પૈપ્પલાદ-સંહિતા · અધ્યાય 5.32

યે તે પાશા વરુણ સપ્ત સપ્તતીસ્
ત્રેધા તિષ્ઠન્તિ વિષિતા રુશન્તઃ ।
સિનન્તિ સર્વે અનૃતં વદન્તં
યઃ સત્યવાદ્ય્ અતિ તં સૃજન્તિ ॥

ઇહ સ્પશઃ પ્ર ચરન્તીમે અસ્ય
સહસ્રાક્ષા અતિ પશ્યન્તિ ભૂમિમ્ ।
યો ઽસ્ય વ્રતં પ્રમિનાતિ કશ્ ચ
ન સ મુચ્યતે વરુણસ્ય પાશાત્ ॥

ઉતેયમ્ અસ્ય પૃથિવી સમીચ્ય્
ઉતાસૌ દ્યૌર્ બૃહતી દૂરેઅન્તા ।
ઉતો સમુદ્રો વરુણસ્ય કુક્ષા
ઉતાસ્મિન્ન્ અલ્પ ઉદકે નમુક્તઃ ॥

યસ્ તિષ્ઠતિ મનસા યશ્ ચ વઞ્ચતિ
યો નિલાયં ચરતિ યઃ પ્રલાયમ્ ।
દ્વૌ યદ્યદ્ વદતઃ સન્નિષદ્ય
રાજા તદ્ વેદ વરુણસ્ તૃતીયઃ ॥

સર્વં તદ્ રજા વરુણો વિ ચષ્ટે
યદ્ અન્તરા રોદસી યત્ પરસ્તાત્ ।
સંખ્યાતા અસ્ય નિમિષો જનાનામ્
અક્ષાન્ ન શ્વઘ્ની ભુવના મિમીતે ॥

ત્વમ્ એવ રાજન્ વરુણ
ધર્તા દેવાનામ્ અસિ વિશ્વરૂપઃ ।
દુશ્ચર્માસ્ત્વ્ અધમઃ પિશઙ્ગો
યઃ સત્યાં વાચમ્ અનૃતેન હન્તિ ॥

યઃ સમામ્યો વરુણો યો વ્યામ્યો
યઃ સન્દેશ્યો વરુણો યો વિદેશ્યઃ ।
યો દૈવ્યો વરુણો યશ્ ચ માનુષઃ
સર્વાંસ્ ત્વે તાન્ પ્રતિ મુઞ્ચામ્ય્ અત્ર ॥

શતેન પાશૈર્ વરુણાભિ ધેહિ
મા તે મોચ્ય્ અનૃતવાઙ્ નૃચક્ષઃ ।
આસ્તાં જાલ્મ ઉદરં શ્રંસયિત્વા
કોશ ઇવાબન્ધ્રઃ પરિકૃત્યમાનઃ ॥

ઉતો ત્વત્ પ્ર પાતયત્ય્
ઉતો ત્વદ્ અપિ નહ્યતિ ।
ઉતો ત્વદ્ અસ્વકં કૃત્વા
રાજા વરુણ ઈયતે ॥

ઐનં છિનત્તિ વરુણો
નડં કશિપુને યથા ।
મૂલં તસ્ય વૃશ્ચતિ
ય એનં પ્રમિમીષતિ ॥