પૈપ્પલાદ-સંહિતા · અધ્યાય 6.19
સં ભગો વર્ચસા માગ્ને
સં વિષ્ણુઃ પુષ્ટ્યા સિચત્ ।
ક્ષત્રં સમ્ અસ્માન્ સિઞ્ચતુ
પ્રજયા ચ ધનેન ચ-
-આયુષ્મન્તં કૃણોતુ મા ॥
સં વિરાડ્ વર્ચસા માગ્ને
સં દેષ્ટ્રી પુષ્ટ્યા સિચત્ ।
ઇડા સમ્ અસ્માન્ સિઞ્ચતુ
પ્રજયા ચ (…) ॥
સં ધાતા વર્ચસા માગ્ને
સં સિક્તિઃ પુષ્ટ્યા સિચત્ ।
સં દેવો અસ્માન્ અર્યમા
પ્રજયા ચ (…) ॥
સમ્ અંશો વર્ચસા માગ્ને
સં વાયુઃ પુષ્ટ્યા સિચત્ ।
વાતઃ સમ્ અસ્માન્ સિઞ્ચતુ
પ્રજયા ચ (…) ॥
સં સભા વર્ચસા માગ્ને
સં સુરા પુષ્ટ્યા સિચત્ ।
સૂર્યા સમ્ (…) ॥
સં સવિતા વર્ચસા માગ્ને
સં સૂર્યઃ પુષ્ટ્યા સિચત્ ।
ચન્દ્રઃ સમ્ (…) ॥
સં પશવો વર્ચસા માગ્ને
સં યજ્ઞઃ પુષ્ટ્યા સિચત્ ।
દક્ષિણા સમ્ (…) ॥
સં મા સિઞ્ચતુ દ્રવિણં
સં મા સિઞ્ચત્વ્ ઇન્દ્રિયમ્ ।
તેજઃ સમ્ (…) ॥
સં મા સિઞ્ચન્તુ વર્ચાંસિ
સં મા સિઞ્ચન્તુ ભૂતયઃ ।
સત્યં સમ્ અસ્માન્ સિઞ્ચતુ
પ્રજયા ચ ધનેન ચ-
-આયુષ્મન્તં કૃણોતુ મા ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0