पैप्पलाद-संहिता · अध्याय 4.23
प्रजापतिष् ट्वा बध्नात् प्रथमम्
अस्तृतं वीर्याय कम् ।
तं ते बध्नाम्य् आयुषे वर्चस
ओजसे च बलाय च-
- अस्तृतस् त्वाभि रक्षतु ॥
ऊर्ध्वस् तिष्ठ रक्षन्न् अप्रमादम् अस्तृतेमं
मा त्वा दभन् पणयो यातुधानाः ।
इन्द्र इव दस्यून् अव धूनुष्व पृतन्यतः
सर्वाञ् छत्रून् वि षहस्व-
-अस्तृतस् त्वाभि रक्षतु ॥
शतं चन प्रहरन्तो
ऽभिघ्नन्तो न तस्त्रिरे ।
तस्मिन्न् इन्द्रः पर्य् अदत्त
चक्षुः प्राणम् अथो बलम्
अस्तृतस् त्वाभि रक्षतु ॥
इन्द्रस्य त्वा वर्मणा परि धापयामो
यो देवानाम् अधिराजो बभूव ।
पुरस् त्वा देवाः प्र णयन्तु सर्वे
ऽस्तृतस् त्वाभि रक्षतु ॥
अस्मिन् मणाव् एकशतं वीर्याणि
सहस्रं प्राणा अस्मिन्न् अस्तृते ।
व्याघ्रः शत्रून् अधि तिष्ठ सर्वान्
यस् त्वा पृतन्याद् अधरः सो ऽस्त्व्
अस्तृतस् त्वाभि रक्षतु ॥
घृताद् उल्लुप्तो मधुमान् पयस्वान्
सहस्रप्राणः शतयोनिर् वयोधाः ।
शम्भूश् च मयोभूश् च-
-ऊर्जस्वांश् च पयस्वांश् च-
-अस्तृतस् त्वाभि रक्षतु ॥
यथा त्वम् उत्तरो असो
असपत्नः सपत्नहा ।
सजातानाम् असो वशी
तथा त्वा सविता करद्
अस्तृतस् त्वाभि रक्षतु ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0