પઞ્ચવિંશબ્રાહ્મણ · ભાગ 120

(પ્બ્ 1.1.1) ઓં મહન્ મે વોચો ભર્ગો મે વોચો યશો મે વોચઃ સ્તોમં મે વોચો ભુક્તિં મે વોચઃ સર્વં મે વોચસ્ તન્ માવતુ તન્ માવિશતુ તેન ભુક્ષિષીય
(પ્બ્ 1.1.2) દેવો દેવમ્ એતુ સોમઃ સોમમ્ એત્વ્ ઋતસ્ય પથા
(પ્બ્ 1.1.3) વિહાય દૌષ્કૃત્યમ્
(પ્બ્ 1.1.4) બદ્વા નામસિ સૃતિઃ સોમસરણી સોમં ગમેયમ્
(પ્બ્ 1.1.5) પિતરો ભૂઃ પિતરો ભૂઃ પિતરો ભૂઃ
(પ્બ્ 1.1.6) નૃમણ ઊર્ધ્વભરસં ત્વોર્ધ્વભરા દૃશેયમ્
(પ્બ્ 1.1.7) મૃદા શિથિરા દેવાનાં તીર્થં વેદિર્ અસિ મા મા હિંસીઃ
(પ્બ્ 1.1.8) વિષ્ણોઃ શિરો ઽસિ યશોધા યશો મયિ ધેહિ
(પ્બ્ 1.1.9) ઇષ ઊર્જ આયુષે વર્ચસે ચ
(પ્બ્ 1.2.1) યુનજ્મિ તે પૃથિવીમ્ અગ્નિના સહ યુનજ્મિ વાચં સહ સૂર્યેણ યુક્તો વાતો ઽન્તરિક્ષેણ તે સહ યુક્તાસ્ તિસ્રો વિમૃજઃ સૂર્યસ્ય
(પ્બ્ 1.2.2) ઋતસ્ય સદને સીદામિ
(પ્બ્ 1.2.3) ઋતપાત્રમ્ અસિ
(પ્બ્ 1.2.4) વાનસ્પત્યો ઽસિ બાર્હસ્પત્યો ઽસિ પ્રાજાપત્યો ઽસિ પ્રજાપતેર્ મૂર્ધાસ્ય્ અત્યાયુપાત્રમ્ અસીદમ્ અહં માં પ્રાઞ્ચં પ્રોહામિ તેજસે બ્રહ્મવર્ચસાય
(પ્બ્ 1.2.5) મરુતો નપાતો ઽપાઙ્ક્ષયાઃ પર્વતાનાઙ્કકુભઃ શ્યેના અજિરા એન્દ્રં વગ્નુના વહત ઘોષેણામીવાં ચાતયધ્વં યુક્તાસ્થ વહત
(પ્બ્ 1.2.6) ઇદમ્ અહમ્ અમું યજમાનં પશુષ્વ્ અધ્ય્ ઊહામિ પશુષુ ચ માં બ્રહ્મવર્ચસે ચ
(પ્બ્ 1.2.7) વસવસ્ ત્વા ગાયત્રેણ છન્દસા સં મૃજન્તુ રુદ્રાસ્ ત્વા ત્રૈષ્ટુભેન છન્દસા સં મૃજન્ત્વ્ આદિત્યાસ્ ત્વા જાગતેન છન્દસા સં મૃજન્તુ
(પ્બ્ 1.2.8) પવિત્રં તે વિતતં બ્રહ્મણસ્પતે પ્રભુર્ ગાત્રાણિ પર્ય્ એષિ વિશ્વતો ઽતપ્તતનૂર્ ન તદ્ આમો અશ્નુતે શૃતાસ ઇદ્ વહન્તઃ સં તદ્ આશતઃ
(પ્બ્ 1.2.9) પ્રશુક્રૈતુ દેવીમનીષાસ્મદ્ રથઃ સુતષ્ટો ન વાજ્ય્ આયુષે મે પચસ્વ વર્ચસે મે પવસ્વ વિદુઃ પૃથિવ્યા દિવો જનિત્રાચ્ છૃણ્વન્ત્વ્ આપો ઽધઃ ક્ષરન્તીઃ સોમેહોદ્ગાય મામ્ આયુષે મમ બ્રહ્મવર્ચસાય યજમાનસ્યર્દ્ધ્યા અમુષ્ય રાજ્યાય
(પ્બ્ 1.3.1) વેકુરાનામાસિ જુષ્ટા દેવેભ્યો નમો વાચે નમો વાચસ્ પતયે દેવિ વાગ્ યત્ તે વાચો મધુમત્ તસ્મિન્ મા ધાઃ સરસ્વત્યૈ સ્વાહા
(પ્બ્ 1.3.2) સૂર્યો મા દિવ્યાભ્યો નાષ્ટ્રાભ્યઃ પાતુ વાયુર્ અન્તરિક્ષાભ્યો ઽગ્નિઃ પાર્થિવાભ્યઃ સ્વાહા
(પ્બ્ 1.3.3) યો ઽદ્ય સૌમ્યો વધો ઽઘાયૂનામ્ ઉદીરતે વિષૂકુહસ્ય ધન્વનાપ તાન્ વરુણો ઽપ ધમતુ
(પ્બ્ 1.3.4) યો મ આત્મા યા મે પ્રજા યે મે પશવસ્ તૈર્ અહં મનો વાચં પ્ર સીદામિ
(પ્બ્ 1.3.5) અગ્નેસ્ તેજસેન્દ્રસ્યેન્દ્રિયેણ સૂર્યસ્ય વર્ચસા બૃહસ્પતિસ્ ત્વા યુનક્તુ દેવેભ્યઃ પ્રાણાયાગ્નિર્ યુનક્તુ તપસા સોમં યજ્ઞાય વોઢવે દધાત્વ્ ઇન્દ્ર ઇન્દ્રિયં સત્યાઃ કામા યજમાનસ્ય સન્તુ
(પ્બ્ 1.3.6) અન્નં કરિષ્યામ્ય્ અન્નં પ્રવિષ્યામ્ય્ અન્નં જનયિષ્યામિ
(પ્બ્ 1.3.7) અન્નમ્ અકરમ્ અન્નમ્ અભૂદ્ અન્નમ્ અજીજનમ્
(પ્બ્ 1.3.8) શ્યેનો ઽસિ ગાયત્રચ્છન્દા અનુ ત્વા રભે સ્વસ્તિ મા સં પારયા મા સ્તોત્રસ્ય સ્તોત્રં ગમ્યાદ્ ઇન્દ્રવન્તો વનેમહિ ભક્ષીમહિ પ્રજામ્ ઇષમ્
(પ્બ્ 1.3.9) સં વર્ચસા પયસા સં તપોભિર્ અગન્મહિ મનસા સં શિવેન સં વિજ્ઞાનેન મનસશ્ ચ સત્યૈર્ યથા વો ઽહં ચારુતમં વદાનીન્દ્રો વો દૃશે ભૂયાસં સૂર્યશ્ ચક્ષુષે વાતઃ પ્રાણાય સોમો ગન્ધાય બ્રહ્મ ક્ષત્રાય
(પ્બ્ 1.3.10) નમો ગન્ધર્વાય વિષ્વગ્ વાદિને વર્ચોધા અસિ વર્ચો મયિ ધેહિ
(પ્બ્ 1.4.1) અધ્વનામ્ અધ્વપતે સ્વસ્તિ મે ઽદ્યાસ્મિન્ દેવયાને પથિ ભૂયાત્
(પ્બ્ 1.4.2) સમ્રાડ્ અસિ કૃશાનુઃ
(પ્બ્ 1.4.3) તુથો ઽસિ જનધાયો નભો ઽસિ પ્રતક્વાસંમૃષ્ટો ઽસિ હવ્યસૂદનઃ
(પ્બ્ 1.4.4) વિબુર્ અસિ પ્રવાહણઃ
(પ્બ્ 1.4.5) વહ્નિર્ અસિ હવ્યવાહનઃ
(પ્બ્ 1.4.6) શ્વાત્રો ઽસિ પ્રચેતાઃ
(પ્બ્ 1.4.7) તુથો ઽસિ વિશ્વવેદા ઉશિગ્ અસિ કવિર્ અઙ્ઘારિર્ અસિ બમ્ભારિર્ અવસ્યુર્ અસિ દુવસ્વાન્
(પ્બ્ 1.4.8) શુન્ધ્યુર્ અસિ માર્જાલીયઃ
(પ્બ્ 1.4.9) ઋતધામાસિ સ્વર્જ્યોતિઃ
(પ્બ્ 1.4.10) સમુદ્રો ઽસિ વિશ્વવ્યચાઃ
(પ્બ્ 1.4.11) અહિર્ અસિ બુધ્ન્યઃ
(પ્બ્ 1.4.12) અજો ઽસ્ય્ એકપાત્

(પ્બ્ 1.4.13) સગરા અસિ બુધ્ન્યઃ
(પ્બ્ 1.4.14) કવ્યો ઽસિ કવ્યવાહનઃ
(પ્બ્ 1.4.15) પાત માગ્નયો રૌદ્રેણાનીકેન પિષ્ટત મા નમો વો ઽસ્તુ મા મા હિંસિષ્ટ
(પ્બ્ 1.5.1) ઋતસ્ય દ્વારૌ સ્થો મા મા સં તાપ્તમ્
(પ્બ્ 1.5.2) નમઃ સખિભ્યઃ પૂર્વસદ્ભ્યો નમો પરસદ્ભ્યઃ
(પ્બ્ 1.5.3) શ્યેનો નૃચક્ષા અગ્નેષ્ ટ્વા ચક્ષુષાવ પશ્યામિ
(પ્બ્ 1.5.4) ઇન્દવ્ ઇન્દ્રપીતસ્ય ત ઇન્દ્રિયાવતો ગાયત્રચ્છન્દસઃ સર્વગણસ્ય સર્વગણ ઉપહૂત ઉપહૂતસ્ય ભક્ષયામિ
(પ્બ્ 1.5.5) ઊર્ધ્વઃ સપ્ત ઋષીન્ ઉપ તિષ્ઠસ્વેન્દ્રપીતો વાચસ્ પતે સપ્તર્ત્વિજો ઽભ્યુચ્ છ્રયસ્વ જુષસ્વ લોકમ્ માર્વાગ્ અવ ગાઃ
(પ્બ્ 1.5.6) સોમ રારન્ધિ નો હૃદિ પિતા નો ઽસિ મમ તન્ મા મા હિંસીઃ
(પ્બ્ 1.5.7) સોમ ગીર્ભિષ્ ટ્વા વયં વર્ધયામો વાચોવિદઃ સુમૃડીકો ન આ વિશ
(પ્બ્ 1.5.8) આ પ્યાયસ્વ સમ્ એતુ તે વિશ્વતઃ સોમ વૃષ્ણ્યમ્ । ભવા વાજસ્ય સંગથે
(પ્બ્ 1.5.9) અવમૈસ્ ત ઊર્ધ્વૈસ્ તે કાવ્યૈસ્ તે પિતૃભિર્ ભક્ષિતસ્ય મધુમતો નારાશંસસ્ય સર્વગણસ્ય સર્વગણ ઉપહૂત ઉપહૂતસ્ય ભક્ષયામિ
(પ્બ્ 1.5.10) દીક્ષાયૈ વર્ણેન તપસો રૂપેણ મનસો મહિમ્ના વાચો વિભૂત્યા પ્રજાપતિસ્ ત્વા યુનક્તુ પ્રજાભ્યો ઽપાનાય
(પ્બ્ 1.5.11) વાયુર્ યુનક્તુ મનસા સ્તોમં યજ્ઞાય વોઢવે દધાત્વ્ ઇન્દ્ર ઇન્દ્રિયં સત્યાઃ કામા યજમાનસ્ય સન્તુ
(પ્બ્ 1.5.12) વૃષકો ઽસિ ત્રિષ્ટુપ્છન્દા અનુ ત્વા રભે સ્વસ્તિ મા સં પારયા મા સ્તોત્રસ્ય સ્તોત્રં ગમ્યાદ્ ઇન્દ્રવન્તો વનેમહિ ભક્ષીમહિ પ્રજામ્ ઇષમ્
(પ્બ્ 1.5.13) ઇન્દવ્ ઇન્દ્રપીતસ્ય ત ઇન્દ્રિયાવતો ત્રિષ્ટુપ્છન્દસઃ સર્વગણસ્ય સર્વગણ ઉપહૂત ઉપહૂતસ્ય ભક્ષયામિ
(પ્બ્ 1.5.14) સૂર્યો યુનક્તુ વાચા સ્તોમં યજ્ઞાય વોઢવે દધાત્વ્ ઇન્દ્ર ઇન્દ્રિયં સત્યાઃ કામા યજમાનસ્ય સન્તુ
(પ્બ્ 1.5.15) સ્વરો ઽસિ ગયો ઽસિ જગચ્છન્દા અનુ ત્વા રભે સ્વસ્તિ મા સં પારયા મા સ્તોત્રસ્ય સ્તોત્રં ગમ્યાદ્ ઇન્દ્રવન્તો વનેમહિ ભક્ષીમહિ પ્રજામ્ ઇષમ્
(પ્બ્ 1.5.16) ઇન્દવ્ ઇન્દ્રપીતસ્ય ત ઇન્દ્રિયાવતો ત્રિષ્ટુપ્છન્દસઃ સર્વગણસ્ય સર્વગણ ઉપહૂત ઉપહૂતસ્ય ભક્ષયામિ
(પ્બ્ 1.5.17) આયુર્ મે પ્રાણો મનો ઽસિ મે પ્રાણ આયુપત્ન્યામ્ ઋચિ યન્ મે મનો યમં ગતં યદ્ વા મે અપરાગતં રાજ્ઞા સોમેન તદ્ વયં પુનર્ અસ્માસુ દધ્નસિ
(પ્બ્ 1.5.18) યન્ મે યમં વૈવસ્વતં મનો જગામ દૂરગાસ્ તન્ મ આવર્તયા પુનર્ જીવાતવે ન મર્તવે ઽથો અરિષ્ટતાતયે
(પ્બ્ 1.5.19) યેનાહ્ય્ આજિમ્ અજયદ્ વિચક્ષ્ય યેન શ્યેનં શકુનં સુપર્ણં યદ્ આહુશ્ ચક્ષુર્ અદિતાવ્ અનન્તં સોમો નૃચક્ષા મયિ તદ્ દધાતુ
(પ્બ્ 1.6.1) ઐન્દ્રં સહો ઽસર્જિ તસ્ય ત ઇન્દવ્ ઇન્દ્રપીતસ્યેન્દ્રિયાવતો ઽનુષ્ટુપ્છન્દસો હરિવતઃ સર્વગણસ્ય સર્વગણ ઉપહૂત ઉપહૂતસ્ય ભક્ષયામિ
(પ્બ્ 1.6.2) ઇન્દવ્ ઇન્દ્રપીતસ્ય ત ઇન્દ્રિયાવતો ઽનુષ્ટુપ્છન્દસઃ સર્વગણસ્ય સર્વગણ ઉપહૂત ઉપહૂતસ્ય ભક્ષયામિ
(પ્બ્ 1.6.3) સ્તુતસ્ય સ્તુતમ્ અસ્ય્ ઊર્જસ્વત્ પયસ્વદ્ આ મા સ્તોત્રસ્ય સ્ત્રોત્રં. ગમ્યાદ્ ઇન્દ્રવન્તો વનેમહિ ભક્ષીમહિ પ્રજામ્ ઇષમ્
(પ્બ્ 1.6.4) ઇષ્ટયજુષસ્ તે દેવ સોમ સ્તુતસ્તોમસ્ય શસ્તોક્થસ્ય તિરોહ્ન્યસ્ય યો ઽશ્વસનિર્ ગોસનિર્ ભક્ષસ્ તસ્યોપહૂત ઉપહૂતસ્ય ભક્ષયામિ
(પ્બ્ 1.6.5) ઋતસ્ય ત્વા દેવ સ્તોમપદે વિષ્ણોર્ ધામાનિ વિ મુઞ્ચામ્ય્ એતત્ ત્વં દેવ સ્તોમાન્ અવકરમ્ અગન્ન્ અશીમહિ વયં પ્રતિષ્ઠામ્
(પ્બ્ 1.6.6) સોમેહાનુ મેહિ સોમ સહ સદસ ઇન્દ્રિયેણ
(પ્બ્ 1.6.7) સુભૂર્ અસિ શ્રેષ્ઠો રશ્મિર્ દેવાનાં સંસદ્ દેવાનાં યાતુર્ યયા તન્વા બ્રહ્મ જિન્વસિ તયા મા જિન્વ તયા મા જનય પ્રકાશં મા કુરુ
(પ્બ્ 1.6.8) અપાં પુષ્પમ્ અસ્ય્ ઓષધીનાં રસ ઇન્દ્રસ્ય પ્રિયતમં હવિઃ સ્વાહા
(પ્બ્ 1.6.9) હારિયોજનસ્ય તે દેવ સોમેષ્ટયજુષઃ સ્તુતસ્તોમસ્ય શસ્તોક્થસ્ય યો ઽશ્વસનિર્ ગોસનિર્ ભક્ષસ્ તસ્યોપહૂત ઉપહૂતસ્ય ભક્ષયામિ
(પ્બ્ 1.6.10) દેવકૃતસ્યૈનસો ઽવયજનમ્ અસિ પિતૃકૃતસ્યૈનસો ઽવયજનમ્ અસિ મનુષ્યકૃતસ્યૈનસો ઽવયજનમ્ અસ્ય્ અસ્મત્કૃતસ્યૈનસો ઽવયજનમ્ અસિ યદ્ દિવા ચ નક્તં ચૈનશ્ ચકૃમ તસ્યાવયજનમ્ અસિ યત્ સ્વપન્તશ્ ચ જાગ્રતશ્ ચૈનશ્ ચકૃમ તસ્યાવયજનમ્ અસિ યદ્ વિદ્વાંસશ્ ચાવિદ્વાંસશ્ ચૈનશ્ ચકૃમ તસ્યાવયજનમ્ અસ્ય્ એનસ-એનસાવયજનમ્ અસિ
(પ્બ્ 1.6.11) અપ્સુ ઘૌતસ્ય તે દેવ સોમ નૃભિઃ સુતસ્ય
(પ્બ્ 1.6.12) મધુમન્તં ભક્ષં કરોમિ
(પ્બ્ 1.6.13) સમ્ અદ્ભ્ય ઓષધીભ્યઃ
(પ્બ્ 1.6.14) કામકામં મ આ વર્તય
(પ્બ્ 1.6.15) ઊર્ગ્ અસ્ય્ ઊર્જમ્ મયિ ધેહિ
(પ્બ્ 1.6.16) પ્રાણ સોમપીથે મે જાગૃહિ
(પ્બ્ 1.6.17) દધિક્રાવ્ણો અકારિષં જિષ્ણોર્ અશ્વસ્ય વાજિનઃ । સુરભિ નો મુખા કરત્ પ્ર ન આયૂંષિ તારિષત્
(પ્બ્ 1.7.1) અશ્વો ઽસ્ય્ અત્યો ઽસિ મયો ઽસિ હયો ઽસિ વાજ્ય્ અસિ સપ્તિર્ અર્વાગ્ સિ વૃષાસિ

(પ્બ્ 1.7.2) આદિત્યાનાં પત્માન્વ્ ઇહિ નમસ્ તે ઽસ્તુ મા મા હિંસીઃ
(પ્બ્ 1.7.3) વાયોષ્ ટ્વા તેજસા પ્રતિ ગૃહ્ણામિ નક્ષત્રાણાં ત્વાં રૂપેણ પ્રતિ ગૃહ્ણામિ સૂર્યસ્ય ત્વા વર્ચસા પ્રતિ ગૃહ્ણામિ
(પ્બ્ 1.7.4) રથન્તરમ્ અસિ વામદેવ્યમ્ અસિ બૃહદ્ અસિ
(પ્બ્ 1.7.5) અઙ્કાન્યઙ્કૂ અભિતો રથં યૌ ધ્વાન્તં વાતાગ્રમ્ અભિસંચરતૌ દૂરે હેતિર્ ઇન્દ્રિયવાન્ પતત્રી તે નો ઽગ્નયઃ પપ્રયઃ પારયન્તુ
(પ્બ્ 1.7.6) વૈશ્વાનરઃ પ્રત્નથા નાકમ્ આ રુહ દિવઃ પૃષ્ઠે મન્દમાનઃ સુમન્મભિઃ સપૂર્વવજ્ જન્તવે ધનાઃ સમાનમ્ અય્મન્ પર્ય્ એતિ જાગૃવિઃ
(પ્બ્ 1.7.7) ગિદૈષ તે રથ એષ વામ્ અશ્વિના રથો ઽરિષ્ટો વિશ્વભેષજઃ
(પ્બ્ 1.7.8) કૃશાનો સવ્યાન્ આ યચ્છ
(પ્બ્ 1.7.9) દાસાનો દક્ષિણાન્ અવ ગૃહાણ
(પ્બ્ 1.8.1) દેવસ્ય ત્વા સવિતુઃ પ્રસવે ઽશ્વિનોર્ બાહુભ્યાં પૂષ્ણો હસ્તાભ્યાં પ્રતિ ગૃહ્ણામિ
(પ્બ્ 1.8.2) વરુણસ્ ત્વા નયતુ દેવિ દક્ષિણે વરુણાયાશ્વં તેનામૃતત્વમ્ અશીય વયો દાત્રે ભૂયાન્ મયો મહ્યં પ્રતિગ્રહીત્રે
(પ્બ્ 1.8.3) વરુણસ્ ત્વા નયતુ દેવિ દક્ષિણે રુદ્રાય ગાં તયામૃતત્વમ્ અશીય વયો દાત્રે ભૂયાન્ મયો મહ્યં પ્રતિગ્રહીત્રે
(પ્બ્ 1.8.4) વરુણસ્ ત્વા નયતુ દેવિ દક્ષિણે ઽગ્નયે ઽજમ્
(પ્બ્ 1.8.5) અગ્નયે હિરણ્યમ્
(પ્બ્ 1.8.6) અગ્નીષોમાભ્યામ્ અજાન્ મયામૃતત્વમ્ અશીય વયો દાત્રે ભૂયાન્ મયો મહ્યં પ્રતિગ્રહીત્રે
(પ્બ્ 1.8.7) અન્નસ્યાન્નપતિઃ પ્રાદાદ્ અનમીવસ્ય શુષ્મિણો નમો વિશ્વજનસ્ય ક્ષામાય ભુઞ્જતિ મા મા હિંસીઃ
(પ્બ્ 1.8.8) વરુણસ્ ત્વા નયતુ દેવિ દક્ષિણે ત્વષ્ટ્રે ઽવિં તયામૃતત્વમ્ અશીય વયો દાત્રે ભૂયાન્ મયો મહ્યં પ્રતિગ્રહીત્રે
(પ્બ્ 1.8.9) ગ્નાસ્ ત્વા ઽકૃન્તન્ન્ અપસો ઽતન્વત વયિત્ર્યો ઽવયન્
(પ્બ્ 1.8.10) વરુણસ્ ત્વા નયતુ દેવિ દક્ષિણે બૃહસ્પતયે વાસસ્ તેનામૃતત્વમ્ અશીય વયો દાત્રે ભૂયાન્ મયો મહ્યં પ્રતિગૃહીત્રે
(પ્બ્ 1.8.11) વરુણસ્ ત્વા નયતુ દેવિ દક્ષિણે ઉત્તાનાયાઙ્ગિરસાયાપ્રાણત્ તેનામૃતત્વમ્ અશીય વયો દાત્રે ભૂયાન્ મયો મહ્યં પ્રતિગ્રહીત્રે
(પ્બ્ 1.8.12) વરુણસ્ ત્વા નયતુ દેવિ દક્ષિણે પૂષ્ણ ઉષ્ટ્રમ્
(પ્બ્ 1.8.13) વાયવે મૃગં તેનામૃતત્વમ્ અશીય વયો દાત્રે ભૂયાન્ મયો મહ્યં પ્રતિગ્રહીત્રે
(પ્બ્ 1.8.14) જાપતયે હસ્તિનં પ્રજાપતયે વરાહં પ્રજાપતયે વ્રીહિયવાંસ્ તૈર્ અમૃતત્વમ્ અશીય વયો દાત્રે ભૂયાન્ મયો મહ્યં પ્રતિગ્રહીત્રે
(પ્બ્ 1.8.15) વરુણસ્ ત્વા નયતુ દેવિ દક્ષિણે ક્ષેત્રપતયે તિલમાષાસ્ તૈર્ અમૃતત્વમ્ અશીય વયો દાત્રે ભૂયાન્ મયો મહ્યં પ્રતિગ્રહીત્રે
(પ્બ્ 1.8.16) વરુણસ્ ત્વા નયતુ દેવિ દક્ષિણે સવિત્રે ઽશ્વતરં વાશ્વતરીં વા તયામૃતત્વમ્ અશીય વયો દાત્રે ભૂયાન્ મયો મહ્યં પ્રતિગ્રહીત્રે
(પ્બ્ 1.8.17) ક ઇદં કસ્મા અદાત્ કામઃ કામાયાદાત્ કામો દાતા કામઃ પ્રતિગ્રહીતા કામઃ સમુદ્રમ્ આવિશત્ કામેન ત્વા પ્રતિ ગૃહ્ણામિ કામૈતત્ તે
(પ્બ્ 1.9.1) રશ્મિર્ અસિ ક્ષયાય ત્વા ક્ષયં જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.9.2) પ્રેતિર્ અસિ ધર્મણે ત્વા ધર્મં જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.9.3) અન્વિતિર્ અસિ દિવે ત્વા દિવં જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.9.4) સંધિર્ અસ્ય્ અન્તરિક્ષાય ત્વાન્તરિક્ષં જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.9.5) પ્રતિધિર્ અસિ પૃથિવ્યૈ ત્વા પૃથિવીં જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.9.6) વિષ્ટમ્ભો ઽસિ વૃષ્ટ્યૈ ત્વા વૃષ્ટિં જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.9.7) પ્રાચો ઽસ્ય્ અહ્ને ત્વાહર્ જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.9.8) અન્વાસિ રાત્ર્યૈ રાત્રિં જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.9.9) ઉશિગ્ અસિ વસુભ્યસ્ ત્વા વસૂન્ જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.9.10) પ્રકેતો ઽસિ રુદ્રેભ્યસ્ ત્વા રુદ્રાન્ જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.9.11) સુદીતિર્ અસ્ય્ આદિત્યેભ્યસ્ ત્વાદિત્યાન્ જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.9.12) ઓજો ઽસિ પિતૃભ્યસ્ ત્વા પિતૄન્ જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.10.1) તન્તુર્ અસિ પ્રજાભ્યસ્ ત્વા પ્રજા જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.10.2) રોદસ્ય્ અસ્ય્ ઓષધીભ્યસ્ ત્વૌષધીર્ જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.10.3) પૃતનાષાડ્ અસિ પશુભ્યસ્ ત્વા પશૂન્ જિન્વ સવિતૃપ્રસૂતા બૃહસ્પતયે સ્તુત

(પ્બ્ 1.10.4) અભિજિદ્ અસિ યુક્તગ્રાવેન્દ્રાય ત્વેન્દ્રં જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.10.5) અધિપતિર્ અસિ પ્રાણાય ત્વા પ્રાણાન્ જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.10.6) ધરુણો ઽસ્ય્ અપાનાય ત્વાપાનાન્ જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.10.7) સંસર્પો ઽસિ ચક્ષુષે ત્વા ચક્ષુર્ જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.10.8) વયોધા અસિ ક્ષેત્રાય ત્વા ક્ષેત્રં જિન્વ સવિતૃપ્રસૂતા બૃહસ્પતયે સ્તુત
(પ્બ્ 1.10.9) ત્રિવૃદ્ અસિ ત્રિવૃતે ત્વા સવૃદ્ અસિ સવૃતે ત્વા પ્રવૃદ્ અસિ પ્રવૃતે ત્વાનુવૃદ્ અસ્ય્ અનુવૃતે ત્વા સવિતૃપ્રસૂતા બૃહસ્પતયે સ્તુત
(પ્બ્ 1.10.10) નિરોહો ઽસિ નિરોહાય ત્વા સંરોહો ઽસિ સંરોહાય ત્વા પ્રરોહો ઽસિ પ્રરોહાય ત્વાનુરોહો ઽસ્ય્ અનુરોહાય ત્વા સવિતૃપ્રસૂતા બૃહસ્પતયે સ્તુત
(પ્બ્ 1.10.11) વસુકો ઽસિ વસ્યષ્ટિર્ અસિ વેષશ્રીર્ અસિ સવિતૃપ્રસૂતા બૃહસ્પતયે સ્તુત
(પ્બ્ 1.10.12) આક્રમો ઽસ્ય્ આક્રમાય ત્વા સંક્રમો ઽસિ સંક્રમાય ત્વોત્ક્રમો ઽસ્ય્ ઉત્ક્રમાય ત્વોત્ક્રાન્તિર્ અસ્ય્ ઉત્ક્રાન્ત્યૈ ત્વા સવિતૃપ્રસૂતા બૃહસ્પતયે સ્તુત
(પ્બ્ 2.1.1) તિસૃભ્યો હિઙ્ કરોતિ સ પ્રથમયા તિસૃભ્યો હિઙ્ કરોતિ સ મધ્યમયા તિસૃભ્યો હિઙ્ કરોતિ સ ઉત્તમયોદ્યતી ત્રિવૃતો વિષ્ટુતિઃ
(પ્બ્ 2.1.2) જ્યેષ્ઠો જ્યૈષ્ઠિનેય સ્તુવીત
(પ્બ્ 2.1.3) અગ્રાદ્ અગ્રં રોહત્ય્ અભિક્રામન્તી વિષ્ટુતિર્ અભિક્રામન્ત્યા એવાભિક્રાન્તેન હિ યજ્ઞસ્યર્ધ્નોતિ તસ્માદ્ એતયા સ્તોતવ્યમ્ ઋદ્ધ્યા એવ
(પ્બ્ 2.1.4) પાપવસીયસો વિધૃતિર્ વિપાપ્મના વર્તતે ય એતયા સ્તુતે નાવગતો ઽપ રુધ્યતે નાપરુદ્ધો ઽવ ગચ્છતિ । ન શ્રેયાંસં પાપીયાન્ અભ્યા રોહતિ ન જનતા જનતામ્ અભ્ય્ એતિ નાન્યો ઽન્યસ્ય પ્રજા આ દદતે યથાક્ષેત્રં કલ્પન્તે । અવર્ષુકસ્ તુ પર્જન્યો ભવતીમે હિ લોકાસ્ તૃચસ્ તાન્ હિઙ્કારેણ વ્ય્ એતિ
(પ્બ્ 2.1.5) એષા વૈ પ્રતિષ્ઠિતા ત્રિવૃતો વિષ્ટુતિઃ પ્રતિ તિષ્ઠતિ ય એતયા સ્તુતે
(પ્બ્ 2.2.1) તિસૃભ્યો હિઙ્ કરોતિ સ પરાચીભિસ્ તિસૃભ્યો હિઙ્ કરોતિ સ પરાચીભિસ્ તિસૃભ્યો હિઙ્ કરોતિ સ પરાચીભિઃ પરિવર્તિની ત્રિવિષ્ટુતિઃ
(પ્બ્ 2.2.2) પ્રપરીવર્તમ્ આપ્નોતિ ય એતયા સ્તુતે સંતતા વિષ્ટુતિઃ પ્રાણો ઽપાનો વ્યાનસ્ ત ઋચસ્ તાન્ હિઙ્કારેણ સં તનોતિ । સર્વમ્ આયુર્ એતિ ન પુરાયુષઃ પ્ર મીયતે ય એતયા સ્તુતે વર્ષુકઃ પર્જન્યો ભવતીમે હિ લોકાસ્ તૃચસ્ તાન્ હિઙ્કારેણ સં દધાતિ
(પ્બ્ 2.2.3) શ્લક્ષ્ણેવ તુ વા ઈશ્વરા પશૂન્ નિર્મૃજઃ સૈષા ચ પરાચોત શ્રેયાન્ ભવત્ય્ ઉત યાદૃઙ્ એવ તાદૃઙ્ નેત્ તુ પાપીયાન્
(પ્બ્ 2.2.4) તામ્ એતાં ભાલ્લવય ઉપાસતે તસ્માત્ તે પ્રતિગૃણન્તઃ પરીવર્તાન્ ન ચ્યવન્તે
(પ્બ્ 2.3.1) તિસૃભ્યો હિઙ્ કરોતિ સ પરાચીભિસ્ તિસૃભ્યો હિઙ્ કરોતિ યા મધ્યમા સા પ્રથમા યોત્તમા સા મધ્યમા યા પ્રથમા સોત્તમા તિસૃભ્યો હિઙ્ કરોતિ યોત્તમા સા પ્રથમા યા પ્રથમા સા મધ્યમા યા મધ્યમા સોત્તમા કુલાયિની ત્રિવૃતો વિષ્ટુતિઃ
(પ્બ્ 2.3.2) પ્રજાકામો વા પશુકામો વા સ્તુવીત વૈ કુલાનાયપશવઃ કુલાયં-કુલાયમ્ એવ ભવતિ
(પ્બ્ 2.3.3) એતામ્ એવાનુજાવરાય કુર્યાદ્ એતાસામ્ એવાગ્રં પરિયતીનાં પ્રજાના[મ્] અગ્રં પર્ય્ એતિ
(પ્બ્ 2.3.4) એતામ્ એવ બહુભ્યો યજમાનેભ્યઃ કુર્યાત્ યત્ સર્વા અગ્રિયા ભવન્તિ સર્વા મધ્યે સર્વા ઉત્તમાઃ સર્વાન્ એવૈનાન્ સમાવદ્ભાજઃ કરોતિ નાન્યો ઽન્યમ્ અપ ઘ્નતે સર્વે સમાવદિન્દ્રિયા ભવન્તિ
(પ્બ્ 2.3.5) વર્ષુકઃ પર્જન્યો ભવતીમે હિ લોકાસ્ તૃચસ્ તાન્ હિઙ્કારેણ વ્યતિ ષજતિ
(પ્બ્ 2.3.6) પાપવસીયસં તુ ભવતિ
(પ્બ્ 2.3.7) અધરોત્તરમ્ અપાવગતો રુધ્યતેવ ગચ્છત્ય્ અપરુદ્ધઃ પાપીયાન્ શ્રેયાંસમ્ અભ્યા રોહતિ જનતા જનતામ્ અભ્ય્ એત્ય્ અન્યો ઽન્યસ્ય પ્રજા આ દદતે ન યથાક્ષેત્રં કલ્પન્તે
(પ્બ્ 2.4.1) પઞ્ચભ્યો હિઙ્ કરોતિ સ તિસૃભિઃ સ એકયા સ એકયા પઞ્ચભ્યો હિઙ્ કરોતિ સ એકયા સ તિસૃભિઃ સ એકયા પઞ્ચભ્યો હિઙ્ કરોતિ સ એકયા સ એકયા સ તિસૃભિઃ પઞ્ચપઞ્ચિની પઞ્ચપઞ્ચદશસ્ય વિષ્ટુતિઃ
(પ્બ્ 2.4.2) પાઙ્ક્તઃ પુરુષઃ પાઙ્ક્તાત્ પશવસ્ તયા પુરુષં ચ પશૂંશ્ ચાપ્નોતિ વજ્રો વૈ પન્ચપશો યત્ પઞ્ચ-પઞ્ચ વ્યૂહતિ વજ્રમ્ એવ તદ્ વ્ય્ ઊહતિ શાન્ત્યા એષા વૈ પ્રતિષ્ઠિતા પઞ્ચદશસ્ય વિષ્ટુતિઃ પ્રતિ તિષ્ઠતિ ય એતયા સ્તુતે
(પ્બ્ 2.5.1) પઞ્ચભ્યો હિઙ્ કરોતિ સ તિસૃભિઃ સ એકયા તિસૃભ્યો હિઙ્ કરોતિ સ પરાચીભિઃ સપ્તભ્યો હિઙ્ કરોતિ સ એકયા સ તિસૃભિઃ સ તિસૃભિસ્
(પ્બ્ 2.5.2) ત્રીન્ સ્તોમાન્ પ્રતિવિહિતા બ્રહ્મવર્ચસકામઃ સ્તુવીત
(પ્બ્ 2.5.3) પઞ્ચભિઃ પઞ્ચદશં તિસૃભિસ્ ત્રિવૃતં સપ્તભિઃ સપ્તદશમ્
(પ્બ્ 2.5.4) વીર્યં વૈ સ્તોમા વીર્યમ્ એવ તદ્ એકધા સમૂહતે બ્રહ્મવર્ચસ્યાવરુદ્ધ્યૈ તેજસ્વી બ્રહ્મવર્ચસી ભવતિ ય એતયા સ્તુતે
(પ્બ્ 2.6.1) તિસૃભ્યો હિઙ્ કરોતિ સ પરાચીભિઃ પઞ્ચભ્યો હિઙ્ કરોતિ સ એકયા સ તિસૃભિઃ સ એકયા સપ્તભ્યો હિઙ્ કરોતિ સ એકયા સ તિસૃભિઃ સ તિસૃભિર્ ઉદ્યતી પઞ્ચદશસ્ય વિષ્ટુતિઃ
(પ્બ્ 2.6.2) એતયા વૈ દેવાઃ સ્વર્ગંલ્ લોકમ્ આયન્ સ્વર્ગકામઃ સ્તુવીત સ્વર્ગસ્ય લોકસ્ય સમષ્ટ્યૈ સ્વર્ગાલ્ લોકાન્ ન ચ્યવતે તુષ્ટુવાનઃ
(પ્બ્ 2.6.3) અભિક્રામન્તી વિષ્ટુતિર્ અભિક્રામન્ત્યા એવાભિક્રાન્તેન હિ યજ્ઞસ્યર્ધ્નોતિ તસ્માદ્ એતયા સ્તોતવ્યમ્ ઋદ્ધ્યા એવ
(પ્બ્ 2.7.1) પઞ્ચભ્યો હિઙ્ કરોતિ સ તિસૃભિઃ સ એકયા સ એકયા પઞ્ચભ્યો હિઙ્ કરોતિ સ એકયા સ તિસૃભિઃ સ એકયા સપ્તભ્યો હિઙ્ કરોતિ સ એકયા સ તિસૃભિઃ સ તિસૃભિર્ દશસપ્તા સપ્તદશસ્ય વિષ્ટુતિઃ
(પ્બ્ 2.7.2) એતયા વૈ દેવા અસુરાન્ અત્ય્ અક્રામન્ન્ અતિ પાપ્માનં ભ્રાતૃવ્યં ક્રામતિ ય એતયા સ્તુતે
(પ્બ્ 2.7.3) અભિક્રામન્તી વિષ્ટુતિર્ અભિક્રામન્ત્યા એવાભિક્રાન્તેન હિ યજ્ઞસ્યર્ધ્નોતિ તસ્માદ્ એતયા સ્તોતવ્યમ્ ઋદ્ધ્યા એવ
(પ્બ્ 2.7.4) ગર્ભિણી વિષ્ટુતિઃ પ પ્રજયા પ્ર પશુભિર્ જાયતે ય એતયા સ્તુતે
(પ્બ્ 2.7.5) વિડ્ વૈ સપ્તદશસ્ તસ્યા રાજા ગર્ભો વિશ એવ તદ્ રાજાનં ગર્ભં કરોતિ
(પ્બ્ 2.7.6) નાવગતો ઽપ રુધ્યતે નાપરુદ્ધો ઽવ ગચ્છતિ

(પ્બ્ 2.7.7) અન્નં વૈ સપ્તદશો યત્ સપ્ત મધ્યે ભવન્તિ પઞ્ચ-પઞ્ચાભિતો ઽન્નમ્ એવ તન્ મધ્યતો ધીયતે ઽનશનાયુકો યજમાનો ભવત્ય્ અનશનાયુકાઃ પ્રજાઃ
(પ્બ્ 2.7.8) વૈરાજો વૈ પુરુષઃ સપ્ત ગ્રામ્યાઃ પશવો યદ્ દશપૂર્વા ભવન્તિ સપ્તોત્તમા યજમાનમ્ એવ તત્ પશુષુ પ્રતિ ષ્ઠાપયતિ
(પ્બ્ 2.7.9) એષા વૈ પ્રતિષ્ઠિતા સપ્તદશસ્ય વિષ્ટુતિઃ પ્રતિ તિષ્ઠતિ ય એતયા સ્તુતે
(પ્બ્ 2.8.1) એષ એવ વ્યૂહઃ સપ્તૈકમધ્યા
(પ્બ્ 2.8.2) બ્રહ્મણો વા આયતનં પ્રથમા ક્ષત્રસ્ય મધ્યમા વિશ ઉત્તમા યત્ પ્રથમા ભૂયિષ્ઠા ભાજયતિ બ્રહ્મણ્ય્ એવ તદ્ ઓજો વીર્યં દધાતિ બ્રહ્મણ એવ તત્ ક્ષત્રં ચ વિશં ચાનુગે કરોતિ ક્ષત્રસ્યાસ્ય પ્રકાશો ભવતિ ય એતયા સ્તુતે
(પ્બ્ 2.8.3) તામ્ એતાં ત્રિખર્વા ઉપાસતે તસ્માત્ તે સ્પર્ધમાના ન વ્લીયન્તે
(પ્બ્ 2.9.1) સપ્તભ્યો હિઙ્ કરોતિ સ તિસૃભિઃ સ તિસૃભિઃ સ એકયા તિસૃભ્યો હિઙ્ કરોતિ પરાચીભિઃ સપ્તભ્યો હિઙ્ કરોતિ સ એકયા સ તિસૃભિઃ સ તિસૃભિઃ સપ્તાસ્થિતા
(પ્બ્ 2.9.2) ભ્રાતૃવ્યં સ્તુવીત યથા સપ્તાસ્થિતેન મત્યેન સમી કરોત્ય્ એવં પાપ્માનં ભ્રાતૃવ્યં પ્ર રુજતિ
(પ્બ્ 2.9.3) એતામ્ એવ બહુભ્યો યજમાનેભ્યઃ કુર્યાદ્ યઃ પ્રથમો હિઙ્કારઃ સ પ્રથમાયા યત્તાં સપ્તભ્યો હિઙ્ કરોતિ તેન સા સપ્ત ભજતે યત્ સપ્તૈવ મધ્યે સપદ્યન્તે તેન સા સપ્ત ભજતે ય ઉત્તમો હિઙ્કારઃ સ ઉત્તમયા યત્તાં સપ્તભ્યો હિઙ્ કરોતિ તેન સા સપ્ત ભજતે સર્વાન્ એવૈનાન્ સમાવદ્ભાજઃ કરોતિ નાન્યો ઽન્યમ્ અપ ઘ્નતે સમાવદિન્દ્રિયા ભવન્તિ
(પ્બ્ 2.9.4) તામ્ એતામ્ અભિપ્રતારિણ ઉપાસતે તસ્માત્ ત ઓજિષ્ઠાસ્વાનામ્
(પ્બ્ 2.10.1) એષ એવ વ્યૂહ ઉભયઃ સપ્તૈકમધ્યા નિર્મધ્યા
(પ્બ્ 2.10.2) આનુજાવર સ્તુવીતાલોકો વા એષ યદ્ આનુજાવરો યત્ સપ્તપ્રથમાઃ સપ્તોત્તમાસ્ તિસ્રો મધ્યે ત્ર્યક્ષરઃ પુરુષો લોકમ્ એવાસ્મૈ તન્ મધ્યતઃ કરોતિ તસ્મિંલ્ લોકે પ્રતિ તિષ્ઠતિ
(પ્બ્ 2.10.3) એતામ્ એવ પ્રજાકામાય કુર્યાન્ મધ્યતો વા એષ સંરૂઢો યઃ પ્રજાં ન વિન્દતે લોકમ્ એવાસ્મૈ તં મધ્યતઃ કરોતિ તં લોકં પ્રજયા ચ પશુભિશ્ ચાનુ પ્ર જાયતે
(પ્બ્ 2.10.4) એતામ્ એવાપરુદ્ધરાજન્યાય કુર્યાદ્ વિડ્ વૈ સપ્તદશસ્ તસ્યા રાજા ગર્ભો વિશ એવ તદ્ રાજાનં નિર્ હન્ત્ય્ અપાવગતો ઽપ રુધ્યતે ઽવ ગચ્છત્ય્ અપરુદ્ધઃ
(પ્બ્ 2.10.5) એતામ્ એવાભિચર્યમાણાય કુર્યાત્ પ્રજાપતિર્ વૈ સપ્તદશઃ પ્રજાપતિમ્ એવ મધ્યત્તઃ પ્ર વિશન્ત્ય્ અસ્તૃત્યૈ
(પ્બ્ 2.11.1) પઞ્ચભ્યો હિઙ્ કરોતિ સ તિસૃભિઃ સ એકયા સ એકયા તિસૃભ્યો હિઙ્ કરોતિ સ પરાચીભિર્ નવભ્યો હિઙ્ કરોતિ સ તિસૃભિઃ સ તિસૃભિઃ સ તિસૃભિઃ
(પ્બ્ 2.11.2) ચતુરસ્તોમાન્ પ્રતિવિહિતા બ્રહ્મવર્ચસકામાઃ સ્તુવીત પઞ્ચભિઃ પઞ્ચદશં તિસૃભિસ્ ત્રિવૃતં નવભિસ્ ત્રિણવં સ્વયં સપ્તદશઃ સમ્પન્નો વીર્યં વૈ સ્તોમા વીર્યમ્ એવ તદ્ એકધા સમૂહતે બ્રહ્મવર્ચસ્યાવરુદ્ધ્યૈ તેજસ્વી બ્રહ્મવર્ચસી ભવતિ ય એતયા સ્તુતે
(પ્બ્ 2.12.1) તિસૃભ્યો હિઙ્ કરોતિ સ પરાચીભિઃ પઞ્ચભ્યો હિઙ્ કરોતિ સ એકયા સ તિસૃભિઃ સ એકયા નવભ્યો હિઙ્ કરોતિ સ તિસૃભિઃ સ તિસૃભિઃ સ તિસૃભિર્ ઉદ્યતીસપ્તદશસ્ય વિષ્ટુતિઃ
(પ્બ્ 2.12.2) એતયા વૈ દેવાઃ સ્વર્ગં લોકમ્ આયન્ સ્વર્ગકામઃ સ્તુવીત સ્વર્ગસ્ય લોકસ્ય સમષ્ટ્યૈ સ્વર્ગાલ્ લોકાન્ ન ચ્યવતે તુષ્ટુવાનો ઽભિક્રામન્તી વિષ્ટુતિર્ અભિક્રાન્ત્યા એવાભિક્રાન્તેન હિ યજ્ઞસ્યર્ધ્નોતિ તસ્માદ્ એતયા સ્તોતવ્યમ્ ઋદ્ધ્યા એવ
(પ્બ્ 2.13.1) સપ્તભ્યો હિઙ્ કરોતિ સ તિસૃભિઃ સ તિસૃભિઃ સ એકયા પઞ્ચભ્યો હિઙ્ કરોતિ સ એકયા સ તિસૃભિઃ સ એકયા પઞ્ચભ્યો હિઙ્ કરોતિ સ એકયા સ એકયા સ તિસૃભિર્ ભસ્ત્રાવાચીનબિલા
(પ્બ્ 2.13.2) યં દ્વિષ્યાત્ તસ્ય કુર્યાદ્ યથાવાચીનબિલયા ભસ્ત્રયા પ્રધૂનુયાદ્ એવં યજમાનસ્ય પશૂન્ પ્રધૂનોત્ય્ અપક્રામન્તી વિષ્ટુતિસ્ તયા યજમાનસ્ય પશવો ઽપક્રામન્તિ પાપીયાન્ ભવતિ ય એતયા સ્તુતે
(પ્બ્ 2.14.1) સપ્તભ્યો હિઙ્ કરોતિ સ તિસૃભિઃ સ તિસૃભિઃ સ એકયા સપ્તભ્યો હિઙ્ કરોતિ સ એકયા સ તિસૃભિઃ સ તિસૃભિઃ સપ્તભ્યો હિઙ્ કરોતિ સ તિસૃભિઃ સ એકયા સ તિસૃભિઃ સપ્તસપ્તિન્ય્ એકવિંશસ્ય વિષ્સ્ટુતિઃ
(પ્બ્ 2.14.2) સપ્ત ગ્રામ્યાઃ પશવસ્ તાન્ એતયા સ્પૃણોતિ સપ્ત શિરસિ પ્રાણાઃ પ્રાણા ઇન્દ્રિયાણીન્દ્રિયાણ્ય્ એવૈતયાપ્નોતિ
(પ્બ્ 2.14.3) એષા વૈ પ્રતિષ્થિતૈકવિંશસ્ય વિષ્ટુતિઃ પ્રતિતિષ્ઠતિ ય એતયા સ્તુતે
(પ્બ્ 2.15.1) પઞ્ચભ્યો હિઙ્ કરોતિ સ તિસૃભિઃ સ એકયા સ એકયા સપ્તભ્યો હિઙ્ કરોતિ સ એકયા સ તિસૃભિઃ સ તિસૃભિર્ નવભ્યો હિઙ્ કરોતિ સ તિસૃભિઃ સ તિસૃભિઃ સ તિસૃભિર્ ઉદ્યત્ય્ એકવિંશસ્ય વિષ્ટુતિઃ
(પ્બ્ 2.15.2) એતયા વૈ દેવાઃ સ્વર્ગં લોકમ્ આયન્ સ્વર્ગકામઃ સ્તુવીત સ્વર્ગસ્ય લોકસ્ય સમષ્ટ્યૈ સ્વર્ગાલ્ લોકાન્ ન ચ્યવતે તુષ્ટુવાનો ઽભિક્રામન્તી વિષ્ટુતિર્ અભિક્રાન્ત્યા એવાભિક્રાન્તેન હિ યજ્ઞસ્યર્ધ્નોતિ તસ્માદ્ એતયા સ્તોતવ્યમ્ ઋદ્ધ્યા એવ
(પ્બ્ 2.15.3) સૈષા ત્રિવૃત્ પ્રાયણા ત્રિવૃદ્ ઉદયના યત્ ત્રિવૃદ્ બહિષ્પવમાનં ભવતિ નવૈતા એકવિંશસ્યોત્તમા ભવન્તિ પ્રાણા વૈ ત્રિવૃત્ પ્રાણાન્ એવ તદ્ ઉભયતો દધાતિ તસ્માદ્ અયમ્ અર્ધભાગવાક્ (?) પ્રાણ ઉત્તરેષાં પ્રાણાનાં સર્વમ્ આયુર્ એતિ ન પુરાયુષઃ પ્રમીયતે ય એતયા સ્તુતે
(પ્બ્ 2.15.4) તામ્ એતાં ક્રદ્વિષ ઉપાસતે તસ્માત્ તે સર્વમ્ આયુર્ યન્તિ
(પ્બ્ 2.16.1) નવભ્યો હિઙ્ કરોતિ સ તિસૃભિઃ સ તિસૃભિઃ સ તિસૃભિઃ પઞ્ચભ્યો હિઙ્ કરોતિ સ એકયા સ તિસૃભિઃ સ એકયા સપ્તભ્યો હિઙ્ કરોતિ સ તિસૃભિઃ સ એકયા સ તિસૃભિઃ પ્રતિષ્ટુતિઃ
(પ્બ્ 2.16.2) નવભિસ્ ત્રિવૃતં પ્રતિષ્ટૌતિ પઞ્ચભિઃ પઞ્ચભિઃ પઞ્ચદશં સપ્તભિઃ સપ્તદશં સ્વયમ્ એકવિંશઃ સંપન્નઃ
(પ્બ્ 2.16.3) સ એવ સ્તોમા યજ્ઞં વહન્તિ તાન્ ઉત્તમે સ્તોત્રે સંતર્પયતિ યથાનડુહો વાશ્વાન્ વાશ્વતરાન્ વોહુષઃ સંતર્પયેદ્ એવમ્ એતદ્ ઉત્તમે સ્તોત્રે સ્તોમાન્ સંતર્પયતિ તૃપ્યતિ પ્રજયા પશુભિર્ ય એતયા સ્તુતે
(પ્બ્ 2.16.4) એતામ્ એવ પુરોધાકામાય કુર્યાદ્ બ્રહ્મ વૈ ત્રિવૃત્ ક્ષત્રમ્ એકવિંશો યત્ ત્રિવૃતૈકવિંશં પ્રતિપદ્યતે બ્રહ્મ તત્ ક્ષત્રસ્ય પુરસ્તાન્ નિદધાતિ ગચ્છતિ પુરોધાં ન પુરોધાયાશ્ ચ્યવતે ય એતયા સ્તુતે
(પ્બ્ 2.16.5) તામ્ એતાં પ્રાવાહણ્ય ઉપાસતે તસ્માત્ તે પુરોધાયા ન ચ્યવન્ત
(પ્બ્ 2.17.1) નવભ્યો હિઙ્ કરોતિ સ તિસૃભિઃ સ તિસૃભિઃ સ તિસૃભિસ્ તિસૃભ્યો હિઙ્ કરોતિ સ પરાચીભિર્ નવભ્યો હિઙ્ કરોતિ સ તિસૃભિઃ સ તિસૃભિઃ સ તિસૃભિઃ સૂર્મ્ય્ ઉભયત આદીપ્તા
(પ્બ્ 2.17.2) બ્રહ્મવર્ચસકામઃ સ્તુવીત તેજો વૈ ત્રિવૃત્ ત્ર્યક્ષરઃ પુરુષો યત્ ત્રિવૃતાવ્ અભિતો ભવતસ્ તિસ્રો મધ્યે યથા હિ હિરણ્યં નિષ્ટપેદ્ એવમ્ એનં ત્રિવૃતૌ નિષ્ટપતસ્ તેજસે બ્રહ્મવર્ચસાય
(પ્બ્ 2.17.3) અપશવ્ય્ એવ તુ વા ઈશ્વરા પશૂન્ નિર્દહઃ કિલાસત્ત્વાન્ નૂભયમતિ હિ નિષ્ટપતઃ
(પ્બ્ 2.17.4) એતામ્ એવાભિશસ્યમાનાય કુર્યાચ્ છમલં વા એતમ્ ઋચ્છતિ યમ્ અશ્લીલા વાગ્ ઋચ્છતિ યૈવૈનમ્ અસાવ્ અશ્લીલં વાગ્ વદતિ તામ્ અસ્ય ત્રિવૃતૌ નિષ્ટપતસ્ તેજસ્વી ભવતિ ય એતયા સ્તુતે

(પ્બ્ 3.1.1) નવભ્યો હિઙ્ કરોતિ સ તિસૃભિઃ સ પઞ્ચભિઃ સ એકયા નવભ્યો હિઙ્ કરોતિ સ એકયા સ તિસૃભિઃ સ પઞ્ચભિર્ નવભ્યો હિઙ્ કરોતિ સ પઞ્ચભિઃ સ એકયા સ તિસૃભિઃ
(પ્બ્ 3.1.2) વજ્રો વૈ ત્રિણવો વજ્રમ્ એવ તદ્ વ્યૂહતિ શાન્ત્યૈ
(પ્બ્ 3.1.3) પઞ્ચભિર્ વિહિતૈકા પરિચરા પાઙ્ક્તાઃ પશવો યજમાનઃ પરિચરા યત્ પઞ્ચભિર્ વિદધાત્ય્ એકા પરિચરા ભવતિ યજમાનમ્ એવ તત્ પશુષુ પ્રતિષ્ઠાપયત્ય્ એષા વૈ પ્રતિષ્ઠિતા ત્રિણવસ્ય વિષ્ટુતિઃ પ્રતિતિષ્ઠતિ ય એતયા સ્તુતે

(પ્બ્ 3.2.1) સપ્તભ્યો હિઙ્ કરોતિ સ તિસૃભિઃ સ એકયા નવભ્યો હિઙ્ કરોતિ સ એકયા સ તિસૃભિઃ સ પઞ્ચભિર્ એકાદશભ્યો હિઙ્ કરોતિ સ પઞ્ચભિઃ સ તિસૃભિઃ સ તિસૃભિર્ ઉદ્યતી ત્રિણવસ્ય વિષ્ટુતિઃ
(પ્બ્ 3.2.2) એતયા વૈ દેવાઃ સ્વર્ગં લોકમ્ આયન્ સ્વર્ગકામઃ સ્તુવીત સ્વર્ગસ્ય લોકસ્ય સમષ્ટ્યૈ સ્વર્ગાલ્ લોકાન્ ન ચ્યવતે તુષ્ટુવાનો ઽભિક્રામન્તી વિષ્ટુતિર્ અભિક્રાન્ત્યા એવાભિક્રાન્તેન હિ યજ્ઞસ્યર્ધ્નોતિ તસ્માદ્ એતયા સ્તોતવ્યમ્ ઋદ્ધ્યા એવ
(પ્બ્ 3.3.1) એકાદશભ્યો હિઙ્ કરોતિ સ તિસૃભિઃ સ સપ્તભિઃ સ એકયૈકાદશભ્યો હિઙ્ કરોતિ સ એકયા સ તિસૃભિઃ સ સપ્તભિર્ એકાદશભ્યો હિઙ્ કરોતિ સ સપ્તભિઃ સ એકયા સ તિસૃભિઃ
(પ્બ્ 3.3.2) અન્તો વૈ ત્રયસ્ત્રિંશઃ પરમો વૈ ત્રયસ્ત્રિંશ સ્તોમાનાં સપ્તભિર્ વિહિતૈકા પરિચરા સપ્ત ગ્રામ્યાઃ પશવો યજમાનઃ પરિચરા યત્ સપ્તભિર્ વિદધાત્ય્ એકા પરિચરા ભવતિ યજમાનમ્ એવ તદ્ અન્તતઃ પશુષુ પ્રતિષ્ઠાપયત્ય્ એષા વૈ પ્રતિષ્ઠિતા ત્રયસ્ત્રિંશસ્ય વિષ્ટુતિઃ પ્રતિતિષ્ઠતિ ય એતયા સ્તુતે
(પ્બ્ 3.4.1) એકાદશભ્યો હિઙ્ કરોતિ સ તિસૃભિઃ સ પઞ્ચભિઃ સ તિસૃભિર્ એકાદશભ્યો હિઙ્ કરોતિ સ તિસૃભિઃ સ તિસૃભિઃ સ પઞ્ચભિર્ એકાદશભ્યો હિઙ્ કરોતિ સ પઞ્ચભિઃ સ તિસૃભિઃ સ તિસૃભિર્ નેદીયઃસંક્રમા
(પ્બ્ 3.4.2) અન્તો વૈ ત્રયસ્ત્રિંશો યથા મહાવૃક્ષસ્યાગ્રં સૃપ્ત્વા નેદીયઃસંક્રમાત્ સંક્રામત્ય્ એવમ્ એતન્ નેદીયઃસંક્રમયા નેદીયઃસંક્રમાત્ સંક્રામતિ
(પ્બ્ 3.4.3) પઞ્ચભિર્ વિહિતાસ્ તિસ્રઃ પરિચરાઃ પાઙ્ક્તાઃ પશવ એતાવાન્ પુરુષો યદાત્મા પ્રજા જાયા યત્ પઞ્ચભિર્ વિદધાતિ તિસ્રઃ પરિચરા ભવન્તિ યજમાનમ્ એવ તત્ પશુષુ પ્રતિષ્ઠાપયતિ પશુમાન્ ભવતિ ય એતયા સ્તુતે
(પ્બ્ 3.5.1) નવભ્યો હિઙ્ કરોતિ સ તિસૃભિઃ સ પઞ્ચભિઃ સ એકયૈકાદશભ્યો હિઙ્ કરોતિ સ એકયા સ તિસૃભિઃ સ સપ્તભિસ્ ત્રયોદશભ્યો હિઙ્ કરોતિ સ સપ્તભિઃ સ તિસૃભિર્ ઉદ્યતી ત્રયસ્ત્રિંશસ્ય વિષ્ટુતિઃ
(પ્બ્ 3.5.2) એતયા વૈ દેવાઃ સ્વર્ગં લોકમ્ આયન્ સ્વર્ગકામઃ સ્તુવીત સ્વર્ગસ્ય લોકસ્ય સમષ્ટ્યૈ સ્વર્ગાલ્ લોકાન્ ન ચ્યવતે તુષ્ટુવાનો ઽગ્રાદ્ અગ્રં રોહત્ય્ અભિક્રામન્તી વિષ્ટુતિર્ અભિક્રાન્ત્યા એવાભિક્રાન્તેન હિ યજ્ઞસ્યર્ધ્નોતિ તસ્માદ્ એતયા સ્તોતવ્યમ્ ઋદ્ધ્યા એવ
(પ્બ્ 3.6.1) ત્રયોદશભ્યો હિઙ્ કરોતિ સ તિસૃભિઃ સ પઞ્ચભિઃ સ પઞ્ચભિર્ એકાદશભ્યો હિઙ્ કરોતિ સ પઞ્ચભિઃ સ તિસૃભિઃ સ તિસૃભિર્ નવભ્યો હિઙ્ કરોતિ સ તિસૃભિઃ સ તિસૃભિઃ સ તિસૃભિઃ પ્રત્યવરોહિણીત્રયસ્ત્રિંશસ્ય વિષ્ટુતિઃ
(પ્બ્ 3.6.2) યથા મહાવૃક્ષસ્યાગ્રં સૃપ્ત્વા શાખાયાઃ શાખામ્ આલમ્ભમ્ ઉપાવરોહેદ્ એવમ્ એતયેમં લોકમ્ ઉપાવરોહતિ પ્રતિષ્ઠિત્યૈ
(પ્બ્ 3.6.3) ત્રિવૃતા પ્રૈતિ ત્રિવૃતોદેતિ પ્રાણા વૈ ત્રિવૃત્ પ્રાણેનૈવ પ્રૈતિ પ્રાણમ્ અભ્યુદેતિ સર્વમ્ આયુર્ એતિ ન પુરાયુષઃ પ્રમીયતે ય એતયા સ્તુતે
(પ્બ્ 3.6.4) તામ્ એતાં કરદ્વિષ ઉપાસતે તસ્માત્ તે સર્વમ્ આયુર્ યન્તિ
(પ્બ્ 3.7.1) પઞ્ચદશભ્યો હિઙ્ કરોતિ સ તિસૃભિઃ સ પઞ્ચભિર્ એકાદશભ્યો હિઙ્ કરોતિ સ પઞ્ચભિઃ સ તિસૃભિઃ સ તિસૃભિઃ સપ્તભ્યો હિઙ્ કરોતિ સ તિસૃભિઃ સ એકયા સ તિસૃભિઃ
(પ્બ્ 3.7.2) યો વૈ ત્રયસ્ત્રિંશમ્ એકવિંશે પ્રતિષ્ઠિતં વેદ પ્રતિતિષ્ઠતિ પ્રતિષ્ઠા વા એકવિંશઃ સ્તોમાનાં યદ્ એતાઃ સપ્ત ત્રયસ્ત્રિંશસ્યોત્તમા ભવન્તિ સપ્તવિધૈકવિંશસ્ય વિષ્ટુતિર્ એકવિંશ એવ તત્ ત્રયસ્ત્રિંશં પ્રતિષ્ઠાપયતિ પ્રતિતિષ્ઠતિ ય એતયા સ્તુતે
(પ્બ્ 3.8.1) અષ્ટાભ્યો હિઙ્ કરોતિ સ તિસૃભિઃ સ ચતસૃભિઃ સ એકયાષ્ટાભ્યો હિઙ્ કરોતિ સ એકયા સ તિસૃભિઃ સ ચતસૃભિર્ અષ્ટાભ્યો હિઙ્ કરોતિ સ ચતસૃભિઃ સ એકયા સ તિસૃભિઃ
(પ્બ્ 3.8.2) પશવો વૈ છન્દોગા યદ્ અષ્ટાભ્યો-ઽષ્ટાભ્યો હિઙ્ કરોતિ અષ્ટાશફાઃ પશવઃ શફશસ્ તત્ પશૂન્ આપ્નોતિ
(પ્બ્ 3.8.3) ચતસૃભિર્ વિહિતૈકા પરિચરા ચતુષ્પાદાઃ પશવો યજમાનઃ પરિચરા યચ્ ચતસૃભિર્ વિદધાત્ય્ એકા પરિચરા ભવતિ યજમાનમ્ એવ તત્ પશુષુ પ્રતિષ્ઠાપયત્ય્ એષા વૈ પ્રતિષ્ઠિતા ચતુર્વિંશસ્ય વિષ્ટુતિઃ પ્રતિતિષ્ઠતિ ય એતયા સ્તુતે
(પ્બ્ 3.9.1) પઞ્ચદશભ્યો હિઙ્ કરોતિ સ તિસૃભિઃ સ એકાદશભિઃ સ એકયા ચતુર્દશભ્યો હિઙ્ કરોતિ સ એકયા સ તિસૃભિઃ સ દશભિઃ પઞ્ચદશભ્યો હિઙ્ કરોતિ સ એકાદશભિઃ સ એકયા સ તિસૃભિઃ
(પ્બ્ 3.9.2) બ્રહ્મણો વા આયતનં પ્રથમા ક્ષત્રસ્ય મધ્યમા વિશ ઉત્તમા યત્ પઞ્ચદશિન્યૌ પૂર્વે ભવતશ્ ચતુર્દશોત્તમા બ્રહ્મણિ ચૈવ તત્ ક્ષત્રે ચૌજો વીર્યં દધાતિ બ્રહ્મણે ચૈવ તત્ ક્ષત્રાય ચ વિશમ્ અનુગાં કરોતિ ક્ષત્રસ્યેવાસ્ય પ્રકાશો ભવતિ ય એતયા સ્તુતે
(પ્બ્ 3.9.3) અસ્તોમા વા એતે યચ્ છન્દોગા અયુજો હિ સ્તોમા યુગ્મન્તિ છન્દાંસિ યદ્ એષા યુજિની ચતુશ્ચત્વારિંશસ્ય વિષ્ટુતિસ્ તેનાસ્તોમાઃ
(પ્બ્ 3.9.4) એષા વૈ પ્રતિષ્ઠિતા ચતુશ્ચત્વારિંશસ્ય વિષ્ટુતિઃ પ્રતિતિષ્ઠૈત્ ય એતયા સ્તુતે
(પ્બ્ 3.10.1) ચતુર્દશભ્યો હિઙ્ કરોતિ સ તિસૃભિઃ સ દશભિઃ સ એકયા પઞ્ચદશભ્યો હિઙ્ કરોતિ સ એકયા સ તિસૃભિઃ સ એકાદશભિઃ પઞ્ચદશભ્યો હિઙ્ કરોતિ સ એકાદશભિઃ સ એકયા સ તિસૃભિર્ નિર્મધ્યા
(પ્બ્ 3.10.2) અસ્તીવ વા અયં લોકો ઽસ્તીવાસૌ છિદ્રમ્ ઇવેદમ્ અન્તરિક્ષં યદ્ એષા નિર્મધ્યા ભવતીમાન્ એવ લોકાન્ અનુ પ્રજાયતે પ્ર પ્રજયા પ્ર પશુભિર્ જાયતે ય એતયા સ્તુતે
(પ્બ્ 3.11.1) પઞ્ચદશભ્યો હિઙ્ કરોતિ સ તિસૃભિઃ સ એકાદશભિઃ સ એકયા પઞ્ચદશભ્યો હિઙ્ કરોતિ સ એકયા સ તિસૃભિઃ સ એકાદશભિઃ ચતુર્દશભ્યો હિઙ્ કરોતિ સ દશભિઃ સ એકયા સ તિસૃભિઃ
(પ્બ્ 3.11.2) આજ્યાનાં પ્રથમા પૃષ્ઠાનાં દ્વિતીયોક્થાનાં તૃતીયા
(પ્બ્ 3.11.3) યાજ્યાનાં સા હોતુર્ યા પૃષ્ઠાનાં સા મૈત્રાવરુણસ્ય યોક્થાનાં સા બ્રાહ્મણાચ્છંસિનો યૈવ હોતુઃ સાચ્છાવાકસ્ય યા પૃષ્ઠાનાં સહોતુર્ યોક્થાનાં સા મૈત્રાવરુણસ્ય યાજ્યાનાં સા બ્રાહ્મણાચ્છંસિનો યૈવ હોતુઃ સાચ્છાવાકસ્ય યોક્થાનાં સા હોતુર્ યાજ્યાનાં સા મૈત્રાવરુણસ્ય યા પૃષ્ઠાનાં બ્રાહ્મણાચ્છંસિનો યૈવ હોતુઃ સાચ્છાવાકસ્ય સર્વા આજ્યેષુ સર્વાઃ પૃષ્થેષુ સર્વા ઉક્થેષુ
(પ્બ્ 3.11.4) પશવો વૈ સમીષન્તી યદ્ એષા સર્વાણિ સવનાન્ય્ અનુસંચરત્ય્ અનુસવનમ્ એવૈનં પશુભિઃ સમર્ધયતિ પશુમન્ ભવતિ ય એતયા સ્તુતે
(પ્બ્ 3.12.1) ષોડશભ્યો હિઙ્ કરોતિ સ તિસૃભિઃ સ દ્વદશભિઃ સ એકયા ષોડશભ્યો હિઙ્ કરોતિ સ એકયા સ તિસૃભિઃ સ દ્વાદશભિઃ ષોડશભ્યો હિઙ્ કરોતિ સ દ્વાદશભિઃ સ એકયા સ તિસૃભિઃ
(પ્બ્ 3.12.2) અન્તો વા અષ્ટાચત્વારિંશઃ પશવશ્ છન્દોગા યત્ ષોડશભ્યઃ-ષોડશભ્યો હિઙ્ કરોતિ ષોડશકલાઃ પશવઃ કલાશસ્ તત્ પશૂન્ આપ્નોતિ
(પ્બ્ 3.12.3) દ્વાદશભિર્ વિહિતૈકા પરિચરા દ્વાદશમાસાસ્ સંવ્વત્સરો યજમાનઃ પરિચરા યદ્ દ્વાદશભિર્ વિદધાત્ય્ એકા પરિચરા ભવતિ યજમાનમ્ એવ તદ્ અન્તતસ્ સંવ્વત્સરે પશુષુ પ્રતિષ્ઠાપયત્ય્ એષા વૈ પ્રતિષ્ઠિતાષ્ટાચત્વારિંશસ્ય વિષ્ટુતિઃ પ્રતિતિષ્ઠતિ ય એતયા સ્તુતે

(પ્બ્ 3.13.1) ષોડશભ્યો હિઙ્ કરોતિ સ તિસૃભિઃ સ દશભિઃ સ તિસૃભિઃ ષોડશભ્યો હિઙ્ કરોતિ સ તિસૃભિઃ સ તિસૃભિઃ સ દશભિઃ ષોડશભ્યો હિઙ્ કરોતિ સ દશભિઃ સ તિસૃભિઃ સ તિસૃભિર્ નેદીયઃસંક્રમા
(પ્બ્ 3.13.2) અન્તો વા અષ્ટાચત્વારિંશો યથા મહાવૃક્ષસ્યાગ્રં સૃપ્ત્વા નેદીયઃસંક્રમાત્ સંક્રામત્ય્ એવમ્ એતન્ નેદીયઃસંક્રમયા નેદીયઃસંક્રમાત્ સંક્રામતિ
(પ્બ્ 3.13.3) દશભિર્ વિહિતા તિસ્રઃ પરિચરા દશાક્ષરા વિરાડ્ એતાવાન્ પુરુષો યદ્ આત્મા પ્રજા જાયા યદ્ દશભિર્ વિદધાત્ત્ તિસ્રઃ પરિચરા ભવન્તિ યજમાનમ્ એવ તદ્ વિરાજ્ય્ અન્નાદ્યે ઽન્તતઃ પ્રતિષ્ઠાપયત્ય્ અન્નાદો ભવતિ ય એતયા સ્તુતે
(પ્બ્ 4.1.1) ગાવો વા એતત્ સત્ત્રમ્ આસત તાસાં દશસુ માસ્સુ શૃઙ્ગણ્ય્ અજાયન્ત તા અબ્રુવન્નરાઃ સ્મોત્તિષ્ઠામોપશા નો ઽજ્ઞતેતિ તા ઉદતિષ્ઠન્
(પ્બ્ 4.1.2) તાસાં ત્વ્ એવાબ્રુવન્ન્ આસામહા એવેમૌ દ્વાદશૌ માસૌ સંસંવ્વત્સરમ્ આપયામેતિ તાસાં દ્વાદશસુ માઃસુ શૃઙ્ગાણિ પ્રાવર્તન્ત તાઃ સર્વમ્ અન્નાદ્યમ્ આપ્નુવંસ્ તા એતાસ્ તૂપરાસ્ તસ્માત્ તાઃ સર્વાન્ દ્વાદશમાસઃ પ્રેરતે સર્વં હિ તા અન્નાદ્યમ્ આપ્નુવન્
(પ્બ્ 4.1.3) સર્વમ્ અન્નાદ્યમ્ આપ્નોતિ ય એવંવ્ વેદ
(પ્બ્ 4.1.4) પ્રજાપતિર્ વા ઇદમ્ એક આસીત્ સો ઽકામયત બહુ સ્યાં પ્રજાયેયેતિ સ એતમ્ અતિરાત્રમ્ અપશ્યત્ તમ્ આહરત્ તેનાહોરાત્રે પ્રાજનયત્
(પ્બ્ 4.1.5) યદ્ એષો ઽતિરાત્રો ભવત્ય્ અહોરાત્રે એવ પ્રજનયન્ત્ય્ અહોરાત્રયોઃ પ્રતિતિષ્ઠન્ત્ય્ એતાવાન્ વાવ સંવ્વત્સરો યદ્ અહસ્ ચ રાત્રિશ્ ચાહોરાત્રાભ્યામ્ એવ તત્ સંવ્વત્સરમ્ આપ્નુવન્તિ
(પ્બ્ 4.1.6) યજ્ જ્યોતિષ્ટોમો ભવતિ યજ્ઞમુખં તદ્ ઋધ્નુવન્તિ યદ્ ઉક્થો યજ્ઞક્રતોર્ અનન્તરયાય યદ્ રાત્રિઃ સર્વસ્યાપ્ત્યૈ

(પ્બ્ 4.1.7) સ એતાન્ સ્તોમાન્ અપશ્યત્ જ્યોતિર્ ગૌર્ ઔર્ ઇતીમે વૈ લોકા એતે સ્તોમા અયમ્ એવ જ્યોતિર્ અયં મધ્યમો ગૌર્ અસાવ્ ઉત્તમ આયુઃ
(પ્બ્ 4.1.8) યદ્ એતે સ્તોમા ભવન્તીમાન્ એવ લોકાન્ પ્રજનયન્ત્ય્ એષુ લોકેષુ પ્રતિતિષ્ઠન્તિ
(પ્બ્ 4.1.9) સ એતં ત્ર્યહં પુનઃ પ્રાયૌઙ્ક્ત તેન ષડહેન ષટ્ક્રતૂન્ પ્રાજનયત્
(પ્બ્ 4.1.10) યદ્ એષ ષડહો ભવતિ ઋતૂન્ એવ પ્રજનયન્તિ ઋતુષુ પ્રતિતિષ્ઠન્તિ
(પ્બ્ 4.1.11) સ એતં ષડહં પુનઃ પ્રાયુઙ્ક્ત તાભ્યાં દ્વાભ્યાં ષડહાભ્યાં દ્વાદશમસઃ પ્રાજનયત્
(પ્બ્ 4.1.12) યદ્ એતૌ ષડહૌ ભવતો માસાન્ એવ પ્રજનયન્તિ માસેષુ પ્રતિતિષ્ઠન્તિ
(પ્બ્ 4.1.13) સ એતૌ દ્વૌ ષડહૌ પુનઃ પ્રયુઙ્ક્ત તૈશ્ ચતુર્ભિઃ ષડહૈશ્ ચતુર્વિંશતિમ્ અર્ધમાસાન્ પ્રાજનયત્
(પ્બ્ 4.1.14) યદ્ એતે ચત્વારઃ ષડહા ભવન્ત્ય્ અર્ધમાસાન્ એવ પ્રજનયન્ત્ય્ અર્ધમાસેષુ પ્રતિતિષ્ઠન્તિ
(પ્બ્ 4.1.15) સ ઇદં ભુવનં પ્રજનયિત્વ પૃષ્ઠ્યેન ષડહેન વીર્યમ્ આત્મન્ય્ અધત્ત
(પ્બ્ 4.1.16) યદ્ એષઃ પૃષ્ઠ્યઃ ષડહો ભવતિ વીર્ય એવાન્તતઃ પ્રતિતિષ્ઠન્તિ
(પ્બ્ 4.1.17) તેન માસાન્ સંવ્વત્સરં પ્રાજનયદ્ યદ્ એષ માસો ભવતિ સંવ્વત્સરમ્ એવ પ્રજનયન્તિ સંવ્વત્સરે પ્રતિતિષ્ઠન્તિ
(પ્બ્ 4.2.1) પ્રાયણીયમ્ એતદ્ અહર્ ભવતિ
(પ્બ્ 4.2.2) પ્રાયણીયેન વા અહ્ના દેવાઃ સ્વર્ગં લોકં પ્રાયન્ યત્ પ્રાયંસ્ તત્ પ્રાયણીયસ્ય પ્રાયણીયત્વમ્
(પ્બ્ 4.2.3) તસ્માત્ પ્રાયણીયસ્યાહ્ન ઋત્વિજા ભવિતવ્યમ્ એતદ્ ધિ સ્વર્ગસ્ય લોકસ્ય નેદિષ્ઠં ય એતસ્યર્ત્વિઙ્ ન ભવતિ હીયતે સ્વર્ગાલ્ લોકાત્
(પ્બ્ 4.2.4) ચતુર્વિંશં ભવતિ
(પ્બ્ 4.2.5) ચતુર્વિંશત્યક્ષરા ગાયત્રી તેજો બ્રહ્મવર્ચસં ગાયત્રી તેજ એવ બ્રહ્મવર્ચસમ્ આરભ્ય પ્રયન્તિ
(પ્બ્ 4.2.6) ચતુર્વિંશં ભવતિ ચતુર્વિંશો વૈ સંવ્વત્સરઃ સાક્ષાદ્ એવ સંવ્વત્સરમ્ આરભન્તે
(પ્બ્ 4.2.7) યાવત્યશ્ ચતુર્વિંશસ્યોક્થસ્ય સ્તોત્રીયાસ્ તાવત્યઃ સંવ્વત્સરસ્ય રાત્રયઃ સ્તોત્રીયાભિર્ એવ તત્ સંવ્વત્સરમ્ આપ્નુવન્તિ
(પ્બ્ 4.2.8) પઞ્ચદશસ્તોત્રાણિ ભવન્તિ પઞ્ચદશાર્ધમાસસ્ય રાત્રયો ઽર્ધમાસશ એવ તત્ સંવ્વત્સરમ્ આપ્નુવન્તિ
(પ્બ્ 4.2.9) પઞ્ચદશ સ્તોત્રાણિ પઞ્ચદશશસ્ત્રાણિ સમાસો માસશ એવ તત્ સંવ્વત્સરમ્ આપ્નુવન્તિ
(પ્બ્ 4.2.10) તદ્ આહુર્ ઈર્મ ઇવ વા એષા હોત્રા યદ્ અચ્છાવાક્યા યદ્ અચ્છાવાકમ્ અનુસંતિષ્ઠત ઈશ્વરેર્મા ભવિતોર્ ઇતિ યદ્ય્ ઉક્થં સ્માત્રૈકકુભઞ્ચોદ્વંશીયઞ્ચાન્તતઃ પ્રતિષ્ઠાપ્યે વીર્યં વા એતે સમની વીર્ય એવાન્તતઃ પ્રતિતિષ્ઠન્તિ
(પ્બ્ 4.2.11) અથો ખલ્વ્ આહુર્ અગ્નિષ્ટોમમ્ એવ કાર્યમ્ એષ વૈ યજ્ઞઃ સ્વર્ગ્યો યદ્ અગ્નિષ્ટોમ ઊર્ધ્વો હિ હોતારમ્ અનુસંતિષ્ઠતે
(પ્બ્ 4.2.12) દ્વાદશસ્તોત્રાણ્ય્ અગ્નિષ્ટોમો દ્વાદશ માસાઃ સંવ્વત્સરસ્ તેન સંવ્વત્સરસંમિતો દ્વાદશ સ્તોત્રણિ દ્વાદશ શસ્ત્રાણિ તચ્ ચતુર્વિંશતિશ્ ચતુર્વિંશતિર્ અર્ધમાસાઃ સંવ્વત્સરસ્ તેન સંવ્વત્સરસંમિતઃ
(પ્બ્ 4.2.13) અથો ખલ્વ્ આહુર્ ઉક્થમ્ એવ કાર્યમ્ અહ્નઃ સમૃદ્ધ્યૈ
(પ્બ્ 4.2.14) સર્વાણિ રૂપાણિ ક્રિયન્તે સર્વં હ્ય્ એતાહ્નાપ્યતે
(પ્બ્ 4.2.15) પવન્તે વાજસાતયે સોમાઃ સહસ્રપાજસ ઇતિ સહસ્રવતી પ્રતિપત્ કાર્યા
(પ્બ્ 4.2.16) સંવ્વત્સરસ્ય રૂપં સર્વન્ એવૈનાન્ એતયા પુનાતિ સર્વાન્ અભિવદતિ
(પ્બ્ 4.2.17) અથો ખલ્વ્ આહુઃ પવસ્વ વાચો અગ્રિય ઇત્ય્ એવ કાર્યા મુખં વા એતત્ સંવ્વત્સરસ્ય યદ્ વાચો ઽગ્રં મુખત એવ તત્ સંવ્વત્સરમ્ આરભન્તે
(પ્બ્ 4.2.18) મિથુનમ્ ઇવ વા એષા વ્યાહૃતિઃ પવસ્વેતિ પુંસો રૂપં વાચ ઇતિ સ્ત્રિયાઃ સોમેતિ પુંસો રૂપં ચિત્રાભિર્ ઇતિ સ્ત્રિયા મિથુનમ્ એવૈભ્યો યજ્ઞમુખે દધાતિ પ્રજનનાય
(પ્બ્ 4.2.19) અગ્ને યુઙ્ક્ષ્વા હિ યે તવેતિ જરાબોધીયમ્ અગ્નિષ્ટોમ સામ કાર્યં યુક્તેનૈવ સંવ્વત્સરેણ પ્રયન્તિ ચતુર્વિંશત્યક્ષરાસુ ભવતિ ચતુર્વિંશસ્ય રૂપમ્
(પ્બ્ 4.2.20) અથો ખલ્વ્ આહુર્ યજ્ઞાયજ્ઞીયમ્ એવ કાર્યમ્
(પ્બ્ 4.2.21) પન્થા વૈ યજ્ઞાયજ્ઞીયં પથ એવ તન્ ન યન્તિ
(પ્બ્ 4.3.1) અભીવર્તો બ્રહ્મસામ ભવતિ
(પ્બ્ 4.3.2) અભીવર્તેન વૈ દેવાઃ સ્વર્ગં લોકમ્ અભ્યવર્તન્ત યદ્ અભીવર્તો બ્રહ્મસામ ભવતિ સ્વર્ગસ્ય લોકસ્યાભિવૃત્ત્યૈ
(પ્બ્ 4.3.3) એકાક્ષરણિધનો ભવત્ય્ એકાક્ષરા વૈ વાગ્ વાચૈવ તદ્ આરભ્ય સ્વર્ગં લોકં યન્તિ
(પ્બ્ 4.3.4) સામ્નેતો યન્ત્ય્ ઋચા પુનર્ આયન્તિ
(પ્બ્ 4.3.5) સામ વૈ અસૌ લોક ઋગ્ અયં યદ્ ઇતઃ સામ્ના યન્તિ સ્વર્ગં લોકમ્ આરભ્ય યન્તિ યદ્ ઋચા પુનર્ આયન્ત્ય્ અસ્મિન્ લોકે પ્રતિતિષ્ઠન્તિ
(પ્બ્ 4.3.6) યત્ સામાવસૃજેયુર્ અવ સ્વર્ગાલ્ લોકાત્ પદ્યેરન્ યદ્ ઋચમ્ અનુસૃજેયુર્ નશ્યેયુર્ અસ્માલ્ લોકાત્
(પ્બ્ 4.3.7) સમાનં સામ ભવત્ય્ અન્યો-ઽન્યઃ પ્રગાથો ઽન્યદ્-અન્યદ્ ધિ ચિત્રમ્ અધ્વાનમ્ અવગચ્છન્ન્ એતિ
(પ્બ્ 4.3.8) વૃષા વા એષ રેતોધા યદ્ અભીવર્તઃ પ્રગાથેષુ રેતો દધદ્ એતિ યદ્ ઇતઃ સમાનં સામ ભવત્ય્ અન્યો-ઽન્યઃ પ્રગાથો રેત એવ તદ્ દધતિ યત્ પરસ્તાત્ સમાનઃ પ્રગાથો ભવત્ય્ અન્યદ્-અન્યત્ સામ રેત એવ તદ્ ધિતં પ્રજનયન્તિ

(પ્બ્ 4.3.9) સામ્નેતઃ પ્રગાથાં દુગ્ધે પ્રગાથેન પરસ્તાત્ સામાનિ દુગ્ધે સલોમત્વાય
(પ્બ્ 4.3.10) યો વા અધ્વાનં પુનર્ નિવર્તયન્તિ નૈનં તે ગચ્છન્તિ યે ઽપુનર્ નિવર્તં યન્તિ તે ગચ્છતિ
(પ્બ્ 4.3.11) ય આસ્તુતં કુર્વતે યથા દુગ્ધામ્ ઉપસીદેદ્ એવં તત્
(પ્બ્ 4.3.12) યે નાસ્તુતં યં કામં કામયન્તે તમ્ અભ્યશ્નુવતે
(પ્બ્ 4.3.13) બ્રહ્મવાદિનો વદન્તિ યાતયામાઃ સંવ્વત્સરા3 અયાતયામા3 ઇતિ તે નાયાતયામેતિ વક્તવ્યં પુનર્ અન્યાનિ સ્તોત્રાણિ નિવર્તન્ત ઊર્ધ્વમ્ એવ બ્રહ્મસામૈતિ
(પ્બ્ 4.4.1) પઞ્ચસુ માઃસુ બાર્હતાઃ પ્રગાથા આપ્યન્તે
(પ્બ્ 4.4.2) તેષ્વ્ આપ્તેષુ છન્દસી સંયુજ્યૈતવ્યમ્
(પ્બ્ 4.4.3) તિસ્ર ઉષ્ણિહઃ સ્યુર્ એકા ગાયત્રી તાસ્ તિસ્રો બૃહત્યો ભવન્તિ
(પ્બ્ 4.4.4) તદ્ આહુઃ સંશર ઇવ વા એષ ચ્છન્દસાં યદ્ દ્વે છન્દસી સંયુઞ્જન્તીતિ
(પ્બ્ 4.4.5) ચતુર્ ઉત્તરૈર્ એવ ચ્છન્દોભિર્ એતવ્યમ્
(પ્બ્ 4.4.6) પશવો વૈ ચતુરુત્તરાણિ ચ્છન્દસાંસિ પશુભિર્ એવ તત્ સ્વર્ગં લોકમ્ આક્રમમ્ આનયન્તિ
(પ્બ્ 4.4.7) એકં ગાયત્રીમ્ એકાહમ્ ઉપેયુર્ એકામુષ્ણિહમ્ એકાહમ્ એકામ્ અનુષ્ટુભમ્ એકાહં બૃહત્યા પઞ્ચમાસ ઇયુઃ પઙ્ક્તિમ્ એકાહમ્ ઉપેયુસ્ ત્રિષ્ટુભા ષષ્ઠં માસમ્ ઈયુઃ શ્વો વિષુવાન્ ભવિતેતિ જગતીમ્ ઉપેયુઃ
(પ્બ્ 4.4.8) તદ્ આહુર્ અનવકૢપ્તાનિ વા એતાનિ ચ્છન્દાંસિ મધ્યન્દિને બૃહત્યા ચૈવ ત્રિષ્ટુભા ચૈતવ્યમ્
(પ્બ્ 4.4.9) એતે વૈ છન્દસી વીર્યવતી એતે પ્રત્યક્ષં મધ્યન્દિનસ્ય રૂપમ્
(પ્બ્ 4.4.10) રથન્તરે ઽહનિ બૃહતી કાર્યૈતદ્ વૈ રથન્તરસ્ય સ્વમ્ આયતનં યદ્ બૃહતી સ્વ એવ તદ્ આયતને રથન્તરં પ્રતિતિષ્ઠતિ બાર્હતે ઽહનિ ત્રિષ્ટુપ્ કાર્યૈતદ્ વૈ બૃહતઃ સ્વમ્ આયતનં યત્ ત્રિષ્ટુપ્ સ્વ એવ તદ્ આયતને બૃહદ્રથન્તરે પ્રતિતિષ્ઠન્તી ઇતઃ
(પ્બ્ 4.4.11) ત્રયસ્ત્રિંશતા પ્રગાથૈર્ એતવ્યં ત્રયસ્ત્રિંશદ્ દેવતા દેવતાસ્વ્ એવ પ્રતિતિષ્ઠન્તો યન્તિ ચતુર્વિંશત્યૈતવ્યં ચતુર્વિંશતિર્ અર્ધમાસાઃ સંવ્વત્સરઃ સંવ્વત્સર એવ પ્રતિતિષ્ઠન્તો યન્તિ દ્વાદશભિર્ એતવ્યં દ્વાદશ માસાઃ સંવ્વત્સરઃ સંવ્વત્સર એવ પ્રતિતિષ્ઠન્તો યન્તિ ષડ્ભિર્ એતવ્યં ષડ્ ઋતવ ઋતુષ્વ્ એવ પ્રતિતિષ્ઠન્તો યન્તિ ચતુર્ભિર્ એતવ્યં ચતુષ્પાદાઃ પશવઃ પશુષ્વ્ એવ પ્રતિતિષ્ઠન્તો યન્તિ ત્રિભિર્ એતવ્યં ત્રય ઇમે લોકા એષ્વ્ એવ લોકેષુ પ્રતિતિષ્ઠન્તો યન્તિ દ્વાભ્યામ્ એતવ્યં દ્વિપાદ્ યજમાનઃ સ્વર્ગસ્ય લોકસ્યાક્રાન્ત્યા અન્યેનાન્યેન હિ પદા પુરુષઃ પ્રતિતિષ્ઠન્ન્ એતિ
(પ્બ્ 4.5.1) સ્વરસામાન એતે ભવન્તે
(પ્બ્ 4.5.2) સ્વર્ભાનુર્ વા આસુર્ આદિત્યં તમસાવિધ્યત્ તં દેવાઃ સ્વરૈર્ અસ્પૃણ્વન્ યત્ સ્વરસામાનો ભવન્ત્ય્ આદિત્યસ્ય સ્પૃત્યૈ
(પ્બ્ 4.5.3) પરૈર્ વૈ દેવા આદિત્યં સ્વર્ગં લોકમ્ અપારયન્ યદ્ અપરયંસ્ તત્ પરાણાં પરત્વં
(પ્બ્ 4.5.4) પારયન્ત્ય્ એનં પરાણિ ય એવંવ્ વેદ
(પ્બ્ 4.5.5) સપ્તદશા ભવન્તિ
(પ્બ્ 4.5.6) પ્રજાપતિર્ વૈ સપ્તદશઃ પ્રજાપતિમ્ એવોપયન્તિ
(પ્બ્ 4.5.7) અનુષ્ટુપ્ છન્દસો ભવન્ત્ય્ આનુષ્ટુભો વૈ પ્રજાપતિઃ સાક્ષાદ્ એવ પ્રજાપતિમ્ આરભન્તે
(પ્બ્ 4.5.8) ત્રયઃ પુરસ્તાત્ ત્રયઃ પરસ્તાદ્ ભવન્તિ
(પ્બ્ 4.5.9) દેવા વા આદિત્યસ્ય સ્વર્ગાલ્ લોકાદ્ અવપાદાદ્ અબિભયુસ્ તમ્ એતૈઃ સ્તોમૈઃ સપ્તદશૈર્ અદૃંહન્ યદ્ એતે સ્તોમાભવન્ત્ય્ આદિત્યસ્ય ધૃત્યૈ
(પ્બ્ 4.5.10) ચતુસ્ત્રિંશા ભવન્તિ વર્ષ્મ વૈ ચતુસ્ત્રિંશો વર્ષ્મણૈવૈનં સંમિમતે
(પ્બ્ 4.5.11) તસ્ય પરાચીનાતિપાદાદ્ અબિભયુસ્ તં સર્વૈઃ સ્તોમૈઃ +પર્યાર્ષન્ વિશ્વજિદભિજિદ્ભ્યાં વીર્યં વા એતૌ સ્તોમૌ વીર્યેણૈવ તદ્ આદિત્યં પર્યુષન્તિ ધૃત્યૈ
(પ્બ્ 4.5.12) અનવપાદાયાનતિપાદાય
(પ્બ્ 4.5.13) તદ્ આહુઃ કર્તપ્રસ્કન્દ ઇવ વા એષ યત્ ત્રયસ્ત્રિંશત+ઃ સપ્તદશમ્ ઉપયન્તીતિ પૃષ્ઠ્યો ઽન્તરઃ કાર્યઃ
(પ્બ્ 4.5.14) તસ્ય યત્ સપ્તદશમ્ અહસ્ તદ્ ઉત્તમં કાર્યં સલોમત્વાય
(પ્બ્ 4.5.15) તદ્ આહુર્ ઉદરં વા એષ સ્તોમાનાં યત્ સપ્તદશો યત્ સપ્તદશં મધ્યતો નિર્હરેયુર્ અશનાયવઃ પ્રજાઃ સ્યુર્ અશનાયવઃ સત્ત્રિણઃ
(પ્બ્ 4.5.16) ત્રયસ્ત્રિંશાદ્ એવ સપ્તદશ ઉપેત્યો વર્ષ્મ વૈ ત્રયસ્ત્રિંશો વર્ષ્મ સપ્તદશો વર્ષ્મણ એવ તદ્ વર્ષ્માભિસંક્રામન્તિ
(પ્બ્ 4.5.17) નાનાહુર્ ઉક્થાઃ કાર્યા3 ઇતિ યદ્ય્ ઉક્થાઃ સ્યુઃ
(પ્બ્ 4.5.18) પશવો વા ઉક્થાનિ શાન્તિઃ પશવઃ શાન્તેનૈવ તદ્ વિષુવન્તમ્ ઉપયન્તિ
(પ્બ્ 4.5.19) તદ્ આહુર્ વિવીવધમ્ ઇવ વા એતદ્ યદ્ અગ્નિષ્ટોમો વિષુવાન્ અગ્નિષ્ટોમૌ વિશ્વજિદભિજિતાવ્ અથેતર ઉક્થાઃ સ્યુર્ ઇતિ
(પ્બ્ 4.5.20) અગ્નિષ્ટોમા એવ સર્વે કાર્યાઃ
(પ્બ્ 4.5.21) વીર્યં વા અગ્નિષ્ટોમો વીર્ય એવ મધ્યતઃ પ્રતિતિષ્ઠન્તિ નવ સંસ્તુતા ભવન્તિ નવ પ્રાણાઃ પ્રણેષ્વ્ એવ પ્રતિતિષ્ઠન્તિ
(પ્બ્ 4.6.1) વિષુવાન્ એષ ભવતિ
(પ્બ્ 4.6.2) દેવલોકો વા એષ યદ્ વિષુવાન્ દેવઓકમ્ એવ તદ્ અભ્યારોહન્તિ
(પ્બ્ 4.6.3) એકવિંશો ભવત્ય્ એકવિંશો વા અસ્ય ભુવનસ્યાદિત્ય આદિત્યલોકમ્ એવ તદ્ અભ્યારોહન્તિ

(પ્બ્ 4.6.4) દ્વાદશ માસાઃ પઞ્ચર્તવસ્ ત્રય ઇમે લોકા અસાવ્ આદિત્ય એકવિંશઃ
(પ્બ્ 4.6.5) મધ્યત એવ યજ્ઞસ્ય પ્રતિતિષ્ઠન્તિ
(પ્બ્ 4.6.6) વાયો શુક્રો અયામિ ત ઇતિ શુક્રવતી પ્રતિપદ્ ભવત્ય્ આદિત્યસ્ય રૂપમ્
(પ્બ્ 4.6.7) વાયુર્ વા એતં દેવતાનામ્ આનશે ઽનુષ્ટુપ્ છન્દસં યદ્ અતો ઽન્યા પ્રતિપત્ સ્યાત્ પ્રદહેત્
(પ્બ્ 4.6.8) યન્તિ વા એતે પ્રાણાદિત્યાહુર્ યે ગાયત્ર્યાઃ પ્રતિપદો યન્તીતિ યદ્ વયવ્યા ભવન્તિ તેન પ્રાણાન્ ન યન્તિ પ્રાણો હિ વાયુઃ
(પ્બ્ 4.6.9) અથો શમયન્ત્ય્ એવૈનમ્ એતયા શન્તિર્ હિ વાયુઃ
(પ્બ્ 4.6.10) આ યાહિ સોમપીતય ઇતિ સૌમી પાવમાની
(પ્બ્ 4.6.11) નિયુત્વતી ભવતિ પશવો વૈ નિયુતઃ શાન્તિઃ પશવઃ શાન્તેનૈવ તદ્ આદિત્યમ્ ઉપયન્તિ
(પ્બ્ 4.6.12) દિવાકીર્ત્યસામા ભવતિ
(પ્બ્ 4.6.13) સ્વર્ભાનુર્ વા આસુર્ આદિત્યં તમસાવિધ્યત્ તસ્ય દેવા દિવાકીર્ત્યૈસ્ તમો ઽપાઘ્નન્ યદ્ દિવાકીર્ત્યાનિ ભવન્તિ તમ એવાસ્માદ્ અપઘ્નન્તિ રશ્મયો વા એત આદિત્યસ્ય યદ્ દિવાકીર્ત્યાનિ રશ્મિભિર્ એવ તદ્ આદિત્યં સાક્ષાદ્ આરભન્તે
(પ્બ્ 4.6.14) ભ્રાજાભ્રાજે પવમાનમુખે ભવતો મુખત એવાસ્ય તાભ્યાં તમો ઽપઘ્નન્તિ
(પ્બ્ 4.6.15) મહાદિવાકીર્ત્યં ચ વિકર્ણં ચ મધ્યતો ભવતો મધ્યત એવાસ્ય તાભ્યાં તમો ઽપઘ્નન્તિ ભાસમ્ અન્તતો ભવતિ પત્ત એવાસ્ય તેન તમો ઽપઘ્નન્તિ
(પ્બ્ 4.6.16) દશસ્તોભં ભવ્તિ દશાક્ષરા વિરાડ્ વિરાજ્ય્ એવ પ્રતિતિષ્ઠન્તિ
(પ્બ્ 4.6.17) યત્ ત્વ્ ઇત્ય્ આહુઃ ષડ્ભિર્ ઇતો માસૈર્ અધ્વાનં યન્તિ ષડ્ભિઃ પુનર્ આયન્તિ ક્વ તર્હિ સ્વર્ગો લોકો યસ્ય કામાય સત્ત્રમ્ આસત ઇતિ
(પ્બ્ 4.6.18) મૂર્ધાનં દિવ ઇતિ સ્વર્ગં લોકમ્ આરભન્તે
(પ્બ્ 4.6.19) અરતિં પૃથિવ્યા ઇત્ય્ અસ્મિં લોકે પ્રતિતિષ્ઠન્તિ
(પ્બ્ 4.6.20) વૈશ્વાનરમ્ ઋત આજાતમ્ અગ્નિમ્ ઇતિ વિષુવત એવ તદ્ રૂપં ક્રિયતે
(પ્બ્ 4.6.21) કવિં સમ્રાજમ્ અતિતિહિં જનાનામ્ ઇત્ય્ અન્નાદ્યમ્ એવોપયન્તિ
(પ્બ્ 4.6.22) આસન્ નાપાત્રં જનયન્ત દેવા ઇતિ જાયન્ત એવ
(પ્બ્ 4.6.23) તત્ ત્રિષ્ટુબ્ જગતીષુ ભવતિ ત્રૈષ્ટુભ્જાગતો વા આદિત્યો યદ્ અતો ઽન્યાસુ સ્યાદ્ અવ સ્વર્ગાલ્ લોકાત્ પદ્યેરન્
(પ્બ્ 4.6.24) સમ્રાડ્વતીષુ ભવતિ સામ્રાજ્યં વૈ સ્વર્ગો લોકઃ સ્વર્ગ એવ લોકે પ્રતિતિષ્ઠન્તિ
(પ્બ્ 4.7.1) આત્મા વા એષ સંવ્વત્સરસ્ય યદ્ વિષુવાન્ પક્ષાવ્ એતાવ્ અભિતો ભવતો યેન ચેતો ઽભીવર્તેન યન્તિ યશ્ ચ પરસ્માત્ પ્રગાથો ભવતિ તાવ્ ઉભૌ વિષુવતિ કાર્યૌ પક્ષાવ્ એવ તદ્ યજ્ઞસ્યાત્મન્ પ્રતિદધતિ સ્વર્ગસ્ય લોકસ્ય સમષ્ટ્યૈ
(પ્બ્ 4.7.2) ઇન્દ્ર ક્રતું ન આભરેતિ પ્રગાથો ભવતિ
(પ્બ્ 4.7.3) વસિષ્ઠો વા એતં પુત્રહતો ઽપશ્યત્ સ પ્રજયા પશુભિઃ પ્રાજાયત યદ્ એષ પ્રગાથો ભવતિ પ્રજાત્યૈ
(પ્બ્ 4.7.4) જીવા જ્યોતિર્ અશીમહીતિ યે વૈ સ્વસ્તિ સંવ્વત્સરં સંતરન્તિ તે જીવા જ્યોતિર્ અશ્નુવતે
(પ્બ્ 4.7.5) માનો અજ્ઞાતા વૃજના દુરાધ્યો માશિવાસો ઽવક્રમુર્ ઇતિ યે વૈ સ્તેના રિપવસ્ તે દુરાધ્યસ્ તાન્ એવ તદ્ અતિક્રામતિ
(પ્બ્ 4.7.6) ત્વયા વ્યયં પ્રવતઃ શશ્વતીર્ અપો ઽતિ શૂર તરામ સો ઽતિસંવ્વત્સરો વૈ પ્રવતઃ શશ્વતીર્ અપસ્ તમ્ એવ તત્ તરન્તિ
(પ્બ્ 4.7.7) અદ્યાદ્યાશ્વઃ શ્વસ્ ત્વામ્ ઇદા હ્યો નરો વયમ્ એનમ્ ઇદા હ્ય ઇતિ સંતનયઃ પ્રગાથા ભવન્તિ તેષામ્ એકઃ કાર્યઃ સલોમત્વાય શ્વસ્તનમ્ એવાભિસંતન્વન્તિ
(પ્બ્ 4.7.8) અથો ખલ્વ્ આહુર્ ઇન્દ્ર ક્રતું ન આભરેત્ય્ એવ કાર્યં સમૃદ્ધ્યૈ
(પ્બ્ 4.7.9) પ્રત્યવરોહિણો માસા ભવન્તિ
(પ્બ્ 4.7.10) યથા વા ઇતો વૃક્ષં રોહન્ત્ય્ એવમ્ એનં પ્રત્યવરોહન્તિ સ્વર્ગમ્ એવ લોકં રૂઢ્વાસ્મિંલ્ લોકે પ્રતિતિષ્ઠન્તિ
(પ્બ્ 4.8.1) ગૌશ્ ચાયુશ્ ચ સ્તોમૌ ભવતઃ
(પ્બ્ 4.8.2) દ્વિપાદ્ યજમાનઃ પ્રતિષ્ઠિત્યૈ
(પ્બ્ 4.8.3) ઊનાતિરિક્તૌ ભવત ઊનાતિરિક્તં વા અનુ પ્રજાઃ પ્રજાયન્તે પ્રજાત્યૈ
(પ્બ્ 4.8.4) વૈરાજૌ ભવતો ઽન્નં વિરાડ્ અન્નાદ્ય એવ પ્રતિતિષ્ઠન્તિ
(પ્બ્ 4.8.5) દ્વાદશાહસ્ય દશાહાનિ ભવન્તિ
(પ્બ્ 4.8.6) વિરાડ્ વા એષા સમૃદ્ધા યદ્ દશાહાનિ વિરાજ્ય્ એવ સમૃદ્ધાયાં પ્રતિતિષ્ઠન્તિ
(પ્બ્ 4.8.7) પૃષ્થાનિ ભવન્તિ વીર્યં વૈ પૃષ્ઠાનિ વીર્ય એવ પ્રતિતિષ્ઠન્તિ ચ્છન્દોમા ભવન્તિ પશવો વૈ ચ્છન્દોમાઃ પશુષ્વ્ એવ પ્રતિતિષ્ઠન્ત્ય્ અથૈતદ્ દશમમ્ અહર્ આપ્તસ્તોમમ્ આપ્તચ્છન્દ આપ્તવિભક્તિકમ્ અનિરુક્તં પ્રાજાપત્યમ્
(પ્બ્ 4.8.8) યદ્ અધ્યાહુર્ અતિ તદ્ રેચયન્તિ તસ્માન્ ન વ્યુચ્યમ્
(પ્બ્ 4.8.9) પરોક્ષમ્ અનુષ્ટુભમ્ ઉપયન્તિ પ્રજાપતિર્ વા અનુષ્ટુબ્ યત્ પ્રત્યક્ષમ્ ઉપેયુઃ પ્રજાપતિમ્ ઋચ્છેયુઃ

(પ્બ્ 4.8.10) યો વૈ સત્ત્રસ્ય સદ્ વેદ સદ્ ભવતિ વામદેવ્યં વૈ સામ્નાં સદ્ અગ્નિર્ દેવતાનાં વિરાટ્ છન્દસાં ત્રયસ્ત્રિંશઃ સ્તોમાનાં તાન્ય્ એવ તદ્ એકધા સંભૃત્યોત્તિષ્ઠન્તિ
(પ્બ્ 4.8.11) બ્રહ્મવાદિનો વદન્તિ યતઃ સત્ત્રાદ્ ઉદસ્થાતા3સ્થિતા3દ્ ઇતિ
(પ્બ્ 4.8.12) યે રથન્તરેણ સ્તુત્વોત્તિષ્ઠન્તિ તે યત ઉત્તિષ્ઠન્તિ તાન્ બ્રૂયાદ્ અપ્રતિષ્ઠાના ભવિષ્યન્તીતિ યે બૃહતા સ્તુત્યોત્તિષ્ઠન્તિ તે સ્થિતાદ્ ઉત્તિષ્ઠન્તિ તાન્ બ્રૂયાત્ સ્થાયુકૈષાં શ્રીર્ ભવિષ્યતિ ન વસીયાંસો ભવિષ્યન્તીતિ
(પ્બ્ 4.8.13) યે વામદેવ્યેન સ્તુત્વોત્તિષ્ઠન્તિ તે સતઃ સદ્ અભ્યુત્તિષ્ઠન્તિ પૂર્ણાત્ પૂર્ણમ્ આયતનાદ્ આયતનમ્ અન્તરિક્ષાયતના હિ પ્રજા
(પ્બ્ 4.8.14) ત્રયસ્ત્રિંશદક્ષરાસુ ભવતિ ત્રયસ્ત્રિંશદ્દેવતાસ્વ્ એવ પ્રતિષ્ઠાયોત્તિષ્ઠન્તિ
(પ્બ્ 4.8.15) પ્રાજાપત્યં વૈ વામદેવ્યં પ્રજાપતાવ્ એવ પ્રતિષ્ઠાયોત્તિષ્ઠન્તિ પશવો વૈ વામદેવ્યં પશુષ્વ્ એવ પ્રતિષ્ઠાયોત્તિષ્ઠન્તિ
(પ્બ્ 4.9.1) પત્નીઃ સંયાજ્ય પ્રાઞ્ચ ઉદેત્યાયં સહસ્રમાનવ ઇત્ય્ અતિચ્છન્દસાહવનીયમ્ ઉપતિષ્ઠન્તે
(પ્બ્ 4.9.2) ઇમે વૈ લોકા અતિચ્છન્દા એષ્વ્ એવ લોકેષુ પ્રતિતિષ્ઠન્તિ
(પ્બ્ 4.9.3) ગોર્ ઇતિ નિધનં ભવતિ વિરાજો વા એતદ્ રૂપં યદ્ ગૌર્ વિરાજ્ય્ એવ પ્રતિતિષ્ઠન્તિ
(પ્બ્ 4.9.4) પ્રત્યઞ્ચઃ પ્રપદ્ય સાર્પરાજ્ઞ્યા ઋગ્ભિઃ સ્તુવન્તિ
(પ્બ્ 4.9.5) અર્બુદઃ સર્પ એતાભિર્ મૃતાં ત્વચમ્ અપાહત મૃતામ્ એવૈતાભિર્સ્ ત્વચમ્ અપઘ્નતે
(પ્બ્ 4.9.6) ઇયં વૈ સાર્પરાજ્ઞ્ય્ અસ્યામ્ એવ પ્રતિતિષ્ઠન્તિ
(પ્બ્ 4.9.7) તિસૃભિઃ સ્તુવન્તિ ત્રય ઇમે લોકા એષ્વ્ એવ પ્રતિતિષ્ઠન્તિ
(પ્બ્ 4.9.8) મનસોપાવર્તયતિ
(પ્બ્ 4.9.9) મનસા હિઙ્ કરોતિ મનસા પ્રસ્તૌતિ મનસોદ્ગાયતિ મનસા પ્રતિહરતિ મનસા નિધનમ્ ઉપયન્ત્ય્ અસમાપ્તસ્ય સમાપ્ત્યૈ
(પ્બ્ 4.9.10) યદ્ વૈ વાચા ન સમાપ્નુવન્તિ મનસા તત્ સમાપ્નુવન્તિ
(પ્બ્ 4.9.11) પરિશ્રિતે સ્તુવન્તિ બ્રહ્મણઃ પરિગૃહીત્યૈ
(પ્બ્ 4.9.12) બ્રહ્મોદ્યં વદન્તિ બ્રહ્મવર્ચસ એવ પ્રતિતિષ્ઠન્તિ
(પ્બ્ 4.9.13) ચતુર્હોતારં હોતા વ્યાચષ્ટે સ્તુતમ્ એવ તદ્ અનુશંસતિ નહિ તત્ સ્તુતં યદ્ અનનુશસ્તમ્
(પ્બ્ 4.9.14) પ્રજાપતિં પરિવદન્ત્ય્ આપ્ત્વેવૈનં તદ્ વ્યાચક્ષતે તાવદ્ આપામૈનમ્ ઇતિ
(પ્બ્ 4.9.15) ગૃહપતિર્ ઔદુમ્બરીં ધારયતિ ગૃહપતિર્ વા ઊર્જો યન્તોર્જમ્ એવૈભ્યો યચ્છતિ
(પ્બ્ 4.9.16) વાચં યચ્છન્તિ
(પ્બ્ 4.9.17) દુગ્ધાનીવ વૈ તર્હિ છન્દસાંસિ યાતયામાન્ય્ અન્તર્ગતાનિ તાન્ય્ એવ તદ્ રસેનાપ્યાયયન્તિ
(પ્બ્ 4.9.18) અથો શ્વસ્તનમ્ એવાભિસંતન્વન્તિ
(પ્બ્ 4.9.19) આત્મદક્ષિણં વા એતદ્ યત્ સત્ત્રમ્
(પ્બ્ 4.9.20) યદા વૈ પુરુષ આત્મનો ઽવદ્યતિ યં કામં કામયતે તમ્ અભ્યશ્નુતે
(પ્બ્ 4.9.21) દ્વાભ્યાં લોમાવદ્યતિ દ્વાભ્યાં ત્વચં દ્વાભ્યાં માંસં દ્વાભ્યામ્ અસ્થિ દ્વાભ્યાં મજ્જાનં દ્વાભ્યાં પીવશ્ ચ લોહિતં ચ
(પ્બ્ 4.9.22) શિખા અનુપ્રવપન્તે પાપ્માનમ્ એવ તદ્ અપઘ્નતે લઘીયાંસઃ સ્વર્ગં લોકમ્ અયામેતિ
(પ્બ્ 4.9.23) અથો ગવામ્ એવાનુરૂપા ભવન્તિ સર્વસ્યાન્નાદ્યસ્યાવરુદ્ધ્યૈ
(પ્બ્ 4.10.1) પ્રજાપતિઃ પ્રજા અસૃજત સો ઽરિચ્યત સો ઽપદ્યત તં દેવા અભિસમગચ્છન્ત તે ઽબ્રુવન્ મહદ્ અસ્મૈ વ્રતં સંભરામ યદ્ ઇમં ધિનવદ્ ઇતિ તસ્મૈ યત્ સંવ્વત્સરમ્ અન્નં પચ્યતે તત્ સમભરંસ્ તદ્ અસ્મૈ પ્રાયચ્છંસ્ તદ્ અવ્રજયત્ તદ્ એનમ્ અધિનોન્ મહન્ મર્યા વ્રતં યદ્ ઇમમ્ અધિન્વીદ્ ઇતિ તન્ મહાવ્રતસ્ય મહાવ્રતત્વમ્
(પ્બ્ 4.10.2) પ્રજાપતિર્ વાવ મહાંસ્ તસ્યૈતદ્ વ્રતમ્ અન્નમ્ એવ
(પ્બ્ 4.10.3) તદ્ આહુર્ મધ્યઃ સંવ્વત્સરસ્યોપેત્યં મધ્યતો વા અન્નં જગ્ધં ધિનોતિ
(પ્બ્ 4.10.4) તદ્ વ્ આહુર્ યન્ મધ્યત ઉપયન્ત્ય્ અર્ધમ્ અન્નાદ્યસ્યાપ્નુવન્ત્ય્ અર્ધં સમ્બટ્ કુર્વન્તીત્ય્ ઉપરિષ્ટાદ્ એવ સંવ્વત્સરસ્યોપેત્યં સંવ્વત્સરે વા અન્નં સર્વં પચ્યતે
(પ્બ્ 4.10.5) ચતુર્વિંશં ભવતિ ચતુર્વિંશો વૈ સંવ્વત્સરો ઽન્નં પઞ્ચવિંશમ્
(પ્બ્ 4.10.6) યદ્ વા અદશ્ ચતુર્વિંશંપ્રાયણીયં તદ્ એતદ્ ઉદયનીયમ્
(પ્બ્ 4.10.7) યત્ સંવ્વત્સરમ્ અન્નં સંભરન્તિ સૈષા પઞ્ચવિંશ્ય્ ઉપજાયતે
(પ્બ્ 5.1.1) વામદેવ્યં મહાવ્રતં કાર્યમ્
(પ્બ્ 5.1.2) ત્રિવૃચ્ છિરો ભવતિ
(પ્બ્ 5.1.3) ત્રિવૃદ્ ધ્ય્ એવ શિરો લોમ ત્વગ્ અસ્થિ
(પ્બ્ 5.1.4) પાઙ્ક્ત ઇતર આત્મા લોમ ત્વઙ્ માંસમ્ અસ્થિ મજ્જા

(પ્બ્ 5.1.5) સકૃદ્ ધિઙ્કૃતેન શિરસા પારાચા સ્તુવતે
(પ્બ્ 5.1.6) તસ્માચ્ છિરો ઽઙ્ગાનિ મેદ્યન્તિ નાનુમેદ્યતિ ન કૃશ્યન્ત્ય્ અનુકૃશ્યતિ
(પ્બ્ 5.1.7) પુનર્ અભ્યાવર્તમ્ ઇતરેણાત્મના સ્તુવતે તસ્માદ્ ઇતર આત્મા મેદ્યતિ ચ કૃશ્યતિ ચ
(પ્બ્ 5.1.8) અર્કવતીષુ ગાયત્રીષુ શિરો ભવતિ
(પ્બ્ 5.1.9) અન્નં વા અર્કો બ્રહ્મવર્ચસં ગાયત્ર્ય્ અન્નાદ્યં ચૈવૈભ્યો બ્રહ્મવર્ચસં ચ મુખતો દધાતિ
(પ્બ્ 5.1.10) પઞ્ચદશસપ્તદશૌ પક્ષૌ ભવતઃ પ્રક્ષાભ્યાં વૈ યજમાનો વયો ભૂત્વા સ્વર્ગં લોકમ્ એતિ
(પ્બ્ 5.1.11) તાવ્ આહુઃ સમૌ કાર્યૌ પઞ્ચદશૌ વા સપ્તદશૌ વા સવીવધત્વાય
(પ્બ્ 5.1.12) તદ્ વ્ આહુર્ યત્ સમૌ ભવત એકવીર્યૌ તર્હિ ભવત ઇતિ પઞ્ચદશસપ્તદશાવ્ એવ કાર્યૌ સાચીવ વૈ વયઃ પક્ષૌ કૃત્વાપતીયઃ પતતિ
(પ્બ્ 5.1.13) દક્ષિણતો બૃહત્ કાર્યં દક્ષિણો વા અર્ધ આત્મનો વીર્યવત્તરઃ
(પ્બ્ 5.1.14) અથો ખલ્વ્ આહુર્ ઉત્તરત એવ કાર્યં બ્રાહ્મણાચ્છંસિનો ઽર્ધાત્ ત્રૈષ્ટુભં વૈ બૃહત્ ત્રૈષ્ટુભો વૈ બ્રાહ્મણાચ્છંસી ત્રૈષ્ટુભઃ પઞ્ચદશસ્તોમઃ
(પ્બ્ 5.1.15) દક્ષિણતો રથન્તરં કાર્યં મૈત્રાવરુણસ્યાર્ધાદ્ ગાયત્રં વૈ રથન્તરં ગાયત્રો મૈત્રાવરુણો ગાયત્રઃ સપ્તદશસ્તોમઃ
(પ્બ્ 5.1.16) એકવિંશં પુચ્છં ભવતિ
(પ્બ્ 5.1.17) એકવિંશો વૈ સ્તોમાનાં પ્રતિષ્ઠા તસ્માદ્ વયઃ પુચ્છેન પ્રતિષ્ઠાયોત્પતતિ પુચ્છેન પ્રતિષ્ઠાય નિષીદતિ
(પ્બ્ 5.1.18) યજ્ઞાયજ્ઞીયં પુચ્છં કાર્યં યજ્ઞાયજ્ઞીયં હ્ય્ એવ મહાવ્રતસ્ય પુચ્છમ્
(પ્બ્ 5.1.19) અથો ખલ્વ્ આહુર્ અતિશયં વૈ દ્વિપદાં યજ્ઞાયજ્ઞીયં ભદ્રમ્ કાર્યં સમૃદ્ધ્યૈ
(પ્બ્ 5.2.1) વામદેવ્યં મહાવ્રતં કાર્યં તસ્ય ગાયત્રં શિરો બૃહદ્રથન્તરે પક્ષૌ યજ્ઞાયજ્ઞીયં પુચ્છમ્
(પ્બ્ 5.2.2) યો વૈ મહાવ્રતે સહસ્રં પ્રોતં વેદ પ્ર સહસ્રં પશૂન્ આપ્નોતિ
(પ્બ્ 5.2.3) તસ્ય પ્રાચી દિક્ શિરસ્ તચ્ છન્દોભિઃ સહસ્રમ્ અસાવ્ અન્યતરઃ પક્ષઃ સનક્ષત્ત્રૈઃ સાહસ્રો ઽયમ્ અન્યતરઃ પક્ષઃ સ ઓષધિભિશ્ ચ વનસ્પતિભિશ્ ચ સાહસ્રો ઽન્તરિક્ષમ્ આત્મા તદ્ વયોભિઃ સાહસ્રં પ્રતીચી દિક્ પુચ્છં તદ્ અગ્નિભિશ્ ચ રશ્મિભિશ્ ચ સાહસ્રં પ્ર સસસ્રં પશૂન્ આપ્નોતિ ય એવંવ્ વેદ
(પ્બ્ 5.2.4) તદ્ આહુર્ અપૃષ્ઠં વૈ વામદેવ્યમ્ અનિધનં હીતિ
(પ્બ્ 5.2.5) અનાયતનં વા એતત્ સામ યદ્ અનિધનમ્
(પ્બ્ 5.2.6) રાજનં મહાવ્રતં કાર્યમ્
(પ્બ્ 5.2.7) એતદ્ વૈ સાક્ષાદ્ અન્નં યદ્ રાજનં પઞ્ચવિધં ભવતિ પાઙ્ક્તં હ્ય્ અન્નમ્
(પ્બ્ 5.2.8) હિઙ્કારવદ્ ભવતિ તેન વામદેવ્યસ્ય રૂપમ્
(પ્બ્ 5.2.9) નિધનવદ્ ભવતિ તેન પ્ર્ષ્ઠસ્ય રૂપમ્
(પ્બ્ 5.2.10) અતિચ્છન્દઃસુ પઞ્ચનિધનં વામદેવ્યં બ્રહ્મસામ કાર્યમ્
(પ્બ્ 5.2.11) અતિ વા એષાન્યાનિ ચ્છન્દાંસિ યદ્ અતિચ્છન્દા અત્ય્ એતદ્ અન્યાન્ય્ અહાન્ય્ અહર્ યન્ મહાવ્રતમ્
(પ્બ્ 5.2.12) બ્રહ્મસામ્નૈવ તદ્ અન્યાન્ય્ અહાન્ય્ અતિમેદયતિ
(પ્બ્ 5.2.13) પઞ્ચનિધનં ભવતિ પાઙ્ક્તં હ્ય્ અન્નમ્
(પ્બ્ 5.3.1) ઇલાન્દમ્ અગ્નિષ્ટોમસામ કાર્યમ્
(પ્બ્ 5.3.2) એતદ્ વૈ સાક્ષાદ્ અન્નં યદ્ ઇલાન્દમ્ ઇરાન્નં એતદ્ ઇરાયામ્ એવાન્નાદ્યે ઽન્તતઃ પ્રતિતિષ્ઠન્તિ
(પ્બ્ 5.3.3) સમુદ્રો વા એતચ્ છન્દઃ સલિલં લોમશં સમુદ્ર ઇવ ખલુ વૈ સ ભવતિ સલિલ ઇવ લોમશ ઇવ યો ભવતિ
(પ્બ્ 5.3.4) તસ્માદ્ એતાસુ કાર્યં સમૃદ્ધ્યૈ
(પ્બ્ 5.3.5) વ્રતમ્ ઇતિ નિધનં ભવતિ મહાવ્રતસ્યૈવ તદ્ રૂપં ક્રિયતે સ્વર્ ઇતિ ભવતિ સ્વર્ગસ્ય લોકસ્ય સમષ્ટ્યૈ શકુન ઇતિ ભવતિ શકુન ઇવ વૈ યજમાનો વયો ભૂત્વા સ્વર્ગંલ્ લોકમ્ એતિ
(પ્બ્ 5.3.6) યજ્ઞાયજ્ઞીયમ્ અગ્નિષ્ટોમસામ કાર્યમ્
(પ્બ્ 5.3.7) યદ્ વા અન્યા વાઙ્ નાતિવદેત્ તદ્ અગ્નિષ્ટોમસામ કાર્યં ન વૈ વાગ્ વાચમ્ અતિવદતિ વાગ્ યજ્ઞાયજ્ઞીયં વાચ્ય્ એવાન્તતઃ પ્રતિતિષ્ઠન્તિ
(પ્બ્ 5.3.8) વારવન્તીયમ્ અગ્નિષ્ટોમસામ કાર્યમ્
(પ્બ્ 5.3.9) અગ્નિર્ વા ઇદં વૈશ્વાનરો ઽદહન્ નૈતસ્માદ્ દેવા અબિભયુસ્ તં વરણશાખયાવારયન્ત યદ્ અવારયન્ત તસ્માદ્ વારવન્તીયમ્
(પ્બ્ 5.3.10) તસ્માદ્ વરણો ભિષજ્ય એતેન હિ દેવા આત્માનમ્ અત્રાયન્ત
(પ્બ્ 5.3.11) તસ્માદ્ બ્રાહ્મણો વારણેન ન પિબેદ્ વૈશ્વાનરં નેચ્છમયા ઇતિ
(પ્બ્ 5.3.12) પશવો વૈ વારવન્તીયં શાન્તિઃ પશવઃ શાન્તાદ્ એવ તત્ સંવ્વત્સરાદ્ ઉત્તિષ્ઠન્તિ

(પ્બ્ 5.4.1) પ્રાણેન પુરસ્તાદ્ આહવનીયમ્ ઉપતિષ્ઠન્તે પ્રાણમ્ એવ તજ્ જયન્તિ
(પ્બ્ 5.4.2) અપાનેન પશ્ચાત્ પુચ્છમ્ ઉપતિષ્ઠન્તે અપાનમ્ એવ તજ્ જયન્તિ
(પ્બ્ 5.4.3) વ્રતપક્ષાભ્યાં પક્ષાવ્ ઉપતિષ્ઠન્તે દિશ એવ તજ્ જયન્તિ
(પ્બ્ 5.4.4) પ્રજાપતેર્ હૃદયેનાપિકક્ષમ્ ઉપતિષ્ઠન્તે જ્યૈષ્ઠ્યમ્ એવ તજ્ જયન્તિ
(પ્બ્ 5.4.5) વસિષ્ઠસ્ય નિહવેન ચાત્વાલમ્ ઉપતિષ્ઠન્તે સ્વર્ગમ્ એવ તલ્ લોકમ્ આઓત્વા શ્રિયં વદન્તે
(પ્બ્ 5.4.6) વૈશ્વદેવ્યામ્ ઋચિ ભવતિ વિશ્વરૂપં વૈ પશૂનાં રૂપં પશૂન્ એવ તજ્ જયન્તિ
(પ્બ્ 5.4.7) સત્ત્રસ્યર્દ્ધ્યાગ્નીધ્રમ્ ઉપતિષ્ઠન્ત ઋદ્ધાવ્ એવ પ્રતિતિષ્ઠન્તિ
(પ્બ્ 5.4.8) ચતુરક્ષરાણિધનં ભવતિ ચતુષ્પાદાઃ પશવઃ પશુષ્વ્ એવ પ્રતિતિષ્ઠન્તિ
(પ્બ્ 5.4.9) આતમિતોર્ નિધનમ્ ઉપયન્ત્ય્ આયુર્ એવ સર્વમ્ આપ્નુવન્તિ
(પ્બ્ 5.4.10) શ્લોકાનુશ્લોકાભ્યાં હવિર્ધાને ઉપતિષ્ઠન્તે કીર્તિમ્ એવ તજ્ જયન્તિ
(પ્બ્ 5.4.11) યામેન માર્જાલીયમ્ ઉપતિષ્ઠન્તે પિતૃલોકમ્ એવ તજ્ જયન્તિ
(પ્બ્ 5.4.12) આયુર્ણવસ્તોભાભ્યાં સદ ઉપતિષ્ઠન્તે બ્રહ્મ ચૈવ તત્ ક્ષત્રં ચ જયન્તિ
(પ્બ્ 5.4.13) ઋશ્યસ્ય સામ્ના ગાર્હપત્યમ્ ઉપતિષ્ઠન્તે
(પ્બ્ 5.4.14) ઇન્દ્રં સર્વાણિ ભૂતાન્ય્ અસ્તુવંસ્ તસ્યર્શ્ય એકમ્ અઙ્ગમ્ અસ્તુતમ્ અચાયત્ તદ્ અસ્યૈતેનાસ્તૌત્ તેનાસ્ય પ્રિયં ધામોપાગચ્છત્ પ્રિયમ્ એવાસ્યૈતેન ધામોપગચ્છન્તિ
(પ્બ્ 5.4.15) યત્ પરોઽક્ષં નિધનમ્ ઉપેયુર્ હ્રીતમુખં પ્રતિમુઞ્ચેરન્ પ્રત્યક્ષમ્ ઉપયન્તિ હ્રીતમુખમ્ એવાપજયન્તિ
(પ્બ્ 5.5.1) આસન્દીમ્ આરુહ્યોદ્ગાયતિ દેવસાક્ષ્ય એવ તદ્ ઉપરિષદ્યં જયતિ
(પ્બ્ 5.5.2) ઔદુમ્બરી ભવત્ય્ ઊર્ગ્ ઉદુમ્બર ઊર્જમ્ એવાવરુન્દ્ધે
(પ્બ્ 5.5.3) પ્રાદેશમાત્રી ભવત્ય્ અસ્ય લોકસ્યાનુદ્ધાનાય
(પ્બ્ 5.5.4) છન્દોભિર્ આરોહતિ સ્વર્ગમ્ એવ તલ્ લોકમ્ આરોહતિ
(પ્બ્ 5.5.5) છન્દોભિર્ ઉપાવરોહત્ય્ અસ્મિં લોકે પ્રતિતિષ્ઠતિ
(પ્બ્ 5.5.6) સર્વેણાત્મના સમુદ્ધૃત્યોદ્ગેયમ્ એષુ લોકેષુ નેદ્ વ્યાહિતો ઽસાનીતિ
(પ્બ્ 5.5.7) એકસ્યાં સ્તોત્રીયાયામ્ અસ્તુતાયાં પાદાવ્ ઉપાહરતિ
(પ્બ્ 5.5.8) સહ નિધનેન પ્રતિષ્ઠામ્ ઉપયન્ત્ય્ એષેષ્વ્ એવ લોકેષુ પ્રતિતિષ્ઠન્તે
(પ્બ્ 5.5.9) પ્રેઙ્ખામ્ આરુહ્ય હોતા શંસતિ મહસ એવ તદ્ રૂપં ક્રિયતે
(પ્બ્ 5.5.10) યદા વૈ પ્રજા મહ આવિશતિ પ્રેઙ્ખાસ્ તર્હ્ય્ આરોહન્તિ
(પ્બ્ 5.5.11) ફલકમ્ આરુહ્યાધ્વર્યુઃ પ્રતિગૃણાતિ
(પ્બ્ 5.5.12) કૂર્ચાન્ ઇતરે ઽધ્યાસત ઊર્ધ્વા એવ તદ્ ઉત્ક્રામન્તો યન્તિ
(પ્બ્ 5.5.13) અભિગરાપગરૌ ભવતો નિન્દત્ય્ એનાન્ અન્યઃ પ્રાન્યઃ શંસતિ ય એનાન્ નિન્દતિ પાપ્માનમ્ એષાં સો ઽપહન્તિ યઃ પ્રશંસતિ યદ્ એવૈષાં સુષ્ટુતં સુશસ્તં તત્ સો ઽભિગૃણાતિ
(પ્બ્ 5.5.14) શૂદ્રાર્યૌ ચર્મણિ વ્યાયચ્છેતે તયોર્ આર્યં વર્ણમ્ ઉજ્જાપયન્તિ
(પ્બ્ 5.5.15) દેવાશ્ ચ વા અસુરાશ્ ચાદિત્યે વ્યાયચ્છન્તસ્ તં દેવા અભ્યજયંસ્ તતો દેવા અભવન્ । પરાસુરા અભવન્ન્ આત્મના પરાસ્ય ભ્રાતૃવ્યો ભવતિ ય એવંવ્ વેદ
(પ્બ્ 5.5.16) યદાર્યં વર્ણમ્ ઉજ્જાપયન્ત્ય્ આત્માનમ્ એવ તદ્ ઉજ્જાપયન્તિ
(પ્બ્ 5.5.17) પરિમણ્ડલં ચર્મ ભવત્ય્ આદિત્યસ્યૈવ તદ્ રૂપં ક્રિયતે
(પ્બ્ 5.5.18) સર્વાસુ સ્રક્તિષુ દુન્દુભયો વદન્તિ યા વનસ્પતિષુ વાક્ તામ્ એવ તજ્ જયન્તિ
(પ્બ્ 5.5.19) ભૂમિદુન્દુભિર્ ભવતિ યા પૃથિવ્યાં વાક્ તામ્ એવ તજ્ જયન્તિ
(પ્બ્ 5.5.20) સર્વા વાચો વદન્તિ યેષુ લોકેષુ વાક્ તામ્ એવ તજ્ જયન્તિ
(પ્બ્ 5.5.21) સંનદ્ધાઃ કવચિનઃ પરિયન્તીન્દ્રિયસ્યૈવ તદ્ રૂપં ક્રિયતે ઽથો મહાવ્રતમ્ એવ મહયન્તિ
(પ્બ્ 5.6.1) સર્વે સહર્ત્વિજો મહાવ્રતેન સ્તુવીરન્
(પ્બ્ 5.6.2) અધ્વર્યુઃ શિરસોદ્ગાયન્ મૈત્રાવરુણો દક્ષિણેન પક્ષેણ બ્રાહ્મણાચ્છંસ્ય્ ઉત્તરેણ ગૃહપતિઃ પુચ્છેનોદ્ગાતાત્મના
(પ્બ્ 5.6.3) તદ્ યદ્ય્ એવં કુર્યુર્ એકૈકયા સ્તોત્રીયયાસ્તુતયોદ્ગાતારમ્ અભિસમેયુઃ
(પ્બ્ 5.6.4) તિસૃભિર્ ઉદ્ગાતાત્મન ઉદ્ગીયાથ યા શિરસઃ સ્તોત્રીયા તાં દધ્યાદ્ અપરાભિસ્ તિસૃભિર્ ઉદ્ગીયાથ યા દક્ષિણસ્ય પક્ષસ્ય સ્તોત્રીયા તાં દધ્યાદ્ અપરાભિસ્ તિસૃભિર્ ઉદ્ગીયાથ યોત્તરસ્ય પક્ષસ્ય સ્તોત્રીયા તાં દધ્યાત્ તિસૃભિર્ વૈકયા વા સ્તુતં સ્યાદ્ અથ યા પુચ્છસ્ય સ્તોત્રીયા તાં દધ્યાત્

(પ્બ્ 5.6.5) આત્મન્ય્ એવ તદ્ અઙ્ગાનિ પ્રતિદધતિ સ્વર્ગસ્ય લોકસ્ય સમષ્ટ્યૈ
(પ્બ્ 5.6.6) અથો ખલ્વ્ આહુઃ કથમ્ અધ્વર્યુર્ બહ્વૃચઃ સામ ગાયેદ્ ઇત્ય્ ઉદ્ગાતૈવ સર્વેણોદ્ગાયેત્ તદ્ એવ સમૃદ્ધં સમૃદ્ધાવ્ એવ પ્રતિતિષ્ઠન્તિ
(પ્બ્ 5.6.7) હવિર્ધાને શિરસા સ્તુત્વા સંરબ્ધાઃ પ્રત્યઞ્ચ એયુસ્ તે દક્ષિણેન ધિષ્ણ્યાન્ પરીત્ય પશ્ચાન્ મૈત્રાવરુણસ્ય ધિષ્ણ્યસ્યોપવિશ્ય રથન્તરેણ પઞ્ચદશેન સ્તુવીરંસ્ ત ઉદઞ્ચઃ સંસર્પેયુર્ જઘનેન હોતુર્ ધિષ્ણ્યં પશ્ચાદ્ બ્રાહ્મણાચ્છંસિનો ધિષ્ણ્યસ્યોપવિશ્ય બૃહતા સપ્તદશેન સ્તુવીરંસ્ તે યેનૈવ પ્રસર્પેયુસ્ તેન પુનર્ નિઃસૃપ્યોત્તરેણાગ્નીધ્રં પરીત્ય પશ્ચાદ્ ગાર્હપત્યસ્યોપવિશ્ય પુચ્છેનૈકવિંશેન સ્તુવીરંસ્ તે યેનૈવ નિઃસર્પેયુસ્ તેન પુનઃ પ્રસૃપ્ય યથાયતનમ્ ઉપવિશ્યાસન્દીમ્ આરુહ્યોદ્ગાતાત્મનોદ્ગાયતિ
(પ્બ્ 5.6.8) તં પત્ન્યો ઽપઘાટિલાભિર્ ઉપગાયન્ત્ય્ આર્ત્વિજ્યમ્ એવ તત્ પત્ન્યઃ કુર્વન્તિ સહ સ્વર્ગંલ્ લોકમ્ અયામેતિ
(પ્બ્ 5.6.9) કુલે-કુલે ઽન્નં ક્રિયતે તદ્ યત્ પૃચ્છેયુઃ કિમ્ ઇદં કુર્વન્તીતીમે યજમાના અન્નમ્ અત્સ્યન્તીતિ બ્રૂયુઃ
(પ્બ્ 5.6.10) યો વૈ દીક્ષિતાનાં પાપં કીર્તયતિ તૃતીયમ્ એવાંશં પાપ્મનો હરત્ય્ અન્નાદસ્ તૃતીયં પિપીલિકાસ્ તૃતીયમ્
(પ્બ્ 5.6.11) પરિમાદ્ભિશ્ ચરન્તિ ત્વક્ ચ વા એતલ્ લોમ ચ મહાવ્રતસ્ય યત્ પરિમાદસ્ ત્વચં ચૈવ તલ્ લોમ ચ મહાવ્રતસ્યાપ્ત્વાવરુન્ધતે
(પ્બ્ 5.6.12) વાણં વિતન્વન્ત્ય્ અન્તો વૈ વાણો ઽન્તો મહાવ્રતમ્ અન્તેનૈવ તદ્ અન્તમ્ અભિવાદયન્તિ
(પ્બ્ 5.6.13) શતતન્ત્રીકો ભવતિ શતાયુર્ વૈ પુરુષઃ શતવીર્યઃ
(પ્બ્ 5.6.14) તમ્ ઉલ્લિખેત્ પ્રાણાય ત્વાપાનાય ત્વા વ્યાનાય ત્વેતિ પ્રાણાપાનવ્યાનાન્ એવ તદ્ આપ્ત્વાવરુન્ધતે
(પ્બ્ 5.6.15) પરિ કુમ્ભિન્યો માર્જાલીયં યન્તીદં મધ્વ્ ઇદં મધ્વ્ ઇતિ સઘોષા એવ તદ્ વયો ભૂત્વા સહ સ્વર્ગંલ્ લોકં યન્તિ
(પ્બ્ 5.7.1) દેવા વૈ વાચં વ્યભજન્ત તસ્યા યો રસો ઽત્યરિચ્યત તદ્ ગૌરીવિતમ્ અભવદ્ અનુષ્ટુભમ્ અનુ પરિપ્લવતે વાગ્ અનુષ્ટુબ્ વાચો રસો ગૌરીવિતમ્
(પ્બ્ 5.7.2) યદ્ ગૌરીવિતેનાન્વહંસ્ સ્તુવતે વાચ્ય્ એવ તદ્ વાચા રસં દધતિ
(પ્બ્ 5.7.3) રસવદ્ વાચા વદતિ ય એવંવ્ વેદેતિ
(પ્બ્ 5.7.4) દ્વ્યુદાસં ભવતિ સ્વર્ગસ્ય વા એતૌ લોકસ્યાવસાનદેશૌ પૂર્વેણૈવ પૂર્વમ્ અહઃ સંસ્થાપયન્ત્ય્ ઉત્તરેણોત્તરમ્ અહર્ અભ્યતિવદન્તિ
(પ્બ્ 5.7.5) એતદ્ વૈ યજ્ઞસ્ય શ્વસ્તનં યદ્ ગૌરીવિતં યદ્ ગૌરીવિતમ્ અનુસૃજેયુર્ અશ્વસ્તના અપ્રજસઃ સ્યુઃ
(પ્બ્ 5.7.6) સં વા અન્યો યજ્ઞસ્ તિષ્ઠત ઇત્ય્ આહુર્ વાગ્ એવ ન સંતિષ્ઠત ઇતિ યદ્ ગૌરીવિતમ્ અન્વહં ભવતિ વાચમ્ એવ તત્ પુનઃ પ્રયુઞ્જતે
(પ્બ્ 5.7.7) સ્વર્ણિધનમ્ અન્વહં ભવતિ
(પ્બ્ 5.7.8) દેવક્ષેત્રં વા એતે ઽભ્યારોહન્તિ યે સ્વર્ણિધનમ્ ઉપયન્તિ સ ઉ વૈ સત્ત્રિણઃ સત્ત્રમ્ ઉપનયેદ્ ઇત્ય્ આહુર્ ય એનાન્ દેવક્ષેત્રમ્ અભ્યારોહેદ્ ઇતિ ન વૈ દેવક્ષેત્ર આસીન આર્તિમ્ આર્છતિ યત્ સ્વર્ણિધનમ્ અન્વહં ભવતિ નૈવ કાં ચનાર્તિમ્ આર્છન્તિ
(પ્બ્ 5.7.9) ચ્યવન્તે વા એતે ઽસ્માલ્ લોકાદ્ ઇત્ય્ આહુર્ યે સ્વર્ણિધનમ્ ઉપયન્તીતિ યદ્ ઋચા સ્વરૂપં યન્ત્ય્ અસ્મિં લોકે પ્રતિતિષ્ઠન્તિ યદ્ એકારો ઽતરિક્ષે યત્ સામ્નામુષ્મિન્ત્ સર્વેષુ લોકેષુ પ્રતિતિષ્ઠન્તિ સ્વર્ણિધનેન તુષ્ટુવાનાઃ
(પ્બ્ 5.7.10) સુજ્ઞાનં ભવતિ
(પ્બ્ 5.7.11) દેવા વૈ સ્વર્ગંલ્ લોકં યન્તો ઽજ્ઞાતાદ્ અબિભયુસ્ ત એતત્ સંજ્ઞાનમ્ અપશ્યંસ્ તેન જ્ઞાત્રમ્ અગચ્છન્ યત્ સુજ્ઞાનમ્ અન્વહં ભવતિ જ્ઞાત્રમ્ એવ ગચ્છન્તિ
(પ્બ્ 5.8.1) યે વૈ વાચમ્ અન્નમ્ આદયન્ત્ય્ અન્નાદા ભવન્તિ યે વિતર્ષયન્તિ રુક્ષા ભવન્તિ
(પ્બ્ 5.8.2) ગૌરીવિતં શ્યાવાશ્વં નિહવ એતાનિ વૈ સામાનિ વાચો ઽન્નમ્ એતેષાં વાગ્ અન્નં યદ્ એતાનિ ન ચ્યવન્તે વાચમ્ એવ તદ્ અન્નમ્ આદયન્તિ તેન સર્વે ઽન્નાદા ભવન્તિ
(પ્બ્ 5.8.3) અભિક્રાન્તાપક્રાન્તાનિ ભવન્ત્ય્ અભિક્રાન્તાપક્રાન્તં વૈ વાચો રૂપમ્
(પ્બ્ 5.8.4) પ્લવો ઽન્વહં ભવતિ
(પ્બ્ 5.8.5) સમુદ્રં વા એતે પ્રસ્નાન્તિ યે સંવ્વત્સરમ્ ઉપયન્તિ યો વા અપ્લવઃ સમુદ્રં પ્રસ્નાતિ ન સ તત ઉદેતિ યત્ પ્લવો ભવતિ સ્વર્ગસ્ય લોકસ્ય સમષ્ટ્યૈ
(પ્બ્ 5.8.6) અતિ વિશ્વાનિ દુરિતા તરેમેતિ યદ્ એવૈષાં દુષ્ટુતં દુઃશસ્તં તદ્ એતેન તરન્તિ
(પ્બ્ 5.8.7) ઓકોનિધનં ષડહમુખે ભવતિ
(પ્બ્ 5.8.8) પરાં વા એતે પરાવતં ગચ્છન્તિ યે ષડહસ્યાન્તં ગચ્છન્તિ યદોકોનિધનં ષડહમુખે ભવતિ પ્રજ્ઞાત્યૈ
(પ્બ્ 5.8.9) યદા વૈ પુરુષઃ સ્વમ્ ઓક આગચ્છતિ સર્વં તર્હિ પ્રજાનાતિ સર્વમ્ અસ્મૈ દિવા ભવતિ
(પ્બ્ 5.9.1) એકાષ્ટકાયાં દીક્ષેરન્
(પ્બ્ 5.9.2) એષા વૈ સંવ્વત્સરસ્ય પત્ની યદ્ એકાષ્ટકૈતસ્યાં વા ગતાં રાત્રિં વસતિ સાક્ષાદ્ એવ તત્ સંવ્વત્સરમ્ આરભ્ય દીક્ષન્તે
(પ્બ્ 5.9.3) તસ્ય સાનિર્યા યદ્ અપોઽ નભિનન્દન્તો ઽભ્યવયન્તિ
(પ્બ્ 5.9.4) વિચ્છિન્નં વા એતે સંવ્વત્સરસ્યાભિદીક્ષન્તે ય એકાષ્ટકાયાં દીક્ષન્તે ઽન્તનામાનાવ્ ઋતૂ ભવેતે
(પ્બ્ 5.9.5) આર્તં વા એતે સંવ્વત્સરસ્યાભિદીક્ષન્તે યે ઽન્તનામાનાવ્ ઋતૂ અભિદીક્ષન્તે
(પ્બ્ 5.9.6) તસ્માદ્ એકાષ્ટકાયાં ન દીક્ષ્યમ્
(પ્બ્ 5.9.7) ફાલ્ગુને દીક્ષેરન્
(પ્બ્ 5.9.8) મુખં વા એતત્ સંવ્વત્સરસ્ય યત્ ફાલ્ગુનો મુખત એવ તત્ સંવ્વત્સરમ્ આરભ્ય દીક્ષન્તે
(પ્બ્ 5.9.9) તસ્ય સાનિર્યા યત્ સંમેઘે વિષુવાન્ સંપદ્યતે

(પ્બ્ 5.9.10) ચિત્રાપૂર્ણમાસે દીક્ષેરન્
(પ્બ્ 5.9.11) ચક્ષુર્ વા એતત્ સંવ્વત્સરસ્ય યચ્ ચિત્રાપૂર્ણમાસો મુખતો વૈ ચક્ષુર્ મુખત એવ તત્ સંવ્વત્સરમ્ આરભ્ય દીક્ષન્તે તસ્ય ન નિર્યાસ્તિ
(પ્બ્ 5.9.12) ચતુરહે પુરસ્તાત્ પૌર્ણમાસ્યા દીક્ષેરન્
(પ્બ્ 5.9.13) તેષામ્ અકાષ્ટકાયાં ક્રયઃ સંપદ્યતે તેનૈકાષ્ટકાં ન સંબટ્ કુર્વન્તિ
(પ્બ્ 5.9.14) તેષાં પૂર્વપક્ષે સુત્યા સંપદ્યતે પૂર્વપક્ષે માસાઃ સંતિષ્ઠમાના યન્તિ પૂર્વપક્ષ ઉત્તિષ્ઠન્તિ તાન્ ઉત્તિષ્ઠતઃ પશવ ઓષધયો ઽનૂત્તિષ્ઠન્તિ તાન્ કલ્યાણી વાગ્ અભિવદર્ય્ અરાત્સુર્ ઇમે સત્ત્રિણ ઇતિ તે રાધ્નુવન્તિ
(પ્બ્ 5.10.1) આ વા એતે સંવ્વત્સરં પ્યાયયન્તિ ય ઉત્સૃજન્તિ
(પ્બ્ 5.10.2) યથા વૈ દૃતિર્ આધ્માત એવં સંવ્વત્સરો ઽનુત્સૃષ્ટો યન્ નોત્સૃજેયુર્ અમેહેન પ્રમાયુકાઃ સ્યુઃ
(પ્બ્ 5.10.3) પ્રાણો વૈ સંવ્વત્સર ઉદાના માસા યદ્ ઉત્સૃજન્તિ પ્રાણ એવોદાનાન્ દધતિ યો દીક્ષિતઃ પ્રમીયતે યા સંવ્વત્સરસ્યાનુત્સૃષ્ટસ્ય શુક્ સા તમ્ ઋચ્છતિ
(પ્બ્ 5.10.4) તદ્ આહુર્ ઉત્સૃજ્યા3ં નોત્સૃજ્યા3મ્ ઇતિ
(પ્બ્ 5.10.5) યદ્ય્ ઉત્સૃજેયુર્ ઉક્થાન્ય્ ઉત્સૃજેયુસ્ તદ્ એવોત્સૃષ્ટં તદ્ અનુત્સૃષ્ટમ્
(પ્બ્ 5.10.6) અથો ખલ્વ્ આહુર્ એકત્રિકં કાર્યં તદ્ એવ સાક્ષાદ્ ઉત્સૃષ્ટમ્ અભ્યુત્ષુણ્વન્તિ
(પ્બ્ 5.10.7) છિદ્રો વા એતેષાં સંવ્વત્સર ઇત્ય્ આહુર્ યે સ્તોમમ્ ઉત્સૃજન્તીતિ
(પ્બ્ 5.10.8) પશુમ્ આલભન્તે સ્તોમમ્ એવ તદ્ આલભન્તે સ્તોમો હિ પશુઃ
(પ્બ્ 5.10.9) શ્વ ઉત્સૃષ્ટાઃ સ્મ ઇતિ વત્સાન્ અપાકુર્વન્તિ પ્રાતઃ પશુમ્ આલભન્તે તસ્ય વપયા પ્રચરન્તિ તતસ્ સવનીયેનાષ્ટાકપાલેન તત આગ્નેયેનાષ્ટાકપાલેન તતો દધ્નૈન્દ્રેણ તતશ્ ચરુણા વૈશ્વદેવેન તત્ પ્રાતઃસવનં સંતિષ્ઠન્તે
(પ્બ્ 5.10.10) તતઃ પશુપુરોડાશેનૈકાદશકપાલેન તતઃ સવનીયેનૈકાદશકપાલેન તતો મરુત્વતીયેનૈકાદશકપાલેન તતશ્ ચરુણૈન્દ્રેણ તન્ માધ્યન્દિનં સવનં સંતિષ્ઠન્તે
(પ્બ્ 5.10.11) પશુના પ્રચરન્તિ તતઃ સવનીયેન દ્વાદશકપાલેન તતો વૈશ્વદેવેન દ્વાદશકપાલેન તતશ્ ચરુણાગ્નિમારુતેન તત્ તૃતીયં સવનં સંતિષ્ઠન્તે
(પ્બ્ 5.10.12) પૃષદાજ્યેન પ્રચર્ય પત્નીસ્ સંયાજયન્તિ
(પ્બ્ 6.1.1) પ્રજાપતિર્ અકામયત બહુ સ્યાં પ્રજાયેયેતિ સ એતમ્ અગ્નિષ્ટોમમ્ અપશ્યત્ તમ્ આહરત્ તેનેમાઃ પ્રજા અસૃજત
(પ્બ્ 6.1.2) એકાદશેન ચ વૈ સતા સ્તોત્રેણાગ્નિષ્ટોમસ્યાસૃજતૈકાદશેન ચ માસા સંવ્વત્સરસ્ય તા દ્વાદશેન ચ સ્તોત્રેણાગ્નિષ્ટોમસ્ય પર્યગૃહ્ણાદ્ દ્વાદશેન ચ માસા સંવ્વત્સરસ્ય
(પ્બ્ 6.1.3) તસ્માત્ પ્રજા દશમાસો ગર્ભં ભૃત્વૈકાદશમ્ અનુ પ્રજાયન્તે તસ્માદ્ દ્વાદશં નાભ્યતિહરન્તિ દ્વાદશેન હિ પરિગૃહીતાસ્ તદ્ ય એવંવ્ વેદ પરિ જાતાઃ પ્રજા ગૃહ્ણાતિ પ્ર જાતા જનયન્તિ
(પ્બ્ 6.1.4) તાસાં પરિગૃહીતાનામ્ અશ્વતર્ય્ અત્યક્રામત્ તસ્યા અનુહાય રેત આદત્તા તદ્ વડવાયાં ન્યમાડ્ યસ્માદ્ વડવા દ્વિરેતાસ્ તસ્માદ્ અશ્વતર્ય્ અપ્રજા આત્તરેતા હિ
(પ્બ્ 6.1.5) તસ્માદ્ વ્ અદક્ષિણીયાતિ હિ સા યજ્ઞમ્ અરિચ્યતાતિરિક્તસ્ય દક્ષિણા સ્યાત્ સલોમત્વાય ષોડશિનઃ સ્તોત્રેદેયાતિરિક્તો વૈ ષોડશ્ય્ અતિરિક્ત એવાતિરિક્તાં દદાતિ
(પ્બ્ 6.1.6) સો ઽકામયત યજ્ઞં સૃજેયેતિ સ મુખત એવ ત્રિવૃતમ્ અસૃજત તં ગાયત્રી ચ્છન્દો ઽન્યસૃજ્યતાગ્નિર્ દેવતા બ્રાહ્મણો મનુષ્યો વસન્ત ઋતુસ્ તસ્માત્ ત્રિવૃત્ સ્તોમાનાં મુખં ગાયત્રી ચ્છન્દસામ્ અગ્નિર્ દેવતાનાં બ્રાહ્મણો મનુષ્યાણાં વસન્ત ઋતૂનાં તસ્માદ્ બ્રાહ્મણો મુખેન વીર્યં કરોતિ મુખતો હિ સૃષ્ટઃ
(પ્બ્ 6.1.7) કરોતિ મુખેન વીર્યં ય એવંવ્ વેદ
(પ્બ્ 6.1.8) સ ઉરસ્ત એવ બાહુભ્યાં પઞ્ચદશમ્ અસૃજત તં ત્રિષ્ટુપ્ છન્દો ઽન્વસૃજ્યતેન્દ્રો દેવતા રાજન્યો મનુષ્યો ગ્રીષ્મ ઋતુસ્ તસ્માદ્ રાજન્યસ્ય પઞ્ચદશ સ્તોમસ્ ત્રિષ્ટુપ્ છન્દ ઇન્દ્રો દેવતા ગ્રીષ્મ ઋતુસ્ તસ્માદ્ ઉ બાહુવીર્યો બાહુભ્યાં હિ સૃષ્ટઃ
(પ્બ્ 6.1.9) કરોતિ બાહુભ્યાં વીર્યં ય એવંવ્ વેદ
(પ્બ્ 6.1.10) સ મધ્યત એવ પ્રજનનાત્ સપ્તદશમ્ અસૃજત તં જગતી ચ્છન્દો ઽન્વસૃજ્યત વિશ્વે દેવા દેવતા વૈશ્યો મનુષ્યો વર્ષા ઋતુસ્ તસ્માદ્ વૈશ્યો ઽદ્યમાનો ન ક્ષીયતે પ્રજનનાદ્ ધિ સૃષ્ટસ્ તસ્માદ્ ઉ બહુપશુર્ વૈશ્વદેવો હિ જાગતો વર્ષા હ્ય્ અસ્યર્તુસ્ તસ્માદ્ બ્રાહ્મણસ્ય ચ રાજન્યસ્ય ચાદ્યો ઽધરો હિ સૃષ્ટઃ
(પ્બ્ 6.1.11) સ પત્ત એવ પ્રતિષ્ઠાયા એકવિંશમ્ અસૃજત તમ્ અનુષ્ટુપ્ છન્દો ઽન્વસૃજ્યત ન કા ચન દેવતા શૂદ્રો મનુષ્યસ્ તસ્માચ્ છૂદ્ર ઉત બહુપશુર્ અયજ્ઞિયો વિદેવો હિ ન હિ તં કા ચન દેવતા ઽન્વસૃજ્યત તસ્માત્ પાદાવ્ અનેજ્યં નાતિ વર્ધતે પત્તો હિ સૃષ્ટસ્ તસ્માદ્ એકવિંશસ્તોમાનાં પ્રતિષ્ઠા પ્રતિષ્ઠાયા હિ સૃષ્ટસ્ તસ્માદ્ અનુષ્ટુભં છન્દાંસિ નાનુ વ્યૂહન્તિ
(પ્બ્ 6.1.12) પાપવસીયસો વિધૃત્યૈ
(પ્બ્ 6.1.13) વિધૃતિઃ પાપવસીયસો ભવતિ ય એવંવ્ વેદ
(પ્બ્ 6.2.1) યો વૈ સ્તોમાન્ ઉપદેશનવતો વેદોપદેશનવાન્ ભવતિ
(પ્બ્ 6.2.2) પ્રાણો વૈ ત્રિવૃદ્ અર્ધમાસઃ પઞ્ચદશઃ સંવ્વત્સરઃ સપ્તદશ આદિત્ય એકવિંશ એતે વૈ સ્તોમા ઉપદેશનવન્ત ઉપદેશનવાન્ ભવતિ ય એવંવ્ વેદ
(પ્બ્ 6.2.3) ઇમે વૈ લોકાસ્ ત્રિણવસ્ ત્રિણવસ્ય વૈ બ્રાહ્મણેનેમે લોકાસ્ ત્રિષ્ પુનર્ નવા ભવન્તિ
(પ્બ્ 6.2.4) એષુ લોકેષુ પ્રતિતિષ્ઠતિ ય એવંવ્ વેદ
(પ્બ્ 6.2.5) દેવતા વાવ ત્રયસ્ત્રિંશો ઽષ્ટૌ વસવ એકાદશ રુદ્રા દ્વાદશાદિત્યાઃ પ્રજાપતિશ્ ચ વષટ્કારશ્ ચ ત્રયસ્ત્રિંશૌ
(પ્બ્ 6.2.6) સ દેવેન યજ્ઞેન યજતે ય એવંવ્ વેદ
(પ્બ્ 6.2.7) યો વા અધિપતિં વેદાધિપતિર્ ભવતિ ત્રયસ્ત્રિંશો વૈ સ્તોમાનમ્ અધિપતિઃ પુરુષઃ પશુમાન્
(પ્બ્ 6.2.8) તસ્માન્ ન્યઞ્ચો ઽન્યે પશવો ઽદન્ત્ય્ ઊર્ધ્વઃ પુરુષો ઽધિપતિર્ હિ સઃ
(પ્બ્ 6.2.9) અધિપતિઃ સમાનાનાં ભવતિ ય એવંવ્ વેદ
(પ્બ્ 6.3.1) એષ વાવ યજ્ઞો યદ્ અગ્નિષ્ટોમઃ

(પ્બ્ 6.3.2) એકસ્મા અન્યો યજ્ઞઃ કામાયાહ્રિયતે સર્વેભ્યો ઽગ્નિષ્ટોમઃ
(પ્બ્ 6.3.3) દ્વાદશ સ્તોત્રાણ્ય્ અગ્નિષ્ટોમો દ્વાદશમાસાઃ સંવ્વત્સરઃ સંવ્વત્સરં પશવો ઽનુ પ્રજાયન્તે તેન પશવ્યઃ સમૃદ્ધઃ
(પ્બ્ 6.3.4) દ્વાદશ સ્તોત્રાણિ દ્વાદશ શસ્ત્રાણિ તચ્ ચતુર્વિંશતિશ્ ચતુર્વિંશતિર્ અર્ધમાસાઃ સંવ્વત્સરઃ સંવ્વત્સરં પશવો ઽનુપ્રજાયન્તે તેન પશવ્યઃ સમૃદ્ધઃ
(પ્બ્ 6.3.5) અગ્નૌ સ્તોત્રમ્ અગ્નૌ શસ્ત્રં પ્રતિતિષ્ઠતિ તેન બ્રહ્મવર્ચસસ્ય
(પ્બ્ 6.3.6) કિં જ્યોતિષ્ટોમસ્ય જ્યોતિષ્ટોમત્વમ્ ઇત્ય્ આહુર્ વિરાજં સંસ્તુતઃ સંપદ્યતે વિરાડ્ વૈ ચ્છન્દસાં જ્યોતિઃ
(પ્બ્ 6.3.7) જ્યોતિઃ સમાનાનાં ભવતિ ય એવંવ્ વેદ
(પ્બ્ 6.3.8) જ્યેષ્ઠયજ્ઞો વા એષ યદ્ અગ્નિષ્ટોમઃ
(પ્બ્ 6.3.9) પ્રજાપતિઃ પ્રજા અસૃજત તા અસ્મૈ શ્રૈષ્ઠ્યાય નાતિષ્ઠન્ત સ એતમ્ અગ્નિષ્ટોમમ્ અપશ્યત્ તમ્ આહરત્ તતો ઽસ્મૈ પ્રજાઃ શ્રૈષ્ઠ્યાયાતિષ્ઠન્ત
(પ્બ્ 6.3.10) તિષ્ઠન્તે ઽસ્મૈ સમાનાઃ શ્રૈષ્ઠ્યાય ય એવંવ્ વેદ
(પ્બ્ 6.3.11) યત્ ત્વ્ ઇત્ય્ આહુર્ ગાયત્રં પ્રાતઃસવનં ત્રૈષ્ટુભં માધ્યન્દિનં સવનં જાગતં તૃતીયસવનં ક્વ તર્હિ તુરીયં ચ્છન્દો ઽનુષ્ટુબ્ ઇતિ
(પ્બ્ 6.3.12) છન્દસાં વા અન્વવલુપ્તિં યજમાનો ઽન્વવલુપ્યતે
(પ્બ્ 6.3.13) અષ્ટાક્ષરા ગાયત્રી હિઙ્કારો નવમ એકાદશાક્ષરા ત્રિષ્ટુબ્ દ્વાદશાક્ષરા જગતી ચ્છન્દોભિરેવાનુષ્ટુભમ્ આપ્નોતિ યજમાનસ્યાનવલોપાય
(પ્બ્ 6.3.14) યો વા અનુષ્ટુભં સર્વત્રાપિં સવનાન્ય્ અન્વાયત્તાં વેદ સર્વત્રાસ્યાપિર્ ભવત્ય્ એષા વા અનુષ્ટુપ્ સર્વત્રાપિઃ સવનાન્ય્ અન્વાયત્તા તદ્ ય એવં વ્વેદ સર્વત્રાપિર્ ભવતિ
(પ્બ્ 6.3.15) યદ્ વૈ રાજાનો ઽધ્વાનં ધાવયન્તિ યે ઽશ્વાનાંવ્ વીર્યવત્તમાસ્ તાન્ યુઞ્જતે ત્રિવૃત્ પઞ્ચદશ એકવિંશ એતે વૈ સ્તોમાનાંવ્ વીર્યવત્તમાસ્ તાન્ એવ યુઙ્ક્તે સ્વર્ગસ્ય લોકસ્ય સમષ્ટ્યૈ
(પ્બ્ 6.3.16) ચતુષ્ટોમો ભવતિ પ્રતિષ્ઠા વૈ ચતુષ્ટોમઃ પ્રતિષ્ઠિત્યૈ
(પ્બ્ 6.4.1) પ્રજાપતિર્ દેવેભ્ય ઊર્જં વ્યભજત્ તત ઉદુમ્બરઃ સમભવત્ પ્રાજાપત્યો વા ઉદુમ્બરઃ પ્રાજાપત્ય ઉદ્ગાતા યદ્ ઉદ્ગાતૌદુમ્બરીં પ્રથમેન કર્મણાન્વારભતે સ્વયૈવ તદ્ દેવતયાત્માનમ્ આર્ત્વિજ્યાય વૃણીતે
(પ્બ્ 6.4.2) તામ્ ઉચ્છ્રયતિ દ્યુતાનસ્ ત્વા મારુત ઉચ્છ્રયતૂદ્ દિવં સ્તભાનાન્તરિક્ષં પૃણ દૃંહ પૃથિવીમ્
(પ્બ્ 6.4.3) તામ્ અન્વારભત આયોષ્ ટ્વા સદને સાદયામ્ય્ અવતશ્ છાયાયાં સમુદ્રસ્ય હૃદય ઇતિ
(પ્બ્ 6.4.4) યજ્ઞો વા આયુસ્ તસ્ય તત્ સદનં ક્રિયતે
(પ્બ્ 6.4.5) યજ્ઞો વા અવતિ તસ્ય સા ચ્છાયા ક્રિયતે
(પ્બ્ 6.4.6) મધ્યતો વા આત્મનો હૃદયં તસ્માન્ મધ્યે સદસ ઔદુમ્બરી મીયતે
(પ્બ્ 6.4.7) નમઃ સમુદ્રાય નમઃ સમુદ્રસ્ય ચક્ષુષ ઇત્ય્ આહ વાગ્ વૈ સમુદ્રો મનઃ સમુદ્રસ્ય ચક્ષુસ્ તાભ્યામ્ એવ તન્ નમસ્ કરોતિ
(પ્બ્ 6.4.8) સામા યૂનર્વાહાસીદ્ ઇત્ય્ આહ સામ વૈ યૂનર્વા સામ્ન એવ તન્ નમસ્કરોત્ય્ આર્ત્વિજ્યં કરિષ્યન્
(પ્બ્ 6.4.9) યો વા એવં સામ્ને નમસ્કૃત્ય સામ્નાર્ત્વિજ્યં કરોતિ ન સામ્નો હીયતે નૈનં સામાપહતે
(પ્બ્ 6.4.10) ય એનમ્ અનુવ્યાહરતિ સ આર્તિમ્ આર્છતિ
(પ્બ્ 6.4.11) ઊર્ગ્ અસ્ય્ ઊર્જોદા ઊર્જં મે દેહ્ય્ ઊર્જં મે ધેહ્ય્ અન્નં મે દેહ્ય્ અન્નં મે ધેહિ પ્રજાપતેર્ વા એતદ્ ઉદરં યત્ સદ ઊર્ગ્ ઉદુમ્બરો યદ્ ઔદુમ્બરી મધ્યે સદસો મીયતે મધ્યત એવ તત્ પ્રજાભ્યો ઽન્નમ્ ઊર્જં દધાતિ
(પ્બ્ 6.4.12) તસ્માદ્ યત્રૈષા યાતયામા ક્રિયતે તત્ પ્રજા અશનાયવો ભવન્તિ
(પ્બ્ 6.4.13) સામ દેવાનામ્ અન્નં સામન્ય્ એવ તદ્ દેવેભ્યો ઽન્ન ઊર્હં દધાતિ સ એવ તદ્ ઊર્જિ શ્રિતઃ પ્રજાભ્ય ઊર્જં વિભજતિ
(પ્બ્ 6.4.14) ઉદઙ્ઙ્ આસીન ઉદ્ગાયત્ય્ ઉદીચીં તાદૃશમ્ ઊર્જા ભાજયતિ પ્રત્યઙ્ઙ્ આસીનઃ પ્રસ્તૌતિ પ્રતીચીં તાદૃશમ્ ઊર્જા ભાજયતિ દક્ષિણાસીનઃ પ્રતિહરતિ દક્ષિણાં તાદૃશમ્ ઊર્જા ભાજયતિ પ્રાઞ્ચો ઽન્ય ઋત્વિજ આર્ત્વિજ્યં કુર્વન્તિ તસ્માદ્ એષા દિશાં વીર્યવત્તમૈતાં હિ ભૂયિષ્ઠાઃ પ્રીણન્તિ
(પ્બ્ 6.4.15) બ્રહ્મવાદિનો વદન્તિ કસ્માત્ સત્યાત્ પ્રાઞ્ચો ઽન્ય ઋત્વિજ આર્ત્વિજ્યં કુર્વન્તીતિ વિપરિક્રમ્યોદ્ગાતાર ઇતિ દિશામ્ અભીષ્ટ્યૈ દિશામ્ અભિપ્રીત્યા ઇતિ બ્રૂયાત્ તસ્માત્ સર્વાસુ દિક્ષ્વ્ અન્નંવ્ વિદ્યતે સર્વા હ્ય્ અભીષ્ટાઃ પ્રીતાઃ
(પ્બ્ 6.5.1) પ્રજાપતિર્ અકામયત બહુ સ્યાં પ્રજાયેયેતિ સો ઽશોચત્ તસ્ય શોચત આદિત્યો મૂર્ધ્નો ઽસૃજ્યત સો ઽસ્ય મૂર્ધાનમ્ ઉદહન્ સ દ્રોણકલશો ઽભવત્ તસ્મિન્ દેવાઃ શુક્રમ્ અગૃહ્ણત તાં વૈ સ આયુષાર્તિમ્ અત્યજીવત્
(પ્બ્ 6.5.2) આયુષાર્તિમ્ અતિજીવતિ ય એવંવ્ વેદ ।
(પ્બ્ 6.5.3) રં પ્રોહેદ્ વાનસ્પત્યો ઽસિ બાર્હસ્પત્યો ઽસિ પ્રાજાપત્યો ઽસિ પ્રજાપતેર્ મૂર્ધાસ્ય્ અત્યાયુપાત્રમ્ અસીદમ્ અહં માં પ્રાઞ્ચં પ્રોહામિ તેજસે બ્રહ્મવર્ચસાયેતિ
(પ્બ્ 6.5.4) યદ્ આહ વાનસ્પત્ય ઇતિ સત્યેનૈવૈનં તત્ પ્રોહતિ
(પ્બ્ 6.5.5) યદ્ આહ બાર્હસ્પત્ય ઇતિ બૃહસ્પતિર્ વૈ દેવાનામ્ ઉદ્ગાતા તમ્ એવ તદ્ યુનક્તિ
(પ્બ્ 6.5.6) યદ્ આહ પ્રાજાપત્ય ઇતિ પ્રાજાપત્યો હ્ય્ એષ દેવતાયા યદ્ દ્રોણકલશો યદ્ આહ પ્રજાપતેર્ મૂર્ધેતિ પ્રજાપતેર્ હ્ય્ એષ મૂર્ધ્ન ઉદહન્યત
(પ્બ્ 6.5.7) યદ્ આહાત્યાયુપાત્રમ્ ઇત્ય્ અતિ હ્ય્ એતદ્ અન્યાનિ પાત્રાણિ યદ્ દ્રોણકલશો દેવપાત્રં દ્રોણકલશઃ
(પ્બ્ 6.5.8) દેવપાત્રી ભવતિ ય એવંવ્ વેદ
(પ્બ્ 6.5.9) બ્રાહ્મણં પાત્રે ન મીમાંસેત યં બ્રાહ્મણમ્ ઇવ મન્યતે પ્ર દેવપાત્રમ્ આપ્નોતિ ન મનુષ્યપાત્રાચ્ છિદ્યતે
(પ્બ્ 6.5.10) વાગ્ વૈ દેવેભ્યો ઽપક્રામત્ સાપઃ પ્રાવિશત્ તાં દેવાઃ પુનર્ અયાચંસ્ તા અબ્રુવન્ યત્ પુનર્ દદ્યામ કિં નસ્ તતઃ સ્યાદ્ ઇતિ યત્ કામયધ્વ ઇત્ય્ અબ્રુવંસ્ તા અબ્રુવન્ યદ્ એવાસ્માસુ મનુષ્યા અપૂતં પ્રવેશયાંસ્ તેનાસંસૃષ્ટા અસામેતિ

(પ્બ્ 6.5.11) શુદ્ધા અસ્મા આપઃ પૂતા ભવન્તિ ય એવંવ્ વેદ
(પ્બ્ 6.5.12) સા પુનર્તાત્યક્રામત્ સા વનસ્પતીન્ પ્રાવિશત્ તાન્ દેવાઃ પુનર્ અયાચંસ્ તાં ન પુનર્ અદદુસ્ તાન્ અશપન્ સ્વેન વઃ કિષ્કુણા વજ્રેણ વૃશ્ચાન્ ઇતિ તસ્માદ્ વનસ્પતીન્ સ્વેન કિષ્કુણા વજ્રેણ વૃશ્ચન્તિ દેવશપ્તા હિ
(પ્બ્ 6.5.13) તાંવ્ વનસ્પતયશ્ ચતુર્ધા વાચંવ્ વિન્યદધુર્ દુન્દુભૌ વીણાયામ્ અક્ષે તૂણવે તસ્માદ્ એષા વદિષ્ઠૈષા વલ્ગુતમા વાગ્ વા વનસ્પતીનાં દેવાનાં હ્ય્ એષા વાગ્ આસીત્
(પ્બ્ 6.5.14) અધો-ઽધો ઽક્ષં દ્રોણકલશં પ્રોહન્તિ તસ્યા વાચો ઽવરુધ્યા ઉપર્ય્-ઉપર્ય્ અક્ષં પવિત્રં પ્રયચ્છન્ત્ય્ ઉભયત એવ વાચં પરિગૃહ્ણન્તિ
(પ્બ્ 6.5.15) યસ્ય કામયેતાસુર્યમ્ અસ્ય યજ્ઞં કુર્યાંવ્ વાચંવ્ વૃઞ્જીયેતિ દ્રોણકલશં પ્રોહન્ બાહુભ્યામ્ અક્ષન્ ઉપસ્પૃશેદ્ અસુર્યમ્ અસ્ય યજ્ઞં કરોતિ વાચંવ્ વૃઙ્ક્તે યો ઽસ્ય પ્રિયઃ સ્યાદ્ અનુપસ્પૃશન્ન્ અક્ષં પ્રોહેત્ પ્રાણા વૈ દ્રોણકલશઃ પ્રાણાન્ એવાસ્ય કલ્પયતિ
(પ્બ્ 6.5.16) યન્ ન્વ્ ઇત્ય્ આહુર્ વાચાન્યાન્ ઋત્વિજો વૃણતે કસ્માદ્ ઉદ્ગાતારો વૃતા આર્ત્વિજ્યં કુર્વન્તીતિ
(પ્બ્ 6.5.17) યદ્ દ્રોણકલશમ્ ઉપસીદન્તિ તેનોદ્ગાતારો વૃતાઃ
(પ્બ્ 6.5.18) પ્રાજાપત્યા વા ઉદ્ગાતારઃ પ્રાજાપત્યો દ્રોણકલશો દ્રોણકલશ એવૈનામ્ આર્ત્વિજ્યાય વૃણીતે
(પ્બ્ 6.5.19) પ્રાઞ્ચ ઉપસીદન્તિ પ્રાઞ્ચો યજ્ઞસ્યાગ્રે કરવામેતિ
(પ્બ્ 6.5.20) અનભિજિતા વા એષોદ્ગાતૄણાં દિગ્ યત્ પ્રાચી યદ્ દ્રોણકલશં પ્રાઞ્ચં પ્રોહન્તિ દિશો ઽભિજિત્યૈ
(પ્બ્ 6.5.21) યન્ ન્વ્ ઇત્ય્ આહુર્ અન્તરાશ્વઃ પ્રાસેવૌ યુજ્યતે ઽન્તરા શમ્ય અનડ્વાન્ ક ઉદ્ગાતૄણાં યોગ ઇતિ યદ્ દ્રોણકલશમ્ ઉપસીદન્તિ સ એષાં યોગસ્ તસ્માદ્ યુક્તૈર્ એવોપસદ્યં ન હ્ય્ અયુક્તો વહતિ
(પ્બ્ 6.6.1) ગ્રાવ્ણઃ સંસાદ્ય દ્રોણકલશમ્ અધ્યૂહન્તિ વિડ્ વૈ ગ્રાવાણો ઽન્નં સોમો રાષ્ટ્રં દ્રોણકલશો યદ્ ગ્રાવસુ દ્રોણકલશમ્ અધ્યૂહન્તિ વિશ્ય્ એવ તદ્ રાષ્ટ્રમ્ અધ્યૂહન્તિ
(પ્બ્ 6.6.2) યં દ્વિષ્યાદ્ વિમુખાન્ ગ્રાવ્ણઃ કૃત્વેદમ્ અહમ્ અમુમ્ અમુષ્યાયણમ્ અમુષ્યાઃ પુત્રમ્ અમુષ્યા વિશો ઽમુષ્માદ્ અન્નાદ્યાન્ નિરૂહામીતિ નિરૂહેદ્ વિશ એવૈનમ્ અન્નાદ્યાન્ નિરૂહતિ
(પ્બ્ 6.6.3) યો ઽસ્ય પ્રિયઃ સ્યાત્ સંમુખાન્ ગ્રાવ્ણઃ કૃત્વેદમ્ અહમ્ અમુષ્યાયણમ્ અમુષ્યાઃ પુત્રમ્ અમુષ્યાં વિશ્ય્ અમુષિન્ન્ અન્નાદ્યે ઽધ્યૂહામીત્ય્ અધ્યૂહેદ્ વિશ્ય્ એવૈનમ્ અન્નાદ્યે ઽધ્યૂહતિ
(પ્બ્ 6.6.4) અથો તદ્ ઉભયમ્ અનાદૃત્યેદમ્ અહં માં તેજસિ બ્રહ્મવર્ચસ્સે ઽધ્યૂહામીત્ય્ અધ્યૂહેત્ તેજસ્ય્ એવ બ્રહ્મવર્ચસ આત્માનમ્ અધ્યૂહતિ
(પ્બ્ 6.6.5) યઃ કામયેત વિશા રાષ્ટ્રં હન્યામ્ ઇતિ વ્યૂહ્ય ગ્રાવ્ણો ઽધો દ્રોણકલશં સાદયિત્વોપાંશુસવનમ્ ઉપરિષ્ટાદ્ અભિનિદધ્યાદ્ ઇદમ્ અહમ્ અમુયા વિશા ઽદો રાષ્ટ્રં હન્મીતિ વિશૈવ તદ્ રાષ્ટ્રં હન્તિ
(પ્બ્ 6.6.6) યો વૈ દૈવાનિ પવિત્રાણિ વેદ પૂતો યજ્ઞિયો ભવતિ ચ્છન્દાંસિ વૈ દૈવાનિ પવિત્રાણિ તૈર્ દ્રોણકલશં પાવયન્તિ
(પ્બ્ 6.6.7) વસવસ્ ત્વા ગાયત્રેણ ચ્છન્દસા પુનન્તુ રુદ્રાસ્ ત્વા ત્રૈષ્ટુભેન ચ્છન્દસા પુનન્ત્વ્ આદિત્યાસ્ ત્વા જાગતેન ચ્છન્દસા પુનન્ત્વ્ એતાનિ વૈ દૈવાનિ પવિત્રાણિ પૂતો યજ્ઞિયો ભવતિ ય એવંવ્ વેદ
(પ્બ્ 6.6.8) સ્વર્ભાનુર્ વા આસુર આદિત્યં તમસાવિધ્યત્ તં દેવા ન વ્યજાનંસ્ તે ઽત્રિમ્ ઉપાધાવંસ્ તસ્યાત્રિર્ ભાસેન તમો ઽપાહન્ યત્ પ્રથમમ્ અપાહન્ સા કૃષ્ણાવિર્ અભવદ્ યદ્ દ્વિતીયં સા રજતા યત્ તૃતીયં સા લોહિની યયા વર્ણમ્ અભ્યતૃણત્ સા શુક્લાસીત્
(પ્બ્ 6.6.9) તસ્માચ્ છુક્લં પવિત્રં શુક્રઃ સોમઃ સ શુક્રત્વાય
(પ્બ્ 6.6.10) યં દ્વિષ્યાત્ તસ્યૈતેષાં વર્ણાનામ્ અપિ પવિત્રે કુર્યાત્ પાપ્મનૈવૈનં તમસા વિધ્યતિ કૃષ્ણમ્ ઇવ હિ તમો યો ઽસ્ય પ્રિયઃ સ્યાદ્ આસક્તિશુક્લં કુર્યાજ્ જ્યોતિર્ વૈ હિરણ્યં જ્યોતિર્ એવાસ્મિન્ દધાતિ
(પ્બ્ 6.6.11) તસ્માદ્ આત્રેયં ચન્દ્રેણેચ્છન્ત્ય્ અત્રિર્ હિ તસ્ય જ્યોતિઃ
(પ્બ્ 6.6.12) અભ્યતૃણત્ પવિત્રંવ્ વિગૃહ્ણન્તિ હસ્તકાર્યમ્ એવ તદ્ યજ્ઞસ્ય ક્રિયત એતદ્ વા ઉદ્ગાતૄણાં હસ્તકાર્યં યત્ પવિત્રસ્ય વિગ્રહણમ્
(પ્બ્ 6.6.13) ન હસ્તવેષ્યાન્ નિર્ ઋચ્છતિ ય એવંવ્ વેદ
(પ્બ્ 6.6.14) યો ઽપિ ન વિગૃહ્ણાતિ પ્રાણાદ્ એનમ્ અન્તર્યન્તિ
(પ્બ્ 6.6.15) તં બ્રૂયાદ્ વેપમાનઃ પ્રમેષ્યસ ઇતિ વેપમાન એવ પ્રમીયતે
(પ્બ્ 6.6.16) પ્ર શુક્રૈતુ દેવી મનીષાસ્મદ્ રથઃ સુતષ્ટો ન વાજીત્ય્ ઉદ્ગાતા ધારામ્ અનુમન્ત્રયતે
(પ્બ્ 6.6.17) આયુષે મે પવસ્વ વર્ચસે મે પવસ્વ વિદુઃ પૃથિવ્યા દિવો જનિત્રાચ્ છૃણ્વન્ત્વ્ આપો ઽધઃ ક્ષરન્તીઃ સોમેહોદ્ગાયેત્ય્ આહ મહ્યં તેજસે બ્રહ્મવર્ચસાયેતિ
(પ્બ્ 6.6.18) એષ વૈ સોમસ્યોદ્ગીથો યત્ પવતે સોમોદ્ગીથમ્ એવ સામ ગાયતિ
(પ્બ્ 6.6.19) આચ્છિન્નં પાવયન્તિ યજ્ઞં ચૈવ પ્રાણાંશ્ ચ સંતન્વન્તિ સંતતં પાવયન્તિ યજ્ઞસ્ય સંતત્યૈ
(પ્બ્ 6.7.1) બૃહસ્પતિર્ વૈ દેવાનામ્ ઉદગાયત્ તં રક્ષાંસ્ય્ અજિઘાંસન્ સ ય એષાં લોકાનામ્ અધિપતયસ્ તાન્ ભાગધેયેનોપાધાવત્
(પ્બ્ 6.7.2) સૂર્યો મા દિવાભ્યો નાષ્ટ્રાભ્યઃ પાતુ વાયુર્ અન્તરિક્ષાભ્યો ઽગ્નિઃ પાર્થિવાભ્યઃ સ્વાહેતિ જુહોતિ
(પ્બ્ 6.7.3) એતે વા એષાં લોકાનામ્ અધિપતયસ્ તાન્ ભાગધેયેનોપાસરત્
(પ્બ્ 6.7.4) કરોતિ વાચા વીર્યં ન સદસ્યામ્ આર્તિમ્ આર્ચ્છતિ ય એવંવ્ વેદ
(પ્બ્ 6.7.5) વાગ્ વૈ દેવેભ્યો ઽપાક્રામત્ તાં દેવા અન્વમન્ત્રયન્ત સા ઽબ્રવીદ્ અભાગાસ્મિ ભાગધેયં મે ઽસ્ત્વ્ ઇતિ કસ્ તે ભાગધેયં કુર્યાદ્ ઇત્ય્ ઉદ્ગાતાર ઇત્ય્ અબ્રવીદ્ ઉદ્ગાતારો વૈ વાચે ભાગધેયં કુર્વન્તિ
(પ્બ્ 6.7.6) તસ્યૈ જુહુયાદ્ બેકુરાનામાસિ જુષ્ટા દેવેભ્યો નમો વાચે નમો વાચસ્ પતયે દેવિ વાગ્ યત્ તે વાચો મધુમત્ તસ્મિન્ મા ધાઃ સરસ્વત્યૈ સ્વાહેતિ
(પ્બ્ 6.7.7) વાહ્ વૈ સરસ્વતી તામ્ એવ તદ્ ભાગધેયેનારભતે
(પ્બ્ 6.7.8) યં દ્વિષ્યાત્ તસ્યૈતામ્ આહુતિં જુહુયાદ્ વાચં મનસા ધ્યાયેદ્ વાચમ્ એવાસ્ય વૃઙ્ક્તે
(પ્બ્ 6.7.9) બહિષ્પવમાનં સર્પન્તિ સ્વર્ગમ્ એવ તલ્ લોકં સર્પન્તિ
(પ્બ્ 6.7.10) પ્રક્વાણા ઇવ સર્પન્તિ પ્રતિકૂલમ્ ઇવ હીતઃ સ્વર્ગો લોકઃ ત્સરન્ત ઇવ સર્પન્તિ મૃગધર્મો વૈ યજ્ઞો યજ્ઞસ્ય શાન્ત્યા અપ્રત્રાસાય

(પ્બ્ 6.7.11) વાચં યચ્છન્તિ યજ્ઞમ્ એવ તદ્ યચ્છન્તિ યદ્ વ્યવવદેયુર્ યજ્ઞં નિર્બ્રૂયુસ્ તસ્માન્ ન વ્યવવદ્યમ્
(પ્બ્ 6.7.12) પઞ્ચર્ત્વિજઃ સંરબ્ધાઃ સર્પન્તિ પા-ન્ક્તો યજ્ઞો યાવાન્ યજ્ઞસ્ તમ્ એવ સંતન્વન્તિ
(પ્બ્ 6.7.13) યદિ પ્રસ્તોતાવચ્છિદ્યતે યજ્ઞસ્ય શિરશ્ છિદ્યતે બ્રહ્મણે વરં દત્ત્વા સ એવ પુનર્ વર્તવ્યશ્ છિન્નમ્ એવ તત્ પ્રતિદધાતિ
(પ્બ્ 6.7.14) યદ્ય્ ઉદ્ગાતાવચ્છિદ્યતે યજ્ઞેન યજમાનો વ્યૃધ્યતે ઽદક્ષિણઃ સ યજ્ઞક્રતુઃ સંસ્થાપ્યો ઽથાન્ય આહૃત્યસ્ તસ્મિન્ દેયં યાવદ્ દાસ્યન્ સ્યાત્
(પ્બ્ 6.7.15) યદિ પ્રતિહર્તા ઽવચ્છિદ્યતે પશુભિર્ યજમાનો વ્યૃધ્યતે પશવો વૈ પ્રતિહર્તા સર્વવેદસં દેયં યદિ સર્વવેદસં ન દદાતિ સર્વજ્યાનિં જીયતે
(પ્બ્ 6.7.16) અધ્વર્યુઃ પ્રસ્તરં હરતિ
(પ્બ્ 6.7.17) યજમાનો વૈ પ્રસ્તરો યજમાનમ્ એવ તત્ સ્વર્ગંલ્ લોકં હરતિ
(પ્બ્ 6.7.18) યજ્ઞો વૈ દેવેભ્યો ઽશ્વો ભૂત્વાપાક્રામત્ તં દેવાઃ પ્રસ્તરેણાસમયંસ્ તસ્માદ્ અશ્વઃ પ્રસ્તરેણ સંમૃજ્યમાન ઉપાવરભતે યદ્ અધ્વર્યુઃ પ્રસ્તરં હરતિ યજ્ઞસ્ય શાન્ત્યા અપ્રત્રાસાય
(પ્બ્ 6.7.19) પ્રજાપતિઃ પશુન્ અસૃજત તે ઽસ્માત્ સૃષ્ટા અશનાયન્તો ઽપાક્રામંસ્ તેભ્યઃ પ્રસ્તરમ્ અન્નં પ્રાયચ્છત્ એનમ્ ઉપાવર્તન્ત તસ્માદ્ અધ્વર્યુણા પ્રસ્તર ઈષદ્ ઇવ વિધૂયો વિધૂતિમ્ ઇવ હિ તૃણં પશવ ઉપાવર્તન્તે
(પ્બ્ 6.7.20) ઉપૈનં પશવ આવર્તન્તે ય એવંવ્ વેદ
(પ્બ્ 6.7.21) પ્રસ્તરમ્ આસદ્યોદ્ગાયેદ્ ધવિષો ઽસ્કન્દાય
(પ્બ્ 6.7.22) યજમાનં તુ સ્વર્ગાલ્ લોકા અવગૃહ્ણાતિ
(પ્બ્ 6.7.23) અષ્ઠીવતોપસ્પૃશતોદ્ગેયં તેનાસ્ય હવિર્ અસ્કન્નં ભવતિ ન યજમાનં સ્વર્ગાલ્ લોકાદ્ અવગૃહ્ણાતિ
(પ્બ્ 6.7.24) ચાત્વાલમ્ અવેક્ષ્ય બહિષ્પવમાનં સ્તુવન્ત્ય્ અત્ર વા અસાવ્ આદિત્ય આસીત્ ત દેવા બહિષ્પવમાનેન સ્વર્ગંલ્ લોકમ્ અહરન્ યચ્ ચાત્વાલમ્ અવેક્ષ્ય બહિષ્પવમાનં સ્તુવન્તિ યજમાનમ્ એવ તત્ સ્વર્ગંલ્ લોકં હરન્તિ
(પ્બ્ 6.8.1) સ તુ વૈ યજ્ઞેન યજેતેત્ય્ આહુર્ યસ્ય વિરાજં યજ્ઞમુખે દધ્યુર્ ઇતિ
(પ્બ્ 6.8.2) નવભિઃ સ્તુવન્તિ હિઙ્કારો દશમો દશાક્ષરા વિરાડ્ વિરાજમ્ એવાસ્ય યજ્ઞમુખે દધાતિ
(પ્બ્ 6.8.3) નવભિઃ સ્તુવન્તિ પ્રાણાઃ પ્રાણૈર્ એવૈનં સમર્દ્ધયન્તિ હિઙ્કારો દશમસ્ તસ્માન્ નાભિર્ અનવતૃણ્ણા દશમી પ્રાણાનામ્
(પ્બ્ 6.8.4) નવભિઃ સ્તુવન્તિ નવાધ્વર્યુઃ પ્રાતઃસવને ગ્રહાન્ ગૃહ્ણાતિ તાન્ એવ તત્ પાવયન્તિ તેષાં પ્રાણાન્ ઉત્સૃજન્તિ
(પ્બ્ 6.8.5) પ્રજાપતિર્ વૈ હિઙ્કારસ્ ત્રયો બહિષ્પવમાન્યો યદ્ ધિઙ્કૃત્ય પ્રસ્તૌતિ મિથુનમ્ એવાસ્યા યજ્ઞમુખે દધાતિ પ્રજનનાય
(પ્બ્ 6.8.6) એષ વૈ સ્તોમસ્ય યોગો યદ્ ધિઙ્કારો યદ્ ધિઙ્કૃત્ય પ્રસ્તૌતિ યુક્તેનૈવ સ્તોમેન પ્રસ્તૌતિ
(પ્બ્ 6.8.7) એષ વૈ સામ્નાં રસો યદ્ ધિઙ્કારો યદ્ ધિઙ્કૃત્ય પ્રસ્તૌતિ રસેનૈવૈતા અભ્યુદ્ય પ્રસ્તૌતિ
(પ્બ્ 6.8.8) આરણ્યેભ્યો વા એતત્ પશુભ્યઃ સ્તુવન્તિ યદ્ બહિષ્પવમાનમ્ એકારૂપાભિઃ સ્તુવન્તિ તસ્માદ્ એકરૂપા આરણ્યાઃ પશવઃ
(પ્બ્ 6.8.9) પરાચીભિઃ સ્તુવન્તિ તસ્માત્ પરાઞ્ચઃ પ્રજાયન્તે પરાઞ્ચો વિતિષ્ઠન્તે
(પ્બ્ 6.8.10) અપરિશ્રિતે સ્તુવન્તિ તસ્માદ્ અપરિગૃહીતા આરણ્યાઃ પશવઃ
(પ્બ્ 6.8.11) બહિઃ સ્તુવન્ત્ય્ અન્તર્ અનુશંસન્તિ તસ્માદ્ ગ્રામમ્ આહૃતૈર્ ભુઞ્જતે
(પ્બ્ 6.8.12) ગ્રામેભ્યો વા એતત્ પશુભ્યઃ સ્તુવન્તિ યદ્ આજ્યૈર્ નાનારૂપૈઃ સ્તુવન્તિ તસ્માન્ નાનારૂપા ગ્રામ્યાઃ પશવઃ
(પ્બ્ 6.8.13) પુનરભ્યાવર્તં સ્તુવન્તિ તસ્માત્ પ્રેત્વર્યઃ પ્રેત્ય પુનર્ આયન્તિ
(પ્બ્ 6.8.14) પરિશ્રિતે સ્તુવન્તિ તસ્માત્ પરિગૃહીતા ગ્રામ્યાઃ પશવઃ
(પ્બ્ 6.8.15) અમુષ્મૈ વા એતલ્ લોકાય સ્તુવન્તિ યદ્ બહિષ્પવમાનં સકૃદ્ ધિઙ્કૃતાભિઃ પરાચીભિઃ સ્તુવન્તિ સકૃદ્ ધીતો ઽસૌ પરાઙ્ લોકઃ
(પ્બ્ 6.8.16) અસ્મૈ વા એતલ્ લોકાય સ્તુવન્તિ યદ્ આજ્યૈઃ પુનરભ્યાવર્તં સ્તુવન્તિ તસ્માદ્ અયંલ્ લોકઃ પુનઃ-પુનઃ પ્રજાયતે
(પ્બ્ 6.8.17) પરાઞ્ચો વા એતેષાં પ્રાણા બહ્વન્તીત્ય્ આહુર્ યે પરાચીભિર્ બહિષ્પવમાનીભિઃ સ્તુવત ઇત્ય્ આવતીમ્ ઉત્તમાં ગાયેત્ પ્રાણાનાં ધૃત્યૈ
(પ્બ્ 6.8.18) ચ્યવન્તે વા એતે ઽસ્માલ્ લોકાદ્ ઇત્ય્ આહુર્ યે પરાચીભિર્ બહિષ્પવમાનીભિઃ સ્તુવત ઇતિ રથન્તરવર્ણમ્ ઉત્તમાં ગાયેદ્ ઇયં વૈ રથન્તરમ્ અસ્યામ્ એવ પ્રતિતિષ્ઠતિ
(પ્બ્ 6.9.1) ઉપાસ્મૈ ગાયત નર ઇતિ ગ્રામકામાયપ્રતિપદં કુર્યાત્
(પ્બ્ 6.9.2) નરો વૈ દેવાનાં ગ્રામો ગ્રામમ્ એવાસ્મા ઉપાકઃ
(પ્બ્ 6.9.3) ઉપ વા અન્નમ્-અન્નમ્ એવાસ્મા ઉપાકઃ
(પ્બ્ 6.9.4) ઉપોષુ જાતમ્ અપ્તુરમ્ ઇતિ પ્રજાકામાય પ્રતિપદં કુર્યાત્
(પ્બ્ 6.9.5) ઉપ વૈ પ્રજા તાં જાતમ્ ઇત્ય્ એવાજીજનત્
(પ્બ્ 6.9.6) સ નઃ પસ્વસ્ય શં ગવ ઇતિ પ્રતિપદં કુર્યાત્
(પ્બ્ 6.9.7) યાં સમાં મહાદેવઃ પશૂન્ હન્યાત્ સ નઃ પવસ્વ શં ગવ ઇતિ ચતુષ્પદે ભેષજં કરોતિ
(પ્બ્ 6.9.8) શં જનાયેતિ દ્વિપદે શમ્ અર્વત ઇત્ય્ એકશફાય

(પ્બ્ 6.9.9) વિષેણ વૈ તાં સમામ્ ઓષધયો ઽક્તા ભવન્તિ યાં સમાં મહાદેવઃ પશૂન્ હન્તિ યચ્ છં રાજન્ન્ ઓષધીભ્ય ઇત્ય્ આહૌષધીર્ એવાસ્મૈ સ્વદયત્ય્ ઉભય્યો ઽસ્મૈ સ્વદિતાઃ પચ્યન્તે ઽકૃષ્ટપચ્યાશ્ ચ કૃષ્ટપચ્યાશ્ ચ
(પ્બ્ 6.9.10) પવસ્વ વાચો અગ્રિય ઇતિ પ્રતિપદં કુર્યાદ્ યં કામયેત સમાનાનાં શીરેષ્ઠઃ સ્યાદ્ ઇતિ
(પ્બ્ 6.9.11) પવસ્વ વાચો અગ્રિય ઇત્ય્ અગ્રમ્ એવૈનં પરિણયતિ
(પ્બ્ 6.9.12) શ્રીર્ વૈ વાચો ઽગ્રં શ્રિયમ્ એવાસ્મિન્ દધાતિ
(પ્બ્ 6.9.13) એતે અસૃગ્રમ્ ઇન્દવ ઇતિ બહુભ્યઃ પ્રતિપદં કુર્યાત્
(પ્બ્ 6.9.14) એત ઇતિ સર્વાન્ એવૈનાન્ ઋદ્ધ્યૈ ભૂત્યા અભિવદતિ
(પ્બ્ 6.9.15) એત ઇતિ વૈ પ્રજાપતિર્ દેવાન્ અસૃજતાસૃગ્રમ્ ઇતિ મનુષ્યાન્ ઇન્દવ ઇતિ પિતૄંસ્ તિરઃ પવિત્ર ઇતિ ગ્રહાન્ આશવ ઇતિ સ્તોત્રંવ્ વિશ્વાનીતિ શસ્ત્રમ્ અભિ સૌભગેત્ય્ અન્યાઃ પ્રજાઃ
(પ્બ્ 6.9.16) યદ્ એત ઇતિ તસ્માદ્ યાવન્ત એવાગ્રે દેવાસ્ તાવન્ત ઇદાનીમ્
(પ્બ્ 6.9.17) સર્વાન્ વૃદ્ધિમ્ આર્ધ્નુવં સ્થિતેવ હ્ય્ એષા વ્યાહૃતિઃ
(પ્બ્ 6.9.18) યદ્ અસૃગ્રમ્ ઇતિ તસ્માન્ મનુષ્યાઃ શ્વઃ-શ્વઃ સૃજ્યન્તે
(પ્બ્ 6.9.19) યદ્ ઇન્દવ ઇતીન્દવ ઇવ હિ પિતરઃ
(પ્બ્ 6.9.20) મન ઇવ
(પ્બ્ 6.9.21) યાન્તાઃ પ્રજાઃ સૃષ્ટા ઋદ્ધિમ્ આર્ધ્નુવંસ્ તામ્ ઋધ્નુવન્તિ યેષામ્ એવંવ્ વિદ્વાન્ એતાં પ્રતિપદં કરોતિ
(પ્બ્ 6.9.22) છન્દાંસિ વૈ સોમમ્ આહરંસ્ તં ગન્ધર્વો વિશ્વાવસુઃ પર્યમુષ્ણાત્. તેનાપઃ પ્રાવિશત્ તં દેવતા અન્વૈચ્છંસ્ તં વિષ્ણુર્ અપ્સુ પર્યપશ્યત્ સ વ્યકાઙ્ક્ષદ્ અયં નૂ3 ના3 ઇતિ તં પદા પ્રાસ્ફુરત્ તસ્માત્ પૃથગ્ ઇન્દવો ઽસૃજ્યન્ત સ દેવતાભ્યો ઽભિતસ્ તિષ્ઠન્તીભ્ય એતે અસૃગ્રમ્ ઇન્દવ ઇતિ પ્રાબ્રવીદ્ બહિષ્પવમાનેન વૈ યજ્ઞઃ સૃજ્યતે યદ્ એતે અસૃગ્રમ્ ઇન્દવ ઇતિ પ્રસ્તૌતિ યજ્ઞમ્ એવ તત્ સૃષ્ટં દેવતાભ્યઃ પ્રાહ
(પ્બ્ 6.9.23) વ્યૃદ્ધં વા એતદ્ અપશવ્યં યત્ પ્રાતઃસવનમ્ અનિડં હિ યદ્ ઇડામ્ અસ્મભ્યં સંયતમ્ ઇત્ય્ આહ પ્રાતઃસવનમ્ એવ તદ્ ઇડાવત્ પશુમત્ કરોતિ
(પ્બ્ 6.9.24) દવિદ્યૂતત્યા રુચેતિ વ્રાતાય પ્રતિપદં કુર્યાત્
(પ્બ્ 6.9.25) દવિદ્યૂતત્યા રેચેતિ વૈ ગાયત્ર્યા રૂપં પરિષ્ટોભન્ત્યેતિ ત્રિષ્ટુભઃ કૃપેત્ય્ અનુષ્ટુભઃ સોમાઃ શુક્રા ગવાશિર ઇતિ જગત્યાઃ સર્વેષાં વા એષા ચ્છન્દસાં રૂપં ચ્છન્દાંસીવ ખલુ વૈ વ્રતોપદેષા પ્રતિપદ્ ભવતિ સ્વેનૈવૈનાંસ્ તદ્ રૂપેણ સમર્ધયતિ
(પ્બ્ 6.9.26) વૃદ્ધા વા એત ઇન્દ્રિયેણ વીર્યેણ યદ્ વ્રાત ઇન્દ્રિયં વીર્યં છન્દાંસીન્દ્રિયેણૈવૈનાન્ વીર્યેણ સમર્ધયતિ
(પ્બ્ 6.10.1) અગ્ન આયૂંષિ પવસ ઇતિ પ્રતિપદં કુર્યાદ્ યેષાં દીક્ષિતાનાં પ્રમીયતે
(પ્બ્ 6.10.2) અપૂતા ઇવ વા એતે યેષાં દીક્ષિતાનાં પ્રમીયતે યદ્ય્ એષાગ્નિપાવમાની પ્રતિપદ્ ભવત્ય્ અગ્નિર્ એવૈનાન્ નિષ્ટપતિ પવમાનઃ પુનાતિ
(પ્બ્ 6.10.3) યદ્ આયૂંષીત્ય્ આહ ય એવ જીવન્તિ તેષ્વ્ આયુર્ દધાતિ
(પ્બ્ 6.10.4) આ નો મિત્રાવરુણેતિ જ્યોગામયાવિને પ્રતિપદં કુર્યાત્
(પ્બ્ 6.10.5) અપક્રાન્તૌ વા એતસ્ય પ્રાણાપાનૌ યસ્ય જ્યોગ્ આમયતિ પ્રાણાપાનૌ મિત્રાવરુણૌ પ્રાણાપાનાવ્ એવાસ્મિન્ દધાતિ
(પ્બ્ 6.10.6) અપઘ્નન્ પવતે મૃધો ઽપ સોમો અરાવ્ણ ઇત્ય્ અનૃતમ્ અભિશસ્યમાનાય પ્રતિપદં કુર્યાત્
(પ્બ્ 6.10.7) અરાવાણો વા એતે યે ઽનૃતમ્ અભિશંસન્તિ તાન્ એવાસ્માદ્ અપહન્તિ
(પ્બ્ 6.10.8) ગચ્છન્ન્ ઇન્દ્રસ્ય નિષ્કૃતમ્ ઇતિ પૂતમ્ એવૈનં યજ્ઞિયમ્ ઇન્દ્રસ્ય નિષ્કૃતં ગમયતિ
(પ્બ્ 6.10.9) વૃષા પવસ્વ ધારયેતિ રાજન્યાય પ્રતિપદં કુર્યાદ્ વૃષા વૈ રાજન્યો વૃષાણમ્ એવૈનં કરોતિ
(પ્બ્ 6.10.10) મરુત્વતે ચ મત્સર ઇતિ મરુતો વૈ દેવાનાં વિશો વિશમ્ એવાસ્મા અનુ નિયુનક્ત્ય્ અનપક્રામુકાસ્માદ્ વિડ્ ભવતિ
(પ્બ્ 6.10.11) વિશ્વા દધાન ઓજસેત્ય્ ઓજસૈવાસ્મૈ વીર્યેણ વિશં પુરસ્તાત્ પરિગૃહ્ણાત્ય્ અનપક્રામુકાસ્માદ્ વિડ્ ભવતિ
(પ્બ્ 6.10.12) પવસ્વેન્દો વૃષાસુત ઇતિ પ્રતિપદં કુર્યાદ્ યઃ કામયેત જને મ ઋધ્યેતેતિ
(પ્બ્ 6.10.13) કૃધી નો યશસો જન ઇતિ જનતાયામ્ એવાસ્મા ઋધ્યતે
(પ્બ્ 6.10.14) યુવં હિ સ્થઃ સ્વઃ પતી ઇતિ દ્વાભ્યાં પ્રતિપદં કુર્યાત્ સમાવદ્ભાજાવ્ એવૈનૌ યજ્ઞસ્ય કરોત્ય્ ઉભૌ યજ્ઞયશસેનાર્પયતિ
(પ્બ્ 6.10.15) પ્રાસ્ય ધારા અક્ષરન્ન્ ઇતિ વૃષ્ટિકામાય પ્રતિપદં કુર્યાત્
(પ્બ્ 6.10.16) પ્રાસ્ય ધારા અક્ષરન્ન્ ઇતિ દિવો વૃષ્ટિં ચ્યાવયતિ વૃષ્ણઃ સુતસ્યૌજસ ઇત્ય્ અન્તરિક્ષાત્
(પ્બ્ 6.10.17) દેવાં અનુ પ્રભૂષત ઇત્ય્ અસ્મિન્ લોકે પ્રતિષ્ઠાપયતિ
(પ્બ્ 6.10.18) ઓજસા વા એતદ્ વીર્યેણ પ્રદીયતે યદ્ અપ્રત્તં ભવતિ યદ્ વૃષ્ણઃ સુતસ્યૌજસ ઇત્ય્ આહૌજસૈવાસ્મૈ વીર્યેણ દિવો વૃષ્ટિં પ્રયચ્છતિ
(પ્બ્ 6.10.19) તયા પવસ્વ ધારયા યયા ગાવ ઇહાગમઞ્ જન્યાસ ઉપ્ નો ગૃહમ્ ઇતિ પ્રતિપદં કુર્યાદ્ યઃ કામયેતોપ મા જન્યા ગાવો નમેયુર્ વિન્દેત મે જન્યા ગા રાષ્ટ્રમ્ ઇતિ યદ્ એષા પ્રતિપદ્ ભવત્ય્ ઉપૈનં જન્યા ગાવો નમન્તિ વિન્દતે ઽસ્ય જન્યા ગા રાષ્ટ્રમ્
(પ્બ્ 7.1.1) ઇમે વૈ લોકા ગાયત્રં ત્ર્યાવૃદ્ ગેયં ત્રયો હીમે લોકા યત્ ત્ર્યાવૃદ્ ગાયત્ય્ એભિર્ એવૈનં લોકૈઃ સંમિમીતે
(પ્બ્ 7.1.2) દ્વિર્ અવનર્દેદ્ ધિઙ્ કુર્યાત્ તૃતીયમ્
(પ્બ્ 7.1.3) યત્ ત્રિર્ અવનર્દત્ય્ અતિ તદ્ ગાયત્રં રેચયતિ

(પ્બ્ 7.1.4) યો વૈ ગાયત્રેણાપ્રતિહૃતેનોદ્ગાયત્ય્ અપ્રતિષ્ઠાનો ભવતિ હિઙ્કારો વૈ ગાયત્રસ્ય પ્રતિહારઃ
(પ્બ્ 7.1.5) સ મનસા ધ્યેયઃ પ્રતિહૃતેન ગાયત્રેણોદ્ગાયતિ પ્રતિતિષ્ઠતિ
(પ્બ્ 7.1.6) યો વા એભ્યો લોકેભ્યો ગાયત્રં ગાયતિ નૈભ્યો લોકેભ્ય આવૃશ્ચ્યત ઇમ એનં લોકા ઊર્જ્જાભિસંવસતે
(પ્બ્ 7.1.7) મન્દ્રમ્ ઇવાગ્ર આદદીતાથ તારતરમ્ અથ તારતમં તદ્ એભ્યો લોકેભ્યો ઽગાસીત્
(પ્બ્ 7.1.8) અનિરુક્તં ગેયમ્ એતદ્ વૈ ગાયત્રસ્ય ક્રૂરં યન્ નિરુક્તં યદ્ અનિરુક્તં ગાયતિ ક્રૂરમ્ એવાસ્ય પરિવૃણક્તિ
(પ્બ્ 7.1.9) પ્રાણો ગાયત્રં ન વ્યવાન્યાત્ પ્રાણસ્યાવિચ્છેદાય યદિ વ્યવાનિતિ પ્રમાયુકો ભવતિ યદિ ન વ્યવાનિતિ સર્વમ્ આયુર્ એતિ
(પ્બ્ 7.1.10) યદિ વ્યવાન્યાન્ મધ્ય ઋચો વ્યવાન્યાત્ પ્રાણો વૈ ગાયત્રં પ્રાણઃ સ્વરઃ પ્રાણમ્ એવ તન્ મધ્યત આત્મન્ દધાતિ સ સર્વમ્ આયુર્ એતિ
(પ્બ્ 7.1.11) ઇડાં પશુકામાય નિધનં કુર્યાત્ સ્વઃ સ્વર્ગકામાય યશો બ્રહ્મવર્ચસકામાયાયુર્ આમયાવિને હંસીત્ય્ અભિચરતે
(પ્બ્ 7.1.12) એતે વૈ ગાયત્રસ્ય દોહાઃ
(પ્બ્ 7.1.13) બ્રહ્મવર્ચસસી પશુમાન્ ભવતિ ય એવંવ્ વેદ
(પ્બ્ 7.2.1) પ્રજાપતિર્ દેવેભ્ય આત્માનં યજ્ઞં કૃત્વા પ્રાયચ્છત્ તે ઽન્યો ઽન્યસ્મા અગ્રાય નાતિષ્ઠન્ત તાન્ અબ્રવીદ્ આજિમ્ અસ્મિન્ન્ ઇતેતિ ત આજિમ્ આયન્ યદ્ આજિમ્ આયંસ્ તદ્ આજ્યાનામ્ આજ્યત્વમ્
(પ્બ્ 7.2.2) સ ઇન્દ્રો ઽવેદ્ અગ્નિર્ વા ઇદમ્ અગ્ર ઉજ્જ્યેષ્યતીતિ સો ઽબ્રવીદ્ યતરો નાવ્ ઇદમ્ અગ્ર ઉજ્જયત્ તન્ નૌ સહેતિ સો ઽગ્નિર્ અગ્ર ઉદજયદ્ અથ મિત્રાવરુણાવ્ અથેન્દ્રો ઽથૈષૈકા હોત્રાનુજ્જિતાસીત્ સ ઇન્દ્રો ઽગ્નિમ્ અબ્રવીદ્ યત્ સહાવોચાવહી યન્ નૌ તદ્ ઇતિ સૈષૈન્દ્રાગ્ન્ય્ અધ્યર્ધમ્ અગ્ને સ્તોત્રમ્ અધ્યર્ધમ્ ઇન્દ્રસ્ય
(પ્બ્ 7.2.3) ચત્વારિ સન્તિ ષડ્ દેવત્યાનિ
(પ્બ્ 7.2.4) ષડ્ધા વિહિતો યજ્ઞો યાવાન્ યજ્ઞસ્ તમ્ એવારભતે
(પ્બ્ 7.2.5) સર્વાણિ સ્વારાણ્ય્ આજ્યાનિ તજ્ જામિ નાનાદેવત્યૈઃ સ્તુવન્ત્ય્ અજામિતાયૈ
(પ્બ્ 7.2.6) ગ્રામ્યેભ્યો વા એતત્ પશુભ્યઃ સ્તુવન્તિ યદ્ આજ્યૈઃ પુનરભ્યાવર્તં સ્તુવન્તિ તસ્માત્ પરાઞ્ચઃ પ્રાજ્યન્તે પ્રત્યઞ્ચઃ પ્રજાયન્તે તસ્માદ્ ઉ પ્રેત્ય પુનર્ આયન્તિ
(પ્બ્ 7.3.1) એતાવતા વાવ માધ્યન્દિનં સવનં પુપુવે
(પ્બ્ 7.3.2) ત્રિભિશ્ ચ ચ્છન્દોભિઃ પઞ્ચભિશ્ ચ સામભિઃ
(પ્બ્ 7.3.3) યન્ માધ્યન્દિનેન પવમાનેન સ્તુવન્તિ માધ્યન્દિનમ્ એવ તત્ સવનં પાવયન્તિ
(પ્બ્ 7.3.4) એતાવન્તિ વાવ સર્વાણિ સામાનિ યાવન્તિ માધ્યન્દિને પવમાને
(પ્બ્ 7.3.5) ગાયત્રં નિધનવદ્ અનિધનમ્ ઐડમ્
(પ્બ્ 7.3.6) યન્ માધ્યન્દિનેન પવમાનેન સ્તુવન્તિ સર્વૈર્ એવ તત્ સામભિઃ સ્તુવન્તિ
(પ્બ્ 7.3.7) આત્મા વૈ યજ્ઞસ્ય પવમાનો મુખં ગાયત્રી પ્રાણો ગાયત્રં યદ્ ગાયત્ર્યાં ગાયત્રેણ સ્તુવન્તિ મુખત એવ તત્ પ્રાણાન્ દધતિ
(પ્બ્ 7.3.8) પ્રાણાપાના વા એતાનિ ચ્છન્દાંસિ પ્રાણો ગાયત્રી વ્યાનો બૃહત્ય્ અપાનસ્ ત્રિષ્ટુબ્ યદ્ એતૈશ્ છન્દોભિઃ સ્તુવન્તિ પ્રાણાપાનાનામ્ અવિચ્છેદાય
(પ્બ્ 7.3.9) ઇમે વૈ લોકા એતાનિ ચ્છન્દાંસ્ય્ અયમ્ એવ ગાયત્ર્ય્ અયં મધ્યમો બૃહત્ય્ અસાવ્ ઉત્તમસ્ ત્રિષ્ટુબ્ યદ્ એતશ્ છન્દોભિઃ સંહિતૈઃ સ્તુવન્ત્ય્ એષાં લોકાનામ્ અવિચ્છેદાય
(પ્બ્ 7.3.10) યદ્ અન્યચ્ છન્દો ઽન્તરા વ્યવેયાદ્ ઇમાંલ્ લોકાન્ વિચ્છિન્દ્યાત્
(પ્બ્ 7.3.11) ગાયત્રેણ સ્તુત્વા નિધનવતા સ્તુવન્તીયં વૈ ગાયત્ર્ય્ અસ્યામ્ એવ તદ્ આયતનં ક્રિયતે
(પ્બ્ 7.3.12) યદ્ અનિધનેનાગ્રે સ્તુયુર્ અનાયતનો યજમાનઃ સ્યાત્
(પ્બ્ 7.3.13) નિધનવતા સ્તુવન્તિ વીર્યં વૈ ગાયત્રી વીર્યં નિધનં વીર્યેણૈવ તદ્ વીર્યં સમર્ધયતિ
(પ્બ્ 7.3.14) ઐડેન બૃહતીમ્ આરભન્તે
(પ્બ્ 7.3.15) પશવો વા ઇડા પશવો બૃહતી પશુષ્વ્ એવ તત્ પશૂન્ દધાતિ
(પ્બ્ 7.3.16) બૃહત્યાં ભૂયિષ્ઠાનિ સામાનિ ભવન્તિ
(પ્બ્ 7.3.17) તત્રાપિ ત્રિણિધનમ્
(પ્બ્ 7.3.18) અબલિષ્ઠ ઇવ વા અયં મધ્યમિ લોકસ્ તસ્યૈવ તદ્ આયતનં ક્રિયતે
(પ્બ્ 7.3.19) ત્રિણિધનં ભવતિ ત્રીણિ સવનાનાં છિદ્રાણિ તાનિ તેનાપિધીયન્તે
(પ્બ્ 7.3.20) ત્રિણિધનં ભવતિ ત્રય ઇમે લોકા એષ્વ્ એવ લોકેષુ પ્રતિતિષ્ઠતિ
(પ્બ્ 7.3.21) ત્રિણિધનં ભવત્ય્ એતેન વૈ માધ્યન્દિનં સવનં પ્રતિષ્ઠિતં યત્ ત્રિણિધનં યત્ ત્રિણિધનં ન સ્યાદ્ અપ્રતિષ્ઠિતં માધ્યન્દિનં સવનં સ્યાત્
(પ્બ્ 7.3.22) દ્વ્યક્ષરાણિ નિધનાનિ ભવન્તિ દ્વિપાદ્ યજમાનો યજમાનમ્ એવ યજ્ઞે પશુષુ પ્રતિષ્થાપયતિ
(પ્બ્ 7.3.23) અનિધનમ્ અન્તતો ભવતિ સ્વર્ગસ્ય લોકસ્યાનતિપાદાય
(પ્બ્ 7.3.24) યન્ નિધનવત્ સ્યાદ્ યજમાનં સ્વર્ગાલ્ લોકાન્ નિર્હન્યાત્

(પ્બ્ 7.3.25) સ્વારં ભવતિ
(પ્બ્ 7.3.26) સ્વરેણ વૈ દેવેભ્યો ઽન્તતો ઽન્નાદ્યં પ્રદીયતે સ્વરેણૈવ તદ્ દેવેભ્યો ઽન્તતો ઽન્નાદ્યં પ્રયચ્છતિ
(પ્બ્ 7.3.27) ગાયત્રં પુરસ્તાદ્ ભવતિ સ્વારમ્ અન્તતઃ
(પ્બ્ 7.3.28) પ્રાણો વૈ ગાયત્રં પ્રાણઃ સ્વરઃ પ્રાણાન્ એવતદ્ ઉભયતો દધાતિ તસ્માદ્ ઉભયતઃ પ્રાણાઃ પશવઃ
(પ્બ્ 7.3.29) યદ્ ગાયત્રં પુરસ્તાદ્ ભવતિ સ્વારમ્ અન્તતઃ પ્રાણૈર્ એવ પ્રૈત્ય્ અપાને પ્રતિતિષ્ઠતિ
(પ્બ્ 7.4.1) એતદ્ વૈ યજ્ઞસ્ય સ્વર્ગ્યં યન્ માધ્યન્દિનં સવનં માધ્યન્દિનસ્ય પવમાનઃ પવમાનસ્ય બૃહતી યદ્ બૃહત્યાઃ સ્તોત્રે દક્ષિણા દીયન્તે સ્વર્ગસ્યૈવ તલ્ લોકસ્યાયતને દીયન્તે
(પ્બ્ 7.4.2) દેવા વૈ ચ્છન્દાંસ્ય્ અબ્રુવન્ યુષ્માભિઃ સ્વર્ગ્યંલ્ લોકમ્ અયામેતિ તે ગાયત્રીં પ્રાયુઞ્જત તયા ન વ્યાપ્નુવંસ્ ત્રિષ્ટુભં પ્રાયુઞ્જત તયા ન વ્યાપ્નુવઞ્ જગતીં પ્રાયુઞ્જત તયા ન વ્યાપ્નુવન્ન્ અનુષ્ટુભં પ્રાયુઞ્જત તયાલ્પકાદિ ન વ્યાપ્નુવંસ્ ત આસાં દિશાં રસાન્ પ્રબૃહ્ય ચત્વાર્ય્ અક્ષરાણ્ય્ ઉપાદધુઃ સા બૃહત્ય્ અભવત્ તયેમાંલ્ લોકાન્ વ્યાપ્નુવન્
(પ્બ્ 7.4.3) બૃહતી મર્યા યયેમાંલ્ લોકાન્ વ્યાપામેતિ તદ્ બૃહત્યા બૃહત્ત્વમ્
(પ્બ્ 7.4.4) પશૂન્ વા અસ્યાન્તાન્ ઉપાદધુઃ પશવો વૈ બૃહતી યદ્ બૃહત્યાઃ સ્તોત્રે દક્ષિણા દીયન્તે સ્વ એવ તદ્ આયતને દીયન્તે
(પ્બ્ 7.4.5) યન્ ન્વ્ ઇત્ય્ આહુર્ અન્યાનિ ચ્છન્દાંસિ વર્ષીયાંસિ કસ્માદ્ બૃહત્ય્ ઉચ્યત એષા હીમાંલ્ લોકાન્ વ્યાપ્નોન્ નાન્યચ્ છન્દઃ કિં ચન યાનિ સપ્ત ચતુરુત્તરાણિ ચ્છન્દાંસિ તાનિ બૃહતીમ્ અભિસંપદ્યન્તે તસ્માદ્ બૃહત્ય્ ઉચ્યતે
(પ્બ્ 7.4.6) યન્ ન્વ્ ઇત્ય્ આહુર્ ગાયત્રં પ્રાતઃસવનં ત્રૈષ્ટુભં માધ્યન્દિનં સવનં જાગતં તૃતીયસવનં કસ્માદ્ બૃહત્યા મધ્યન્દિને સ્તુવન્તીતિ
(પ્બ્ 7.4.7) બહિષ્પવમાનેન વૈ દેવા આદિત્યં સ્વર્ગંલ્ લોકમ્ અહરન્ સ નાધ્રિયત તં બૃહત્યા મધ્યન્દિને ઽસ્તભ્નુવંસ્ તસ્માદ્ બૃહત્યા મધ્યન્દિનં સ્તુવન્ત્ય્ આદિત્યં હ્ય્ એષા મધ્યન્દિને દાધાર
(પ્બ્ 7.4.8) યૈર્ ઉ કૈશ્ ચ ચ્છન્દોભિર્ મધ્યન્દિને સ્તુવન્તિ તાનિ ત્રિષ્ટુભમ્ અભિ સંપદ્યન્તે તસ્માત્ ત્રિષ્ટુભો નયન્તિ માધ્યન્દિનાત્ સવનાત્
(પ્બ્ 7.5.1) પ્રજાપતિર્ અકામયત બહુ સ્યાં પ્રજાયેયેતિ સ શોચન્ન્ અમહીયમાનો ઽતિષ્ઠત્ સ એતદ્ આમહીયવમ્ અપશ્યત્ તેનેમાઃ પ્રજા અસૃજત તાઃ સૃષ્ટા અમહીયન્ત યદ્ અમહીયન્ત તસ્માદ્ આમહીયવમ્
(પ્બ્ 7.5.2) તા અસ્માત્ સૃષ્ટા અપાક્રામંસ્ તાસાં દિવિ સદ્ ભૂમ્ય્ આદદ ઇતિ પ્રાણાન્ આદત્ત તા એનં પ્રાણેષ્વ્ આત્તેષુ પુનર્ ઉપાવર્તન્ત તાભ્ય ઉગ્રં શર્મ મહિ શ્રવ ઇતિ પુનઃ પ્રાણાન્ પ્રાયચ્છત્ તા અસ્માદ્ ઉદ્ એવાયોધંસ્ તાસાં સ્તૌષ ઇતિ મન્યૂન્ અવાશૃણાત્ તતો વૈ તસ્મૈ તાઃ શ્રૈષ્ઠ્યાયાતિષ્ઠન્ત
(પ્બ્ 7.5.3) તિષ્ઠન્તે ઽસ્મૈ સમાનાઃ શ્રૈષ્ઠ્યાય ય એવંવ્ વેદ
(પ્બ્ 7.5.4) પ્રજાનાં ચ વા એષા સૃષ્ટિઃ પાપવસીયશ્ ચ વિધૃતિર્ યદ્ આમહીયવમ્
(પ્બ્ 7.5.5) વિધૃતિઃ પાપવસીયસો ભવતિ ય એવંવ્ વેદ
(પ્બ્ 7.5.6) દેવા વૈ યશસ્કામાઃ સત્ત્રમ્ આસતાગ્નિર્ ઇન્દ્રો વાયુર્ મખસ્ તે ઽબ્રુવ્સ્ન્ યન્ નો યશ ઋચ્છાત્ તન્ નઃ સહાસદ્ ઇતિ તેષા મખં યશ આર્ચ્છત્ તદ્ આદાયાપાક્રામત્ તદ્ અસ્ય પ્રાસહાદિત્સન્ત તં પર્યયતન્ત સ્વધનુઃ પ્રતિષ્ઠાભ્યાતિષ્ઠત્ તસ્ય ધનુરાર્ત્નિર્ ઊર્ધ્વા પતિત્વા શિરો ઽચ્છિનત્ સ પ્રવર્ગ્યો ઽભવદ્ યજ્ઞો વૈ મખો યત્ પ્રવર્ગ્યં પ્રવૃઞ્જન્તિ યજ્ઞસ્યૈવ તચ્ છિરઃ પ્રતિદધતિ
(પ્બ્ 7.5.7) તદ્ દેવા યશો વ્યભજન્ત તસ્યાગ્ની રૌરવં પ્રાબૃહત
(પ્બ્ 7.5.8) તદ્ વૈ સ પશુવીર્યં પ્રાબૃહત પશવો વૈ રૌરવમ્
(પ્બ્ 7.5.9) પશુમાન્ ભવતિ ય એવંવ્ વેદ
(પ્બ્ 7.5.10) અગ્નિર્ વૈ રૂરસ્ તસ્યૈતદ્ રૌરવમ્
(પ્બ્ 7.5.11) અસુરા વૈ દેવાન્ પર્યયતન્ત તત એતાવ્ અગ્ની રૂરૌ વિષ્વઞ્ચૌ સ્તોભાવ્ અપશ્યત્ તાભ્યામ્ એનાન્ પ્રત્યૌષત્ તે પ્રત્યુષ્યમાણા અરવન્ત યદ્ અરવન્ત તસ્માદ્ રૌરવમ્
(પ્બ્ 7.5.12) અથેન્દ્રો યૌધાજયં પ્રાબૃહત તદ્ વૈ સ વજ્રં પ્રાબૃહત વજ્રો વૈ યૌધાજયમ્
(પ્બ્ 7.5.13) વજ્રં ભ્રાતૃવ્યાય પ્રહરતિ ય એવંવ્ વેદ
(પ્બ્ 7.5.14) ઇન્દ્રો વૈ યુધાજિત્ તસ્યૈતદ્ યૌધાજયમ્
(પ્બ્ 7.5.15) યુધા મર્યા અજૈષ્મેતિ તસ્માદ્ યૌધાજયમ્
(પ્બ્ 7.5.16) અથ વાયુર્ ઔશનં પ્રાબૃહત
(પ્બ્ 7.5.17) તદ્ વૈ સ પ્રાણ્વીર્યં પ્રાબૃહત પ્રાણા વા ઔશનમ્
(પ્બ્ 7.5.18) સર્વમ્ આયુર્ એતિ ય એવંવ્ વેદ
(પ્બ્ 7.5.19) વાયુર્ વા ઉશનંસ્ તસ્યૈતદ્ ઔશનમ્
(પ્બ્ 7.5.20) ઉશના વૈ કાવ્યો ઽસુરાણાં પુરોહિત આસીત્ તં દેવાઃ કામદુઘાભિર્ અપામન્ત્રયન્ત તસ્મા એતાન્ય્ ઔશનાનિ પ્રાયચ્છન્ કામદુઘા વા ઔશનાનિ
(પ્બ્ 7.5.21) કામદુઘા એનમ્ ઉપતિષ્ઠન્તે ય એવંવ્ વેદ
(પ્બ્ 7.6.1) પ્રજાપતિર્ અકામયત બહુ સ્યાં પ્રજાયેયેતિ સ તૂષ્ણીં મનસાધ્યાયત્ તસ્ય યન્ મનસ્ય્ આસીત્ તદ્ બૃહત્ સમભવત્
(પ્બ્ 7.6.2) સ આદધીત ગર્ભો વૈ મે ઽયમ્ અન્તર્હિતસ્ તંવ્ વાચા પ્રજનયા ઇતિ
(પ્બ્ 7.6.3) સ વાચં વ્યસૃજત સા વાગ્ રથન્તરમ્ અન્વપદ્યત
(પ્બ્ 7.6.4) રથમ્ અર્યાઃ ક્ષેપ્લાતારીદ્ ઇતિ તદ્ રથન્તરસ્ય રથન્તરત્વમ્
(પ્બ્ 7.6.5) તતો બૃહદ્ અનુ પ્રાજાયત બૃહન્ મર્યા ઇદં સ જ્યોગ્ અન્તરભૂદ્ ઇતિ તદ્ બૃહતો બૃહત્ત્વમ્
(પ્બ્ 7.6.6) યથા વૈ પુત્રો જ્યેષ્ઠ એવં બૃહત્ પ્રજાપતેઃ