પૈપ્પલાદ-સંહિતા · અધ્યાય 7.19

આઙ્ગિરસો જન્મનાસિ
તમ્ ઉ ત્વાહુર્ વનસ્પતે ।
સ પીલો રક્ષો બાધસ્વ
સાકમ્ ઇન્દ્રેણ મેદિના ॥

અપ રક્ષાંસિ બાધસ્વ
બાધસ્વ પરિરાપિણઃ ।
પિશાચાન્ પીલો ક્રવ્યાદો
બાધસ્વ મૂરદેવિનઃ ॥

યયાહુસ્ તૃષ્ટં કટુકમ્
અપગૂઢં ફલે કુલમ્ ।
તસ્યૈ હિરણ્યકેશ્યૈ
નમઃ કૃણ્મો અરાતયે ॥

યા મહતી મહોન્માના
સર્વા આશા વ્યાનશે ।
તસ્યૈ હિરણ્યકેશ્યૈ
નમઃ કૃણ્મો અરાતયે ॥

યસ્ તે યોનિં પ્રતિરેઢ્ય્
આણ્ડાદો ગર્ભદૂષણઃ ।
અરાયં પુત્રં પ્રાપી યસ્
તં પીલુઃ સહતામ્ ઇતઃ ॥

યદા પીલવ્ આઙ્ગિરસ
પક્વો ઽતિષ્ઠો વનસ્પતે ।
અથાહુર્ ઇન્દ્રં જજ્ઞાનં
શક્રં બર્જહ્યે પ્રતિ ॥

યથા સેદિમ્ અબાધથાઃ
પચ્યમાનો વનસ્પતે ।
એવા પીલો રક્ષો બાધસ્વ
સાકમ્ ઇન્દ્રેણ મેદિના ॥

યત્ પિશાચૈઃ પુરુષસ્ય
જગ્ધં ભવત્ય્ આત્મનઃ ।
આ પીલો પ્યાયતે પુનસ્
તવ ચાશ્નાતિ પિપ્પલમ્ ॥

પીલું ત્વાહુઃ પીવં ત્વાહુર્
અથો ત્વાહુર્ વનસ્પતિમ્ ।
સર્વા તે ભદ્રા નામાનિ
તેભિર્ નઃ પાહ્ય્ અંહસઃ ॥

રક્ષોહણં વૃત્રહણં
પીલું પિશાચજમ્ભનમ્ ।
જજ્ઞાનમ્ અગ્રે વૃક્ષાણાં
તં તે બધ્નામ્ય્ આયુષે ॥