પૈપ્પલાદ-સંહિતા · અધ્યાય 4.12

ત્વયા મન્યો સરથમ્ આરુજન્તો
હર્ષમાણાસો હૃષિતા મરુત્વન્ ।
તીક્ષ્ણેષવ આયુધા સંશિશાના
ઉપ પ્ર યન્તુ નરો અગ્નિરૂપાઃ ॥

અગ્નિર્ ઇવ મન્યો તરસા સહસ્વ
સેનાનીર્ નઃ સહુરે હૂત એધિ ।
જિત્વાય શત્રૂન્ વિ ભજાસિ વેદ
ઓજો મિમાનો વિ મૃધો નુદસ્વ ॥

સહસ્વ મન્યો અભિમાતિમ્ અસ્મે
રુજન્ મૃણન્ પ્રમૃણન્ન્ એહિ શત્રૂન્ ।
ઉગ્રં તે શર્ધો નન્વ્ આ રુરુધ્રે
વશી વશં નયાસા એકજ ત્વમ્ ॥

એકો બહૂનામ્ અસિ મન્યવ્ ઈડિતા
પશૂન્પશૂન્ યુદ્ધાય સં શિશાધિ ।
અકૃત્તરુક્ ત્વયા યુજા વયં
દ્યુમન્તં ઘોષં વિજયાય કૃણ્મહે ॥

વિજેષકૃદ્ ઇન્દ્ર ઇવાનવબ્રવો
ઽસ્માકં મન્યો અધિપા ભવેહ ।
પ્રિયં તે નામ સહુરે ગૃણીમસિ
વિદ્મા તમ્ ઉત્સં યત આબભૂવિથ ॥

આભૂત્યા સહસા વજ્ર સાયક
સહો બિભર્ષ્ય્ અભિભૂત ઉત્તરમ્ ।
ક્રત્વા નો મન્યો સહ મેદ્ય્ એધિ
મહાધનસ્ય પુરુહૂત સંસૃજિ ॥

સંસૃષ્ટં ધનમ્ ઉભયં સમાકૃતમ્
અસ્મભ્યં દત્તં વરુણશ્ ચ મન્યો ।
ભિયો દધાના હૃદયેષુ શત્રવઃ
પરાજિતા યન્તુ પરમાં પરાવતમ્ ॥