઉક્થાન્ય્ એવમ્ એષ રાત્રેઃ સન્ધિર્ નાનારૂપાણ્ય્ અહ્ન ઉક્થાનિ નાનારૂપા એતે તૃચા ભવન્તિ
(પ્બ્ 9.1.28) રથન્તરં પ્રતિષ્ઠાકામાય સન્ધિં કુર્યાત્
(પ્બ્ 9.1.29) ઇયં વૈ રથન્તરમ્ અસ્યામ્ એવ પ્રતિતિષ્ઠતિ
(પ્બ્ 9.1.30) બૃહત્ સ્વર્ગકામાય સન્ધિં કુર્યાત્
(પ્બ્ 9.1.31) સ્વર્ગો લોકો બૃહત્ સ્વર્ગ એવ લોકે પ્રતિતિષ્ઠતિ
(પ્બ્ 9.1.32) વારવન્તીયં વા વામદેવ્યં વા શ્રુદ્ધ્યં વૈ તેષામ્ એકં પશુકામાય સન્ધિં કુર્યાત્
(પ્બ્ 9.1.33) પશવો વા એતાનિ સામાનિ પશુષ્વ્ એવ પ્રતિતિષ્ઠતિ
(પ્બ્ 9.1.34) આશ્વિનં હોતાનુશંસતિ
(પ્બ્ 9.1.35) પ્રજાપતિર્ વા એતત્ સહસ્રમ્ અસૃજત તદ્ દેવેભ્યઃ પ્રાયચ્છત્ તસ્મિન્ ન સમરાધયંસ્ તે સૂર્યં કાષ્ઠાં કૃત્વાજિમ્ અધાવન્
(પ્બ્ 9.1.36) તેષામ્ અશ્વિનૌ પ્રથમાવ્ અધાવતાં તાવ્ અન્વવદન્ સહ નો ઽસ્ત્વ્ ઇતિ તાવ્ અબ્રૂતાં કિં તતઃ સ્યાદ્ ઇતિ યત્ કામયેથે ઇત્ય્ અબ્રુવંસ્ તાવ્ અબ્રૂતામ્ અસ્મદ્દેવત્યમ્ ઇદમ્ ઉક્થમ્ ઉચ્યાતા ઇતિ તસ્માદ્ આશ્વિનમ્ ઉચ્યતે
(પ્બ્ 9.1.37) સર્વાઃ ખલુ દેવતાઃ શસ્યન્તે
(પ્બ્ 9.1.38) ક્ષિપ્રં શસ્યમ્ આજિમ્ ઇવ હ્ય્ એતે ધાવન્ત્ય્ આ સૂર્યસ્યોદેતોઃ શંસેત્ સૂર્યં હિ કાષ્ઠામ્ અકુર્વત
(પ્બ્ 9.2.1) પાન્તમ્ આ વો અન્ધસ ઇતિ વૈતહવ્યમ્ અન્યક્ષેત્રંવા એતે પ્રયન્તિ યે રાત્રિમ્ ઉપયન્તિ યદ્ ઓકોનિધનં રાત્રેર્ મુખે ભવત્ય્ ઓકસો ઽપ્રચ્યાવાય
(પ્બ્ 9.2.2) પ્ર વ ઇન્દ્રાય માદનમ્ ઇતિ ગૌરીવિતમ્
(પ્બ્ 9.2.3) બ્રહ્મ યદ્ દેવા વ્યકુર્વત તતો યદ્ અત્યરિચ્યત તદ્ ગૌરીવિતમ્ અભવત્
(પ્બ્ 9.2.4) અતિરિક્તં ગૌરીવિતમ્ અતિરિક્તમ્ એતત્ સ્તોત્રં યદ્ રાત્રિર્ અતિરિક્ત એવાતિરિક્તં દધાતિ
(પ્બ્ 9.2.5) વયમ્ ઉ ત્વા તદ્ ઇદ્ અર્થા ઇતિ કાણ્વમ્
(પ્બ્ 9.2.6) એતેન વૈ કણ્વ ઇન્દ્રસ્ય સાંવિદ્યમ્ અગચ્છદ્ ઇન્દ્રસ્યૈવૈતેન સાંવિદ્યં ગચ્છતિ
(પ્બ્ 9.2.7) ઇન્દ્રાય મદ્વને સુતમ્ ઇતિ શ્રૌતકક્ષં ક્ષત્રસામ પ્ર ક્ષત્રમ્ એવૈતેન ભવતિ
(પ્બ્ 9.2.8) અયં ત ઇન્દ્ર સોમ ઇતિ દૈવોદાસમ્
(પ્બ્ 9.2.9) અગ્નિષ્ટોમેન વૈ દેવા ઇમંલ્ લોકમ્ અભ્યજયન્ન્ અન્તરિક્ષમ્ ઉક્થેનાતિરાત્રેણામું. ત ઇમંલ્ લોકં પુનર્ અભ્યકામયન્ત ત ઇહેત્ય્ અસ્મિંલ્ લોકે પ્રત્યતિષ્ઠન્ યદ્ એતત્ સામ ભવતિ પ્રતિષ્ઠિત્યૈ
(પ્બ્ 9.2.10) ઊર્ધ્વસદ્મનમ્ અપિ શર્વરીષુ પ્રોહન્તિ
(પ્બ્ 9.2.11) અસુરા વા એષુ લોકેષ્વ્ આસંસ્ તાન્ દેવા ઊર્ધ્વસદ્મનેનૈભ્યો લોકેભ્યઃ પ્રાણુદન્ત
(પ્બ્ 9.2.12) તદ્ ય એવંવ્ વેદૈભ્યો લોકેભ્યો ભ્રાતૃવ્યં પ્રણુદ્ય સ્વ આયતને સત્ત્રમ્ આસ્તે
(પ્બ્ 9.2.13) આ તૂ ન ઇન્દ્ર ક્ષુમન્તમ્ ઇત્ય્ આકૂપારમ્
(પ્બ્ 9.2.14) અકૂપારાઙ્ગિરસસ્યાસીત્ તસ્યા યથા ગોધાયાસ્ ત્વગ્ એવ ત્વગ્ આસીત્ તામ્ એતેન ત્રિઃસામ્નેન્દ્રઃ પૂત્વા સૂર્યત્વચસમ્ અકરોત્ તદ્ વાવ સા તર્હ્ય્ અકામયત યત્કામા એતેન સામ્ના સ્તુવતે સ એભ્યઃ કામઃ સમૃધ્યતે
(પ્બ્ 9.2.15) અભિ ત્વા વૃષભા સુતં ઇત્ય્ આર્ષભં ક્ષત્રસામ ક્ષત્રમ્ એવૈતેન ભવતિ

(પ્બ્ 9.2.16) ઇદંવ્ વસો સુતમ્ અન્ધ ઇતિ ગારમ્ એતેન વૈ ગર ઇન્દ્રમ્ અપ્રીણાત્ પ્રીત એવાસ્યૈતેનેન્દ્રો ભવતિ
(પ્બ્ 9.2.17) ઇદં હ્ય્ અન્વ્ ઓજસેતિ માધુચ્છન્દસં પ્રજાપતેર્ વા એષા તનૂર્ અયાતયામ્ની પ્રયુજ્યતે
(પ્બ્ 9.2.18) આ ત્વ્ એતા નિષીદતેતિ દૈવાતિથમ્
(પ્બ્ 9.2.19) દેવાતિથિઃ સપુત્રો ઽશનાયંશ્ ચરન્ન્ અરણ્ય ઉર્વારૂણ્ય્ અવિન્દત્ તાન્ય્ એતેન સામ્નોપાસીદત્ તા અસ્મૈ ગાવઃ પૃશ્નયો ભૂત્વોદતિષ્ઠન્ યદ્ એતત્ સામ્ અ ભવતિ પશૂનાં પુષ્ટ્યૈ
(પ્બ્ 9.2.20) યોગે-યોગે તવસ્તરમ્ ઇતિ સૌમેધં રાત્રિષામ રાત્રેર્ એવ સમૃધ્યૈ
(પ્બ્ 9.2.21) ઇન્દ્ર સુતેષુ સોમેષ્વ્ ઇતિ કૌત્સમ્
(પ્બ્ 9.2.22) કુત્સશ્ ચ લુશશ્ ચેન્દ્રં વ્યહ્વયેતાં સ ઇન્દ્રઃ કુત્સમ્ ઉપાવર્તત તં શતેન વાર્ધ્રીભિર્ આણ્ડયોર્ અબધ્નાત્ તં લુશો ઽભ્યવદત્ પ્રમુચ્યસ્વ પરિ કુત્સાદ્ ઇહાગહિ કિમ્ ઉ ત્વાવાન્ આણ્ડયોર્ બદ્ધ આસાતા ઇતિ તાસ્ સંચ્છિદ્ય પ્રાદ્રવત્ સ એતત્ કુત્સઃ સામાપશ્યત્ તેનૈનમ્ અન્વવદત્ સ ઉપાવર્તત
(પ્બ્ 9.2.23) યદ્ એતત્ સામ ભવતિ સેન્દ્રત્વાય
(પ્બ્ 9.3.1) યદિ સત્ત્રાય દીક્ષેરન્ન્ અથ સામ્ય્ ઉત્તિષ્ઠેત્ સોમમ્ અપભજ્ય વિશ્વજિતાતિરાત્રેણ યજેત સર્વવેદસેન સર્વસ્મા એવ દીક્ષતે સર્વમ્ આપ્નોતિ
(પ્બ્ 9.3.2) યા ઇદ્ દક્ષિણા દદાતિ તાભિર્ ઇતિ પ્રયુઙ્ક્તે
(પ્બ્ 9.3.3) યદિ પર્યાયૈર્ અસ્તુતમ્ અભિવ્યુચ્છેત્ પન્ચદશભિર્ હોત્રે સ્તુયુઃ પઞ્ચભિઃ-પઞ્ચભિર્ ઇતરેભ્યઃ
(પ્બ્ 9.3.4) અગ્ને વિવસ્વદ્ ઉષસ ઇતિ સન્ધિના સ્તુયુઃ પ્રાણા વૈ ત્રિવૃત્ સ્તોમાનાં પ્રતિષ્ઠા રથન્તરં સામ્નાં પ્રાણાંસ્ ચૈવોપયન્તિ પ્રતિષ્ઠાં ચ
(પ્બ્ 9.3.5) ષષ્ટિં ચ ત્રીણિ ચ શતાનિ હોતા શંસતિ
(પ્બ્ 9.3.6) તાવત્યઃ સંવત્સરસ્ય રાત્રયઃ સંવત્સરસંમિતાભિર્ એવ તદ્ ઋગ્ભિર્ આશીવિનમ્ આપ્નોતિ
(પ્બ્ 9.3.7) યદ્ અર્વાક્ સ્તુવન્તિ તદ્ અસ્તુતં યત્ સમ્પ્રતિ સ્તુવન્તિ તત્ સ્તુતં યદ્ અતિષ્ટુવન્તિ તત્ સુષ્ટુતમ્
(પ્બ્ 9.3.8) યદ્ય્ અર્વાક્ સ્તુયુર્ યાવતીભિર્ ન સ્તુયુસ્ તાવતીભિર્ વાતિષ્ટુયુર્ ભૂયો ઽક્ષરાભિર્ વા
(પ્બ્ 9.3.9) યદ્ય્ અતિષ્ટુયુર્ યાવતીભિર્ અતિષ્ટુયુસ્ તાવતીભિર્ વા ન સ્તુયુઃ કનીયો ઽક્ષરાભિર્ વા
(પ્બ્ 9.3.10) યદ્ય્ અર્વાક્ સ્તુયુસ્ ત્રીડમ્ અગ્નિષ્ટોમસામ કાર્યં નિધનમ્ એકેડયા યે દ્વે તાભ્યામ્ એવ તત્ સમં ક્રિયતે
(પ્બ્ 9.3.11) યદ્ય્ અતિષ્ટુયુઃ સ્વારમ્ અગ્નિષ્ટોમસામ કાર્યમ્ ઊનમ્ ઇવ વા એતત્ સામ્નો યત્ સ્વરસ્ તેનૈવ તત્ સમં ક્રિયતે
(પ્બ્ 9.4.1) યદિ સોમૌ સંસુતૌ સ્યાતાં મહતિ રાત્રેઃ પ્રાતરનુવાકમ્ ઉપાકુર્યાત્
(પ્બ્ 9.4.2) પૂર્વો વાચં પૂર્વશ્ છન્દાંસિ પૂર્વો દેવતા વૃઙ્ક્તે
(પ્બ્ 9.4.3) વૃષણ્વતીં પ્રતિપદં કુર્યાદ્ ઇન્દ્રો વૈ વૃષા પ્રાતઃસવનાદ્ એવૈષામ્ ઇન્દ્રંવ્ વૃઙ્ક્તે
(પ્બ્ 9.4.4) અથો ખલ્વ્ આહુઃ સવનમુખે-સવનમુખે કાર્યા સવનમુખાત્-સવનમુખાદ્ એવૈષામ્ ઇન્દ્રંવ્ વૃઙ્ક્તે
(પ્બ્ 9.4.5) સુસમિદ્ધે હોતવ્યમ્ અગ્નિર્ વૈ સર્વા દેવતાઃ સર્વા એવ દેવતાઃ પશ્યઞ્ જુહોતિ
(પ્બ્ 9.4.6) સંવેશાયોપવેશાય ગાયત્ર્યૈ ચ્છન્દસે ઽભિભૂતયે સ્વાહા સંવેશાયોપવેશાય ત્રિષ્ટુભે ચ્છન્દસે ઽભિભૂતયે સ્વાહા સંવેશાયોપવેશાય જગત્યૈ ચ્છન્દસે ઽભિભૂતયે સ્વાહેતિ જુહોતિ
(પ્બ્ 9.4.7) ચ્છન્દાંસિ વા અભિભૂતયસ્ તૈર્ એવૈનાન્ અભિભવત્ય્ ઉભે બૃહદ્રથન્તરે કાર્યે
(પ્બ્ 9.4.8) યત્ર વા ઇન્દ્રસ્ય હરી તદ્ ઇન્દ્રઃ. ઇન્દ્રસ્ય વૈ હરી બૃહદ્રથન્તરે યદ્ ઉભે બૃહદ્રથન્તરે ભવતઃ પૂર્વ એવેન્દ્રસ્ય હરી આરભન્તે
(પ્બ્ 9.4.9) તૈર્ અશ્રવસે કાર્યે
(પ્બ્ 9.4.10) તુરશ્રવસશ્ ચ વૈ પારાવતાનાં ચ સોમૌ સંસુતાવ્ આસ્તાં તત એતે તુરશ્રવાઃ સામની અપશ્યત્ તાભ્યામ્ અસ્મા ઇન્દ્રઃ શલ્મલિનાં યમુનાયા હવ્યં નિરાવહત્ યત્ તૈર્ અશ્રવસે ભવતો હવ્યમ્ એવૈષાંવ્ વૃઙ્ક્તે
(પ્બ્ 9.4.11) પૂર્વે ઽભિષુણુયુઃ
(પ્બ્ 9.4.12) યા વૈ પૂર્વાઃ પ્રસ્નાન્તિ તાઃ પૂર્વાસ્ તીર્થં જયન્તિ પૂર્વ એવેન્દ્રમ્ આરભન્તે
(પ્બ્ 9.4.13) વિહવ્યં શસ્યમ્
(પ્બ્ 9.4.14) જમદગ્નેશ્ ચ વા ઋષીણાં ચ સોમૌ સંસુતાવ્ આસ્તાં તત એતજ્ ગમદગ્નિર્ વિહવ્યમ્ અપશ્યત્ તમ્ ઇન્દ્ર ઉપાવર્તત યદ્ વિહવ્યં હોતા શંસતીન્દ્રમ્ એવૈષાંવ્ વૃઙ્ક્તે
(પ્બ્ 9.4.15) યદીતરો ઽગ્નિષ્ટોમઃ સ્યાદ્ ઉક્થઃ કાર્યો યદ્ય્ ઉક્થો ઽતિરાત્રો યો વૈ ભૂયાન્ યજ્ઞક્રતુઃ સ ઇન્દ્રસ્ય પ્રિયો ભૂયસૈવૈષાં યજ્નક્રતુનેન્દ્રંવ્ વૃઙ્ક્તે
(પ્બ્ 9.4.16) અથો ખલ્વ્ આહુર્ દુષ્પ્રાપ ઇવ વૈ પરઃ પન્થા યમ્ એવાગ્રે યજ્ઞક્રતુમ્ આરભેત તસ્માન્ નેયાદ્ ઇતિ
(પ્બ્ 9.4.17) સજનીયં શસ્યમ્ અગસ્ત્યસ્ય કયાશુભીયં શસ્યમ્
(પ્બ્ 9.4.18) અસ્યા અમુષ્યા અદ્યશ્વાન્ મિથુનાદ્ અહોરાત્રાભ્યામ્ એવૈનાન્ નિર્ભજતિ
(પ્બ્ 9.5.1) યદિ સોમમ્ અક્રીતમ્ અપહરેયુર્ અન્યઃ ક્રેતવ્યઃ
(પ્બ્ 9.5.2) યદિ ક્રીતં યો ઽન્યો ઽભ્યાશં સ્યાત્ સ આહૃત્યઃ સોમવિક્રયણે તુ કિં ચિદ્ દદ્યાત્
(પ્બ્ 9.5.3) યદિ સોમં ન વિન્દેયુઃ પૂતીકાન્ અભિષુણુયુર્ યદિ ન પૂતીકાન્ અર્જ્જુનાનિ

(પ્બ્ 9.5.4) ગાયત્રી સોમમ્ આહરત્ તસ્યા અનુ વિસૃજ્ય સોમરક્ષિઃ પર્ણમ્ અચ્છિનત્ તસ્ય યો ઽંશુઃ પરાપતત્ સ પૂતીકો ઽભવત્ તસ્મિન્ દેવા ઊતિમ્ અવિન્દન્ન્ ઊતીકો વા એષ યત્ પૂતીકાન્ અભિષુણ્વન્ત્ય્ ઊતિમ્ એવાસ્મૈ વિન્દન્તિ
(પ્બ્ 9.5.5) પ્રતિધુક્ ચ પ્રાતઃ પૂતીકાશ્ ચ શૃતં ચ મધ્યન્દિને પૂતીકાશ્ ચ દધિ ચાપરાહ્ણે પૂતીકાશ્ ચ
(પ્બ્ 9.5.6) સોમપીથો વા એતસ્માદ્ અપક્રામતીત્ય્ આહુર્ યસ્ય સોમમ્ અપહરન્તીતિ સ ઓષધીશ્ ચ પશૂંશ્ ચ પ્રવિશતિ તમ્ ઓષધિભ્યશ્ ચ પશુભ્યશ્ ચાવરુન્ધે
(પ્બ્ 9.5.7) ઇન્દ્રો વૃત્રમ્ અહંસ્ તસ્ય યો નસ્તઃ સોમઃ સમધાવત્ તાનિ બભ્રુતૂલાન્ય્ અર્જુનાનિ યો વપાયા ઉત્ખિન્નાયાસ્ તાનિ લોહિતતૂલાનિ યાનિ બભ્રુતૂલાન્ય્ અર્જુનાનિ તાન્ય્ અભિષુણુયાદ્ એતદ્ વૈ બ્રહ્મણો રૂપં સાક્ષાદ્ એવ સોમમ્ અભિષુણોતિ
(પ્બ્ 9.5.8) શ્રાયન્તીયં બ્રહ્મસામ કાર્યં સદ્ એવૈનં કરોતિ
(પ્બ્ 9.5.9) યજ્ઞાયજ્ઞીયમ્ અનુષ્ટુભિ પ્રોહેદ્ વાચૈવૈનં સમર્ધયતિ વારવન્તીયમ્ અગ્નિષ્ટોમસામ કાર્યમ્ ઇન્દ્રિયસ્ય વીર્યસ્ય પરિગૃહીત્યૈ
(પ્બ્ 9.5.10) પઞ્ચ દક્ષિણા દેયાઃ
(પ્બ્ 9.5.11) પાઙ્ક્તો યજ્ઞો યાવાન્ યજ્ઞસ્ તમ્ એવારભતે
(પ્બ્ 9.5.12) અવભૃથાદ્ ઉદેત્ય પુનર્ દીક્ષેત
(પ્બ્ 9.5.13) તત્ર તદ્ દદ્યાદ્ યદ્ દાસ્યં સ્યાત્
(પ્બ્ 9.6.1) યદિ કલશો દીર્યેત વષટ્કારણિધનં બ્રહ્મસામ કુર્યાત્
(પ્બ્ 9.6.2) અવષટ્કૃતો વા એતસ્ય સોમઃ પરાસિચ્યતે યસ્ય કલશો દીર્યતે યદ્ વષટ્કારણીધનં બ્રહ્મસામ ભવતિ વષટ્કૃત એવાસ્ય સોમો ભવતિ
(પ્બ્ 9.6.3) વિધું દદ્રાણં સમને બહૂનામ્ ઇત્ય્ એતાસુ કાર્યમ્
(પ્બ્ 9.6.4) એષ હિ બહૂનાં સમને દીર્યતે યત્ કલશઃ
(પ્બ્ 9.6.5) તદ્ આહુર્ ન વા આર્ત્યાર્તિર્ અનૂદ્યાર્ત્યા વા એષ આર્તિમ્ અનુવદતિ યઃ કલશો દીર્ણે દદ્રાણવતીષુ કરોતીતિ
(પ્બ્ 9.6.6) શ્રાયન્તીયમ્ એવ કાર્યમ્
(પ્બ્ 9.6.7) પ્રજાપતિઃ પ્રજા અસૃજત સ દુગ્ધો રિરિચાનો ઽમન્યત સ એતચ્ છ્રાયન્તીયમ્ અપશ્યત્ તેનાત્માનં સમશ્રીણાત્ પ્રજયા પશુભિર્ ઇન્દ્રિયેણ
(પ્બ્ 9.6.8) દુગ્ધ ઇવ એષ રિરિચાનો યસ્ય કલશો દીર્યતે યચ્ છ્રાયન્તીયં બ્રહ્મસામ ભવતિ પુનર્ એવાત્માનં સંશ્રીણાતિ પ્રજયા પશુભિર્ ઇન્દ્રિયેણ
(પ્બ્ 9.6.9) યદિ શ્રાયન્તીયં બ્રહ્મસામ સ્યાદ્ વૈષ્ણવીષ્વ્ અનુષ્ટુપ્સુ વષટ્કારણિધનં કુર્યાત્
(પ્બ્ 9.6.10) યદ્ વૈ યજ્ઞસ્ય સ્રવતિ વાચં પ્રતિસ્રવતિ વાગ્ અનુષ્ટુપ્ યજ્ઞો વિષ્ણુર્ વાચૈવ યજ્ઞસ્ય ચ્છિદ્રમ્ અપિદધાતિ
(પ્બ્ 9.6.11) યદ્ વૈ યજ્ઞસ્ય સ્રવત્ય્ અન્તતઃ સ્રવતિ વારવન્તીયમ્ અગ્નિષ્ટોમસામ કાર્યં યજ્ઞસ્યૈવ ચ્છિદ્રં વારયતે
(પ્બ્ 9.7.1) યદિ પ્રાતસ્સવનાત્ સોમો ઽતિરિચ્યેત અસ્તિ સોમો અયં સુત ઇતિ મરુત્વતીષુ ગાયત્રેષુ સ્તુયુઃ
(પ્બ્ 9.7.2) માધ્યન્દિનં વા એષ સવનં નિકામયમાનો ઽભ્યતિરિચ્યતે યઃ પ્રાતસ્સવનાદ્ અતિરિચ્યતે તસ્માન્ મરુત્વતીષુ સ્તુવન્તિ મરુત્વદ્ ધિ માધ્યન્દિનં સવનં તસ્માદ્ ઉ ગાયત્રીષુ ગાયત્રં હિ પ્રાતસ્સવનમ્
(પ્બ્ 9.7.3) યસ્માત્ સ્તોમાદ્ અતિરિચ્યતે સ એવ સ્તોમઃ કાર્યઃ સલોમત્વાય
(પ્બ્ 9.7.4) ઐન્દ્રાવૈષ્ણવં હોતાનુશંસતિ
(પ્બ્ 9.7.5) વીર્યં વા ઇન્દ્રો યજ્ઞો વિષ્ણુર્ વીર્ય એવ યજ્ઞે પ્રતિતિષ્ઠતિ
(પ્બ્ 9.7.6) યદિ માધ્યન્દિનાત્ સવનાદ્ અતિરિચ્યેત બણ્ મહાં અસિ સૂર્યેત્ય્ આદિત્યવતીષુ ગૌરીવિતેન સ્તુયુઃ
(પ્બ્ 9.7.7) તૃતીયસવનં વા એષ નિકામયમાનો ઽભ્યતિરિચ્યતે યો માધ્યન્દિનાત્ સવનાદ્ અતિરિચ્યતે તસ્માદ્ આદિત્યવતીષુ સ્તુવન્ત્ય્ આદિત્યં હિ તૃતીયસવનં તસ્માદ્ ઉ બૃહતીષુ બાર્હતં હિ માધ્યન્દિનં સવનમ્
(પ્બ્ 9.7.8) યસ્માત્ સ્તોમાદ્ અતિરિચ્યેત સ એવ સ્તોમઃ કાર્યઃ સલોમત્વાયૈન્દ્રાવૈષ્ણવં હોતાનુશંસતિ વીર્યં વા ઇન્દ્રો યજ્ઞો વિષ્ણુર્ વીર્ય એવ યજ્ઞે પ્રતિતિષ્ઠતિ
(પ્બ્ 9.7.9) યદિ તૃતીયસવનાદ્ અતિરિચ્યેત વિષ્ણોઃ શિપિવિષ્ટવતીષુ ગૌરીવિતેન સ્તુયુઃ
(પ્બ્ 9.7.10) યજ્ઞો વૈ વિષ્ણુશ્ શિપિવિષ્ટો યજ્ઞ એવ વિષ્ણૌ પ્રતિતિષ્ઠત્ય્ અતિરિક્તં ગૌરીવિતમ્ અતિરિક્ત એવાતિરિક્તં દધાતિ
(પ્બ્ 9.7.11) એતદ્ અન્યત્ કુર્યુર્ ઉક્થાનિ પ્રણયેયુર્ ઉક્થાનિ વા એષ નિકામયમાનો ઽભ્યતિરિચ્યતે યો ઽગ્નિષ્ટોમાદ્ અતિરિચ્યતે યદ્ય્ ઉક્થ્યેભ્યો ઽતિરિચ્યેતાતિરાત્રઃ કાર્યો રાત્રિં વા એષ નિકામયમાનો ઽભ્યતિરિચ્યતે ય ઉક્થ્યેભ્યો ઽતિરિચ્યતે યદિ રાત્રેર્ અતિરિચ્યેત વિષ્ણોઃ શિપિવિષ્ટવતીષુ બૃહતા સ્તુયુર્ એષુ તુ વા અતિરિચ્યત ઇત્ય્ આહુર્ યો રાત્રેર્ અતિરિચ્યત ઇતિ
(પ્બ્ 9.7.12) અમું વા એષ લોકં નિકામયમાનો ઽભ્યતિરિચ્યતે યો રાત્રેર્ અતિરિચ્યતે બૃહતા સ્તુવન્તિ બૃહદ્ અમું લોકમ્ આપ્તુમ્ અર્હતિ તમ્ એવાપ્નોતિ
(પ્બ્ 9.8.1) યદિ દીક્ષિતાનાં પ્રમીયતે દગ્ધ્વાસ્થીન્ય્ ઉપનહ્ય યો નેદિષ્ઠી સ્યાત્ તં દીક્ષયિત્વા સહ યજેરન્
(પ્બ્ 9.8.2) એતદ્ અન્યત્ કુર્યુર્ અભિષુત્યાન્યત્ સોમમ્ અગૃહીત્વા ગ્રહાન્ યાસૌ દક્ષિણા સ્રક્તિસ્ તદ્ વા સ્તુયુર્ માર્જાલીયે વા
(પ્બ્ 9.8.3) અપિ વા એતસ્ય યજ્ઞે યો દીક્ષિતઃ પ્રમીયતે તમ્ એતેન નિરવદયન્તે
(પ્બ્ 9.8.4) યામેન સ્તુવન્તિ યમલોકમ્ એવૈનં ગમયન્તિ
(પ્બ્ 9.8.5) તિસૃભિઃ સ્તુવન્તિ તૃતીયે હિ લોકે પિતરઃ
(પ્બ્ 9.8.6) પરાચીભિઃ સ્તુવન્તિ પરાઙ્ હીતો ઽસૌ લોકઃ
(પ્બ્ 9.8.7) સર્પરાજ્ઞ્યા ઋગ્ભિઃ સ્તુવન્તિ

(પ્બ્ 9.8.8) અર્બુદઃ સર્પ એતાભિર્ મૃતાં ત્વચમ્ અપાહત મૃતામ્ એવૈતાભિસ્ ત્વચમ્ અપઘ્નતે
(પ્બ્ 9.8.9) તા ઋચો ઽનુબ્રુવન્તસ્ ત્રિર્ માર્જાલીયં પરિયન્તિ સવ્યાન્ ઊરૂન્ આઘ્નાનાઃ
(પ્બ્ 9.8.10) સ્તુતમ્ અનુશંસત્ય્ અમુષ્મિન્ન્ એવૈનં લોકે નિધ્નુવન્તિ
(પ્બ્ 9.8.11) યન્તિ વા એતે પથ ઇત્ય્ આહુર્ યે મૃતાય કુર્વન્તીત્ય્ ઐન્દ્રવાયવાગ્રાન્ ગ્રહાન્ ગૃહ્ણતે પુનઃ પન્થાનમ્ અપિયન્તિ
(પ્બ્ 9.8.12) અગ્ન આયૂંષિ પવસ ઇતિ પ્રતિપત્કાર્યા ય એવ જીવન્તિ તેષ્વ્ આયુર્ દધાતિ
(પ્બ્ 9.8.13) સંવત્સરે ઽસ્થીનિ યાજયેયુઃ સંવ્વત્સરો વૈ સર્વસ્ય શાન્તિર્ યત્ પુરા સંવ્વત્સરાદ્ યાજયેયુર્ વાચમ્ અરુષ્કૃતાં ક્રૂરામ્ ઋચ્છેયુઃ
(પ્બ્ 9.8.14) વૃતઃ પવમાનાઃ સ્યુઃ સપ્તદશમ્ ઇતરત્ સર્વમ્
(પ્બ્ 9.8.15) યત્ ત્રિવૃતઃ પવમાના ભવન્તિ પ્રાણા વૈ ત્રિવૃત્ પ્રાણાન્ એવોપયન્તિ યત્ સપ્તદશમ્ ઇતરત્ સર્વં પ્રજાપતિર્ વૈ સપ્તદશઃ પ્રજતિમ્ એવોપયન્તિ
(પ્બ્ 9.8.16) પ્રાણાપાનૈર્ વા એતે વ્યૃધ્યન્ત ઇત્ય્ આહુર્ યે મૃતાય કુર્વન્તીતિ મૈત્રાવરુણાગ્રાન્ ગ્રહાન્ ગૃહ્ણતે પ્રાણાપાનૌ મિત્રાવરુણૌ પ્રાણાપાનૈર્ એવ સમૃધ્યન્તે
(પ્બ્ 9.9.1) યસ્ય કલશ ઉપદસ્યતિ કલશમ્ એવાસ્યોપદસ્યન્તં પ્રાણો ઽનૂપદસ્યતિ પ્રાણો હિ સોમઃ
(પ્બ્ 9.9.2) તદ્ આહુઃ પયો ઽવનયેદ્ ઇતિ
(પ્બ્ 9.9.3) અથો ખલ્વ્ આહુર્ અન્તર્હિતમ્ ઇવ વા એતદ્ યત્ પયો હિરણ્યમ્ એવાપોઽભ્યવનયેદ્ ધિરણ્યમ્ અભ્યુન્નયેદ્ ઇતિ
(પ્બ્ 9.9.4) પ્રાણા વા આપો ઽમૃતં હિરણ્યમ્ અમૃત એવાસ્ય પ્રાણાન્ દધાતિ સ સર્વમ્ આયુર્ એતિ
(પ્બ્ 9.9.5) યસ્ય નારાશંસ ઉપવાયતિ નારાશંસમ્ એવાસ્યોપ+વાયન્તં પ્રાણો ઽનૂપદસ્યતિ પ્રાણો હિ સોમઃ
(પ્બ્ 9.9.6) યમ્ અધ્વર્યુર્ અન્તતો ગ્રહં ગૃહ્ણીયાત્ તસ્યાપ્તુમ્ અવનયેત્
(પ્બ્ 9.9.7) પ્રાયશ્ચિત્યૈ વૈ ગ્રહો ગૃહ્યતે પ્રાયશ્ચિત્યેવાસ્મૈ પ્રાયશ્ચિત્તિં કરોતિ
(પ્બ્ 9.9.8) યદિ પીતાપીતૌ સોમૌ સંગચ્છેયાતામ્ અન્તઃ પરિધ્યઙ્ગારાન્ નિર્વર્ત્ય જુહુયાત્ હુતસ્ય ચાહુતસ્ય ચાહુતસ્ય હુતસ્ય ચ । પીતાપીતસ્ય સોમસ્યેન્દ્રાગ્ની પિબતં સુતં સ્વાહેતિ સૈવ તસ્ય પ્રાયશ્ચિત્તિઃ
(પ્બ્ 9.9.9) પ્રજાપતયે સ્વાહેત્ય્ અભક્ષણીયસ્ય જુહુયાદ્ ઉત્તરાર્ધ્યપૂર્વાર્ધ્ય ઉપરવઃ
(પ્બ્ 9.9.10) ઇન્દુર્ ઇન્દુમ્ અવાગાદ્ ઇત્ય્ અવવૃષ્ટસ્ય ભક્ષયેત્
(પ્બ્ 9.9.11) તસ્ય ત ઇન્દ્રવ્ ઇન્દ્રપીતસ્યેન્દ્રિયાવતસ્ સર્વગણસ્ય સર્વગણ ઉપહૂત ઉપહૂતસ્ય ભક્ષયામિ
(પ્બ્ 9.9.12) હિરણ્યગર્ભઃ સમવર્તતાગ્ર ઇત્ય્ આજ્યેનાભ્યુપાકૃતસ્ય જુહુયાદ્ અગ્નીધ્રં પરેત્ય ભૂતાનાં જાતઃ પતિર્ એક આસીત્ સ દાધાર પૃથિવીં દ્યામ્ ઉતેમાં તસ્મૈ ત ઇન્દો હવિષા વિધેમ સ્વાહેતિ સૈવ તસ્ય પ્રાયશ્ચિત્તિઃ
(પ્બ્ 9.9.13) યદિ ગ્રાવાપિ શીર્યતે પશુભિર્ યજમાનો વ્યૃધ્યતે પશવો વૈ ગ્રાવાણો દ્યુતાનસ્ય મારુતસ્ય સામ્ના સ્તુયુઃ
(પ્બ્ 9.9.14) મારુતા વૈ ગ્રાવાણઃ સ્વેનૈવૈનાંસ્ તદ્ રૂપેણ સમર્ધયતિ
(પ્બ્ 9.9.15) યદિ સોમમ્ અભિદહેદ્ ગ્રહાન્ અધ્વર્યુઃ સ્પાશયેત સ્તોત્રાણ્ય્ ઉદ્ગાતા શસ્ત્રાણિ હોતાથ યથાપૂર્વં યજ્ઞેન ચરેયુઃ પઞ્ચ દક્ષિણા દેયાઃ પાઙ્ક્તો યજ્ઞો યાવાન્ યજ્ઞસ્ તમ્ આરભતે ઽવભૃથાદ્ ઉદેત્ય પુનર્ દીક્ષતે તત્ર તદ્ દદ્યાદ્ યદ્ દાસ્યં સ્યાત્ પુરા દ્વાદશ્યા દીક્ષેત યદ્ દ્વાદશીમ્ અતિનયેદ્ અન્તર્ધીયેત
(પ્બ્ 9.10.1) યદિ મહાવીરો ભિદ્યેત તં ભિન્નમ્ અભિમૃશેદ્ ય ઋતે ચિદ્ અભિશ્રિષઃ પુરા જત્રુભ્ય આતૃદઃ । સંધાતા સંધિં મઘવા પુરૂવસુર્ નિષ્કર્તા વિહ્રુતં પુનઃ મા ભેમ નિષ્ટ્યા ઇવેન્દ્ર ત્વદ્ અરણા ઇવ । વનાનિ ન પ્રજહિતાન્ય્ અદ્રિવો દુરોષાસો અમન્મહિ । અમન્મહીદ્ અનાશવો ઽનુગ્રાભશ્ ચ વૃત્રહન્ । સકૃત્ સુતે મહતા શૂર રાધસાનુ સ્તોમં મદેમહીતિ મહાવીરં ભિન્નમ્ અભિમૃશેત્ સૈવ તસ્ય પ્રાયશ્ચિત્તિઃ
(પ્બ્ 9.10.2) અસુર્યં વા એતસ્માદ્ વર્ણં કૃત્વા તેજ ઇન્દ્રિયં વીર્યમ્ અન્નાદ્યં પ્રજાઃ પશવો ઽપક્રામન્તિ યસ્ય યૂપો વિરોહતિ સ ઈશ્વરઃ પાપીયાન્ ભવિતોઃ
(પ્બ્ 9.10.3) ત્વાષ્ટ્રં પશું બહુરૂપમ્ આલભેત ત્વષ્ટા વૈ પશૂનાં રૂપાણાં વિકર્તા તમ્ એવ તદ્ ઉપધાવતિ સ એનં તેજસેઇન્દ્રિયેણ વીર્યેણાન્નાદ્યેન પ્રજયા પશુભિઃ પુનસ્ સમર્ધયતિ સૈવ તસ્ય પ્રાયશ્ચિત્તિઃ
(પ્બ્ 10.1.1) અગ્નિના પૃથિવ્યૌષધિભિસ્ તેનાયં લોકસ્ ત્રિવૃદ્ વાયુનાન્તરિક્ષેણ વયોભિસ્ તેનૈષ લોકાસ્ ત્રિવૃદ્ યો ઽયમ્ અન્તર્ આદિત્યેન દિવા નક્ષત્રૈસ્ તેનાસૌ લોકસ્ ત્રિવૃદ્ એતદ્ એવ ત્રિવૃત આયતનમ્ એષાસ્ય બન્ધુતા
(પ્બ્ 10.1.2) આયતનવાન્ બન્ધુમાન્ ભવતિ ય એવંવ્ વેદ
(પ્બ્ 10.1.3) તમ્ ઉ પ્રતિષ્ઠેત્યાહુસ્ ત્રિવૃદ્ ધ્ય્ એવૈષુ લોકેષુ પ્રતિષ્ઠિતઃ
(પ્બ્ 10.1.4) અર્ધમાસ એવ પઞ્ચદશસ્યાયતનમ્ એષાસ્ય બન્ધુતા
(પ્બ્ 10.1.5) આયતનવાન્ બન્ધુમાન્ ભવતિ ય એવંવ્ વેદ
(પ્બ્ 10.1.6) તં ચૌજો બલમ્ ઇત્ય્ આહુર્ અર્ધમાસશો હિ પ્રજાઃ પશવ ઓજો બલં પુષ્યન્તિ
(પ્બ્ 10.1.7) સંવત્સર એવ સપ્તદશસ્યાયતનં દ્વાદશ માસાઃ પઞ્ચદર્તવ એતદ્ એવ સપ્તદશસ્યાયતનમ્ એષાસ્ય બન્ધુતા
(પ્બ્ 10.1.8) આયતનવાન્ બન્ધુમાન્ ભવતિ ય એવંવ્ વેદ
(પ્બ્ 10.1.9) તમ્ ઉ પ્રજાપતિર્ ઇત્ય્ આહુઃ સંવત્સરં હિ પ્રજાઃ પશવો ઽનુપ્રજાયન્તે
(પ્બ્ 10.1.10) આદિત્ય એવૈકવિંસસ્યાયતનં દ્વાદશ માસાઃ પઞ્ચવર્તસ્ ત્રય ઇમે લોકા અસાવ્ આદિત્ય એકવિંશ એતદ્ એવૈકવિંશસ્યાયતનમ્ એષાસ્ય બન્ધુતા
(પ્બ્ 10.1.11) આયતનવાન્ બન્ધુમાન્ ભવતિ ય એવંવ્ વેદ
(પ્બ્ 10.1.12) તમ્ ઉ દેવતલ્પ ઇત્ય્ આહુઃ પ્ર દેવતલ્પમ્ આપ્નોતિ ય એવંવ્ વેદ
(પ્બ્ 10.1.13) ત્રિવૃદ્ એવ ત્રિણવસ્યાયતનમ્ એષાસ્ય બન્ધુતા

(પ્બ્ 10.1.14) આયતનવાન્ બન્ધુમાન્ ભવતિ ય એવંવ્ વેદ
(પ્બ્ 10.1.15) તમ્ ઉ પુષ્ટિર્ ઇત્ય્ આહુસ્ ત્રિવૃદ્ ધ્ય્ એવૈષ પુષ્ટઃ
(પ્બ્ 10.1.16) દેવતા એવ ત્રયસ્ત્રિંશસ્યાયતનં ત્રયસ્ત્રિંશદ્ દેવતાઃ પ્રજાપતિશ્ ચતુસ્ત્રિંશ એતદ્ એવ ત્રયસ્ત્રિંશસ્યાયતનમ્ એષાસ્ય બન્ધુતા
(પ્બ્ 10.1.17) આયતનવાન્ બન્ધુમાન્ ભવતિ ય એવંવ્ વેદ
(પ્બ્ 10.1.18) તમ્ ઉ નાક ઇત્ય્ આહુર્ ન હિ પ્રજાપતિઃ કસ્મૈ ચનાકમ્
(પ્બ્ 10.1.19) છન્દાંસ્ય્ એવ છન્દોમાનામ્ આયતનમ્ એષૈષાં બન્ધુતા
(પ્બ્ 10.1.20) આયતનવાન્ બન્ધુમાન્ ભવતિ ય એવંવ્ વેદ
(પ્બ્ 10.1.21) તાન્ ઉ પુષ્ટિર્ ઇત્ય્ આહુઃ પશવો હિ છન્દોમાઃ
(પ્બ્ 10.2.1) પ્રજાપતિઃ પ્રજા અસૃજત સો ઽતામ્યત્ તસ્મૈ વાજ્ જ્યોતિર્ ઉદગૃહ્ણાત્ સો ઽબ્રવીત્ કો મે ઽયં જ્યોતિર્ ઉદગૃહ્ણાદ્ ઇતિ સ્વૈવ તે વાગ્ ઇત્ય્ અબ્રવીત્ તામ્ અબ્રવીદ્ વિરાજં ત્વા ચ્છન્દસાં જ્યોતિષ્કૃત્વા યજાન્તા ઇતિ
(પ્બ્ 10.2.2) તસ્માદ્ યો વિરાજં સ્તોમં સંપદ્યતે તં જ્યોતિષ્ટોમો ઽગ્નિષ્ટોમ ઇત્ય્ આચક્ષતે વિરાડ્ ઢિ છન્દસાં જ્યોતિઃ
(પ્બ્ 10.2.3) જ્યોતિઃ સમાનાનાં ભવતિ ય એવંવ્ વેદ
(પ્બ્ 10.2.4) અનુષ્ટુપ્ ચ વૈ સપ્તદશશ્ ચ સમભવતાં સાનુષ્ટુપ્ ચતુરુત્તરાણિ છન્દાંસ્ય્ અસૃજત ષડુત્તરાન્ સ્તોમાન્ સપ્તદશસ્ તાવ્ એતાન્ મધ્યતઃ પ્રાજનયતામ્
(પ્બ્ 10.2.5) ત્રિવૃચ્ ચ ત્રિણવશ્ ચ રાથન્તરૌ તાવ્ અજશ્ ચાશ્વશ્ ચાન્વસૃજ્યેતાં તસ્માત્ તૌ રાથન્તરં પ્રાચીનં પ્રધૂનુતઃ
(પ્બ્ 10.2.6) પઞ્ચદશશ્ ચૈકવિંશશ્ ચ બાર્હતૌ તૌ ગૌશ્ ચાવિશ્ ચાન્વસૃજ્યેતાં તસ્માત્ તૌ બાર્હતં પ્રાચીનં ભાસ્કુરુતઃ
(પ્બ્ 10.2.7) એવં વૈ વિદ્વાંસમ્ આહુર્ અપિ ગ્રામ્યાણાં પશૂનાં વાચ આજાનાતિ
(પ્બ્ 10.3.1) પ્રજાપતિર્ અકામયત બહુ સ્યાં પ્રજાયેયેતિ સ આત્મન્ન્ ઋત્વ્યમ્ અપશ્યત્ તત ઋત્વિજો ઽસૃજત યદ્ ઋત્વ્યાદ્ અસૃજત તદ્ ઋત્વિજામ્ ઋત્વિક્ત્વં તૈર્ એતં દ્વાદશાહમ્ ઉપાસીદત્ સો ઽરાધ્નોત્
(પ્બ્ 10.3.2) પિતા નો ઽરાત્સીદ્ ઇતિ માસા ઉપાસીદંસ્ તે દીક્ષયૈવારાધ્નુવન્ન્ ઉપસત્સુ ત્રયોદશમ્ અદીક્ષયન્ સો ઽ નુવ્યમ્ અભવત્ તસ્માદ્ ઉપસત્સુ દિદીક્ષાણો ઽનુવ્યં ભવત્ય્ એવ ચ હિ ત્રયોદશં માસં ચક્ષતે નૈવ ચ
(પ્બ્ 10.3.3) એકો દીક્ષેતૈકો હિ પ્રજાપતિર્ અરાધ્નોદ્ દ્વાદશ દીક્ષેરન્ દ્વાદશ હિ માસા અરાધ્નુવંશ્ ચતુર્વિંશતિર્ દીક્ષેરંશ્ ચતુર્વિંશતિર્ હ્ય્ અર્ધમાસા અરાધ્નુવન્
(પ્બ્ 10.3.4) યદિ પઞ્ચદશો દીક્ષેતેમે પઞ્ચેમે પઞ્ચેમે પઞ્ચેમે પઞ્ચેમે ચત્વારો ઽસાવ્ એક ઇતિ નિર્દિશેયુર્ યસ્મા અરાદ્ધિકામાઃ સ્યુસ્ તમ્ એવારાદ્ધિર્ અન્વેતિ સર્વ ઇતરે રાધ્નુવન્તિ
(પ્બ્ 10.3.5) યો વૈ દેવાનાં ગૃહપતિં વેદાશ્નુતે ગાર્હપતં પ્ર ગાર્હપતમ્ આપ્નોતિ
(પ્બ્ 10.3.6) સંવત્સરો વૈ દેવાનાં ગૃહપતિઃ સ એવ પ્રજાપતિસ્ તસ્ય માસા એવ સહ દીક્ષિણઃ
(પ્બ્ 10.3.7) વિન્દતે સહ દીક્ષિણો ઽશ્નુતે ગાર્હપત્યં પ્ર ગાર્હપત્યં આપ્નોતિ ય એવંવ્ વેદ ।
(પ્બ્ 10.3.8) યો વૈ છન્દસાં સ્વરાજં વેદાશ્નુતે સ્વારાજ્યં પ્ર સ્વારાજ્યં આપ્નોતિ બૃહતી વાવ છન્દસાં સ્વરાડ્ અશ્નુતે સ્વારાજ્યં પ્ર સ્વારાજ્યં આપ્નોતિ ય એવંવ્ વેદ
(પ્બ્ 10.3.9) તામ્ એતામ્ અન્નાદ્યાય વ્યાવૃજ્યાસતે યદ્ એતં દ્વાદશાહં દ્વાદશ દીક્ષા સ્વાદશોપસદો દ્વાદશ પ્રસુતઃ ષટ્રિંશદ્ એતા રાત્રયો ભવન્તિ ષટ્ત્રિંશદક્ષરા બૃહતી
(પ્બ્ 10.3.10) જાયતે વાવ દીક્ષયા પુનીત ઉપસદ્ભિર્ દેવલોકમ્ એવ સુત્યયાપ્યેતિ
(પ્બ્ 10.3.11) એતાવદ્ વાવ સંવત્સર ઇન્દ્રિયં વીર્યં યદ્ એતા રાત્રયો દ્વાદશ પૂઋનમાસ્યો દ્વાદશૈકષ્ટકા દ્વાદશામાવાસ્યા યાવદ્ એવ સંવત્સર ઇન્દ્રિયં વીર્યં તદ્ એતેનાપ્ત્વાવરુન્ધે દ્વાદશાહેન
(પ્બ્ 10.3.12) ત્રિંશદક્ષરા વા એષા વિરાડ્ ષડ્ ઋતવ ઋતુષ્વ્ એવ વિરાજા પ્રતિતિષ્ઠત્ય્ ઋતુભિર્ વિરાજિ
(પ્બ્ 10.3.13) દ્વાત્રિંશદક્ષરા વા એષાનુષ્ટુબ્ વાગ્ અનુષ્ટુપ્ ચતુષ્પાદઃ પશવો વાચા પશૂન્ દાધાર તસ્માદ્ વાચા સિદ્ધા વાચાહૂતા આયન્તિ તસ્માદ્ ઉ નામ જાનતે
(પ્બ્ 10.4.1) ભૂતં પૂર્વો ઽતિરાત્રો ભવિષ્યદ્ ઉત્તરઃ પૃથિવી પૂર્વો ઽતિરાત્રો દ્યૌર્ ઉત્તરો ઽગ્નિઃ પૂર્વો ઽતિરાત્ર આદિત્ય ઉત્તરઃ પ્રાણઃ પૂર્વો ઽતિરાત્ર ઉદાન ઉત્તરઃ
(પ્બ્ 10.4.2) ચક્ષુષી અતિરાત્રૌ કનીનિકે અગ્નિષ્ટોમૌ યસ્માદ્ અન્તરા અગ્નિષ્ટોમાવ્ અતિરાત્રાભ્યાં તસ્માદ્ અન્તરે સત્યૌ કનીનિકે ભુઙ્ક્તઃ
(પ્બ્ 10.4.3) સંવત્સરસ્ય વા એતૌ દંષ્ટ્રૌ યદ્ અતિરાત્રૌ તયોર્ ન સ્વપ્તવ્યં સંવત્સરસ્ય દંષ્ટ્રયોર્ આત્માનં નેદ્ અપિદધાનીતિ
(પ્બ્ 10.4.4) તદ્ આહુઃ કો ઽસ્વપ્તુમ્ અર્હતિ યદ્ વાવ પ્રાણો +જાગાર તદ્ એવ જાગરિતમ્ ઇતિ
(પ્બ્ 10.4.5) ગાયત્રીં વા એતાં જ્યોતિઃપક્ષામ્ આસતે યદ્ એતં દ્વાદશાહમ્ અષ્ટૌ મધ્ય ઉક્થા અગ્નિષ્ટોમાવ્ અભિતો માસા સ્વર્ગ્ં લોકમ્ એત્યાજરસં બ્રહ્માદ્યમ્ અન્નમ્ અત્તિ દીપ્યમાનઃ
(પ્બ્ 10.4.6) ત્રિષ્પુરસ્તાદ્ રથન્તરં ઉપયન્તિ ત્ર્યાવૃદ્ વૈ વાક્ સર્વામ્ એવ વાચમ્ અવરુધ્ય સર્વમ્ અન્નાદ્યં દ્વાદશાહં તન્વતે
(પ્બ્ 10.4.7) જામિ વા એતદ્ યજ્ઞે ક્રિયત ઇત્ય્ આહુર્ યત્ ત્રિષ્પુરસ્તાદ્ રથન્તરમ્ ઉપયન્તીતિ સૌભરમ્ ઉક્થાનાં બ્રહ્મસામ ભવતિ તેનૈવ તદ્ અજામિ
(પ્બ્ 10.4.8) પ્રત્નવત્યઃ પ્રાયણીયસ્યાહ્નઃ પ્રતિપદો ભવન્તિ તેનો એવ તદ્ અજામિ
(પ્બ્ 10.4.9) ત્રિર્ વેવોપરિષ્ટાદ્ રથન્તરમ્ ઉપયન્તિ ત્રાવૃદ્ વૈ વાક્ સર્વામ્ એવ વાચમ્ અવરુધ્ય સર્વમ્ અન્નાદ્યં દ્વાદશાહાદ્ ઉત્તિષ્ઠન્તિ
(પ્બ્ 10.5.1) ત્રયો વા એતે ત્રિરાત્રા યદ્ એષ દ્વાદશાહો ગાય્ત્રમુખઃ પ્રથમો ગાયત્રમધ્યો દ્વિતીયો ગાયત્રોત્તમસ્ તૃતીયઃ
(પ્બ્ 10.5.2) યસ્માદ્ ગાયત્રમુખઃ પ્રથમસ્ તસ્માદ્ ઊર્ધ્વો ઽગ્નિર્ દીદાય યસ્માદ્ ગાયત્રમધ્યો દ્વિતીયસ્ તસ્માત્ તિર્યઙ્ વાયુઃ પવતે
(પ્બ્ 10.5.3)

(પ્બ્ 10.5.4)
(પ્બ્ 10.5.5) તેજસા વા એતે પ્રયન્તિ તેજો મધ્યે દધતિ તેજો ઽભ્યુદ્યન્તિ જ્યોતિષા વા એતે પ્રયન્તિ જ્યોતિર્ મધ્યે દધતિ જ્યોતિર્ અભ્યુદ્યન્તિ ચક્ષુષા વા એતે પ્રયન્તિ ચક્ષુર્ મધ્યે દધતિ ચક્ષુર્ અભ્યુદ્યન્તિ પ્રાણેન વા એતે પ્રયન્તિ પ્રાણં મધ્યે દધતિ પ્રાણમ્ અભ્યુદ્યન્તિ યે ગાયત્ર્યા પ્રયન્તિ ગાયત્રીં મધ્યે દધતિ ગાયત્રિમ્ અભ્યુદ્યન્તિ
(પ્બ્ 10.5.6) તન્ત્રં વા એતદ્ વિતાયતે યદ્ એષ દ્વાદશાહસ્ તસ્યેતૈર્ (?) મયૂખા યદ્ ગાયત્ર્ય્ અસંવ્યાથાય
(પ્બ્ 10.5.7) ગિરિક્ષિદૌચ્ચામન્યવેતિ હોવાચાભિપ્રતારી કાક્ષસેનિઃ કથં દ્વાદશાહ ઇતિ યથારાન્ નેમિઃ પર્યેત્ય્ એવમ્ એનં ગાયત્રી પર્યેતિ અવિસ્રંસાય યથારા નાભૌ ધૃતા એવમ્ અસ્યાં દ્વાદશાહો ધૃતઃ
(પ્બ્ 10.5.8) અનુષ્ટુભં વા એતામ્ અન્નાદ્યાય વ્યાવૃજ્યાસતે યદ્ એતં દ્વાદશાહમ્
(પ્બ્ 10.5.9) અષ્ટાભિર્ વા અક્ષૈર્ અનુષ્ટુપ્ પ્રથમં દ્વાદશાહસ્યાહર્ દુયચ્છત્ય્ એકાદશભિર્ દ્વિતીયં દ્વાદશાભિસ્ તૃતીયમ્
(પ્બ્ 10.5.10) અક્ષરં ત્ર્યક્ષરમ્ ઉચ્છિષ્યતે તદ્ એવોત્તરં ત્રિરાત્રમ્ અનુવિદધાતિ
(પ્બ્ 10.5.11) છન્દાંસ્ય્ એવાસ્યાસ્ તૃતીયં ત્રિરાત્રં વહન્તિ
(પ્બ્ 10.5.12) તાં વા એતાં પ્રતીચીં તિરશ્ચીં પરાચીમ્ આસતે ઽન્નાદ્યાય તસ્માત્ પ્રત્યઞ્ચં તિર્યઞ્ચં પરાઞ્ચં પ્રજાઃ પશુમ્ ઉપજીવન્તિ
(પ્બ્ 10.5.13) છન્દાંસિ વા અન્યોઽન્યસ્ય લોકમ્ અભધ્યાયન્ ગાયત્રી ત્રિષ્ટુભસ્ ત્રિષ્ટુબ્ જગત્યા જગતી ગાયત્ર્યાસ્ તાનિ વ્યૌહન્ યથાલોકં તતો વૈ તાનિ યં-યં કામમ્ અકામયન્ત તમ્ અસન્વન્
(પ્બ્ 10.5.14) યત્કામો વ્યૂઢચ્છન્દસા દ્વદશાહેન યજતે સો ઽસ્મૈ કામઃ સમૃધ્યતે
(પ્બ્ 10.5.15) ઓકો વૈ દેવાનાં દ્વાદશાહો યથો વૈ મનુષ્યા ઇમં લોકમ્ આવિષ્ટા એવં દેવતા દ્વાદશાહમ્ આવિષ્ટા દેવતા હ વા એતેન યજતે ય એવંવ્ વિદ્વાન્ દ્વાદશાહેન યજતે
(પ્બ્ 10.5.16) ગૃહા વૈ દેવાનાં દ્વાદશાહો નાગૃહતાયા ભય્યમ્
(પ્બ્ 10.5.17) યો વૈ દ્વાદશાહમ્ અગ્નિષ્ટોમેન કલ્પમાનં વેદ કલ્પતે ઽસ્મૈ પ્રાતઃસવનેનૈવ પ્રથમસ્ ત્રિરાત્રઃ કલ્પતે માધ્યન્દિનેન દ્વિતીયસ્ તૃતીયસવનેન તૃતીયો ઽગ્નિષ્ટોમસામ્નૈવ દશમમ્ અહઃ કલ્પતે
(પ્બ્ 10.5.18) કલ્પતે ઽસ્મૈ ય એવંવ્ વેદ
(પ્બ્ 10.6.1) એતિ પ્રેત્ય્ આશુમદ્ વીતિમદ્ રુક્મત્ તેજસ્વદ્ યુઞ્જાનં પ્રથમસ્યાહ્નો રૂપં ત્રિવૃતઃ સ્તોમસ્ય ગાયત્રસ્ય છન્દસો રથન્તરસ્ય સામ્નઃ
(પ્બ્ 10.6.2) વૃષવદ્ વૃત્રવદ્ રયિમદ્ વિશ્વવદ્ ઉપસ્થિતં દ્વિતીયસ્યાહ્નો રૂપં પઞ્ચદશસ્ય સ્તોમસ્ય ત્રૈષ્ટુભસ્ય છન્દસો બૃહતઃ સામ્નઃ
(પ્બ્ 10.6.3) ઉદ્વત્ ત્રિવદ્ દિગ્વત્ ગોમટ્ ટષભવત્ તૃતીયસ્યાહ્નો રૂપં સપ્તદશસ્ય સ્તોમસ્ય જાગતસ્ય છન્દસો વૈરૂપસ્ય સામ્નઃ
(પ્બ્ 10.6.4) રાજન્વજ્ જનવદ્વત્ સૂર્યવદ્ વિરાડનુતોદવચ્ ચતુર્થસ્યાહ્નો રૂપમ્ એકવિંશસ્ય સ્તોમસ્યાનુષ્ટુભસ્ય છન્દસો (?) રાજસ્ય વૈ સામ્નઃ
(પ્બ્ 10.6.5) ચિત્રવચ્ છિશુમત્ પઙ્ક્તિઃ શક્વરી દ્યૂનાક્ષરા ગોમદ્ ઋષભવદ્ વજ્ર્યભિમત્ પઞ્ચમસ્યાહ્નો રૂપં ત્રિણવસ્ય સ્તોમસ્ય પાઙ્ક્તેન છન્દસો શક્વરીણાં સામ્નઃ
(પ્બ્ 10.6.6) પરિવત્ પ્રતિવત્ સપ્તપદા દ્વિપદા વિનારાશંસા ગોમદ્ ઋષભવત્ ષષ્ઠસ્યાહ્નો રૂપં ત્રયસ્ત્રિંશસ્ય સ્તોમસ્ય સર્વેષાં છન્દસાં રૂપં (?) રેવતીનાં સામ્નઃ
(પ્બ્ 10.6.7) યસ્માદ્ એષા સમાના સતી ષડહવિભક્તિર્ નાનારૂપા તસ્માદ્ વિરૂપઃ સંવ્વત્સરઃ
(પ્બ્ 10.6.8) વિરૂપમ્ એનમ્ અનુપ્રજાયતે ય એવંવ્ વેદ
(પ્બ્ 10.7.1) અગ્ન ઇતિ પ્રથમસ્યાહ્નો રૂપમ્ અગ્નિવિભક્તેર્ અગ્નિમ્ ઇતિ દ્વિતીયસ્યાગ્નિનેતિ તૃતીયસ્યાગ્નિર્ ઇતિ ચતુર્થસ્ય
(પ્બ્ 10.7.2) દેવા વૈ શ્રિયમ્ ઐચ્છંસ્ તાન્ ન પ્રથમે ઽહન્ય્ અવિન્દન્ ન દ્વિતીયે ન તૃતીયે તાઞ્ ચતુર્થે ઽહન્ય્ અવિન્દન્ વિન્દતે શ્રિયં ય એવં વેદાગ્નેર્ ઇતિ પઞ્ચમસ્ય તેનો શ્રીઃ પ્રત્યુપોદિતેત્ય્ આહુઃ
(પ્બ્ 10.7.3) અપ્રતિવાદ્ય્ એનં ભ્રાતૃવ્યો ભવતિ ય એવં વેદ
(પ્બ્ 10.7.4) અગ્ન ઇતિ ષષ્ઠસ્ય યેનૈવ રૂપેણ પ્રયન્તિ તદ્ અભ્યુદ્યન્તિ
(પ્બ્ 10.7.5) યસ્માદ્ એષા સમાના સત્ય્ અગ્નિવ્ભક્તિર્ નાનારૂપા તસ્માદ્ યથર્ત્વ્ આદિત્યસ્ તપતિ
(પ્બ્ 10.8.1) ઇન્દ્રેતિ પ્રથમસ્યાહ્નો રૂપમ્ ઇન્દ્રવિભક્તેર્ ઇન્દ્રમ્ ઇતિ દ્વિતીયસ્યેન્દ્રેણેતિ તૃતીયસ્યેન્દ્ર ઇતિ ચતુર્થસ્યેન્દ્રાદ્ ઇતિ પઞ્ચમસ્યેન્દ્રેતિ ષષ્ઠસ્ય યેનૈવ રૂપેણ પ્રયન્તિ તદ્ અભ્યુદ્યન્તિ યસ્માદ્ એષા સમાના સતીન્દ્રવિભક્તિર્ નાનારૂપા તસ્માદ્ યથર્ત્વ્ ઓષધયઃ પચ્યન્તે
(પ્બ્ 10.9.1) યદ્ ઋચા પ્રસ્તૌતિ તત્ પ્રથમસ્યાહ્નો રૂપમ્ સ્વરવિભક્તેર્ યત્ પુરસ્તાત્ સ્તોભં તદ્ દ્વિતીયસ્ય યદ્ ઉભયતઃ સ્તોભં તત્ તૃતીયસ્ય યદ્ અનુતુન્નં તચ્ ચતુર્થસ્ય યદ્ અભ્યારબ્ધં તત્ પઞ્ચમસ્ય યદ્ ઇહકારેણાભ્યસ્તં તત્ ષષ્ઠસ્યાહ્નો રૂપમ્
(પ્બ્ 10.9.2) સ્વરાણાં યસ્માદ્ એષા સમાના સતી સ્વરવિભક્તિર્ ન્નાનારૂપા તસ્માદ્ યથર્તુ વાયુઃ પવતે
(પ્બ્ 10.10.1) પદનિધનં પ્રથમસ્યાહ્નો રૂપમ્ નિધનવિભક્તેર્ બહિર્ણિધનં દ્વિતીયસ્ય નિંનિધનં તૃતીયસ્યેનિધનઞ્ ચતુર્થસ્યાથકારણિધનં પઞ્ચમસ્ય યદ્ ઇહાકારેણાભ્યસ્તં તત્ ષષ્ઠસ્યાહ્નો રૂપં નિધનાનાં યસ્માદ્ એષા સમાના સતી નિધનવિભક્તિર્ ન્નાનારૂપા તસ્માદ્ ઇમે લોકાઃ સહ સન્તો નાનૈવ
(પ્બ્ 10.11.1) દ્રવદિડં પ્રથમસ્યાહ્નો રૂપમ્ ઇડાવિભક્તેર્ ઊર્ધ્વેડં દ્વિતીયસ્ય પરિષ્ટુબ્ધેડં તૃતીયસ્યેડાભિર્ ઐડં ચતુર્થસ્યાધ્યર્ધેડં પઞ્ચમસ્ય યદ્ ઇહાકારેણાભ્યસ્તં તત્ ષષ્ઠસ્યાહ્નો રૂપમ્ ઇડાનાં યસ્માદ્ એષા સમાના સતીડાવિભક્તિર્ ન્નાનારૂપા તસ્માત્ સમાનાઃ સન્તઃ પશવો નાનારૂપાઃ
(પ્બ્ 10.12.1) ભરદ્વાજાયના વૈ સત્ત્રમ્ આસત તાન્ અપૃચ્છન્ કિં પ્રથમેનાહ્ના કુરુતેતિ પ્રૈવૈમેતિ કિં દ્વિતીયેનેત્ય્ અવસમ્ એવાકુર્મહીતિ કિં તૃતીયેનેતિ પર્ય્ એવાપ્લવામહીતિ કિં ચતુર્થેનેતિ સતૈવ સદ્ અપ્યદધ્મેતિ કિં પઞ્ચમેનેતિ પ્રાણાન્ એવ વિચ્છિન્દન્ત ઐમેતિ કિં ષષ્ઠેનેતીદમ્ એવાગચ્છામેતિ ઇતિ
(પ્બ્ 10.12.2) યસ્ય પદેન પ્રસ્તૌત્ય્ અથ સ્વારમ્ અભિ વાવ તેન દેવાઃ પશૂન્ અપશ્યન્ યત્ પુરસ્તાત્ સ્તોભં અથ સ્વારમ્ ઉદ્ એવ તેનાસૃજનત યદ્ ઉભયતઃ સ્તોભમ્ અથ સ્વારમ્ એભ્ય એવ તેન લોકેભ્યો દેવાઃ પશુભ્યો ઽન્નાદ્યં પ્રાયચ્છન્ યદ્ અનુતુન્નમ્ અથ સ્વારમ્ ઉપૈવ તેનાશિક્ષન્ યસ્ય મધ્યે નિધનમ્ અથ સ્વારં ગર્ભાંસ્ તેનાદધત તાનિ હવતાસ્વારેણ પ્રાજનયન્
(પ્બ્ 10.12.3) ઇમં વાવ દેવા લોકં પદનિધનેનાભ્ય્ અજયન્ન્ અમું બહિર્ણિધનેનાન્તરિક્ષં દિઙ્નિધનેનામૃતત્વમ્ ઈનિધનેનાગચ્છન્ બ્રહ્મવર્ચસમ્ અથનિધનેનાવારુન્ધતાસ્મિન્ન્ એવ લોક ઇહનિધનેન પ્રત્યતિષ્ઠન્
(પ્બ્ 10.12.4) ઇમં વાવ દેવા લોકં દ્રવદિડેનાભ્ય્ અજયન્ન્ અમુમ્ ઊર્ધ્વેડેનાન્તરિક્ષં પરિષ્ટુબ્ધેડેન પ્રતિષ્ઠામ્ ઇડાભિર્ ઐડેનાવારુન્ધત પ્રતિષ્ઠાયાધ્યર્ધેડેન વ્યજયન્તાસ્મિન્ન્ એવ લોક ઇહેડેન પ્રત્યતિષ્ઠન્
(પ્બ્ 10.12.5) ન વાક્ સંવત્સરમ્ અતિવદતીડૈવ સંવત્સરમ્ અતિવદતિ ગર્ભેણ સંવત્સરે પર્યાવૃત્ય પ્રજાયેતે તેનાતિવદતિ
(પ્બ્ 10.12.6) તા વા એતાશ્ ચતસ્રઃ ષડહં પરાચ્ય ઇડા અતિયન્ત્ય્ એષા નૂતૈષા વિષૂચ્ય્ એષા પ્રતીચ્ય્ એતદ્ વીડમ્
(પ્બ્ 10.12.7) સંવત્સરો ઽગ્નિર્ વાક્ સમ્વત્સરો યદ્ અગ્નિર્ વિભજ્યતે વાચમ્ એવ તદ્ વિભજન્તિ

(પ્બ્ 10.12.8) દ્વે દ્વે અક્ષરે વિભજન્તિ દ્વૌ દ્વૌ હિ માસાવ્ ઋતુરથો માસાનામ્ એવ તદ્ રૂપં ક્રિયતે
(પ્બ્ 10.12.9) ષડ્ અહાનિ વિભજન્તિ ષડ્ ઋતવ ઋતૂનાં ધૃત્યા ઋતૂનાં પ્રતિષ્ઠિત્યા અથો ઋતૂનામ્ એવ તદ્ રૂપં ક્રિયતે ષડ્ ઉ પુરુષા યાન્ અગ્નિર્ અનુવિહ્રિયતે
(પ્બ્ 10.12.10) યદ્ ઇદં બહુધાગ્નિર્ વિહ્રિયતે તદ્ અસાવ્ આદિત્યઃ સર્વાઃ પ્રજાઃ પ્રત્યઙ્ તસ્માદ્ એતે દેવતે વિભક્તિમ્ આનશાતે નાતો ઽન્યા કા ચન
(પ્બ્ 11.1.1) સ્તોમો યુજ્યતે સત્ત્રિયેભ્યો ઽ હર્ભ્યઃ પ્રત્નવતીભિશ્ ચોપવતીભિશ્ ચ
(પ્બ્ 11.1.2) યત્ પ્રત્નવત્યો ઉપવતીભ્યઃ પૂર્વા યુજ્યન્તે બ્રહ્મ તત્ પૂર્વં ક્ષત્રાદ્ યુજ્યતે બ્રહ્મ હિ પૂર્વં ક્ષત્રમ્
(પ્બ્ 11.1.3) મનસ્ તત્ પૂર્વં વાચો યુજ્યતે મનો હિ યદ્ ધિ મનસાભિગચ્છતિ તદ્ વાચા વદતિ
(પ્બ્ 11.1.4) બૃહત્ તત્ પૂર્વં રથન્તરાદ્ યુજ્યતે બૃહદ્ ધિ પૂર્વં રથન્તરાદ્ વિજિત્યા તુ વૈ રથન્તરં પૂર્વં યોગમ્ આનશે
(પ્બ્ 11.1.5) સમ્ભાર્યાસ્ તૃચા ભવન્તિ યથાશિષ્ઠાન્ વહિષ્ઠાન્ સમ્ભરેદ્ એવમ્ એવૈતાન્ સમ્ભરન્તિ ગત્યૈ
(પ્બ્ 11.1.6) નવ ભવન્તિ નવાહસ્ય યુક્ત્યા ઋચર્ચૈવાહર્ યુનક્તિ યથાપ્રાર્થસ્ય શમ્યા અવદધ્યાદ્ એવમ્ એવૈતન્ નવાહસ્ય શમ્યા અવદધાતિ ગત્યૈ
(પ્બ્ 11.1.7) ત્રિવૃદ્ એવ સ્તોમો ભવતિ તેજસે બ્રહ્મવર્ચસાય
(પ્બ્ 11.2.1) ઉભાભ્યાં વૈ રૂપાભ્યાં બહિષ્પવમાન્યો યુજ્યન્તે યત્સામા સ્તોમો ભવતિ તદ્ આજ્યેષુ
(પ્બ્ 11.2.2) નિરાહાવન્ત્ય્ આજ્યાનિ ભવન્તિ યુક્તમ્ એવ તૈર્ આહ્વયતિ
(પ્બ્ 11.2.3) અગ્ન આયાહિ વીતય આ નો મિત્રાવરુણાયાહિ સુષમા હિ ત ઇન્દ્રાગ્ની આગતં સુતમ્ ઇતિ રાથન્તરમ્ એવ તદ્ રૂપં નિર્દ્યોતયતિ સ્તોમઃ ઇતિ
(પ્બ્ 11.3.1) પ્ર સોમાસો વિપશ્ચિત ઇતિ ગાયત્રી ભવતિ પ્રેત્યા અભિદ્રોણાનિ બભ્રવ ઇત્ય્ અભિક્રાન્ત્યૈ સ્તુતા ઇન્દ્રાય વાયવ ઇતિ સંસ્કૃત્યૈ પ્ર સોમ દેવ વીતય ઇતિ પ્રેત્યૈ પ્ર તુ દ્રવેતિ પ્રેત્યૈ પ્ર વા એતેનાહ્ના યન્તિ
(પ્બ્ 11.3.2) ગાયત્રં ભવતિ
(પ્બ્ 11.3.3) યદ્ એવ ગાયત્રસ્ય બ્રાહ્મણમ્
(પ્બ્ 11.3.4) આશ્વં ભવતિ
(પ્બ્ 11.3.5) અશ્વો વૈ ભૂત્વા પ્રજાપતિઃ પ્રજા અસૃજત સ પ્રાજાયત બહુર્ અભવત્ પ્રજાયતે બહુર્ ભવત્ય્ આશ્વેન તુષ્ટુવાનઃ
(પ્બ્ 11.3.6) એકાક્ષરં નિધનમ્ ઉપયન્તિ રથન્તરસ્યાનતિવાદાય
(પ્બ્ 11.3.7) અનતિવાદ્ય્ એનં ભ્રાતૃવ્યો ભવતિ ય એવં વેદ
(પ્બ્ 11.3.8) સોમસામ ભવતિ
(પ્બ્ 11.3.9) યથા વા ઇમા અન્યા ઓષધયઃ એવં સોમ આસીત્ સ તપો ઽતપ્યત સ એતત્ સોમસામાપશ્યત્ તેન રાજ્યમાધિપત્યમ્ અગચ્છદ્ યશો ઽભવદ્ રાજ્યમ્ આધિપત્યં ગચ્છતિ યશો ભવતિ સોમસામ્ના તુષ્ટુવાનઃ
(પ્બ્ 11.3.10) યૌધાજયં ભવતિ યદ્ એવ યૌધાજયસ્ય બ્રાહ્મણમ્
(પ્બ્ 11.3.11) ઔશનં યદ્ ઔશનસ્ય સ્તોમઃ
(પ્બ્ 11.4.1) અભિ ત્વા શૂર નો નુ મ ઇત્ય્ અભીતિ રથન્તરસ્ય રૂપં રથન્તરં હ્ય્ એતદ્ અહઃ
(પ્બ્ 11.4.2) કયા નશ્ ચિત્ર આભુવદ્ ઇતિ કવત્યસ્ તેન પ્રાજાપત્યાઃ કો હિ પ્રજાપતિઃ પ્રજાપતેર્ આપ્ત્યૈ
(પ્બ્ 11.4.3) તં વો દસ્મમ્ ઋતીષહં વસોર્ મન્દાનમ્ અન્ધસો ઽભિવત્સં ન સ્વસરેષુ ધેનવ ઇત્ય્ અભીતિ રથન્તરસ્ય રૂપં રથન્તરં હ્ય્ એતદ્ અહઃ
(પ્બ્ 11.4.4) ઇન્દ્રં ગીર્ભિર્ હવામહ ઇતિ હવન્ત એવૈનમ્
(પ્બ્ 11.4.5) તરોભિર્ વો વિદદ્વસુમ્ ઇતિ સ્તોમો વૈ તરો યજ્ઞો વિદદ્વસુઃ સ્તોમેન વૈ યજ્ઞો યુજ્યતે યત્ તરોભિર્ વો વિદદ્વસુમ્ ઇત્ય્ આહ યજ્ઞમ્ એવ તદ્ યુનક્તિ
(પ્બ્ 11.4.6) રથન્તરં ભવતિ બ્રહ્મ વૈ રથન્તરં બ્રહ્મ પ્રાયણીયમ્ અહર્ બ્રહ્મણ એવ તદ્ બ્રહ્માક્રમ્ય પ્રયન્તિ
(પ્બ્ 11.4.7) ઇયં વૈ રથન્તરમ્ અસ્યામ્ એવ પ્રતિષ્ઠાય સત્ત્રમ્ આસતે
(પ્બ્ 11.4.8) વામદેવ્યં ભવતિ પશવો વૈ વામદેવ્યં પશૂનામ્ અવરુદ્ધ્યૈ પ્રાજાપત્યં વૈ વામદેવ્યં પ્રજાપતાવ્ એવ પ્રતિષ્ઠાય સત્ત્રમ્ આસતે
(પ્બ્ 11.4.9) નૌધસં ભવતિ બ્રહ્મ વૈ નૌધસં બ્રહ્મ પ્રાયણીયમ્ અહર્ બ્રહ્મણ એવ તદ્ રહ્માક્રમન્તે
(પ્બ્ 11.4.10) કાલેયં ભવતિ સમાનલોકે વૈ કાલેયઞ્ ચ રથન્તરઞ્ ચેયં વૈ રથન્તરં પશવઃ કાલેયમ્ અસ્યાઞ્ ચૈવ પશુષુ ચ પ્રતિષ્ઠાય સત્ત્રમ્ આસતે
(પ્બ્ 11.4.11) દ્રવદિડં તથા હ્ય્ એતસ્યાહ્નો રૂપં સ્તોમઃ
(પ્બ્ 11.5.1) પ્ર સોમાસો મદચ્યુત ઇતિ ગાયત્રી ભવતિ મદવદ્ વૈ રસવૃત્ તૃતીયસવનં મદમ્ એવ તદ્ રસં દધાત્ય્ અયા પસ્વસ્વ દેવયુર્ ઇત્ય્ એતિ રથન્તરસ્ય રૂપં રાથન્તરં હ્ય્ એતદ્ અહઃ પવતે ઽહર્ યતો હરિર્ ઇતિ બૃહતો રૂપં બૃહદ્ એવ તદ્ એતસ્મિન્ન્ અહનિ યુનક્તિ તદ્ યુક્તં શ્વ આરભન્તે પ્ર સુન્વાનાયાન્ધસ ઇતિ પ્રવત્યો ભવન્તિ પ્રણિનીણ્યમ્ ઇવ હ્ય્ એતદ્ અહર્ અભિ પ્રિયાણિ પવતે ચ નોહિત ઇત્ય્ અભીતિ રથન્તરસ્ય રૂપં રાથન્તરં હ્ય્ એતદ્ અહઃ
(પ્બ્ 11.5.2) યજ્ઞા યજ્ઞા વો અગ્નય ઇત્ય્ અગ્નેર્ વૈ યજ્ઞો યજ્ઞ એવ તદ્ યજ્ઞં પ્રતિષ્ઠાપયતિ
(પ્બ્ 11.5.3) ગાયત્રં ભવતિ યદ્ એવ ગાયત્રસ્ય બ્રાહ્મણમ્
(પ્બ્ 11.5.4) સંહિતં ભવતિ વ્યક્ષરણિધનં પ્રતિષ્ઠાયૈ પ્રતિષ્ઠાયૈવ સત્ત્રમ્ આસતે
(પ્બ્ 11.5.5) સફં ભવતિ

(પ્બ્ 11.5.6) સફેન વૈ દેવા ઇમાન્ લોકાન્ સમાપ્નુવ્વન્ યત્ સમાપ્નુવંસ્ તત્ સફસ્ય સફત્વમ્ ઇમાન્ એવૈતેન લોકાન્ સમાપ્ય સત્ત્રમ્ આસતે
(પ્બ્ 11.5.7) આક્ષારં ભવતિ
(પ્બ્ 11.5.8) અષ્ટૌ વા એતાઃ કાદુઘા આસંસ્ તાસામ્ (?) એકા સમશીર્યત સા કૃષિર્ અભવદ્ ઋધ્યતે ઽસ્મૈ કૃષૌ ય એવં વેદ
(પ્બ્ 11.5.9) તાસુ દેવાસુરા અસ્પર્ધન્ત તે દેવા અસુરાન્ કામદુઘાભ્ય આક્ષારેણાનુદન્ત નુદતે ભ્રાતૃવ્યં કામદુઘાભ્ય આક્ષારેણ તુષ્ટુવાનઃ
(પ્બ્ 11.5.10) એભ્યો વૈ લોકેભ્યો રસો ઽપાક્રામત્ તં પ્રજાપતિર્ આક્ષારેણાક્ષારયદ્ યદ્ આક્ષારયત્ તદ્ આક્ષારસ્યાક્ષારત્વમ્
(પ્બ્ 11.5.11) તસ્માદ્ યઃ પુરા પુણ્યો ભૂત્વા પશ્ચાત્ પાપીયાન્ સ્યાદ્ આક્ષારં બ્રહ્મ સામ કુર્વીતાત્મન્ય્ એવેદ્ ઇન્દ્રિયં વીર્યં રસમ્ આક્ષારયતિ
(પ્બ્ 11.5.12) જનુષૈકર્ચો ભવતો ઽહ્નો ધૃત્યૈ યદ્ વા એતસ્યાહ્નો ઽધૃતં તદ્ એતાભ્યાં દાધાર
(પ્બ્ 11.5.13) ગૌરીવિતં ભવતિ
(પ્બ્ 11.5.14) ગૌરીવિતિર્ વા એતચ્ છાક્ત્યો બ્રાહ્મણો ઽતિરિક્તમ્ અપશ્યત્ તદ્ ગૌરીવિતમ્ અભવત્
(પ્બ્ 11.5.15) અતિરિક્તં વા એતદ્ અતિરિક્તેન સ્તુવન્તિ યદ્ ગૌરીવિતેનાહીનાઞ્ છવસ્તનવદ્ ભવત્ય્ અપિ પ્રજાયા ઉપકૢપ્તમ્
(પ્બ્ 11.5.16) વૃષા વા એતદ્ વાજિસામ વૃષભો રેતોધા અદ્ય સ્તુવન્તિ શ્વઃ પ્રજાયતે
(પ્બ્ 11.5.17) અનુષ્ટુભિ છન્દસાં ક્રિયતે ઽનુષ્ટુબ્ ભિ છન્દસાં યોનિઃ સ્વાયામ્ એવ તદ્ યોનૌ રેતો ધત્તે પ્રજાત્યૈ
(પ્બ્ 11.5.18) પ્રજાયતે બહુર્ ભવતિ ય એવં વેદ
(પ્બ્ 11.5.19) દ્વ્યુદાસં ભવત્ય્ એતૌ વા ઉદાસૌ સ્વર્ગસ્ય લોકસ્યાવસાનદર્શૌ પૂર્વેણ પૂર્વમ્ અહઃ સંસ્થાપયન્ત્ય્ ઉત્તરેણોત્તરમ્ અહર્ અભ્યતિવદન્તિ
(પ્બ્ 11.5.20) તદ્ યથાદઃ પૂર્વેદ્યુઃ સ્પષ્ટં તૃણોદકમ્ અન્વવસ્યન્તો યન્ત્ય્ એવમ્ એવ તાભ્યાં સ્વર્ગં લોકમ્ અન્વવસ્યન્તો યન્તિ
(પ્બ્ 11.5.21) ગૌતમં ભવતિ
(પ્બ્ 11.5.22) સામાર્ષેયવત્ સ્વર્ગાય યુજ્યતે સ્વર્ગાલ્ લોકાન્ ન ચ્યવતે તુષ્ટુવાનઃ
(પ્બ્ 11.5.23) યદ્ ઉ ચૈવાનુષ્ત્ટુભસ્ય મધ્યે નિધનસ્ય બ્રાહ્મણં તદ્ દુ ચૈતસ્ય
(પ્બ્ 11.5.24) કાવં ભવતિ
(પ્બ્ 11.5.25) લોકબિન્દુઃ સામ વિન્દતે લોકં કાવેન તુષ્ટુવાનઃ
(પ્બ્ 11.5.26) સ્વારસુ સ્વરેણ સ્વરેણ હિ દેવેભ્યો ઽન્તતો ઽન્નાદ્યં પ્રદીયતે સ્વરેણૈવ તદ્ દેવેભ્યો ઽન્તતો ઽન્નાદ્યં પ્ર યચ્છતિ
(પ્બ્ 11.5.27) યજ્ઞાયજ્ઞીયં ભવતિ
(પ્બ્ 11.5.28) વાગ્ યજ્ઞાયજ્ઞીયં વાચિ યજ્ઞઃ પ્રતિષ્ઠિતો વાચ્ય્ એવ તદ્ યજ્ઞમ્ અન્તતઃ પ્રતિષ્ઠાપયન્તિ તં વાચો ઽધિ શ્વ આરભન્તે
(પ્બ્ 11.5.29) ત્રિવૃદ્ એવ સ્તોમો ભવતિ તેજસે બ્રહ્મવર્ચસાય
(પ્બ્ 11.6.1) પ્રતિપદ્ ભવતિ
(પ્બ્ 11.6.2) સમારભતે દ્વિરાત્રસ્યાવ્રિસ્રંસાય
(પ્બ્ 11.6.3) પવસ્વેન્દો વૃષાસુત ઇત્ય્ અનુરૂપ્યો ભવતિ વૃષાવદ્ વા એત ઐન્દ્રં ત્રૈષ્ટુભમ્ અહર્ યત્ દ્વિતીયં તદ્ એવ તદ્ અભિવદતિ
(પ્બ્ 11.6.4) પૂર્વમ્ ઉ તદ્ રૂપમ્ અપરેણ રૂપેણાનુવદતિ યત્ પૂર્વં રૂપમ્ અપરેણ રૂપેણાનુવદતિ તદ્ અનુરૂપસ્યાનુરૂપત્વમ્
(પ્બ્ 11.6.5) અનુરૂપ એનં પુત્રો જાયતે ય એવં વેદ
(પ્બ્ 11.6.6) સ્તોત્રીયાનુરૂપૌ તૃચૌ ભવતઃ પ્રાણાપાનાનામ્ અવરુધ્યૈ
(પ્બ્ 11.6.7) વૃષણ્વન્તસ્ તૃચા ભવતીન્દ્રિયસ્ય વીર્યસ્યાવરુધ્યૈ
(પ્બ્ 11.6.8) તૃચ ઉત્તમો ભવતિ
(પ્બ્ 11.6.9) યેનૈવ પ્રાણેન પ્રયન્તિ તમ્ અભ્યુદ્યન્તિ
(પ્બ્ 11.6.10) પઞ્દદશ એવ સ્તોમો ભવતિ
(પ્બ્ 11.6.11) ઓજસ્ય્ એવ તદ્ વીર્યે પ્રતિતિષ્ઠતિ ઓજો વીર્યં પઞ્ચદશઃ
(પ્બ્ 11.7.1) ઉભાભ્યાં વૈ રૂપાભ્યાં બહિષ્પવમાન્યો યુજ્યન્તે યત્સામા સ્તોમો ભવતિ તદ્ આજ્યેષુ
(પ્બ્ 11.7.2) નિરાહોપસ્થિતાન્ય્ આજ્યાનિ ભવન્તિ
(પ્બ્ 11.7.3) અગ્નિં દૂતં વૃણીમહે મિત્રં વયં હવામહ ઇન્દ્રમ્ ઇદ્ ગાથિનો બૃહદ્ ઇન્દ્રો અગ્ના નમો બૃહદ્ ઇતિ બાર્હતમ્ એવ તદ્ રૂપં નિર્દ્યોતયતિ સ્તોમઃ
(પ્બ્ 11.8.1) વૃષા પવસ્વ ધારયેતિ ગાયત્રી ભવત્ય્ અહ્નો ધૃત્યૈ
(પ્બ્ 11.8.2) વૃષણ્વત્યસ્ ત્રિષ્ટુભો રૂપેણ ત્રૈષ્ટુભં હ્ય્ એતદ્ અહઃ

(પ્બ્ 11.8.3) પુનાનસ્ સોમ ધારયેતિ ધૃત્યૈ
(પ્બ્ 11.8.4) વૃષા શોણો અભિકનિક્રદદ્ ગા ઇતિ
(પ્બ્ 11.8.5) વૃષણ્વત્યસ્ ત્રિષ્ટુભો રૂપેણ સમૃદ્ધા વૃષણ્વદ્ વા એતદ્ ઐન્દ્રં ત્રૈષ્ટુભમ્ અહર્ યત્ દ્વિતીયં તદ્ એવ તદ્ અભિવદતિ
(પ્બ્ 11.8.6) ગાયત્રં ભવતિ યદ્ એવ ગાયત્રસ્ય બ્રાહ્મણમ્
(પ્બ્ 11.8.7) યૌક્તાશ્વં ભવતિ
(પ્બ્ 11.8.8) યુક્તાશ્વો વ આઙ્ગિરસઃ શિશૂ જાતૌ વિપર્યહરત્ તસ્માન્ મન્ત્રો ઽપાક્રામત્ સ તપો ઽતપ્યત સ એતદ્ યૌક્તાશ્વમ્ અપશ્યત્ તં મન્ત્ર ઉપાવર્તત તદ્ વાવ સ તર્હ્ય્ અકામયત કામસનિ સમ યૌક્તાશ્વં કામમ્ એવૈતેનાવરુન્ધે
(પ્બ્ 11.8.9) આયાસ્યે ભવતઃ
(પ્બ્ 11.8.10) અયાસ્યો વા આઙ્ગિરસ આદિત્યાનાં દીક્ષિતાનામ્ અન્નાદ્યમ્ આશ્નાત્ તં શુગ્ આર્ચ્છત્ સ તપો ઽતપ્યત સ એતે આયાસ્યે અપશ્યત્ તાભ્યાં શુચમ્ અપાહતાપ શુચં હત આયાસ્યાભ્યાં તુષ્ટુવાનઃ
(પ્બ્ 11.8.11) એભ્યો વૈ લોકેભ્યો વૃષ્ટિર્ અપાક્રામત્ તામ્ અયાસ્ય આયાસ્યાભ્યામ્ અચ્યાવયત્ ચ્યાવયતિ વૃષ્ટિમ્ આયાસ્યાભ્યાં તુષ્ટુવાનઃ
(પ્બ્ 11.8.12) અન્નાદ્યં વાવ તદ્ એભ્યો લોકેભ્યો ઽપાક્રામત્ તદ્ અયાસ્ય આયાસ્યાભ્યામ્ અચ્યાવયત્ ચ્યાવયત્ય્ અન્નાદ્યમ્ આયાસ્યાભ્યાં તુષ્ટુવાનઃ
(પ્બ્ 11.8.13) વાસિષ્ઠં ભવતિ
(પ્બ્ 11.8.14) વસિષ્ઠો વા એતેન વૈડવઃ સ્તુત્વાઞ્જસા સ્વર્ગં લોકમ્ અપશ્યત્ સ્વર્ગસ્ય લોકસ્યાનુખ્યાત્યૈ સ્વર્ગાલ્ લોકાન્ ન ચ્યવતે તુષ્ટુવાનઃ સ્તોમઃ
(પ્બ્ 11.9.1) ત્વામ્ ઇદ્ ધિ હવામહ ઇતિ ત્વમ્ ઇતિ બૃહતો રૂપં બાર્હતં હ્ય્ એતદ્ અહઃ
(પ્બ્ 11.9.2) અભિપ્રવઃ સુરાધસમ્ ઇતિ યુઞ્જતે વૈ પૂર્વેણાહ્ના હ્ય્ એતેન પ્રયન્તિ
(પ્બ્ 11.9.3) ત્વામ્ ઇદા હ્યો નર ઇત્ય્ અદ્ય ચૈવ હ્યશ્ ચ સમારભતે દ્વિરાત્રસ્યાવિસ્રંસાય
(પ્બ્ 11.9.4) બૃહદ્ ભવતિ વર્ષ્મ વૈ બૃહદ્ વર્ષ્મ દ્વિતીયમ્ અહર્ વર્ષ્મણ એવ તદ્ વર્ષ્માક્રમન્તે
(પ્બ્ 11.9.5) શ્યેતં ભવતિ સામ્નોર્વાહો યજ્ઞસ્ય સન્તત્યૈ
(પ્બ્ 11.9.6) માધુચ્છન્દસં ભવતિ સામાર્ષેયવત્ સ્વર્ગાય યુજ્યતે સ્વર્ગાલ્ લોકાન્ ન ચ્યવતે તુષ્ટુવાનઃ
(પ્બ્ 11.9.7) ઊર્ધ્વેડં તથા હ્ય્ એતસ્યાહ્નો રૂપં સ્તોમઃ
(પ્બ્ 11.10.1) યસ્ તે મદો વરેણ્ય ઇતિ ગાયત્રી ભવતિ
(પ્બ્ 11.10.2) મદવદ્ વૈ રસવત્ તૃતીયસવનં મદમ્ એવ તદ્ રસં દધાતિ
(પ્બ્ 11.10.3) પવસ્વ મધુમત્તમ ઇતિ પવન્ત ઇવ હ્ય્ એતેનાહ્ના મધુમત્તમ ઇત્ય્ અન્નં વૈ મધ્વ્ અન્નાદ્યમ્ એવ તદ્ યજમાને દધાતિ
(પ્બ્ 11.10.4) ઇન્દ્રમ્ અચ્છ સુતા ઇમ ઇતીન્દ્રિયસ્ય વીર્યસ્યાવરુધ્યૈ
(પ્બ્ 11.10.5) અયં પૂષા રયિર્ ભગ ઇતિ
(પ્બ્ 11.10.6) અનુષ્ટુભઃ સત્યસ્ ત્રિષ્ટુભો રૂપેણ ત્રૈષ્ટુભં હ્ય્ એતદ્ અહઃ
(પ્બ્ 11.10.7) વૃષામતીનાં પવતે વિચક્ષણ ઇતિ જગત્યઃ સત્યસ્ ત્રિષ્ટુભો રૂપેણ ત્રૈષ્ટુભં હ્ય્ એતદ્ અહઃ
(પ્બ્ 11.10.8) ગાયત્રં ભવતિ યદ્ એવ ગાયત્રસ્ય બ્રાહ્મણમ્
(પ્બ્ 11.10.9) હાવિષ્મતં ભવતિ
(પ્બ્ 11.10.10) હવિષ્માંશ્ ચ વૈ હવિષ્કૃચ્ ચાઙ્ગિરસાવ્ આસ્તાં દ્વિતીયે ઽહનિ હવિષ્માન્ અરાધ્નોન્ નવમે ઽહનિ હવિષ્કૃત્
(પ્બ્ 11.10.11) અયં હવિષ્માન્ ઇત્ય્ એવ જાતમ્ અહર્ જાતં સોમં પ્રાહ દેવેભ્યઃ સામ્નૈવાસ્મા આશિષમ્ આશાસ્તે સામ હિ સત્ય્ આશીઃ
(પ્બ્ 11.10.12) શઙ્કુ ભવત્ય્ અહ્નો ધૃત્યૈ યદ્ વા અધૃતં શઙ્કુના તદ્ દાધાર
(પ્બ્ 11.10.13) તદ્ ઉ સીદન્તીયમ્ ઇય્ આહુર્ એતેન વૈ પ્રજાપતિર્ ઊર્ધ્વ ઇમાન્ લોકાન્ અસીદદ્ યદ્ અસીદત્ તત્ સીદન્તીયસ્ય સીદન્તીયત્વમ્ ઊર્ધ્વ ઇમાન્ લોકાન્ સીદતિ સીદન્તીયેન તુષ્ટુવાનઃ
(પ્બ્ 11.10.14) સુજ્ઞાનં ભવતિ
(પ્બ્ 11.10.15) સ્વર્વદ્ વૈ રાથન્તરં રૂપં સ્વર્ણધનં બાર્હતમ્
(પ્બ્ 11.10.16) સ્વર્ણધનં ભવતિ તથા હ્ય્ એતસ્યાહ્નો રૂપમ્
(પ્બ્ 11.10.17) પ્લુવૌ વા એતાવ્ ઉપોહન્તે સ્વર્ગસ્ય લોકસ્ય સમષ્ટ્યૈ
(પ્બ્ 11.10.18) ગૌરીવિતં ભવતિ યદ્ એવ ગૌરીવિતસ્ય બ્રાહ્મણમ્
(પ્બ્ 11.10.19) ક્રૌઞ્ચં ભવતિ
(પ્બ્ 11.10.20) વાગ્ વૈ ક્રૌઞ્ચં વાગ્ દ્વાદશાહો વાચ્ય્ એવ તદ્ વાચા સ્તુવતે યજ્ઞસ્ય પ્રભૂત્યૈ
(પ્બ્ 11.10.21) યામં ભવતિ

(પ્બ્ 11.10.22) એતેન વૈ યમો ઽનપજય્યમ્ અમુષ્ય લોકસ્યાધિપત્યમ્ આશ્નુતાનપજય્યમ્ અમુષ્ય લોકસ્યાધિપત્યમ્ અશ્નુતે યામેન તુષ્ટુવાનઃ
(પ્બ્ 11.10.23) એતેન વૈ યમી યમં સ્વર્ગં લોકમ્ અગમયત્ સ્વર્ગસ્ય લોકસ્યાનુખ્યાત્યૈ સ્વર્ગાલ્ લોકાન્ ન ચ્યવતે તુષ્ટુવાનઃ સ્તોમઃ
(પ્બ્ 11.11.1) એહ્ય્ ઊ ષુ બ્રવાણિ ત ઇત્ય્ એહિવત્યૈ ભવન્તિ તૃતીયસ્યાહ્ન ઉપહવાય સન્તત્યૈ
(પ્બ્ 11.11.2) અપચ્છિદ્ ઇવ વા એતદ્ યજ્ઞકાણ્ડં યદ્ ઉક્થાનિ યદ્ એતિ સલોમત્વાય
(પ્બ્ 11.11.3) એવાહ્ય્ અસિ વીરયુર્ ઇતિ સમાનં વદન્તીદમ્ ઇત્થમ્ અસદ્ ઇતિ
(પ્બ્ 11.11.4) ઇન્દ્રં વિશ્વા અવીવૃધન્ન્ ઇત્ય્ અવર્ધન્ત હ્ય્ એતર્હિ યજમાનમ્ એવૈતયા વર્ધન્તિ
(પ્બ્ 11.11.5) સાકમ્ અશ્વં ભવત્ય્ ઉક્થાનામ્ અભિજિત્યા અભિક્રાન્ત્યૈ
(પ્બ્ 11.11.6) એતેન હ્ય્ અગ્ર ઉક્થાન્ય્ અધ્યજયન્ન્ એતેનાભ્યક્રામન્
(પ્બ્ 11.11.7) આમહીયવં ભવતિ કૢપ્તિશ્ ચાન્નાદ્યઞ્ ચ સમાનં વદન્તીષુ ક્રિયત ઇદમ્ ઇત્થમ્ અસદ્ ઇતિ
(પ્બ્ 11.11.8) ક્ષત્રં વા એતદ્ અહર્ અભિનિર્વદતિ યત્ પઞ્ચદશં યદ્ ગાયત્રીષુ બ્રહ્મસામ ભવતિ બ્રહ્મ ચૈવ તત્ ક્ષત્રઞ્ ચ સયુજી કરોતિ બ્રહ્મૈવ ક્ષત્રસ્ય પુરસ્તાન્ નિદધતિ બ્રહ્મણે ક્ષત્રઞ્ ચ વિશઞ્ ચાનુગે કરોતિ
(પ્બ્ 11.11.9) બ્રહ્મ વૈ પૂર્વમ્ અહઃ ક્ષત્રં દ્વિતીયં યદ્ ગાયત્રીષુ બ્રહ્મ સામ ભવતિ બ્રહ્મ તદ્ યશસાર્ધયતિ બ્રહ્મ હિ ગાયત્રી
(પ્બ્ 11.11.10) તદ્ ઉ સમાનં વદન્તીષુ ક્રિયતે સમૃદ્ધ્યૈ
(પ્બ્ 11.11.11) આષ્ટાદંષ્ટ્રે ભવતઃ
(પ્બ્ 11.11.12) ઐયાહા ઇતિ વા ઇન્દ્રો વૃત્રમ્ અહન્ન્ ઐયાદોહોવેતિ ન્યગૃહ્ણાદ્ વાર્ત્રઘ્ને સામની વીર્યવતી
(પ્બ્ 11.11.13) ઓજો એવૈતાભ્યાં વીર્યમ્ અવરુન્ધે
(પ્બ્ 11.11.14) પઞ્ચદશ એવ સ્તોમો ભવત્ય્ ઓજસ્ય્ એવ તદ્ વીર્યે પ્રતિતિષ્ઠત્ય્ ઓજો વીર્યં પઞ્ચદશઃ
(પ્બ્ 12.1.1) દવિદ્યુતત્ય્ આરુચેતિ તૃતીયસ્યાહ્નઃ પ્રતિપદ્ ભવતિ
(પ્બ્ 12.1.2) દવિદ્યુતતી વૈ ગાયત્રી પરિષ્ટોભન્તી ત્રિષ્ટુબ્ ગવાશીર્ જગતી ત્રીણિ રૂપાણિ સમારભતે ત્રિરાત્રસ્યાવિસ્રંસાય
(પ્બ્ 12.1.3) એતે અસૃગ્રમ્ ઇન્દવ ઇત્ય્ અનુરૂપો ભવતિ
(પ્બ્ 12.1.4) એત ઇતિ વૈ પ્રજાપતિર્ દેવાન્ અસૃજતાસૃગ્રમ્ ઇતિ મનુષ્યાન્ ઇન્દવ ઇતિ પિત્.ઋંસ્ તદ્ એવ તદ્ અભિવદતિ
(પ્બ્ 12.1.5) પૂર્વમ્ ઉ ચૈવ તદ્ રેપમ્ અપરેણ રૂપેણાનુવદતિ યત્ પૂર્વં રૂપમ્ અપરેણ રૂપણો ઽનુવદતિ તદ્ અનુરૂપસ્યાનુરૂપત્વમ્ અનુરૂપ એનં પુત્રો જાયતે ય એવં વેદ
(પ્બ્ 12.1.6) સ્તોત્રીયાનુરૂપૌ તૃચો ભવતઃ પ્રાણાપાનાનામ્ અવરુધ્યૈ
(પ્બ્ 12.1.7) રાજા મેધાભિર્ ઈયતે પવમાનો મનાવ્ અધ્ય્ અન્તરિક્ષેણ યાતવ ઇતિ
(પ્બ્ 12.1.8) અન્તરિક્ષદેવત્યસ્ તૃચો ભવત્ય્ અન્તરિક્ષદેવત્યમ્ એતદ્ અહર્ યત્ તૃતીયં તદ્ એવ તદ્ અભિવદતિ
(પ્બ્ 12.1.9) પઞ્ચર્ચૌ ભવતિ પઞ્ચપદા પઙ્ક્તિઃ પાઙ્ક્તમ્ અન્નમ્ અન્નાદ્યસ્યાવરુધ્યૈ
(પ્બ્ 12.1.10) તૃચ ઉત્તમો ભવતિ યેનૈવ પ્રાણેન પ્રયન્તિ તમ્ અભ્ય્ ઉપયાન્તિ
(પ્બ્ 12.1.11) સપ્તદશ એવ સ્તોમો ભવતિ પ્રતિષ્ઠાયૈ પ્રજાત્યૈ
(પ્બ્ 12.2.1) અગ્નિનાગ્નિઃ સમિધ્યત ઇત્ય્ આગ્રેયમ્ આજ્યં ભવતિ
(પ્બ્ 12.2.2) પૂર્વે એવ તદ્ અહની સમિદ્ધે તૃતીયમ્ અહર્ અભિસમિન્ધે
(પ્બ્ 12.2.3) મિત્રં હુવે પૂતદક્ષમ્ ઇતિ રાથન્તરમ્ મૈત્રાવરુણમ્
(પ્બ્ 12.2.4) હુવ ઇતિ વૈ રાથન્તરં રૂપમ્
(પ્બ્ 12.2.5) રથન્તરમ્ એતત્ પરોક્ષં યદ્ વૈરૂપં રાથન્તરમ્ એવ તદ્ રૂપં નિર્દ્યોતયતિ
(પ્બ્ 12.2.6) ઇન્દ્રેણ સં હિ દૃક્ષુસ ઇત્ય્ ઐન્દ્રમ્
(પ્બ્ 12.2.7) સમ્ ઇવ વા ઇમે લોકા દદૃશિરે ઽન્તરિક્ષદેવત્યમ્ એતદ્ અહર્ યત્ તૃતીયં તદ્ એવ તદ્ અભિવદતિ
(પ્બ્ 12.2.8) તા હુવે યયોર્ ઇદમ્ ઇતિ રાથન્તરમ્ ઐન્દ્રાગ્નમ્
(પ્બ્ 12.2.9) હુવ ઇતિ વૈ રાથન્તરં રૂપં રથન્તરમ્ એતત્ પરોક્ષં યદ્ વૈરૂપં રાથન્તરમ્ એવ તદ્ રૂપં નિર્દ્યોતયતિ સ્તોમઃ
(પ્બ્ 12.3.1) ઉચ્ચા તે જાતમ્ અન્ધસ ઇતિ ગાયત્રી ભવતિ
(પ્બ્ 12.3.2) ઉદ્વદ્ વા એતદ્ અહર્ યત્ તૃતીયં તદ્ એવ તદ્ અભિવદતિ
(પ્બ્ 12.3.3) અન્ધસ્વતી ભવત્ય્ અહર્ વા અન્ધો ઽહ્ન આરમ્ભઃ
(પ્બ્ 12.3.4) અભિ સોમાસ આયવ ઇતિ

(પ્બ્ 12.3.5) અભીતિ રથન્તરસ્ય રૂપં બૃહદ્ ઇતિ બૃહત ઉભયોઃ સહ રૂપમ્ ઉપૈત્ય્ ઉભૌ હિ વર્ણાવ્ એતદ્ અહઃ
(પ્બ્ 12.3.6) તિસ્રો વાચ ઈરયતિ પ્રવહ્નિર્ ઇતિ તૃતીયસ્યાહ્નો રૂપં તેન તૃતીયમ્ અહર્ આરભન્તે
(પ્બ્ 12.3.7) ત્રિષ્ટુભઃ સત્યો જગત્યો રૂપેણ જાગતં હ્ય્ એતદ્ અહઃ
(પ્બ્ 12.3.8) ગાયત્રં ભવતિ યદ્ એવ ગાયત્રસ્ય બ્રાહ્મણમ્
(પ્બ્ 12.3.9) વૈષ્ટમ્ભં ભવતિ
(પ્બ્ 12.3.10) અહર્ વા એતદ્ અવ્લીયત તદ્ દેવા વૈષ્ટમ્ભૈર્ વ્યષ્ટભ્નુવંસ્ તદ્ વૈષ્ટમ્ભસ્ય વૈષ્ટમ્ભત્વમ્
(પ્બ્ 12.3.11) દિશ ઇતિ નિધનમ્ ઉપયન્તિ દિશાં ધૃત્યૈ
(પ્બ્ 12.3.12) પૌરૂમદ્ગં ભવતિ
(પ્બ્ 12.3.13) અહર્ વા એતદ્ અવ્લીયમાનં તદ્ રક્ષાંસ્ય્ અન્વસચન્ત તસ્માદ્ દેવાઃ પૌરૂમદ્ગેન રક્ષાંસ્ય્ અપાઘ્નન્ન્ અપ પાપ્માનં હતે પૌરૂમદ્ગેન તુષ્ટુવાનઃ
(પ્બ્ 12.3.14) દેવાશ્ ચ વાસુરાશ્ ચાસ્પર્ધન્ત તે દેવા અસુરાણાં પૌરૂમદ્ગેન પુરો ઽમજ્જયન્ યત્ પુરો ઽમજ્જયંસ્ તસ્માત્ પૌરૂમદ્ગં પાપ્માનમ્ એવૈતેન ભ્રાતૃવ્યં મજ્જયતિ
(પ્બ્ 12.3.15) ગૌતમં ભવતિ
(પ્બ્ 12.3.16) યદ્ એવ ગૌતમસ્ય બ્રાહ્મણમ્
(પ્બ્ 12.3.17) ઉભયતઃ સ્તોત્રં તથા હ્ય્ એતસ્યાહ્નો રૂપમ્
(પ્બ્ 12.3.18) અન્તરિક્ષં ભવતિ
(પ્બ્ 12.3.19) અન્તરિક્ષદેવત્યમ્ એતદ્ અહર્ યત્ તૃતીયમ્ અન્તરિક્ષ એવ તદ્ અન્તરિક્ષેણ સ્તુવતે પ્રતિષ્ઠાયૈ
(પ્બ્ 12.3.20) આષ્કારણિધનં કાણ્વં ભવતિ
(પ્બ્ 12.3.21) અસ્ ઇતિ વૈ રાથન્તરં રૂપં હસ્ ઇતિ બાર્હતં તૃતીયમ્ એવ તદ્ રૂપમ્ ઉપયન્તિ સમૃધ્યૈ
(પ્બ્ 12.3.22) અઙ્ગિરસાં સંક્રોશો ભવતિ
(પ્બ્ 12.3.23) એતેન વા અઙ્ગિરસઃ સંક્રોશમાનાઃ સ્વર્ગં લોકમ્ આપન્ સ્વર્ગસ્ય લોકસ્યાનુખ્યાત્યૈ સ્વર્ગાલ્ લોકાન્ ન ચ્યવતે તુષ્ટુવાનઃ સ્તોમઃ
(પ્બ્ 12.4.1) યદ્ય્ આવ ઇન્દ્ર તે શતમ્ ઇતિ શતવત્યો ભવન્તિ
(પ્બ્ 12.4.2) શતવદ્ વૈ પશૂનાં રૂપં સહસ્રવત્ પશૂનામ્ એવૈતાભી રૂપમ્ અવરૂન્ધે
(પ્બ્ 12.4.3) વયઙ્ ઘત્વા સુતાવન્ત ઇતિ સતોબૃહત્યો વર્ષીયશ્ છન્દ આક્રમતે ઽનપભ્રંશાય
(પ્બ્ 12.4.4) તરણિર્ ઇત્ સિષાસતિ વાજં પુરન્ધ્યા યુજા। આવ ઇન્દ્રં પુરુહૂતં ન મે ગિરેત્ય્ આવદ્ અક્ષરમ્ ઉદ્ધતમ્ ઇવ વૈ તૃતીયમ્ અહર્ યદ્ એવ તાવદ્ અક્ષરં ભવત્ય્ અહર્ એવૈતેન પ્રતિષ્ઠાપયતિ
(પ્બ્ 12.4.5) પઞ્ચનિધનં વૈરૂપં પૃષ્ઠં ભવતિ દિશાં ધૃત્યૈ
(પ્બ્ 12.4.6) પઞ્ચપદા પઙ્ક્તિઃ પાઙ્ક્તમ્ અન્નમ્ અન્નાઘસ્યાવરૂધ્યૈ
(પ્બ્ 12.4.7) દિશાં વા એતત્ સામ યદ્ વૈરૂપં દિશો હ્ય્ એવૈતેનાભિવદતિ
(પ્બ્ 12.4.8) અથ યત્ પઞ્ચનિધનં તેનર્તૂનાં પઞ્ચ હ્ય્ ઋતવઃ
(પ્બ્ 12.4.9) ઋતુભિશ્ ચ વા ઇમે લોકા દિગ્ભિશ્ ચાવૃતાસ્ તેષ્વ્ એવોભયેષુ યજમાનં પ્રતિષ્ઠાપયતિ યજમાનં વા અનુપ્રતિતિષ્ઠન્તમ્ ઉદ્ગાતા પ્રતિતિષ્ઠતિ ય એવં વિદ્વાન્ વૈરૂપેણોદ્ગાયતિ
(પ્બ્ 12.4.10) દિગ્વદ્ ભવતિ ભ્રાતૃવ્યસ્યાપનુત્યૈ
(પ્બ્ 12.4.11) દિશં વિશમ્ ઇતિ નિધનમ્ ઉપયન્તિ દિશાં ધૃત્યૈ
(પ્બ્ 12.4.12) હસ્ ઇત્ય્ ઉપરિષ્ટાદ્ દિશાં નિધનમ્ ઉપયન્તિ તેન બાર્હતમ્
(પ્બ્ 12.4.13) રાથન્તરો વા અયં લોકો બાર્હતો ઽસાવ્ ઉભે એવ તદ્ બૃહદ્રથન્તરયો રૂપેણાપરાધ્નોતિ
(પ્બ્ 12.4.14) અનડ્વાહૌ વા એતૌ દેવયાનૌ યજમાનસ્ય યદ્ બૃહદ્રથન્તરે તાવ્ એવ તદ્ યુનક્તિ સ્વર્ગસ્ય લોકસ્ય સમષ્ટ્યૈ
(પ્બ્ 12.4.15) અશ્વવદ્ ભવતિ પ્રજાત્યૈ
(પ્બ્ 12.4.16) યથા મણ્ડૂક આટ્ કરોત્ય્ એવં નિધનમ્ ઉપયન્ત્ય્ અયાતયામતાયૈ
(પ્બ્ 12.4.17) દ્વાદશ વૈરૂપાણિ ભવન્તિ દ્વાદશમાસાઃ સંવત્સરઃ સંવત્સર એવ પ્રતિતિષ્ઠતિ
(પ્બ્ 12.4.18) વિરૂપઃ સંવત્સરો વિરૂપમ્ અન્નાદ્યસ્યાવરુધ્યૈ
(પ્બ્ 12.4.19) મહાવૈષ્ટમ્ભં બ્રહ્મસામ ભવત્ય્ અન્નાદ્યસ્યાવરુધ્યૈ
(પ્બ્ 12.4.20) યદા વૈ પુરુષો ઽન્નમ્ અત્ત્ય્ અથાન્તરતો વિષ્ટબ્ધઃ
(પ્બ્ 12.4.21) દિશ ઇતિ નિધનમ્ ઉપયન્તિ દિશાં ધૃત્યૈ

(પ્બ્ 12.4.22) સતો બૃહતીષુ સ્તુવન્તિ પૂર્વયોર્ અહ્નોઃ પ્રત્યુદ્યમાય
(પ્બ્ 12.4.23) રૌરવમ્ અચ્છાવાકસામ ભવતિ
(પ્બ્ 12.4.24) અગ્નિર્ વૈ રૂરો રૂદ્રો ઽગ્નિઃ
(પ્બ્ 12.4.25) અગ્નિર્ વા એતસ્ય પશૂન્ અપક્રમયતિ યસ્ય પશવો ઽપક્રામન્ત્ય્ અગ્નિર્ એવ તસ્ય પશૂન્ અભિક્રમયતિ યસ્ય પશવો ઽભિક્રામન્તિ
(પ્બ્ 12.4.26) અભ્ય્ અભ્ય્ એવાસ્ય પશવઃ ક્રામન્તિ ય એવં વિદ્વાન્ રૌરવેણ સ્તુવતે
(પ્બ્ 12.4.27) પરિષ્ટુબ્ધેડં તથા હ્ય્ એતસ્યાહ્નો રૂપં સ્તોમઃ
(પ્બ્ 12.5.1) ઽઽતિસ્રો વાચ ઉદીરતઽઽ ઇતિ તૃતીયસ્યાહ્નો રૂપં તેન તૃતીયમ્ અહર્ આરભન્તે
(પ્બ્ 12.5.2) ઉદ્વદ્ વા એતત્ ત્રિવદ્ અહર્ યત્ તૃતીયં તદ્ એવ તદ્ અભિવદતિ
(પ્બ્ 12.5.3) ઽઽઆ સોતા પરિષિઞ્ચતઽઽ ઇતિ પરિવત્યો ભવન્તિ
(પ્બ્ 12.5.4) અન્તો વૈ તૃતીયમ્ અહસ્ તસ્યૈતાઃ પર્યાપ્ત્યૈ
(પ્બ્ 12.5.5) ઽઽસખાય આનિષીદતઽઽ ઇત્ય્ ઉદ્ધત્તમ્ ઇવ વૈ તૃતીયમ્ અહર્ યદ્ આહ નિષીદતેત્ય્ અહર્ એવૈતેન પ્રતિષ્ઠાપયતિ
(પ્બ્ 12.5.6) ઽઽસુતાસો મધુમત્તમાઽઽ ઇત્ય્ અનુષ્ટુભઃ સત્યો જગત્યો રૂપેણ જાગતં હ્ય્ એતદ્ અહઃ
(પ્બ્ 12.5.7) ઽઽપવિત્રં તે વિતતં બ્રહ્મણસ્પતઽઽ ઇતિ
(પ્બ્ 12.5.8) વિતતમ્ ઇવ વા ઇદમ્ અન્તરિક્ષમ્ અન્તરેમે અન્તરિક્ષદેવત્યમ્ એતદ્ અહર્ યત્ તૃતીયં તદ્ એવ તદ્ અભિવદતિ
(પ્બ્ 12.5.9) ગાયત્રં ભવતિ યદ્ એવ ગાયત્રસ્ય બ્રાહ્મણમ્
(પ્બ્ 12.5.10) પાષ્ઠૌહં ભવતિ
(પ્બ્ 12.5.11) પષ્ઠવાડ્ વા એતેનાઙ્ગિરસશ્ ચતુર્થસ્યાહ્નો વાચં વદન્તીમ્ ઉપાશૃણોત્ સ હો વાગ્ ઇતિ નિધનમ્ ઉપૈત્ તદ્ અસ્યાભ્યુદિતં તદ્ અહર્ અવસત્
(પ્બ્ 12.5.12) વાચઃ સામ ભવતિ
(પ્બ્ 12.5.13) વાગ્ વૈ દ્વાદશાહો વાચ્ય્ એવ તદ્ વાચા સ્તુવતે યજ્ઞસ્ય પ્રભૂત્યૈ
(પ્બ્ 12.5.14) નિષ્કિરીયાઃ સત્ત્રમ્ આસત તે તૃતીયમ્ અહર્ ન પ્રાજાનંસ્ તાન્ એતત્ સામ ગાયમાનાન્ વાગ્ ઉપાપ્લવત્ તેન તૃતીયમ્ અહઃ પ્રાજાનંસ્ તે ઽબ્રુવન્ન્ ઇયં વાવ નસ્ તૃતીયમ્ અહર્ અદીદૃશદ્ ઇતિ તૃતીયસ્યૈવૈષાહ્નો દૃષ્ટિઃ
(પ્બ્ 12.5.15) શૌક્તં ભવતિ
(પ્બ્ 12.5.16) શુક્તિર્ વા એતેનાઙ્ગિરસો ઽઞ્જસા સ્વર્ગં લોકમ્ અપશ્યત્ સ્વર્ગસ્ય લોકસ્યાનુખ્યાત્યૈ સ્વર્ગાલ્ લોકાન્ ન ચ્યવતે તુષ્ટુવાનઃ
(પ્બ્ 12.5.17) ગૌરીવિતં ભવતિ યદ્ એવ ગૌરીવિતસ્ય બ્રાહ્મણમ્
(પ્બ્ 12.5.18) ત્વાષ્ટ્રીસામ ભવતિ
(પ્બ્ 12.5.19) ઇન્દ્રં વા અક્ષ્યામયિણં ભૂતાનિ નાસ્વાપયંસ્ તમ્ એતેન ત્વાષ્ટ્રયો ઽસ્વાપયંસ્ તદ્ વાવ તાસ્ તર્હ્ય્ અકામયન્ત
(પ્બ્ 12.5.20) કામસનિ સામ ત્વાષ્ટ્રીસામ કામમ્ એવૈતેનાવરુન્ધે
(પ્બ્ 12.5.21) ઇન્દ્રો વૃત્રાદ્ વિભ્યદ્ ગાં પ્રાવિશત્ તં ત્વાષ્ટ્રયો ઽબ્રુવં જનયામેતિ તમ્ એતૈઃ સામભિર્ અજનયં જાયામહા ઇતિ વૈ સત્ત્રમ્ આસતે જાયન્ત એવ
(પ્બ્ 12.5.22) અરિષ્ટં ભવતિ
(પ્બ્ 12.5.23) દેવાશ્ ચ વા અસુરાશ્ ચાસ્પર્ધન્ત યં દેવાનામ્ અઘ્નન્ ન સ સમભવદ્ યમ્ અસુરાણાં સં સો ઽભવત્ તે દેવાસ્ તપો ઽતપ્યન્ત ત એતદ્ અરિષ્ટમ્ અપશ્યંસ્ તતો ઽયં દેવાનામ્ અઘ્નત્ સં સો ઽભવદ્ યમ્ અસુરાણાં ન સ સમભવદ્ અનેનારિષામેતિ તદ્ અરિષ્ટસ્યારિષ્ટત્વમ્ અરિષ્ટયા એવારિષ્ટમ્ અન્તતઃ ક્રિયતે
(પ્બ્ 12.5.24) ત્રીડં ભવતિ ત્રિરાત્રસ્ય ધૃત્યૈ
(પ્બ્ 12.5.25) દ્રવન્તીમ્ ઇડામ્ ઉત્તમામ્ ઉપયન્તિ ચતુર્થસ્યાહ્નઃ સન્તત્યૈ સ્તોમઃ
(પ્બ્ 12.6.1) પ્રમંહિષ્ઠાય ગાયતેતિ
(પ્બ્ 12.6.2) યદ્ ગાયતેતિ મહસ એવ તદ્ રૂપં ક્રિયતે
(પ્બ્ 12.6.3) ઽઽતં તે મદ્ અઙ્ગણીમ્ અસીતિ મદવદ્ વૈ રસવત્ તૃતીયસવનં મદમ્ એવ તદ્ રસં દધાતિ
(પ્બ્ 12.6.4) ઽઽશ્રુધી હવં તિરશ્ચ્યાઽઽ ઇતિ શ્રુત્યા એવ
(પ્બ્ 12.6.5) પ્રમંહિષ્ઠીય ભવતિ
(પ્બ્ 12.6.6) પ્રમંહિષ્ઠીયેન વા ઇન્દ્રો વૃત્રાય વજ્રં પ્રાવર્તયત્ તમ્ અસ્તૃણુત ભ્રાતૃવ્યવાન્ પ્રમંહિષ્ઠીયેનોક્થાનિ પ્રણયેત સ્તૃણુતે ભ્રાતૃવ્યં વસીયાં આત્મના ભવતિ
(પ્બ્ 12.6.7) હારિવર્ણં ભવતિ
(પ્બ્ 12.6.8) ઇન્દ્રશ્ ચ વૈ નમુચિશ્ ચાસુરઃ સમદધાતાં ન નો નક્તન્ ન દિવાહનન્ નાર્દ્રેણ ન શુષ્કેણેતિ તસ્ય વ્યુષ્ટાયામ્ અનુદિત આદિત્યે ઽપાં ફેનેન શિરો ઽછિનદ્ એતદ્ વૈ ન નક્તં ન દિવા યત્ વ્યુષ્ટાયામ્ અનુદિત આદિત્ય એતન્ નાર્દ્રન્ ન શુષ્કં યદ્ અપાં ફેનસ્ તદ્ એનં પાપીયાં વાચં વદદ્ અન્વવર્તત વીરહન્ ન દ્રુહો દ્રુહ ઇતિ તન્ નર્ચા ન સામ્નાપહન્તુમ્ અશક્નોત્
(પ્બ્ 12.6.9) હારિવર્ણસ્યૈવ નિધનેનાપાહત

(પ્બ્ 12.6.10) અપશુચંહતે હારિવર્ણસ્ય નિધનેન શ્રિયં ચ હરશ્ ચોપૈતિ તુષ્ટુવાનઃ
(પ્બ્ 12.6.11) તૈરશ્ચયં ભવતિ
(પ્બ્ 12.6.12) અઙ્ગિરસઃ સ્વર્ગં લોકં યન્તો રક્ષાંસ્ય્ અન્વસચન્ત તાન્ય્ એતેન તિરશ્ચાઙ્ગિરસસ્ તિર્યઙ્ પર્યવૈદ્ યત્ તિર્યઙ્ અપર્યવૈત્ તસ્માત્ તૈરશ્ચ્યં પાપ્મા વાવ સ તાન્ અસચત તં તૈરશ્ચ્યેનાપાઘ્નતાપ પાપ્માનં હતે તૈરશ્ચ્યેન તુષ્ટુવાનઃ
(પ્બ્ 12.6.13) સપ્તદશ એવ સ્તોમો ભવતિ પ્રતિષ્ઠાયૈ પ્રજાત્યૈ
(પ્બ્ 12.7.1) ઽઽપ્ર ત આશ્વિનીઃ પવમાનધેનવઽઽ ઇતિ ચતુર્થસ્યાહ્નઃ પ્રતિપદ્ ભવતિ
(પ્બ્ 12.7.2) આપ્તે ત્રિરાત્રે રૂપેણ ગાયત્ર્યો દ્વિતીયં પ્રયન્તિ પ્રતિ વૈ ગાયત્ર્યા રૂપમ્
(પ્બ્ 12.7.3) જગતી પ્રતિપદ્ ભવતિ જાગતમ્ એતદ્ અહર્ યત્ તૃતીયં જગત્યા એવ તજ્ જગતીમ્ અભિસંક્રામન્તિ
(પ્બ્ 12.7.4) યદ્ અતો ઽન્યા પ્રતિપત્સ્યાત્ પ્રતિકૂલં વાનુકૂલં વા સ્યાત્
(પ્બ્ 12.7.5) પવમાનો અજીજનદ્ ઇત્ય્ અનુરૂપો ભવતિ
(પ્બ્ 12.7.6) જનદ્વદ્ વા એતદ્ અહર્ યચ્ ચતુર્થમ્ અન્નાદ્યં જનયતિ વિરાજં જનયત્ય્ એકવિંશં સ્તોમં જનયતિ
(પ્બ્ 12.7.7) પૂર્વમ્ ઉ ચૈવ તદ્ રૂપમ્ અપરેણ રૂપેણાનુવદતિ તદ્ અનુરૂપસ્યાનુરૂપત્વમ્
(પ્બ્ 12.7.8) અનુરૂપ એનં પુત્રો જાયતે ય એવં વેદ
(પ્બ્ 12.7.9) સ્તોત્રીયાનુરૂપૌ તૃચૌ ભવતઃ પ્રાણાપાનાનામ્ અવરુધ્યૈ
(પ્બ્ 12.7.10) ષડૃચૌ ભવત ઋતૂનાં ધૃત્યૈ
(પ્બ્ 12.7.11) તૃચ ઉત્તમો ભવતિ યેનૈવ પ્રાણેન પ્રયન્તિ તમ્ અભ્યુદ્યન્તિ
(પ્બ્ 12.7.12) એકવિંશ એવ સ્તોમો ભવતિ પ્રતિષ્ઠાયૈ પ્રતિતિષ્ઠતિ
(પ્બ્ 12.8.1) ઽઽજનસ્ય ગોપા અજનિષ્ટ જાગૃવિઃઽઽ ઇત્ય્ આગ્નેયમ્ આજ્યં ભવતિ
(પ્બ્ 12.8.2) જનદ્વદ્ વા એતદ્ અહર્ યચ્ ચતુર્થમ્ અન્નાદ્યં જનયતિ વિરાજં જનયત્ય્ એકવિંશં સ્તોમં જનયતિ
(પ્બ્ 12.8.3) ઽઽઅયં વાં મિત્રાવરૂણા-ઽઽ ઇતિ બાર્હતં મૈત્રાવરૂણમ્
(પ્બ્ 12.8.4) બૃહદ્ એતત્ પરોક્ષં યદ્ વૈરાજં બાર્હતમ્ એવ તદ્ રૂપં નિર્દ્યોતયતિ
(પ્બ્ 12.8.5) ઽઽઇન્દ્રો દધીચો અસ્થભિર્ઽઽ ઇતિ દાધીચસ્ તૃચો ભવતિ
(પ્બ્ 12.8.6) દધ્યઙ્ વા આઙ્ગિરસો દેવાનાં પુરોધાનીય આસીદ્ અન્નં વૈ બ્રહ્મણઃ પુરોધા અન્નાદ્યસ્યાવરુધ્યૈ
(પ્બ્ 12.8.7) ઽઽઇયં વામસ્ય મન્મનઽઽ ઇત્ય્ ઐન્દ્રાગ્નમ્
(પ્બ્ 12.8.8) ઽઽઇન્દ્રાગ્ની પૂર્વ્યસ્તુતિર્ અભ્રાદ્ વૃષ્ટિર્ ઇવાજનિ-ઽઽ ઇત્ય્ આનુષ્ટુભી વૈ વૃષ્ટિર્ આનુષ્ટુભમ્ એતદ્ અહર્ યચ્ ચતુર્થં સમીચ્યૌ વિરાજૌ દધાત્ય્ અન્નાદ્યાય સ્તોમઃ
(પ્બ્ 12.9.1) ઽઽપયસ્વ દક્ષસાધનઽઽ ઇતિ ગાયત્રી ભવતિ સિધ્યૈ
(પ્બ્ 12.9.2) યત્ પવસ્વેતિ તદ્ બૃહતો રૂપં બાર્હતં હ્ય્ એતદ્ અહઃ
(પ્બ્ 12.9.3) ઽઽતવાહં સોમ રારણ સખ્ય ઇન્દો દિવે દિવે। પુરૂણિ બભ્રો નિચરન્તિ મામ્ અવ પરિધીંર્ અતિતાં ઇહિ-ઽઽ ઇતિ
(પ્બ્ 12.9.4) અતિ હ્ય્ આયઞ્ છકુના ઇવ પપ્તિમ્ એત્ય્ અતિ હ્ય્ અપતત્
(પ્બ્ 12.9.5) પુનાનો અક્રમીદ્ અભીતિ
(પ્બ્ 12.9.6) ગાયત્ર્યઃ સત્યસ્ ત્રિષ્ટુભો રૂપેણ તસ્માત્ ત્રિષ્ટુભાં લોકે ક્રિયન્તે
(પ્બ્ 12.9.7) ગાયત્રં ભવતિ યદ્ એવ ગાયત્રસ્ય બ્રાહ્મણમ્
(પ્બ્ 12.9.8) ચતુર્ણિધનમ્ આથર્વણં ભવતિ ચતૂરાત્રસ્ય ધૃત્યૈ
(પ્બ્ 12.9.9) ચતુષ્પદાનુષ્ટુભાનુષ્ટુભમ્ એતદ્ અહર્ યચ્ ચતુર્થમ્
(પ્બ્ 12.9.10) ભેષજં વાથર્વણાનિ ભેષજમ્ એવ તત્ કરોતિ
(પ્બ્ 12.9.11) નિધનકામં ભવતિ
(પ્બ્ 12.9.12) એકં વા અન્યેન નિરુક્તેન નિધનેન કામં સનોત્ય્ અથૈતન્ નિધનકામં સર્વેષાં કામાનામ્ અવરુધ્યૈ
(પ્બ્ 12.9.13) આષ્ટાદંષ્ટ્રં ભવતિ
(પ્બ્ 12.9.14) યદ્ એવાષ્ટાદંષ્ટ્રસ્ય બ્રાહ્મણમ્
(પ્બ્ 12.9.15) આભીશવં ભવત્ય્ અહ્નો ધૃત્યૈ
(પ્બ્ 12.9.16) યદ્ વા અધૃતમ્ અભીશુના તદ્ દાધાર

(પ્બ્ 12.9.17) અનુતુન્નં ગાયતિ તથા હ્ય્ એતસ્યાહ્નો રૂપમ્
(પ્બ્ 12.9.18) ચતુર્ણિધનમ્ આઙ્ગિરસં ભવતિ ચતૂરાત્રસ્ય ધૃત્યૈ
(પ્બ્ 12.9.19) સ્વઃ પૃષ્ઠં તથા હ્ય્ એતસ્યાહ્નો રૂપમ્
(પ્બ્ 12.9.20) સત્ત્રાસાહીયં ભવતિ
(પ્બ્ 12.9.21) યદ્ વા અસુરાણામ્ અસોઢમ્ આસીત્ તદ્ દેવાઃ સત્ત્રાસાહીયેનાસહન્ત સત્ત્રૈનાન્ અસક્ષ્મહીતિ તત્ સત્ત્રાસાહીયસ્ય સત્ત્રાસાહીયત્વમ્
(પ્બ્ 12.9.22) સત્ત્રા ભ્રાતૃવ્યં સહતે સત્ત્રાસાહીયેન તુષ્ટુવાનઃ
(પ્બ્ 12.9.23) ગાયત્રીષુ સ્તુવન્તિ પ્રતિષ્ઠાયૈ બ્રહ્મવર્ચસાય યેનૈવ પ્રાણેન પ્રયન્તિ તમ્ અભ્યુદ્યન્તિ
(પ્બ્ 12.9.24) વૃષણ્વત્યો ગાયત્રયો ભવન્તિ તદ્ ઉ ત્રૈષ્ટુભાદ્ રૂપાન્ નયન્તિ સ્તોમઃ
(પ્બ્ 12.10.1) ઽઽપિબા સોમમ્ ઇન્દ્ર મન્દતુ ત્વા યન્તે સુષાવ હર્યશ્વાદ્રિઃ। સોતુર્ બાહુભ્યાં સુયતો નાર્વા-ઽઽ ઇત્ય્ અયતમ્ ઇવ વૈ ચતુર્થમ્ અહસ્ તસ્યૈવ યત્યૈ
(પ્બ્ 12.10.2) વિશ્વાઃ પૃતના અભિભૃતરન્નર ઇત્ય્ અતિજગતી વર્ષીયયશ્ છન્દ આક્રમતે ઽનપભ્રંશાય
(પ્બ્ 12.10.3) અપભ્રંશ ઇવ વા એષ યજ્ જયાયસશ્ છન્દસઃ કનીયશ્ છન્દ ઉપૈતિ યદ્ એષા ચતુર્થે ઽહન્ય્ અતિજગતી ક્રિયતે ઽનપભ્રંશાય
(પ્બ્ 12.10.4) યો રાજા ચર્ષણીનામ્ ઇતિ
(પ્બ્ 12.10.5) રાજ્યે હ્ય્ એતર્હિ વાચો ઽગચ્છન્ રાજ્યમ્ એવૈતયા યજમાનં ગમયન્તિ
(પ્બ્ 12.10.6) છન્દોભિર્ વૈ દેવા આદિત્યં સ્વર્ગં લોકમ્ અહરન્ સ નાધ્રિયત તં વૈરાજસ્ય નિધનેનાદૃંહંસ્ તસ્માત્ પરાઙ્ ચાર્વાઙ્ ચાદિત્યસ્ તપતિ પરાઙ્ ચાર્વાઙ્ ચેકારઃ
(પ્બ્ 12.10.7) પ્રસ્તાવં પ્રસ્તુત્ય વિષ્ટમ્ભાન્ વિષ્ટભ્નોતિ મુખત એવ તદ્ અન્નાદ્યં ધત્તે મુખં હિ સામ્નઃ પ્રસ્તાવઃ
(પ્બ્ 12.10.8) દશકૃત્વો વિષ્ટભ્નોતિ દશાક્ષરા વિરાઙ્ વૈરાજમ્ અન્નમ્ અન્નાદ્યસ્યાવરુધ્યૈ
(પ્બ્ 12.10.9) ત્રિંશત્કૃત્વો વિષ્ટભ્નોતિ ભૂયસો ઽન્નાદ્યસ્યાવરુધ્યૈ
(પ્બ્ 12.10.10) વૈરાજં સામ ભવતિ વિરાટ્સુ સ્તુવન્તિ વૈરાજા વિષ્ટમ્ભાઃ સમીચીર્ વિરાજો દધાત્ય્ અન્નાદ્યાય
(પ્બ્ 12.10.11) અનુતુન્નં ગાયતિ રેતોધેયાયાનુતુન્નાદ્ ધિ રેતો ધીયતે
(પ્બ્ 12.10.12) દક્ષિણ ઊરાવ્ ઉદ્ગતુર્ અગ્નિં મન્થન્તિ દક્ષિણતો હિ રેતઃ સિચ્યતે
(પ્બ્ 12.10.13) ઉપાકૃતે ઽહિઙ્કૃતે મન્થન્તિ જાતમ્ અભિહિઙ્કરોતિ
(પ્બ્ 12.10.14) તસ્માજ્ જાતં પુત્રં પશવો ઽભિહિઙ્કુર્વન્તિ
(પ્બ્ 12.10.15) તસ્મૈ જાતાયામીમાંસન્ત ગાર્હપત્યે પ્રહરામા3 આગ્નીધ્રા3 આહવનીયા3 ઇતિ
(પ્બ્ 12.10.16) આહવનીયે પ્રહરન્ત્ય્ એતદ્ આયતનો વૈ યજમાનો યદા હવનીયે સ્વમ્ એવ તદ્ આયતનં જ્યોતિષ્મત્ કરોતિ
(પ્બ્ 12.10.17) જ્યોતિષ્માન્ બ્રહ્મવર્ચસી ભવતિ ય એવં વેદ
(પ્બ્ 12.10.18) અભિજુહોતિ શાન્ત્યૈ
(પ્બ્ 12.10.19) આજ્યેનાભિજુહોતિ તેજો વા આજ્યં તેજ એવ તદ્ આત્મન્ ધત્તે
(પ્બ્ 12.10.20) ઽઽપ્રેદ્ધો અગ્ને દીદિહિ પુરો નઽઽ ઇતિ વિરાજાભિજુહોત્ય્ અન્નં વિરાડ્ અન્નાદ્યસ્યાવરુધ્યૈ
(પ્બ્ 12.10.21) ત્રૈશોકં બ્રહ્મસામ ભવતિ
(પ્બ્ 12.10.22) અતિજગતીષુ સ્તુવન્ત્ય્ અહ્ન ઉત્ક્રાન્ત્યા ઉદ્ વા એતેનાહ્ના ક્રામન્તિ
(પ્બ્ 12.10.23) દિવેતિ નિધનમ્ ઉપયન્તિ પાપ્મનો ઽપહત્યા અપપાપ્માનં હતે ત્રૈશોકેન તુષ્ટુવાનઃ
(પ્બ્ 12.10.24) ભારદ્વાજસ્ય પૃશ્ન્ય્ અછાવાકસામ ભવતિ
(પ્બ્ 12.10.25) અન્નં વૈ દેવાઃ પૃશ્નીતિ વદન્ત્ય્ અન્નાદ્યસ્યાવરુધ્યૈ
(પ્બ્ 12.10.26) ઇડાભિર્ ઐડં તથા હ્ય્ એતસ્યાહ્નો રૂપં સ્તોમઃ
(પ્બ્ 12.11.1) ઽઽપરિપ્રિયા દિવઃ કવિર્ઽઽ ઇતિ પરિવત્યો ભવન્ત્ય્ અન્તો વૈ ચતુર્થમ્ અહસ્ તસ્યૈતાઃ પર્યાપ્ત્યૈ
(પ્બ્ 12.11.2) ત્વં હ્ય્ અઙ્ગ દૈવ્યેતિ ત્વમ્ ઇતિ બૃહતો રૂપં બાર્હતં હ્ય્ એતદ્ અહઃ
(પ્બ્ 12.11.3) સોમઃ પુનાન ઊર્મિણા વ્યંવારં વિધાવતિ। અગ્રે વાચઃ પવમાનઃ કનિક્રદદ્ ઇતિ
(પ્બ્ 12.11.4) અગ્રં હ્ય્ એતર્હિ વાચો ઽગચ્છન્ન્ અગ્રમ્ એવૈતયા યજમાનં ગમયન્તિ
(પ્બ્ 12.11.5) ઽઽપુરો જિતીવો અન્ધસા-ઽઽ ઇતિ વિરાજૌ વૈરાજં હ્ય્ એતદ્ અહઃ
(પ્બ્ 12.11.6) ઽઽસોમઃ પવતે જનિતા મતીનામ્ઽઽ ઇતિ પ્રાતસ્સવને ષોડશિનં ગૃહીતં તં તૃતીયસવને પ્રજનયન્તિ