પૈપ્પલાદ-સંહિતા · અધ્યાય 20.4

સાવીર્ હિ દેવ પ્રથમાય પિત્રે
વર્ષ્માણમ્ અસ્મૈ વરિમાણમ્ અસ્મૈ ।
અથાસ્મભ્યં સવિતર્ વાર્યાણિ
દ્વેદ્વે આ સુવા ભૂરિ પશ્વઃ ॥

ભદ્રાદ્ અધિ શ્રેયઃ પ્રેહિ
બૃહસ્પતિઃ પુરએતા તે અસ્તુ ।
અથેમમ્ અસ્યા વર આ પૃથિવ્યા
આરેશત્રું કૃણુહિ સર્વવીરમ્ ॥

દમૂના દેવઃ સવિતા વરેણ્યો
દધદ્ રત્નં દક્ષં પિતૃભ્ય આયૂંષિ ।
પિબાત્ સોમં મમદદ્ એનમ્ ઇષ્ટે
પરિજ્મા ચિદ્ રમતે અસ્ય ધર્મણિ ॥

તાં સવિતુઃ સત્યસવસ્ય ચિત્રાં
વયં દેવસ્ય પ્રસવે વનામહે ।
યામ્ અસ્ય કણ્વો અદુહત્ પ્રપીનાં
સહસ્રધારાં મહિષો ભરાય ॥

કો નો અસ્યા દ્રુહો ઽવદ્યવત્યા
ઉન્ નેષતિ ક્ષત્રિયો વસ્ય ઇચ્છન્ ।
કઃ પૂર્તિકામઃ ક ઉ યજ્ઞકામઃ
કો દેવેષુ વનુતે દીર્ઘમ્ આયુઃ ॥

કઃ પૃશ્નિં ધેનું વરુણેન દત્તામ્
અથર્વણે સુદુઘાં નિત્યવત્સામ્ ।
તાં બૃહસ્પત્યા સખ્યા દુહાનો
યથાવશં તન્વઃ કલ્પયાતિ ॥

ન ઘ્રંસ્ તતાપ ન હિમો જઘાન
પ્ર સર્સૃતે પૃથિવી જીરદાનુઃ ।
આપશ્ ચિદ્ અસ્મૈ સદમ્ ઇત્ ક્ષરન્તિ
યત્ર સોમઃ સદમ્ ઇત્ તત્ર ભદ્રમ્ ॥

યસ્યા ઇદં પ્રદિશિ યદ્ વિરોચતે
અનુમતિં પ્રતિ ભૂષન્ત્ય્ આયવઃ ।
યસ્યા ઉપસ્થ ઉર્વ્ અન્તરિક્ષં
સા નઃ શર્મ બહુલં નિ યચ્છાત્ ॥

અન્વ્ અદ્ય નો અનુમતિર્
યજ્ઞં દેવેષુ યચ્છતામ્ ।
અગ્નિશ્ ચ હવ્યવાહનો
ભવતાં દાશુષે મયઃ ॥

અન્વ્ ઇદ્ અનુમતે ત્વં
મંસસે શં ચ નસ્ કૃધિ ।
ઇષં તોકાય નો દધઃ
પ્ર ણ આયૂંષિ તારિષઃ ॥