પૈપ્પલાદ-સંહિતા · અધ્યાય 4.15

સં મજ્જા મજ્જ્ઞા ભવતુ
સમ્ ઉ તે પરુષા પરુઃ ।
સં તે રાષ્ટ્રસ્ય વિસ્રસ્તં
સં સ્નાવ સમ્ ઉ પર્વ તે ॥

મજ્જા મજ્જ્ઞા સં ધીયતામ્
અસ્થ્નાસ્થ્ય્ અપિ રોહતુ ।
સ્નાવ તે સં દધ્મઃ સ્નાવ્ના
ચર્મણા ચર્મ રોહતુ ॥

લોમ લોમ્ના સં ધીયતાં
ત્વચા સં કલ્પયાત્ ત્વચમ્ ।
અસૃક્ તે અસ્ના રોહતુ
માંસં માંસેન રોહતુ ॥

રોહિણી સંરોહિણ્ય્
અસ્થ્નઃ શીર્ણસ્ય રોહિણી ।
રોહિણ્યામ્ અહ્નિ જાતાસિ
રોહિણ્ય્ અસ્ય્ ઓષધે ॥

યદિ શીર્ણં યદિ દ્યુત્તમ્
અસ્થિ પેષ્ટ્રં ત આત્મનઃ ।
ધાતા તત્ સર્વં કલ્પયાત્
સં દધત્ પરુષા પરુઃ ॥

યદિ વજ્રો વિસૃષ્ટસ્ ત્વાર
કાટં પતિત્વા યદિ વા વિરિષ્ટમ્ ।
વૃક્ષાદ્ વા યદ્ અવસદ્ દશશીર્ષ
ઋભૂ રથસ્યેવ સં દધામિ તે પરુઃ ॥

ઉત્ તિષ્ઠ પ્રેહિ સમ્ અધાયિ તે પરુઃ
સં તે ધાતા દધાતુ તન્વો વિરિષ્ટમ્ ।
રથઃ સુચક્રઃ સુપવિર્ યથૈતિ
સુખઃ સુનાભિઃ પ્રતિ તિષ્ઠ એવમ્ ॥