પૈપ્પલાદ-સંહિતા · અધ્યાય 5.31

અત્યાસરત્ પ્રથમા ધોક્ષ્યમાણા
સર્વાન્ યજ્ઞાન્ બિભ્રતી વૈશ્વદેવી ।
ઉપ વત્સં સૃજત વાશ્યતે ગૌર્
વ્ય્ અસૃષ્ટ સુમના હિં કૃણોતિ ॥

બધાન વત્સમ્ અભિ ધેહિ ભુઞ્જતીં
નિ દ્ય ગોધુગ્ ઉપ સીદ દુગ્ધિ ।
ઇડામ્ અસ્મા ઓદનં પિન્વમાના
કીલાલં ઘૃતં મદમ્ અન્નભાગમ્ ॥

સા ધાવતુ યમરાજ્ઞઃ સવત્સા
સુકૃતાં પથા પ્રથમેહ દત્તા ।
અતૃષ્ટ દત્તા પ્રથમેદમ્ આગન્
વત્સેન ગાં સં સૃજ વિશ્વરૂપામ્ ॥

પ્રથમેદમ્ આગન્ પ્રથમા દત્તેતાદ્
યસ્મિઁલ્ લોકે સદ્ય ઉ ત્વા દદાતિ ।
સૈનં ધેનો પ્રથમા પારયાસિ
શ્રદ્ધયા દત્તા પરમે વ્યોમન્ ॥

જાનીહિ સ્મ સંસ્કૃતે ધેનો ગોપતિં
યસ્ ત્વા દદાતિ પ્રથમાં સ્વધાનામ્ ।
પૂર્વા હિ તત્ર સુકૃતઃ પરેહ્ય્
અથૈષ ઐતા જરસઃ પરસ્તાત્ ॥

અતિ ધેનુર્ અનડ્વાહમ્
અત્ય્ અન્યદ્ વયો અક્રમીત્ ।
અતિ વત્સાનાં પિતરં
ઋષભં પ્રતિમાસરત્ ॥

જ્યોતિષ્મતી સુકૃતો યાહિ સૂરે
સ્યોનાસ્ તે ધેનો પતયો ભવન્તુ ।
સપ્ત ત્વા સૂર્યા અન્વાતપન્તુ
યમં ધાવ માતિ સરઃ પરાચીઃ ॥

દાત્રે *ઽમુત્ર મહ્યં દુહાના-
-ઉભૌ લોકૌ ભુઞ્જતી વિ ક્રમસ્વ ।
ઇષમ્ ઊર્જં દક્ષિણાઃ સંવસાના
ભગસ્ય ધારામ્ અવસે પ્રતીમઃ ॥

સહસ્રાઙ્ગા શતં જ્યોતીંષ્ય્ અસ્યા
યજ્ઞસ્ય પપ્રિર્ અમૃતા સ્વર્ગા ।
સા ન ઐતુ દક્ષિણા વિશ્વરૂપા-
-અહિંસન્તીં પ્રતિ ગૃહ્ણીમ એનામ્ ॥