પૈપ્પલાદ-સંહિતા · અધ્યાય 2.5

દ્યાવાપૃથિવી ઉર્વ્ અન્તરિક્ષં
ક્ષેત્રસ્ય પત્ન્ય્ ઉરુગાયો અદ્ભુતઃ ।
ઉતાન્તરિક્ષમ્ ઉરુ વાતગોપં
તે ઘ તપ્યન્તાં મયિ તપ્યમાને ॥

ઇદમ્ ઇન્દ્ર શૃણુહિ સોમપ
યત્ ત્વા હૃદા શોચતા જોહવીમિ ।
વૃશ્ચામિ તં કુલિશેનેવ વૃક્ષં
યો અસ્માકં મન ઇદં હિનસ્તિ ॥

ઇદં દેવાઃ શૃણુત યે ચ યજ્ઞિયા સ્થ
ભરદ્વાજો મહ્યમ્ ઉક્થાનિ શંસતુ ।
પાશે સ બદ્ધો દુરિતે નિ યુજ્યતાં
યો અસ્માકં મન ઇદં હિનસ્તિ ॥

અશીતિભિસ્ તિસૃભિઃ સામગેભિર્
આદિત્યેભિર્ વસુભિર્ અઙ્ગિરોભિઃ ।
ઇષ્ટાપૂર્તમ્ અવતુ નઃ પિતૄણામ્
આમું દદે હરસા દૈવ્યેન ॥

દ્યાવાપૃથિવી અનુ મા દીધીથાં
વિશ્વે દેવાસો અનુ મા રભધ્વમ્ ।
અઙ્ગિરસઃ પિતરઃ સોમ્યાસઃ
પાપમ્ આ ર્ચ્છત્વ્ અપકામસ્ય કર્તા ॥

અતીવ યો મરુતો મન્યતે નો
બ્રહ્મ વા યો નિન્દિષત્ ક્રિયમાણમ્ ।
તપૂંષિ તસ્મૈ વૃજિનાનિ સન્તુ
બ્રહ્મદ્વિષમ્ અભિ તં શોચતુ દ્યૌઃ ॥

આ દધામિ તે પદં
સમિદ્ધે જાતવેદસિ ।
અગ્નિઃ શરીરં વેવેષ્ટુ
યમં ગચ્છતુ તે અસુઃ ॥

સપ્ત પ્રાણાન્ અષ્ટૌ મજ્જ્ઞસ્
તાંસ્ તે વૃશ્ચામિ બ્રહ્મણા ।
યમસ્ય ગચ્છ સાદનમ્
અગ્નિદૂતો અરંકૃતઃ ॥