પૈપ્પલાદ-સંહિતા · અધ્યાય 4.23
પ્રજાપતિષ્ ટ્વા બધ્નાત્ પ્રથમમ્
અસ્તૃતં વીર્યાય કમ્ ।
તં તે બધ્નામ્ય્ આયુષે વર્ચસ
ઓજસે ચ બલાય ચ-
- અસ્તૃતસ્ ત્વાભિ રક્ષતુ ॥
ઊર્ધ્વસ્ તિષ્ઠ રક્ષન્ન્ અપ્રમાદમ્ અસ્તૃતેમં
મા ત્વા દભન્ પણયો યાતુધાનાઃ ।
ઇન્દ્ર ઇવ દસ્યૂન્ અવ ધૂનુષ્વ પૃતન્યતઃ
સર્વાઞ્ છત્રૂન્ વિ ષહસ્વ-
-અસ્તૃતસ્ ત્વાભિ રક્ષતુ ॥
શતં ચન પ્રહરન્તો
ઽભિઘ્નન્તો ન તસ્ત્રિરે ।
તસ્મિન્ન્ ઇન્દ્રઃ પર્ય્ અદત્ત
ચક્ષુઃ પ્રાણમ્ અથો બલમ્
અસ્તૃતસ્ ત્વાભિ રક્ષતુ ॥
ઇન્દ્રસ્ય ત્વા વર્મણા પરિ ધાપયામો
યો દેવાનામ્ અધિરાજો બભૂવ ।
પુરસ્ ત્વા દેવાઃ પ્ર ણયન્તુ સર્વે
ઽસ્તૃતસ્ ત્વાભિ રક્ષતુ ॥
અસ્મિન્ મણાવ્ એકશતં વીર્યાણિ
સહસ્રં પ્રાણા અસ્મિન્ન્ અસ્તૃતે ।
વ્યાઘ્રઃ શત્રૂન્ અધિ તિષ્ઠ સર્વાન્
યસ્ ત્વા પૃતન્યાદ્ અધરઃ સો ઽસ્ત્વ્
અસ્તૃતસ્ ત્વાભિ રક્ષતુ ॥
ઘૃતાદ્ ઉલ્લુપ્તો મધુમાન્ પયસ્વાન્
સહસ્રપ્રાણઃ શતયોનિર્ વયોધાઃ ।
શમ્ભૂશ્ ચ મયોભૂશ્ ચ-
-ઊર્જસ્વાંશ્ ચ પયસ્વાંશ્ ચ-
-અસ્તૃતસ્ ત્વાભિ રક્ષતુ ॥
યથા ત્વમ્ ઉત્તરો અસો
અસપત્નઃ સપત્નહા ।
સજાતાનામ્ અસો વશી
તથા ત્વા સવિતા કરદ્
અસ્તૃતસ્ ત્વાભિ રક્ષતુ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0