પૈપ્પલાદ-સંહિતા · અધ્યાય 4.5

યાં ત્વા ગન્ધર્વો અખનદ્
વરુણાય મૃતભ્રજે ।
તાં ત્વા વયં ખનામસ્ય્
ઓષધિં શેપહર્ષણીમ્ ॥

વૃષણસ્ તે ખનિતારો
વૃષા ત્વમ્ અસ્ય્ ઓષધે ।
વૃષાસિ વૃષ્ણ્યાવતી
વૃષણે ત્વા ખનામસિ ॥

ઉદ્ ઉષા ઉદ્ ઉ સૂર્ય
ઉચ્ છુષ્મા ઓષધીનામ્ ।
ઉદ્ એજતિ પ્રજાપતિર્
વૃષા શુષ્મેણ વાજિના ॥

ઊર્ધ્વશ્રાણમ્ ઇદં કૃધિ
યથા સ્મ તે વિરોહતો
અભિતપ્તમ્ ઇવાનતિ ।
તતસ્ તે શુષ્મવત્તરમ્
ઇયં કૃણોત્વ્ ઓષધિઃ ॥

અપાં રસ ઓષધીનામ્
અથો વનસ્પતીનામ્ ।
અથો સોમસ્ય ભ્રાતાસ્ય્
આર્શ્યમ્ અસિ વૃષ્ણ્યમ્ ॥

અશ્વસ્ય ઋશ્યસ્ય
બસ્તસ્ય પુરુષસ્ય ચ ।
ય ઋષભસ્ય વાજસ્
તમ્ અસ્મૈ ધેહ્ય્ ઓષધે ॥

સં વાજા ઋષભાણાં
સં શુષ્મા ઓષધીનામ્ ।
સં પુંસામ્ ઇન્દ્ર વૃષ્ણ્યમ્
અસ્મૈ ધેહિ તનૂબલમ્ ॥

અદ્યાગ્ને અદ્ય સવિતર્
અદ્ય દેવિ સરસ્વતિ ।
અદ્યા મે બ્રહ્મણસ્પતે
ધનુર્ ઇવા તાનયા પસઃ ॥

ઊર્ધ્વાસ્ તિષ્ઠન્તિ ગિરય
ઊર્ધ્વા વાતા ઉદ્ ઈરતે ।
ઊર્ધ્વો ઽયં મામકો
મયૂખ ઇવાધિ ભૂમ્યામ્ ॥

ઉત્ તિષ્ઠોગ્ર વિ ધૂનુષ્વ
વિ તે શ્વયન્તુ નાડ્યઃ ।
અતન્દ્રો અશ્વપા ઇવ
નાવ ગ્લાયો ઽધિ મુષ્કયોઃ ॥