પૈપ્પલાદ-સંહિતા · અધ્યાય 20.59

પૈશિર્ માતા પેશિઃ પિતા
પૈશેયઃ પેશ્યા હતઃ ।
અદ્ધા કૃતસ્ય બ્રહ્મણા
વૃશ્ચિકસ્યારસં વિષમ્ ॥

નિર્ હ્વયામિ પર્ણસાદાન્
નિર્ ઉત્ પુચ્છાદ્ ઉ તે વિષમ્ ।
ભૂમિસ્ ત ઉચ્યતે માતા
તસ્યૈ તે નમ ઇત્ સૃજ ॥

કિમ્ ઉ દન્ત આમયતિ
કિમ્ અભૂદ્ ઉપવેશનમ્ ।
આપો નિર્ અસ્યતા ક્રિમિમ્
અગદે કૃણુતા હનૂ ॥

યત્ર ભૂમ્યા અનામૃતં
દિવિ ચન્દ્રમસિ શ્રિતમ્ ।
વિદ્વાઁ અહં તત્ર મન્યે
માહં પૌત્રમ્ અઘં નિ ગામ્ ॥

યત્ તે સુસીમે હૃદયમ્
અદો વૈ તત્ પ્રજાપતૌ ।
વેદામ તસ્ય તે વયં
(માહં પૌત્રમ્ અઘં નિ ગામ્) ॥

યત્ સુવર્ણાયા હૃદયં
પૃથિવ્યામ્ અધિ નિષ્ઠિતમ્ ।
વેદાહં તસ્યાસ્ તન્ નામ
(માહં પૌત્રમ્ અઘં નિ ગામ્) ॥

અગ્નેર્ હૃદયમ્ અસિ
વિદ્યુત્ તત્ ત્વા તથા વેદ ।
માહં પૌત્રમ્ અઘં નિ ગામ્ ॥

પ્રજા ઇમે પ્રજાપત
ઇન્દ્રાગ્ની શર્મ યચ્છતમ્ ।
યથાહં જ્યોગ્ ઇહાસાનિ
પ્રજાનામ્ અધિપા વશી ॥

યાં પ્રજામ્ અવિદામ્ અદ્ય્ -
- આત્મનઃ પરિનિર્મિતામ્ ।
આયુષ્મતીં તનૂકૃતાં
તાઁ અગ્ને જરસે નય ॥

ઇન્દ્ર ઇવાસાનિ સાસહિર્
અગ્નિર્ ઇવ જ્યોતિષા બૃહન્ ।
સૂર્ય ઇવ વિશ્વતઃ પ્રત્યક્
સમુદ્ર ઇવ દુષ્ટરઃ ॥