પૈપ્પલાદ-સંહિતા · અધ્યાય 5.15

પીયૂષસ્ય ક્ષીરસ્ય સર્પિષો
ઽન્નસ્યાગ્રં સં ભરામ એતત્ ।
એતં ભાગમ્ અહુતાદ્ભ્યઃ પ્ર હિણ્મસ્
તન્ નો હવિઃ પ્રતિ ગૃહન્તુ દેવા દૈવાઃ ॥

હુતાદો ઽન્યે ઽહુતાદો ઽન્યે
વૈશ્વદેવં હવિર્ ઉભયે સં ચરન્તિ ।
તે સમ્યઞ્ચ ઇહ માદયન્તામ્
ઇષમ્ ઊર્જં યજમાનાય મત્સ્વ ॥

મેમા ભવો મા શર્વો વધીદ્ ગા
મા વત્સાન્ ક્લોમશ્વયો વિદન્ નઃ ।
યે જાતા યે ચ ગર્ભેષ્વ્ અન્તર્
અરિષ્ટા અગ્ને સ્તનમ્ આ રભન્તામ્ ॥

ઇમા ગાવો વિજાવતીઃ પ્રજાવતી
સ્ત્રીષુ સંમનસો ભવન્તુ ।
આસુ ભૂમાન્ય્ અપિ પૃઞ્ચન્તુ દેવા
આસાં વત્સાન્ આયુષા મેદસા સં સૃજામિ ॥

પ્ર વીયન્તાં સ્ત્રિયો ગાવો
વિષ્ણુર્ યોનિમ્ અનુ કલ્પયાતિ ।
પ્રતિગૃહ્ણતીર્ ઋષભસ્ય રેત
ઉક્ષાનડ્વાંશ્ ચરતિ વાસિતામ્ અનુ ॥

પ્રયતમ્ અગ્રં ન હિનસ્તિ કિં ચન
યથાકામં કૃણુત સોમ્યં મધુ ।
સાધુ યજ્ઞમ્ અહુતાદો નયન્તુ
રાયસ્પોષા યજમાનં સચન્તામ્ ॥

નિ તે પદાં પૃથિવી યન્તુ સિન્ધવ
ઉદ્ ઓષધયો જિહતાં પ્રેરતામ્ ઇરાઃ ।
પર્જન્યસ્ય મરુત ઉદધિં સાન્વ્ આ હત
ભદ્રં સસ્યં પચ્યતાં મોદતાં જગત્ ॥

સપ્ત ઋષયઃ સપ્ત સદાંસ્ય્ એષાં
દશ ક્ષિપો અશ્વિનોઃ પઞ્ચ વાજાઃ ।
પ્રાણો વ્યાનો મન આકૂતિર્ વાગ્ દેવી
દેવેભ્યો હવ્યં વહતુ પ્રજાનતી ॥

યે ચ દૃષ્ટા યે ચાદૃષ્ટાઃ
ક્રિમયઃ કિકૃશાશ્ ચ યે ।
તેષાં શિરાંસ્ય્ અસિના છિનદ્મ્ય્
અથાસાં વત્સાન્ આયુષા મેદસા સં સૃજામિ ॥