પૈપ્પલાદ-સંહિતા · અધ્યાય 20.49

સૃજામ્ય્ આપ ઉશતીર્ ઉપેમાઃ
સંરરાણાઃ પયસા સં બભૂવુઃ ।
દત્તો અસ્મભ્યં દ્રવિણેહ ભદ્રા
અપાં પ્રતિ પ્રતિ ગૃહ્ણાત્વ્ એનાઃ ॥

ઉચ્ છ્રયસ્વ બહુર્ ભવ
સ્વેન મહસા યવ ।
પૃણીહિ સર્વા પાત્રાણિ
મા ત્વા દિવ્યાશનિર્ વધીત્ ॥

આશૃણ્વન્તં યવં દેવં
યત્ર ત્વાચ્છાવદામસિ ।
તદ્ ઉચ્ છ્રયસ્વ દ્યૌર્ ઇવ
સમુદ્ર ઇવૈધ્ય્ અક્ષિતઃ ॥

અક્ષિતાસ્ ત ઉપસદો
અક્ષિતાઃ સન્તુ રાશયઃ ।
પૃણન્તો અક્ષિતાઃ સન્ત્વ્
અત્તારઃ સન્ત્વ્ અક્ષિતાઃ ॥

સકૃદ્ યદ્ દ્યૌર્ અજાયત
સકૃદ્ ભૂમિર્ અજાયત ।
સકૃદ્ યઃ પૃશ્નિયા દુગ્ધં
તદ્ અન્યો નાનુ જાયતે
મા ત્વાનુ જનિ કશ્ ચન ॥

ઇષ્વગ્રમ્ ઇષુયાવનં
મણિં કૃણ્વે સુમઙ્ગલમ્ ।
સ મા શરવ્યાભ્યઃ પાતુ
દિવાનક્તં ચ જીવસે ॥

પ્રતિષ્ઠિતો ઽસિ બ્રહ્મણા
જમ્ભયામસિ ત્વા વયમ્ ।
અપામાર્ગેણ વિદ્વલા
ઇદં ત્વાપ મૃજ્મહે
યુવન્તં ક્ષિપન્તં જહિ ॥

શીર્ણં ત એતન્ ન ક્ષુતં ત એતત્
સંક્ષુતં દુઃક્ષુતં તુભ્યમ્ અસ્તુ ।
રુદ્રાશનિષ્ ટે જઘનેન ગ્રીવા
ઇન્દ્ર ઇવ વૃત્રં વજ્રેણ હન્તુ ॥

અનુહવં પરિહવં
પરિવાદં પરિક્ષવમ્ ।
સવ્યેર્મં રિક્તકુમ્ભાં
પરા તાં સવિતઃ સુવ ॥

અપપાપં પરિક્ષવં
પુણ્યં ભક્ષીમહિ ક્ષવમ્ ।
શિવા તે પાપનાસિકાં
પર્ણકશ્ ચાભિ મેહતામ્ ॥