પૈપ્પલાદ-સંહિતા · અધ્યાય 5.40

દેવસ્ય ત્વા સવિતુઃ પ્રસવે ઽશ્વિનોર્ બાહુભ્યાં
પૂષ્ણો હસ્તાભ્યાં પ્રસૂતો બ્રાહ્મણેભ્યો નિર્ વપામિ ।
સ મે મા ક્ષેષ્ટ સદમ્ અશ્યમાનઃ
પિતૄણાં લોકે ॥

અનુમતં પૃથિવ્યેમં પચામ્ય્
અનુ મે દ્યૌર્ મન્યતામ્ અન્વ્ અન્તરિક્ષમ્ ।
અનુ મન્યતામ્ અદિતિર્
દેવપુત્રા ઇમે સ્વર્ગે લોકે અસ્તુ ॥

બ્રહ્મણોખામ્ અધિ દધામ્ય્ અગ્નૌ
ભૂમ્યાં ત્વા ભૂમિમ્ અધિ ધારયામિ ।
અગ્નિઃ પચન્ રક્ષત્વ્ ઓદનમ્ ઇમં
રક્ષઃપિશાચાન્ નુદતાં જાતવેદાઃ ॥

અચ્યુતમ્ અક્ષિતં વિશ્વદાનીમ્
ઉત્સમ્ ઇવ સદમ્ અક્ષીયમાણમ્ ।
પિતા પિતામહ ઉત યસ્ તૃતીયસ્
ત એનં ભાગમ્ ઉપ જીવન્ત્વ્ અત્ર ॥

પ્રપીનમ્ અક્ષિતં વિશ્વદાનીં
સોમમ્ ઇવ પુનર્ આપ્યાયમાનમ્ ।
પુત્રઃ પૌત્ર ઉત યઃ પ્રપૌત્રસ્
તેષામ્ અસ્તુ નિહિતો ભાગ એષઃ ॥

મા મે જારીન્ નિહિતો ભાગ એષ
માનુષન્માનુષદ્ ગુપ્તો અસ્તુ ।
વૈવસ્વતે નિ દધે શેવધિમ્ એતં
તસ્મા ઉત્ સૃજતુ મહ્યમ્ એવ ॥

પુનઃ પૂર્યતાં યદ્ અદન્ત્ય્ અસ્ય-
-ઓદનો ઽયં તિષ્ઠત્વ્ અક્ષિતઃ સદા ।
વૈવસ્વતેન ગુપ્તો અસ્તુ રાજ્ઞા
મમૈતોર્ ઉપ જીવન્તુ મે સ્વાઃ ॥

શતધારં સહસ્રધારમ્ ઉત્સમ્
અક્ષિતં વ્યચ્યમાનં સલિલસ્ય પૃષ્ઠે ।
ઊર્જં દુહાનમ્ અનપસ્ફુરન્તમ્
ઉપાસીય સુકૃતાં યત્ર લોકઃ ॥