પૈપ્પલાદ-સંહિતા · અધ્યાય 6.23

નિર્ ણુદૈનાં પ્ર ણુદૈનાં
સ્વાન્ નિપદનાદ્ અધિ ।
વિભ્રંશમ્ અસ્યૈ કૃણ્મો
વિ ગૃહૈર્ ભ્રંશતામ્ અસૌ ॥

અપાઞ્ચં પતિમ્ આ કુર્વ્
અધરાચીં સ્ત્રિયં નય ।
અતીમાન્ દશ પર્વતાન્
અતીમા નાવ્યા દશ ॥

અધરાચીમ્ અવાચીમ્
અથો અકુશલાં દિશમ્ ।
વિભ્રંશમ્ અસ્યૈ કૃણ્મસ્
તેનૈનાં પ્ર દહામસિ ॥

આજ નિર્ અજ બિલં
બિલાદ્ અરણ્યમ્ આ કુર્વ્
અરણ્યાદ્ અરણં જનમ્ ।
મૃગાઁ અનુ પ્ર પાતય
વાતસ્યૈનાં શિખાં કુરુ ॥

વાતાગ્રે અસ્યા હૃદયં
મનો રેષ્મણિ દધ્મસિ ।
વિભ્રંશમ્ અસ્યૈ કૃણ્મો
વિધ્વંશમ્ આસક્તં દમે ॥

સર્વમ્ અનુ પરિ પ્લવતામ્
અન્તરા દ્યાવાપૃથિવી ઉભે ।
યથાનવધૃતા ચરાદ્
વૃષતૂલમ્ ઇવોપરિ ॥

અશમ્ અસ્યૈ વાતો વાત્વ્
અશં તપતુ સૂર્યઃ ।
અથો યદ્ અન્નમ્ અશ્નાતિ
તદ્ અસ્યૈ વિષવત્તરમ્ ॥

સિંહસ્ તે અસ્તુ ચક્ષુષ ઇત્ય્ એકા ॥

એષ વામ્ અગ્નિર્ અન્તરા
સ વિષ્વઞ્ચૌ વ્ય્ અસ્યતુ ।
યથા વાં ન સહાસત્ય્
ઉત્તરસ્મિંશ્ ચનાયુષિ ॥

ઉત્ પાતય શિમિદાવતિ
પ્ર પાતય શિમિદાવતિ ।
ઇમૌ વ્ય્ અસ્ય દમ્પતી
પક્વં માંસમ્ ઇવાસિના ॥

મેયમ્ અસ્મિન્ પતૌ રંસ્ત
મો અસ્મિઞ્ છયને સ્વે ।
જહાતુ વસનં સ્વમ્
અહિર્ જીર્ણામ્ ઇવ ત્વચમ્ ॥

યથા મૃતાશ્ ચ જીવાશ્ ચ-
- અસ્મિંલ્ લોકે વ્યોકસઃ ।
એવેમૌ દમ્પતી સ્તામ્
અસ્મિંલ્ લોકે વ્યોકસૌ ॥