પૈપ્પલાદ-સંહિતા · અધ્યાય 5.8

યાવતી દ્યાવાપૃથિવી વરિમ્ણા
યાવદ્ વા સપ્ત સિન્ધવો વિતષ્ઠુઃ ।
વાચં વિષસ્ય દૂષણીં
તામ્ ઇતો નિર્ અવાદિષમ્ ॥

સુપર્ણસ્ ત્વા ગરુત્માન્
વિષ પ્રથમમ્ આવયત્ ।
નારોપયો નામાદય
ઉતાસ્મા અભવત્ પિતુઃ ॥

યાં ત્વાસ્થત્ પઞ્ચાઙ્ગુલિર્
વક્રાચ્ ચિદ્ અધિ ધન્વનઃ ।
અપસ્કમ્ભસ્ય બાહ્વોર્
નિર્ અવોચમ્ અહં વિષમ્ ॥

શલ્યાદ્ વિષં નિર્ અવોચમ્
અઞ્જનાત્ પર્ણધેર્ ઉત ।
અપાષ્ઠાચ્ છૃઙ્ગાત્ કુર્મલાન્
નિર્ અવોચમ્ અહં વિષમ્ ॥

અરસસ્ ત ઇષો શલ્યો
ઽથો તે ઽરસં વિષમ્ ।
ઉતારસસ્ય વૃક્ષસ્ય
ધનુષ્ ટે અરસારસમ્ ॥

યે +ઽપીષન્ યે ઽદિહન્
ય આસ્યન્ યે ઽવાસૃજન્ ।
સર્વે તે વધ્રયઃ સન્તુ
વધ્રિર્ વિષગિરિષ્ કૃતઃ ॥

વધ્રયસ્ તે ખનિતારો
વધ્રિસ્ ત્વમ્ અસ્ય્ ઓષધે ।
વધ્રિઃ સ પર્વતો ગિરિર્
યતો જાતમ્ ઇદં વિષમ્ ॥

વાર્ ઇદં વારયાતૈ
વરુણાવત આભૃતમ્ ।
તત્રામૃતસ્યાસિક્તં
તચ્ ચકારારસં વિષમ્ ॥