પૈપ્પલાદ-સંહિતા · અધ્યાય 20.18

અભિ પ્રાગાત્ સહસ્રાક્ષો
યુક્ત્વા શપથો રથમ્ ।
શપ્તારમ્ અન્વિચ્છન્ યાતુ
વૃક ઇવાવિમતો ગૃહમ્ ॥

પરિ ણો વૃઙ્ધિ શપથ
હ્રદમ્ અગ્નિર્ ઇવ દહન્ ।
શપ્તારમ્ અત્ર ત્વં જહિ
દિવ્યા વૃક્ષમ્ ઇવાશનિઃ ॥

યો નઃ શપાદ્ અશપતઃ
શપતો યશ્ ચ નઃ શપાત્ ।
વૃક્ષ ઇવ વિદ્યુતા હત
આ મૂલાદ્ અનુ શુષ્યતુ ॥

શપ્તારં યન્તુ શપથા
યઃ સુહાર્ત્ તેન નઃ સહ ।
જિહ્વાશ્લક્ષ્ણસ્ય દુર્હાર્દઃ
પૃષ્ટીર્ અપિ શૃણીમસિ ॥

યં દ્વિષ્મો યશ્ ચ નો દ્વેષ્ટ્ય્
અઘાયુર્ યશ્ ચ નઃ શપાત્ ।
શુને પેષ્ટ્રમ્ ઇવાવક્ષામં
તં પ્રત્ય્ અસ્યામિ મૃત્યવે ॥

પ્રેતો યન્તુ વ્યાધ્યઃ
પ્રાનુધ્યાઃ પ્રો અશસ્તયઃ ।
અગ્ની રક્ષસ્વિનીર્ હન્તુ
સોમો હન્તુ દુરસ્યતીઃ ॥

પ્ર ચતેતઃ પાપિ લક્ષ્મિ
નશ્યેતઃ પ્રામુતઃ પત ।
અયસ્મયેનાઙ્કેન
યં દ્વિષ્મસ્ તસ્મિન્ ત્વા સૃજામઃ ॥

યા ત્વા લક્ષ્મીઃ પતયાલૂર્ અજુષ્ટ્ -
-આધિચસ્કન્દ વન્દનેવ વૃક્ષમ્ ।
અન્યત્રાસ્મત્ સવિતસ્ તામ્ ઇતો ધા
હિરણ્યહસ્તો વસુ નો રરાણઃ ॥

નિર્ અરણીં સવિતા સાવિષત્ પદોર્
નિર્ હસ્તયોર્ વરુણો મિત્રો અર્યમા ।
નિર્ આદિત્યા અનુમતી રરાણાઃ
પ્ર ણઃ સુવાત્ સવિતા સૌભગાય ॥

એકશતં લક્ષ્મ્યઃ
સાકં મર્ત્યસ્ય જનુષેહ જાતાઃ ।
તાસાં પાપિષ્ઠા નિર્ અતઃ પ્ર હિણ્મઃ
શિવાસ્મભ્યં જાતવેદો નિ યચ્છ ॥