પૈપ્પલાદ-સંહિતા · અધ્યાય 5.16

દ્યૌશ્ ચેમં યજ્ઞં પૃથિવી ચ સં દુહાતાં
માતરિશ્વા પવમાનઃ પુરસ્તાત્ ।
ત્વષ્ટા વાયુઃ સહ સોમેન વાત
ઇમં સં દુહ્રામ્ અનપસ્ફુરન્તઃ ॥

ઘર્મં તપામ્ય્ અમૃતસ્ય ધારયા
દેવેભ્યો હવ્યં પરિદે સવિત્રે ।
શુક્રં દેવાઃ શૃતમ્ અદન્તુ હવ્યમ્
આસઞ્ જુહ્વાનમ્ અમૃતસ્ય યોનૌ ॥

ઉદ્ વાસયાગ્નેઃ શૃતમ્ અકર્મ હવ્યમ્
આ રોહ પૃષ્ઠમ્ અમૃતસ્ય ધામ ।
વનસ્પતય ઉપ બર્હિ સ્તૃણીત
મધ્વા સમન્તં ઘૃતવત્ કરાથ ॥

યો ઽપ્સુ યક્ષ્મઃ શમયામિ તં વ
ઊર્જા ગવ્યૂતિં સમ્ અનજ્મ્ય્ એતામ્ ।
સ્તન્યં ક્ષીરમ્ અવિષં વઃ કૃણોમ્ય્
અસું ધયન્તો ઽપિ યૂથમ્ એત ॥

ઇડાનાં પુત્રા ઉત મિત્રિયાણાં
પયો ધયન્ત્વ્ અહૃણીયમાનાઃ ।
ઋતુભિઃ સસ્યમ્ ઉત ક્લ્̥પ્તમ્ અસ્ત્વ્
ઇર્યો ગોપા રક્ષતુ વાયુર્ એનાઃ ॥

પિબત ઘૃતં યતિધા વ એતદ્
ગુહા હિતં નિહિતં માનવેષુ ।
વિશ્વે દેવા વૈશ્વદેવશ્ ચાગ્નૌ
યથાભાગં હવિષો માદયધ્વમ્ ॥

યો દેવાનામ્ અસિ શ્રેષ્ઠો
રુદ્રસ્ તન્તિચરો વૃષા ।
અરિષ્ટા અસ્માકં વીરા
એતદ્ અસ્તુ હુતં તવ ॥

પૂર્ણમ્ અહં કરીષિણં
શતવન્તં સહસ્રિણમ્ ।
વિશ્વેભિર્ અગ્ને દેવૈર્
ઇમં ગોષ્ઠં સહારુહમ્ ॥