પૈપ્પલાદ-સંહિતા · અધ્યાય 5.12

વૃષા જજ્ઞે મધવાનો
ઽયં મધુમતીભ્યઃ ।
સ ઉ તે યોનિમ્ આ શયાં
બડ્ દક્ષઃ પુરુષો ભવન્ ॥

યોનિં ગચ્છ મધવાન
યોન્યાં પુરુષો ભવ ।
તતઃ પુનર્ નિર્ આયસિ
શીર્ષ્ણા શ્રોણી વિનોનુદત્ ॥

બાણવાઁ ઇષુધેર્ ઇવ
કૃણ્વન્ પિત્રોર્ યથા પ્રિયમ્ ।
શ્રોણી અહિંસન્ન્ અન્તરા
દશમે માસ્ય્ આયસિ ॥

સ પ્રત્યઙ્ પ્રત્યાવર્ત્તા -
- ઇતે સંવત્સરે પુનઃ ।
યથા જીવાસિ ભદ્રયા
બિભરત્ ત્વા મહાભવે ॥

સં તે યોનિમ્ અચીક્લ્̥પં
સુપ્રજાસ્ત્વાય ભદ્રયા ।
તત્રા સિઞ્ચસ્વ વૃષ્ણ્યં
દશમાસ્યમ્ અવિહ્રુતમ્ ॥

ગર્ભસ્ તે યોનિમ્ આ શયાં
ગર્ભો જરાય્વ્ આ શયામ્ ।
કુમાર ઉલ્બમ્ આ શયાં
ત્વષ્ટ્રા ક્લ્̥પ્તો યથાપરુ ॥

યથા રાજન્ મધવાન
ત્વં બીજં વિરોહસિ ।
એવા ત્વમ્ અસ્યા નિર્ ભિન્ધિ
કુમારં યોન્યા અધિ ॥

ગર્ભમ્ અધાન્ મધવાનો
ગર્ભં દેવો બૃહસ્પતિઃ ।
ગર્ભં ત ઇન્દ્રશ્ ચાગ્નિશ્ ચ
ગર્ભં ધાતા દધાતુ તે ॥