પૈપ્પલાદ-સંહિતા · અધ્યાય 3.37

સ્મર સ્મરો ઽસિ
દેવૈર્ દત્તો ઽસિ સ્મર ।
અમુષ્ય મન આ સ્મર
યથાહં કામયે તથા ॥

શોચયાસ્ય હૃદયં કામ ગચ્છ-
-અઙ્ગજ્વરો દહતુ શોચતુ ત્મના ।
સઙ્કલ્પા અસ્ય સમરન્તાધીભિર્
ઇયમ્ એવાસ્ય દિગમહન્યન્યાઃ ॥

નિરાનન્દાઃ પ્રમુચ્છદો મનોમુહો
નયુવો નષ્ટકૃત્વા અરણ્યવઃ ।
આવેશિનીઃ પ્રદ્રુપો રોપયિષ્ણુર્
એત આસ્તાધ્યઃ પ્ર હિણોમિ બ્રહ્મણા ॥

હૃત્કર્તની ઋતુદા ગ્રામાન્નાશનીઃ
સ્વપ્નચ્છિદ ઉઘ્નનીઘ્ના મનોમુહઃ ।
આવેશિનીઃ પ્રદ્રુપો રોપયિષ્ણુર્
એત આસ્તાધ્યઃ પ્ર હિણોમિ બ્રહ્મણા ॥

ઇન્દ્રાગ્ની મિત્રાવરુણા તે અદ્ય-
-ઉભે ચ દ્યાવાપૃથિવી માતરિશ્વા ।
અશ્વિના દેવઃ સવિતા ભગશ્ ચ
મનસ્ ત ઉ ઘ્નન્તુ ન રમાસા અત્ર ॥

ત્રયસ્ત્રિંશત્ ત્વા ઉત ઘ્નન્તુ દેવા
આધ્યશ્ ચિત્તમ્ ઉપ તે ભરન્તામ્ ।
ભરદ્વાજસ્ય મતયસ્ ત ઈશતાં
છિન્નેવ નૌર્ બન્ધનાત્ પ્ર પ્લવસ્વ ॥

એતાઃ પતન્ત્ય્ આધ્યો
વાર્ષિકીર્ ઇવ વિદ્યુતઃ ।
તાસાં પ્રતિગ્રહો ભવ
સાયં ગોષ્ઠે ગવામ્ ઇવ ॥

નિ શીર્ષતો નિ પાતિત
આધ્યો વેશયામિ તે ।
તાસ્ ત્વા સમુત્તુદન્તીર્
બોધયન્તીર્ ઉપાસતામ્ ॥

એતાસ્ ત આધ્યઃ પ્ર હિણોમિ બ્રહ્મણા
તૃપ્રા અશ્રીપુરોગવાઃ ।
તાસ્ ત્વા તૃણમ્ ઇવ શોષયાન્
અથો ત્વા રોદયાન્ બહુ ॥