પૈપ્પલાદ-સંહિતા · અધ્યાય 9.21

યો વા એકશરાવં નિર્વપેદ્ એકર્ષિમ્ એવાનુ નિર્ વપેત્ ।
એષ વા એકર્ષિર્ યદ્ અગ્નિઃ ।
એકર્ષિં ચૈવ લોકં ચાવ રુન્ધે
એકર્ષિર્ ઇવ તપત્ય્ એકર્ષિર્ ઇવ દીદાયૈકર્ષિર્ ઇવાન્નાદો ભવતિ ય એવં વેદ ।
સ ય એવં વિદ્વાન્ પ્રાશ્નીયાદ્ એતામ્ એવ દેવતાં મનસા ધ્યાયેદ્
એકર્ષેસ્ ત્વા ચક્ષુષા પશ્યામ્ય્
એકર્ષેસ્ ત્વા હસ્તાભ્યામ્ આ રભ
એકર્ષેસ્ ત્વાસ્યેન પ્રાશ્નામ્ય્
એકર્ષેસ્ ત્વા જઠરે સાદયામીતિ ।
સ યથા હુતમ્ ઇષ્ટં પ્રાશ્નીયાદ્ એવૈનં પ્રાશ્નાતિ ॥

યો વૈ દ્વિશરાવં નિર્વપેત્ પ્રાણાપાનાવ્ એવાનુ નિર્ વપેત્ ।
એતૌ વૈ પ્રાણાપાનૌ યન્ માતરિશ્વા ચાગ્નિશ્ ચ ।
પ્રાણાપાનૌ ચૈવ લોકં ચાવ રુન્ધે
જ્યોગ્ જીવતિ સર્વમ્ આયુર્ એતિ ન પુરા જરસઃ પ્રમીયતે યઃ (…) ।
સ ય એવં વિદ્વાન્) પ્રશ્નીયાદ્ એતામ્ એવ દેવતે મનસા ધ્યાયેત્
પ્રાણાપાનયોસ્ ત્વા ચક્ષુષા પશ્યામિ
પ્રાણાપાનયોસ્ ત્વા હસ્તાભ્યામ્ આ રભે
પ્રાણાપાનયોસ્ ત્વાસ્યેન પ્રાશ્નામિ
પ્રાણાપાનયોસ્ ત્વા જઠરે (…) ।
(…) ॥

યો વૈ ત્રિશરાવં નિર્વપેત્ ત્રીણ્ય્ એવ ત્રિકદ્રુકાણ્ય્ અનુ નિર્ વપેત્ ।
એતાનિ વૈ ત્રીણિ ત્રિકદ્રુકાણિ યદ્ ઋચઃ સામાનિ યજૂંષિ બ્રાહ્મણમ્ ।
બ્રહ્મ ચૈવ લોકં ચાવ રુન્ધે
બ્રાહ્મણવર્ચસી ભવતિ યઃ (…)
(…) પ્રાશ્નીયાદ્ એતામ્ એવ દેવતાં મનસા ધ્યાયેદ્
બ્રહ્મણસ્ ત્વા ચક્ષુષા પશ્યામિ
બ્રહ્મણસ્ ત્વા હસ્તાભ્યામ્ આ રભે
બ્રહ્મણસ્ ત્વાસ્યેન પ્રાશ્નામિ
બ્રહ્મણસ્ ત્વા (…) ।
(…) ॥

યો વૈ ચતુઃશરાવં નિર્વપેચ્ ચતસ્ર એવોર્વીર્ અનુ નિર્ વપેત્ ।
એતા વૈ ચતસ્ર ઉર્વીર્ યદ્ દિશઃ ।
દિશશ્ ચૈવ લોકં ચાવ રુન્ધે
કલ્પન્તે અસ્મૈ દિશો દિશાં પ્રિયો ભવતિ યઃ (…) ।
(…) પ્રાશ્નીયાદ્ એતામ્ એવ દેવતાં મનસા ધ્યાયેદ્
દિશાં ત્વા ચક્ષુષા પશ્યામિ
દિશાં ત્વા હસ્તાભ્યામ્ આ રભે
દિશાં ત્વાસ્યેન પ્રાશ્નામિ
દિશાં ત્વા (…) ।
(…) ॥

યો વૈ પઞ્ચશરાવં નિર્વપેદ્ વૈશ્વાનરમ્ એવ પઞ્ચમૂર્ધાનમ્ અનુ નિર્ વપેત્ ।
એષ વૈ વૈશ્વાનરઃ પઞ્ચમૂર્ધા યદ્ દ્યૌશ્ ચ પૃથિવી ચ માતરિશ્વા ચાગ્નિશ્ ચાજસ્રા ચાતપન્ ।
વૈશ્વાનરં ચૈવ લોકં ચાવ રુન્ધે
વૈશ્વાનર ઇવ તપતિ વૈશ્વાનર ઇવ દીદાય વૈશ્વાનર ઇવાન્નાદો ભવતિ યઃ (…) ।
(…) પ્રાશ્નિયાદ્ એતામ્ એવ દેવતાં મનસા ધ્યાયેદ્
વૈશ્વાનરસ્ય ત્વા ચક્ષુષા પશ્યામિ
વૈશ્વાનરસ્ય ત્વા હસ્તાભ્યામ્ આ રભે
વૈશ્વાનરસ્ય ત્વાસ્યેન પ્રાશ્નામિ
વૈશ્વાનરસ્ય ત્વા (…) ।
(…) ॥

યો વૈ ષટ્શરાવં નિર્વપેત્ ષડ્ યાવ્ન એવ દેવાન્ અનુ નિર્ વપેત્ ।
એતે વૈ ષડ્ યાવાનો દેવા યદ્ ઋતવઃ ।
ઋતૂંશ્ ચૈવ લોકં ચાવ રુન્ધે
કલ્પન્તે અસ્મા ઋતવો ન ઋતુષ્વ્ આવૃશ્ચત ઋતૂનાં પ્રિયો ભવતિ યઃ (…) ।
(…) પ્રાશ્નીયાદ્ એતા એવ દેવતા મનસા ધ્યાયેદ્
ઋતૂનાં ત્વા ચક્ષુષા પશ્યામ્ય્
ઋતૂનાં ત્વા હસ્તાભ્યામ્ આ રભ
ઋતૂનાં ત્વાસ્યેન પ્રાશ્નામ્ય્
ઋતૂનાં ત્વા (…) ।
(…) ॥

યો વૈ સપ્તશરાવં નિર્વપેત્ સપ્ત ઋષીન્ એવાનુ નિર્ વપેત્ ।
એતે વૈ સપ્ત ઋષયો યત્ પ્રાણાપાનવ્યાનાઃ ।
સપ્તર્ષીંશ્ ચૈવ લોકં ચાવ રુન્ધે
જ્યોગ્ જીવતિ સર્વમ્ આયુર્ એતિ ન પુરા જરસઃ પ્રમીયતે યઃ (…) ।
(…) પ્રાશ્નીયાદ્ એતા એવ દેવતા મનસા ધ્યાયેત્
સપ્તર્ષીણાં ત્વા ચક્ષુષા પશ્યામિ
સપ્તર્ષીણાં ત્વા હસ્તાભ્યામ્ આ રભે
સપ્તર્ષીણાં ત્વાસ્યેન પ્રાશ્નામિ
સપ્તર્ષીણાં ત્વા (…) ।
(…) ॥

યો વા અષ્ટશરાવં નિર્વપેદ્ વિરાજમ્ એવવાષ્ટાપદીમ્ અનુ નિર્ વપેત્ ।
એષા વૈ વિરાડ્ અષ્ટાપદી યદ્ દ્યૌશ્ ચ પૃથિવી ચાપશ્ ચૌષધયશ્ ચ વાયુશ્ ચાન્તરિક્ષં ચ સૂર્યશ્ ચ ચન્દ્રમાશ્ ચ ।
વિરાજં ચૈવ લોકં ચાવ રુન્ધે
વિ રાજત્ય્ અસ્મિંશ્ ચ લોકે અમુષ્મિંશ્ ચ વૈરાજ ર્ષભ ઇત્ય્ એનમ્ આહુર્ યઃ (…) ।
(…) પ્રાશ્નીયાદ્ એતામ્ એવ દેવતાં મનસા ધ્યાયેદ્
વિરાજસ્ ત્વા ચક્ષુષા પશ્યામિ
વિરાજસ્ ત્વા હસ્તાભ્યામ્ આ રભે
વિરાજસ્ ત્વાસ્યેન પ્રાશ્નામિ
વિરાજસ્ ત્વા (…) ।
(…) ॥

યો વૈ નવશરાવં નિર્વપેન્ નવ યાવ્ન એવ દેવાન્ અનુ નિર્વપેત્ ।
એતે વૈ નવયાવાનો દેવા યન્ માસાઃ ।
માસશ્ ચૈવ લોકં ચવ રુન્ધે
કલ્પન્તે અસ્મૈ માસા માસાં પ્રિયો ભવતિ યઃ (…) ।
(…) પ્રાશ્નીયાદ્ એતા એવ દેવતા મનસા ધ્યાયેન્
માસાં ત્વા ચક્ષુષા પશ્યામિ
માસાં ત્વા હસ્તાભ્યામ્ આ રભે
માસાં ત્વાસ્યેન પ્રાશ્નામિ
માસાં ત્વા (…) ।
(…) ॥

યો વૈ દશશરાવં નિર્વપેદ્ ઇડામ્ એવ ધેનુમ્ અનુ નિર્વપેત્ ।
એસા વા ઇડા ધેનુર્ યદ્ યજ્ઞઃ પશવઃ ।
ઇડાં ચૈવ ધેનું યજ્ઞં ચ લોકં ચ પશૂંશ્ ચાવ રુન્ધે
કલ્પન્તે અસ્મા ઇડ ઇડાં પ્રિયો ભવતિ યઃ (…) ।
(…) પ્રાશ્નીયદ્ એતામ્ એવ દેવતાં મનસા ધ્યાયેદ્
ઇડાયાસ્ ત્વા ચક્ષુષા પશ્યામિ-
-ઇડાયાસ્ ત્વા હસ્તાભ્યામ્ આ રભ
ઇડાયાસ્ ત્વાસ્યેન પ્રાશ્નામિ-
-ઇડાયાસ્ ત્વા (…) ।
(…) ॥

યો વા એકાદશશરાવં નિર્વપેદ્ રોહિતમ્ એવાનુ નિર્ વપેત્ ।
એષ વૈ રોહિતો યદ્ ઇન્દ્રઃ ।
ઇન્દ્રં ચૈવ લોકં ચાવ રુન્ધે
ઇન્દ્રિયાવી પ્રિય ઇન્દ્રસ્ય ભવતિ યઃ (…) ।
(…) પ્રાશ્નીયાદ્ એતામ્ એવ દેવતાં મનસા ધ્યાયેદ્
ઇન્દ્રસ્ય ત્વા ચક્ષુષા પશ્યામિ-
-ઇન્દ્રસ્ય ત્વા હસ્તાભ્યામ્ આ રભ
ઇન્દ્રસ્ય ત્વાસ્યેન પ્રાશ્નામિ-
-ઇન્દ્રસ્ય ત્વા (…) ।
(…) ॥

યો વૈ દ્વાદશશરાવં નિર્વપેદ્ વિશ્વામ્ એવ દેવાન્ અનુ નિર્ વપેત્ ।
એતે વૈ વિશ્વે દેવા યદ્ ઇદં સર્વમ્ ।
વિશ્વાંશ્ ચૈવ દેવાઁલ્ લોકં ચાવ રુન્ધે
કલ્પન્તે અસ્મૈ વિશ્વે દેવાઃ પ્રિયો વિશ્વેષાં દેવાનાં ભવતિ ય એવં વેદ ।
સ ય એવં વિદ્વાન્ પ્રાશ્નીયાદ્ એતા એવ દેવતા મનસા ધ્યાયેદ્
વિશ્વેષાં ત્વા દેવાનાં ચક્ષુષા પશ્યામિ
વિશ્વેષાં ત્વા દેવાનાં હસ્તાભ્યામ્ આ રભે
વિશ્વેષાં ત્વા દેવાનામ્ આસ્યેન પ્રાશ્નામિ
વિશ્વેષાં ત્વા દેવાનાં જઠરે સાદયામીતિ ।
સ યથા હુતમ્ ઇષ્ટં પ્રાશ્નીયાદ્ એવૈનં પ્રાશ્નાતિ ॥