પૈપ્પલાદ-સંહિતા · અધ્યાય 5.27

તદ્ ઇન્ નુ મે અચચ્છદન્
મહદ્ યક્ષં બૃહદ્ વપુઃ ।
વિશ્વૈર્ યદ્ દેવૈર્ નિરૃતિસ્ તના યુજા
સં મૃત્યોર્ ઇહ જાયતે ॥

અમમ્રિશ્ચિત્સાપ્રથોવદદહિમ્
અહિરાજન્તમ્ ઓજસા ।
આયું ચિત્ કુત્સમ્ અતિથિગ્વમ્ અર્દય
વિ નિકિલ્બિન્દમ્ ઓજસા ॥

યાવતી દ્યાવાપૃથિવી વરિમ્ણા
યાવદ્ વા સપ્ત સિન્ધવો મહિત્વા ।
તાવતી નિરૃતિર્ વિશ્વવારા
વિશ્વસ્ય યા જાયમાનસ્ય વેદ ॥

વિશ્વસ્ય હિ જાયમાનસ્ય દેવિ
પુષ્ટસ્ય વા પુષ્ટપતિર્ બભૂવિથ ।
નમો ઽસ્તુ તે નિરૃતે મા ત્વ્ અસ્માન્
પરા ભુજો નાપરં હાતયાસિ ॥

દેવીમ્ અહં નિરૃતિં મન્યમાનઃ
પિતેવ પુત્રં ન સચે વચોભિઃ ।
વિશ્વસ્ય યા જાયમાનસ્ય વેદ
શિરઃશિરઃ પ્રતિ સૂરો ઽનુ તસ્થે ॥

અસુન્વન્તમ્ અયજમાનમ્ ઇચ્છ
સ્તેનસ્યેત્યાં તસ્કરસ્યાનુ શિક્ષ ।
સ્વપન્તમ્ ઇચ્છ સા ત ઇત્યા
નમસ્ તુ તે નિરૃતે ઽહં કૃણોમિ ॥

અસુન્વકાન્ નિરૃતિઃ સંજિઘત્સુર્
નાસ્યાઃ પિતા વિદ્યતે નોત માતા ।
મધ્યાત્ સ્વસ્રામ્ અનુ જઘાન સર્વં
ન દેવાનામ્ અસુર્યં સમ્ આપ ॥

યદ્ અસ્ય પારે તમસઃ
શુક્રં જ્યોતિર્ અજાયત ।
તન્ નઃ પર્ષદ્ અતિ દ્વિષો
ઽગ્ને વૈશ્વાનર દ્યુમત્ ॥