પૈપ્પલાદ-સંહિતા · અધ્યાય 5.11

અનુ તે મન્યતામ્ અગ્નિર્
વરુણસ્ તે ઽનુ મન્યતામ્ ।
તતસ્ તે પુત્રો જાયતાં
સ વર્મી ગોષુ યુધ્યતામ્ ॥

ઇદં વાયો ઽનુ જાનીહિ-
-ઇદમ્ ઇન્દ્ર બૃહસ્પતે ।
આઞ્જનં પુત્રવેદનં
કૃણ્મઃ પુંસવનં વયમ્ ॥

યેનૈતત્ પરિષ્ટભિતં
યસ્માત્ પુત્રં ન વિન્દસે ।
ઇન્દ્રાગ્ની તસ્માત્ ત્વૈનસઃ
પરિ પાતામ્ અહર્દિવિ ॥

અથર્વાણો અઙ્ગિરસો
વિશ્વે દેવા ઋતાવૃધઃ ।
શૃણ્વન્ત્વ્ અદ્ય મે હવમ્
અસ્યૈ પુત્રાય વેત્તવે ॥

ઇન્દ્રાણી વરુણાની
સિનીવાલ્ય્ ઉતાદિતિઃ ।
વરુત્ર્ય્ ઉગ્રા પત્નીનાં
પુત્રમ્ અદ્ય દિદેષ્ટુ તે ॥

પુત્રં તે મિત્રાવરુણા
પુત્રં દેવી સરસ્વતી ।
પુત્રં તે અશ્વિનોભા-
-આ ધત્તાં પુષ્કરસ્રજા ॥

યેષાં ચ નામ જગ્રભ
યેષાં ચ નોપસસ્મર ।
દેવાસ્ તે સર્વે સંગત્ય
પુત્રં જૈવાતૃકં દદન્ ॥

આત્મન એનં નિર્ મિમીષ્વ
સ ત્વત્ પરિ જાયતામ્ ।
ત્વં બીજમ્ ઉર્વરેવ
ત્વં બિભૃહિ યોન્યામ્ ॥

પૃથિવી સહ યજ્ઞૈર્
નક્ષત્રૈઃ સહ સૂર્યઃ ।
વાતઃ પતત્રિભિઃ સહ
પુત્રમ્ અદ્ય દિદેષ્ટુ તે ॥