પૈપ્પલાદ-સંહિતા · અધ્યાય 5.19

સહૃદયં સાંમનસ્યમ્
અવિદ્વેષં કૃણોમિ વઃ ।
અન્યો અન્યમ્ અભિ હર્યત
વત્સં જાતમ્ ઇવાઘ્ન્યા ॥

અનુવ્રતઃ પિતુઃ પુત્રો
માત્રા ભવતુ સવ્રતઃ ।
જાયા પત્યે મધુમતીં
વાચં વદતુ શન્તિવામ્ ॥

મા ભ્રાતા ભ્રાતરં દ્વિક્ષન્
મા સ્વસારમ્ ઉત સ્વસા ।
સમ્યઞ્ચઃ સવ્રતા ભૂત્વા
વાચં વદત ભદ્રયા ॥

યેન દેવા ન વિયન્તિ
નો ચ વિદ્વિષતે મિથઃ ।
તત્ કૃણ્મો બ્રહ્મ વો ગૃહે
સંજ્ઞાનં પુરુષેભ્યઃ ॥

જ્યાયસ્વન્તશ્ ચિત્તિનો મા વિ યૌષ્ટ
સંરાધયન્તઃ સધુરાશ્ ચરન્તઃ ।
અન્યો અન્યસ્મૈ વલ્ગુ વદન્ત એત
સમગ્રા સ્થ સધ્રીચીનાઃ ॥

સમાની પ્રપા સહ વો ઽન્નભાગઃ
સમાને યોક્ત્રે સહ વો યુનજ્મિ ।
સમ્યઞ્ચો ઽગ્નિં સપર્યત-
-અરા નાભિમ્ ઇવાભિતઃ ॥

યેન દેવા હવિષા યજત્રા
અપ પાપ્માનમ્ અઘ્નત ।
ક્રોધં મન્યુમ્ અનૃતં ભામં
દુરુક્તમ્ અભિશોચનમ્
આરે યક્ષ્મં નિ દધ્મસિ ॥

સધ્રીચીનાન્ વઃ સંમનસઃ કૃણોમ્ય્
એકશ્નુષ્ટીન્ સંવનનેન સંહૃદઃ ।
દેવા ઇવેદ્ અમૃતં રક્ષમાણાઃ
સાયંપ્રાતઃ સુસમિતિર્ વો અસ્તુ ॥