પૈપ્પલાદ-સંહિતા · અધ્યાય 7.18

વૈકઙ્કતેનેધ્મેન
દેવેભ્ય આજ્યં વહ ।
અગ્ને તાન્ ઇહ માદય
સર્વ આ યન્તુ મે હવમ્ ॥

ઇન્દ્ર આ યાહિ મે હવમ્
ઇદં કરિષ્યામિ તચ્ છૃણુ ।
ઇમ ઐન્દ્રા અતિસરા
આકૂતીઃ સં નમન્તુ મે ।
તેભિઃ શકેમ વીર્યં
જાતવેદસ્ તનૂવશિન્ ॥

યદ્ અસાવ્ અમુતો દેવા
અદેવઃ સંશ્ચિકીર્ષતિ ।
મા તસ્યાગ્નિર્ હવ્યં વાક્ષીદ્
ધવં દેવાશ્ ચ મોપ ગુર્
મમૈવ હવમ્ એતન ॥

અતિ ધાવતાતિસરા
વિશ્વસ્યેશાના ઓજસઃ ।
વૃશ્ચતામુષ્ય જીવિતમ્
ઇન્દ્રેણ સહ મેદિના ॥

અતિસૃત્યાતિસરા
ઇન્દ્રસ્યૌજસા હત ।
અવિં વૃક ઇવ મથ્નીત
તતો વો જીવન્ મા મોચિ
પ્રાણમ્ અસ્યાપિ નહ્યત ॥

યાન્ અસૌ પ્રતિસરાન્ અકશ્
ચકાર કૃણવચ્ ચ યાન્ ।
ત્વં તાન્ ઇન્દ્ર વૃત્રહન્
પ્રતીચઃ પુનર્ આ કૃધિ
યથામું તૃણહઞ્ જનમ્ ॥

યમ્ અમી પુરોદધિરે
બ્રહ્માણમ્ ઉપભૂતયે ।
ઇન્દ્રસ્ય તે અધસ્પદં
તં પ્ર યચ્છામિ મૃત્યવે
ક્રવ્યાદ્ એનં શમયતુ ॥

યદિ પ્રેયુર્ દેવપુરા
બ્રહ્મ વર્માણિ ચક્રિરે ।
તનૂપાનં પરિપાણાનિ ચક્રિરે
સર્વં તદ્ અરસં કૃધિ ॥

અત્રૈનમ્ ઇન્દ્ર વૃત્રહન્ન્
ઉગ્રો મર્મણિ વિધ્ય ।
અત્રૈવૈનમ્ અભિ તિષ્ઠ
શક્ર મેદ્ય્ અહં તવ ।
અનુ ત્વેન્દ્રા રભામહે
સ્યામ સુમતૌ તવ ॥

યથેન્દ્ર ઉદ્વાચનં
લબ્ધ્વા ચક્રે અધસ્પદમ્ ।
કૃણ્વે ઽમુમ્ અધરં તથા
શશ્વતીભ્યઃ સમાભ્યઃ ॥