પૈપ્પલાદ-સંહિતા · અધ્યાય 4.10

ભગસ્ ત્વેતો નયતુ હસ્તગૃહ્ય
બૃહસ્પતિઃ પુરએતા તે અસ્તુ ।
દેવસ્ ત્વા સવિતા સત્યધર્મા-
-ઉપસદ્યાં નમસ્યાં કૃણોતુ ॥

યામ્ અશ્વિના મધુકશાં
દેવા અગ્રે અજનયન્ ।
તયા ત્વા પત્યામ્ ઓતાં
કૃણ્મો મધુમતીં વયમ્ ॥

ઉત્તરા શ્વશ્રુવા ભવ
નનાન્દુર્ ઉપશિક્ષયા ।
યશસ્ ત્વા પત્યાં કૃણ્મો
ભવા દેવૃષુ પ્રિયા ॥

અદ્ભિર્ આત્માનં તન્વં શુમ્ભમાના
ગૃહાન્ પ્રેહિ મહિષી ભવાસિ ।
તત્ર ત્વાદુર્ ગાર્હપત્યાય દેવાઃ
પ્રજાવતી જરદષ્ટિર્ યથાસઃ ॥

ઉદ્ ઉત્તરમ્ આરોહન્તી
વ્યસ્યન્તી પૃતન્યતઃ ।
અભ્ય્ અષ્ઠાઃ શત્રોર્ મૂર્ધાનં
સહપુત્રા વિરાડ્ ભવ ॥

શ્વશ્રૂણાં શ્વશુરાણાં
ગૃહાણાં ચ ભગસ્ય ચ ।
વિ રાજ પત્યાં દેવૃષુ
સજાતાનાં વિરાડ્ ભવ ॥

યદ્ ગિરિષુ પર્વતેષુ
ગોષ્વ્ અશ્વેષુ યન્ મધુ ।
યેનાક્ષા અભ્યષિચ્યન્ત
તેનાહમ્ અસ્યા મૂર્ધાનમ્
અભિ ષિઞ્ચામિ નાર્યાઃ ॥

યદ્ વર્ચો ગવિ કલ્યાણે
યદ્ વા સૂયવસે તૃણે ।
અભ્યઞ્જનસ્ય યદ્ વર્ચસ્
તેન માનજ્મિ વર્ચસા ॥