પૈપ્પલાદ-સંહિતા · અધ્યાય 20.25

દૂરાદ્ ભેષજમ્ આભૃતં
બહૂન્ય્ અતિ યોજના ।
અપશ્યમ્ અસ્યન્તં રુદ્રં
ન દૃષ્ટો દુષ્કૃતં કરત્ ॥

ભિનદ્મિ તે પરાવતો
વત્સસ્ય શેપ્યામ્ ઇવ ।
વૃષેદ્ અસો યથા મયિ
કૃષ્ણો વિષાણવાઁ ઇવ ॥

સર્વા ગાવઃ સંમનસઃ
સચ્છવયઃ સનાભયઃ ।
સમાનં બિભ્રતીર્ નામ
વત્સા ઉદ્ રિહતાં મિથઃ ॥

ઇન્દ્રસ્ ત્વાગ્રે અવાનયત્
સવિતા ત્વોતાપરઃ ।
તૃતીયમ્ અશ્વિના ત્વાઘ્ન્યે વાઞ્છ ॥

આ તે નયતુ સવિત્-
-આ નયતુ બૃહસ્પતિઃ ।
પતિર્ યઃ પ્રતિકામ્યસ્
તમ્ અસ્યૈ ધેહ્ય્ ઓષધે ॥

ઇન્દ્રં વયમ્ અનુરાધમ્ ઇત્ય્ એકા ॥

ભગ પ્રેહિ પ્રથમો
ઽનુ ત્વા વયમ્ એમસિ ।
ઇન્દ્રાગ્ની બ્રહ્મણાસ્માન્
સ્વસ્તિ નયતાં પથા ॥

અદિતિઃ પ્રૈતુ પ્રથમા
બૃહસ્પતિઃ પુરએતા તે અસ્તુ ।
ઇન્દ્રો ભયં વ્ય્ અસ્યતુ
શૂદ્રાચ્ ચ ન આર્યાચ્ ચ ॥

ઇમે યે અનસિ યુક્તા
ઉષ્ટારા ઉત પીલ્વા ।
તેષાં સમ્ અગ્રભં પદઃ
સમ્ ઈર્માન્ સમ્ ઉ સક્થ્યઃ ॥

વિ મધ્યમા અપ્રોષત
ગર્દભા ક્ષિપિતા ઇવ ।
અથાસુરસ્ય માયયા
મયીદં સ્થાપયામસિ ॥