પૈપ્પલાદ-સંહિતા · અધ્યાય 8.8

શતમ્ અર્વાક્ પ્ર સ્યન્દન્તે
પ્ર સ્યન્દન્તે શતં પરઃ ।
શતં વૃત્રસ્ય કાણ્ડાનિ
તેભ્ય આપો વિ ધાવથ ॥

અન્તરિક્ષે પતયિષ્ણવો
નભસસ્ પરિ જજ્ઞિરે ।
આપો હિરણ્યવર્ણાસ્
તાસ્ તે ભવન્તુ શં હૃદે ॥

શં તે સન્તુ હૃદયાય
શં તે હૃદય્યાભ્યઃ ।
શં તે યકક્લોમભ્યઃ
શમ્ ઉ તે અન્તષ્ટેભ્યઃ ॥

યદ્ અઙ્ગૈર્ અપસિસ્મિષે
યચ્ છીર્ષ્ણા યચ્ ચ પૃષ્ટિભિઃ ।
આપસ્ તત્ સર્વં નિષ્ કરન્
તષ્ટા રિષ્ટમ્ ઇવાનસઃ ॥

સં હૃદયેન હૃદયમ્
ઓપશેન સમ્ ઓપશઃ ।
અદ્ભિર્ મુઞ્ચાપસ્મિતં
પાર્ષ્ણિદ્યોતઃ સમ્ એતુ મે ॥

આચરન્તીઃ પર્વતેભ્યો
દેવીર્ દેવેભ્યસ્ પરિ ।
આપો યમ્ અદ્ય પ્રાપન્
ન સ રિષ્યાતિ પૂરુષઃ ॥

શં ત આપો હૈમવતીઃ
શમ્ ઉ તે સન્તૂત્સ્યાઃ ।
શં તે સનિષ્યદા આપઃ
શમ્ ઉ તે સન્તુ વર્ષ્યાઃ ॥

શં ત આપો ધન્વન્યાઃ
શમ્ ઉ તે સન્ત્વ્ અનૂપ્યાઃ ।
શં તે ખનિત્રિમા આપઃ
શં યાઃ કુમ્ભેભિર્ આભૃતાઃ ॥

અનભ્રયઃ ખનમાના
વિપ્રા ગમ્ભીરે ઽપસઃ ।
ભિષગ્ભ્યો ભિષક્તરા
આપો અચ્છા વદામસિ ॥

અપામ્ અહ દિવ્યાનામ્
અપાં સ્રોતસ્યાનામ્ ।
અપામ્ અહ પ્રણેજને
ઽશ્વા ભવથ વાજિનઃ ॥

તા આપઃ શિવા આપો
ઽયક્ષ્મંકરણીર્ અપઃ ।
યથૈવ તૃષ્યતે મયસ્
તાસ્ ત આદ્યુત્તભેષજી ॥