પૈપ્પલાદ-સંહિતા · અધ્યાય 5.7

સમુત્પતન્તુ પ્રદિશો નભસ્વતીઃ
સમ્ અભ્રાણિ વાતજૂતાનિ યન્તુ ।
મહર્ષભસ્ય નદતો નભસ્વતો
વાશ્રા આપઃ પૃથિવીં તર્પયન્તુ ॥

સમ્ ઈક્ષયતિ વિષ્વગ્વાતો નભાંસ્ય્
અપાં વેગાસઃ પૃથગ્ ઉત્ પતન્તુ ।
વર્ષસ્ય સર્ગા મહયન્તુ ભૂમિં
પૃથગ્ જાયન્તામ્ ઓષધયો વિશ્વરૂપાઃ ॥

અભિ ક્રન્દ સ્તનયાર્દયોદધિં
ભૂમિં પર્જન્ય પયસા સમ્ અઙ્ધિ ।
ત્વયા વર્ષં બહુલમ્ એતુ સૃષ્ટમ્
આશારૈષી કૃશગુર્ એત્વ્ અસ્તમ્ ॥

ઉદ્ ઈરયત મરુતઃ સમુદ્રતસ્
ત્વેષા અર્કા નભ ઉત્ પાતયન્તુ ।
પ્ર વર્ષયન્તિ તવિષાઃ સુદાનવો
ઽપાં રસૈર્ ઓષધયઃ સચન્તામ્ ॥

ગણાસ્ ત્વોપ ગાયન્તુ મારુતાઃ
પર્જન્ય ઘોષિણઃ પૃથક્ ।
સર્ગા વર્ષસ્ય વર્ષતઃ
સૃજન્તુ પૃથિવીમ્ અભિ ॥

સમ્ અવન્તુ સુદાનવ
ઉત્સા અજગરા ઉત ।
વાતા વર્ષસ્ય વર્ષતઃ
પ્ર વાન્તુ પૃથિવીમ્ અનુ ॥

વાતો વિદ્યુદ્ અભ્રં વર્ષં
સમ્ અવન્તુ સુદાનવઃ ।
પ્ર પ્યાયસ્વ પ્ર પિન્વસ્વ
સં ભૂમિં પયસા સૃજ ॥

અપામ્ અગ્નિસ્ તનૂભિઃ સંવિદાનો
ય ઓષધીનામ્ અધિપા બભૂવ ।
સ નો વર્ષં વનુતાં જાતવેદાઃ
પ્રાણં પ્રજાભ્યો અમૃતં દિવસ્ પરિ ॥

આશામ્-આશાં વિ દ્યોતતાં
વાતા વાન્તુ દિશો-દિશઃ ।
મરુદ્ભિઃ પ્રચ્યુતા મેઘા
વર્ષન્તુ પૃથિવીમ્ અભિ ॥

પ્રજાપતિઃ સલિલાદ્ આ સમુદ્રાદ્
આપ ઈરયન્ન્ ઉદધિમ્ અર્દયાતિ ।
પ્ર પ્યાયતાં વૃષ્ણો અશ્વસ્ય રેતો
ઽર્વાઙ્ એતેન સ્તનયિત્નુનેહ્ય્
અપો નિષિઞ્ચન્ન્ અસુરઃ પિતા નઃ ॥

શ્વસન્તુ ગર્ગરા અપામ્
અવ નીચીર્ અપઃ સૃજ ।
વદન્તુ પૃશ્નિબાહવો
મણ્ડૂકા ઈરિણાનુ ॥

સંવત્સરં શશયાના
બ્રાહ્મણા વ્રતચારિણઃ ।
વાચં પર્જન્યજિન્વતાં
પ્ર મણ્ડૂકા અવાદિષુઃ ॥

ઉપપ્રવદ મણ્ડૂકિ
વર્ષમ્ આ વદ તાદુરિ ।
મધ્યે હ્રદસ્ય પ્લવસ્વ
વિગૃહ્ય ચતુરઃ પદઃ ॥

મહાન્તં કોશમ્ ઉદ્ અચાભિ ષિઞ્ચ
સવિદ્યુતં ભવતુ વાતુ વાતઃ ।
તન્વતાં યજ્ઞં બહુધા વિસૃષ્ટમ્
આનન્દિનીર્ ઓષધયો ભવન્તુ ॥