પૈપ્પલાદ-સંહિતા · અધ્યાય 4.34

વાયોઃ સવિતુર્ વિદથાનિ મન્મહે
યાવ્ આત્મન્વદ્ વિદથો યૌ ચ રક્ષથઃ ।
યૌ વિશ્વસ્ય પરિભૂ બભૂવથુસ્
તૌ નો મુઞ્ચતમ્ અંહસઃ ॥

યયોઃ સંખ્યાતા વરિમાણિ પાર્થિવા
યાભ્યાં રજો ગુપિતમ્ અન્તરિક્ષમ્ ।
યયોઃ પ્રયાં નાનુ કશ્ ચનાનશે
તૌ નો મુઞ્ચતમ્ અંહસઃ ॥

તવ વ્રતે નિ વિશન્તે જનાસસ્
ત્વય્ય્ ઉદિતે પ્રેરતે ચિત્રભાનો ।
યુવં વાયો સવિતા ચ ભુવનાનિ રક્ષથસ્
તૌ નો મુઞ્ચતમ્ અંહસઃ ॥

પ્ર સુમતિં સવિતર્ વાય ઊતયે
મહસ્વન્તં મત્સરં માદયેથામ્ ।
અર્વાગ્ વામસ્ય પ્રવતા નિ યચ્છથસ્
તૌ નો મુઞ્ચતમ્ અંહસઃ ॥

રયિં મે પોષં સવિતોત વાયુસ્
તનૂ દક્ષમ્ આ સુવતાં સુશેવમ્ ।
અયક્ષ્મતાં મહો અસ્માસુ ધત્તં
તૌ નો મુઞ્ચતમ્ અંહસઃ ॥

અપેતો વાયો સવિતા ચ દુષ્કૃતમ્
અપ યક્ષ્મં શિમિદાં સેધતં પરઃ ।
સં હ્ય્ ઊર્જા સૃજથઃ સં બલેન
તૌ નો મુઞ્ચતમ્ અંહસઃ ॥

ઉપ શ્રેષ્ઠા ન આશિષો
દેવયોર્ ધામન્ન્ અસ્થિરન્ ।
સ્તૌમિ દેવં સવિતારં ચ વાયું
તૌ નો મુઞ્ચતમ્ અંહસઃ ॥