ગ્રંથ પાઠ

પૈપ્પલાદ-સંહિતા · અધ્યાય 2.4

2.4.1

નિઃસાલાં ધૃષ્ણું ધિષણમ્
એકાવાદ્યાં જિઘત્સ્વમ્ ।
સર્વાશ્ ચણ્ડસ્ય નપ્ત્યો
નાશયામઃ સદાન્વાઃ ॥

2.4.2

યદિ વા ઘ ક્ષેત્રિયાદ્
યદિ વા પુરુષેષિતાઃ ।
યદિ સ્થ દસ્યુભ્યો જાતા
નશ્યતેતઃ સદાન્વાઃ ॥

2.4.3

પરિ ધામાન્ય્ આસામ્
આશુર્ ગાષ્ઠામ્ ઇવાસરમ્ ।
અજૈષં સર્વાઁ આજીન્ વો
નશ્યતેતઃ સદાન્વાઃ ॥

2.4.4

નિર્ વો ગોષ્ઠાદ્ અજામસિ
નિર્ યોનેર્ નિર્ ઉપાનસાત્ ।
નિર્ વો મગુન્દ્યા દુહિતરો
ગૃહેભ્યશ્ ચાતયામસિ ॥

2.4.5

અમુષ્મિન્ન્ અધરે ગૃહે
સર્વાઃ સન્ત્વ્ અરાય્યઃ ।
તત્ર પાપ્મા ન્ય્ ઉચ્યતુ
સર્વાશ્ ચ યાતુધાન્યઃ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0