પૈપ્પલાદ-સંહિતા · અધ્યાય 6.20

આ રાત્રિ પાર્થિવં રજઃ
પિતુર્ અપ્રાયિ ધામભિઃ ।
દિવઃ સદાંસિ બૃહતી વિ તિષ્ઠસ
આ ત્વેષં વર્તતે તમઃ ॥

ન યસ્યાઃ પારં દદૃશે ન યોયુવદ્
વિશ્વમ્ અસ્યાં નિ વિશતે યદ્ એજતિ ।
અરિષ્ટાસસ્ ત ઉર્વિ તમસ્વતિ
રાત્રિ પારમ્ અશીમહિ
ભદ્રે પારમ્ અશીમહિ ॥

યે તે રાત્રિ નૃચક્ષસો
દ્રષ્ટારો નવતિર્ નવ ।
અશીતિઃ સન્ત્ય્ અષ્ટા
ઉતો તે સપ્ત સપ્તતિઃ ॥

ષષ્ટિશ્ ચ ષટ્ ચ રેવતિ
પઞ્ચાશત્ પઞ્ચ સુમ્નયિ ।
ચત્વારશ્ ચત્વારિંશચ્ ચ
ત્રયસ્ ત્રિંશચ્ ચ વાજિનિ ॥

દ્વા ચ વિંશતિશ્ ચ તે
રાત્ર્ય્ એકાદશાવમાઃ ।
તેભિર્ નો ઽદ્ય પાયુભિર્
નિ પાહિ દુહિતર્ દિવઃ ॥

રક્ષા માકિર્ ણો અઘશંસ ઈશત
મા નો દુઃશંસ ઈશત ॥

મા નો અદ્ય ગવાં સ્તેનો
માવીનાં વૃક ઈશત ।
માશ્વાનાં ભદ્રે તસ્કરો
મા નૃણાં યાતુધાન્યઃ ॥

પરમેભિઃ પથિભિ
સ્તેનો ધાવતુ તસ્કરઃ ।
પરેણ દત્વતી રજ્જુઃ
પરેણાઘાયુર્ અર્ષતુ ॥

અન્ધં રાત્રિ તિષ્ઠધૂમમ્
અશીર્ષાણમ્ અહિં કૃણુ ।
હનૂ વૃકસ્ય જમ્ભય-
-આ સ્તેનં દ્રુપદે જહિ ॥

ત્વયિ રાત્રિ વસામસિ
સ્વપિષ્યામસિ જાગૃહિ ।
ગોભ્યો નઃ શર્મ યચ્છ-
-અશ્વેભ્યઃ પુરુષેભ્યઃ ॥