Scripture Library

Paippalāda-Saṃhitā · Chapter 4.34

4.34.1

vāyoḥ savitur vidathāni manmahe
yāv ātmanvad vidatho yau ca rakṣathaḥ |
yau viśvasya paribhū babhūvathus
tau no muñcatam aṃhasaḥ ||

4.34.2

yayoḥ saṃkhyātā varimāṇi pārthivā
yābhyāṃ rajo gupitam antarikṣam |
yayoḥ prayāṃ nānu kaś canānaśe
tau no muñcatam aṃhasaḥ ||

4.34.3

tava vrate ni viśante janāsas
tvayy udite prerate citrabhāno |
yuvaṃ vāyo savitā ca bhuvanāni rakṣathas
tau no muñcatam aṃhasaḥ ||

4.34.4

pra sumatiṃ savitar vāya ūtaye
mahasvantaṃ matsaraṃ mādayethām |
arvāg vāmasya pravatā ni yacchathas
tau no muñcatam aṃhasaḥ ||

4.34.5

rayiṃ me poṣaṃ savitota vāyus
tanū dakṣam ā suvatāṃ suśevam |
ayakṣmatāṃ maho asmāsu dhattaṃ
tau no muñcatam aṃhasaḥ ||

4.34.6

apeto vāyo savitā ca duṣkṛtam
apa yakṣmaṃ śimidāṃ sedhataṃ paraḥ |
saṃ hy ūrjā sṛjathaḥ saṃ balena
tau no muñcatam aṃhasaḥ ||

4.34.7

upa śreṣṭhā na āśiṣo
devayor dhāmann asthiran |
staumi devaṃ savitāraṃ ca vāyuṃ
tau no muñcatam aṃhasaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0