પૈપ્પલાદ-સંહિતા · અધ્યાય 20.5

અનુ મન્યતામ્ અનુમન્યમાના
પ્રજાવતીષમ્ અક્ષીયમાણમ્ ।
તસ્યા વયં હેડસિ મા વિ ભૂમ
સા નો દેવી સુહવા શર્મ યચ્છતુ ॥

અનુમતે અનુ મન્યસ્વ તા નો
યા તે વયં ચકૃમા યા તનૂભિઃ ।
યા તોકેષુ તનુષુ યા પ્રજાયાં
યા ગોષ્વ્ ઓષધીષ્વ્ અપ્સ્વ્ અન્તઃ ॥

આ નો દેવ્ય્ અનુમતિર્ જગમ્યાત્
સુક્ષત્રતાવીરતા યા સુજાતા ।
ભદ્રા હ્ય્ અસ્યાઃ પ્રમતિર્ બભૂવ
સેમં યજ્ઞમ્ અવતુ દેવજુષ્ટમ્ ॥

અનુમતિર્ વિશ્વમ્ ઇદં જજાન
યદ્ એજતિ ચરતિ યચ્ ચ તિષ્ઠતિ ।
તસ્યાસ્ તે દેવિ સુમતૌ સ્યામ્-
-આનુમતે અનુ હિ મંસસે નઃ ॥

યત્ તે નામ સુહવં સુપ્રણીતે
અનુમતે અનુમતં સુદાનુ ।
તેન ત્વં સુમતિં દેવ્ય્ અસ્મા
ઇષં પિન્વ વિશ્વવારં સુવીરમ્ ॥

પ્રજાભ્યસ્ ત્વા પ્રજાસ્ ત્વાનુ પ્રાણન્તુ પ્રજા અનુ પ્રાણિહિ ।
શુક્રં તે શુક્રેણ ચન્દ્રં ચન્દ્રેણામૃતમ્ અમૃતેન ક્રીણામિ ॥

તપસસ્ તનૂર્ અસિ
પ્રજાપતેર્ વર્ણઃ ।
પરમેણ પશુના ક્રીયસે ॥

અભિ ત્યં દેવં સવિતારમ્ ઓણ્યોઃ કવિક્રતુમ્ ।
અર્ચામિ સત્યસવં રત્નધામ્ અભિ પ્રિયં મતિમ્ ॥

ઊર્ધ્વા યસ્યામતિર્ ભા અદિદ્યુતત્ સવીમનિ ।
હિરણ્યપાણિર્ અમિમીત સુક્રતુઃ કૃપા સ્વઃ ॥

અયં સહસ્રમાનૃષિઃ કવીનાં
મતિર્ જ્યોતિર્ વિધર્મણિ ।
બ્રધ્નઃ સમીચીર્ ઉષસઃ સમ્ ઈરયાત્ ॥