પૈપ્પલાદ-સંહિતા · અધ્યાય 3.33

સમાસ્ ત્વાગ્ન ઋતવો વર્ધયન્તુ
સંવત્સર ઋષયો યાનિ સત્યા ।
સં દ્યુમ્નેન દીદિહિ રોચનેન
વિશ્વા આ ભાહિ પ્રદિશશ્ ચતસ્રઃ ॥

સં ચેધ્યસ્વાગ્ને પ્ર ચ બોધયૈનમ્
ઉચ્ ચ તિષ્ઠ મહતે સૌભગાય ।
મા તે રિષન્ન્ ઉપસત્તારો અત્ર
બ્રાહ્મણાસ્ તે યશસઃ સન્તુ માન્યે ॥

ત્વામ્ અગ્ને વૃણતે બ્રાહ્મણા ઇમે
શિવો અગ્ને પ્રતરણો ન એધિ ।
સપત્નહાગ્ને અભિમાતિજિદ્ ભવ
સ્વે ક્ષયે દીદિહ્ય્ અપ્રયુચ્છન્ ॥

ઇહૈવાગ્ને અધિ ધારયા રયિં
મા ત્વા દભન્ પૂર્વચિત્તા નિકારિણઃ ।
ક્ષત્રમ્ અગ્ને સુયમમ્ અસ્તુ તુભ્યમ્
ઉપસત્તા વર્ધતાં તે અનિષ્ટૃતઃ ॥

ક્ષત્રેણાગ્ને સ્વેન સં રભસ્વ
મિત્રેણાગ્ને મિત્રધેયં યતસ્વ ।
સજાતાનાં મધ્યમેષ્ઠેયમ્ અસ્યા
રાજ્ઞામ્ અગ્ને વિહવ્યો દીદિહીહ ॥

અતિ નિહો ઽતિ નિરૃતીર્
અત્ય્ અરાતીર્ અતિ દ્વિષઃ ।
વિશ્વા હ્ય્ અગ્ને દુરિતા તર ત્વમ્
અથાસ્મભ્યં સહવીરં રયિં દાઃ ॥

અનાધૃષ્યો જાતવેદા અનિષ્ટૃતો
વિરાડ્ અગ્ને ક્ષત્રભિર્ દીદિહીહ ।
વ્યમીવાઃ પ્રમુઞ્ચન્ માનુષેભ્યઃ
શિવેભિર્ અદ્ય પરિ પાહિ નો ગયૈઃ ॥