પૈપ્પલાદ-સંહિતા · અધ્યાય 2.6

વેનસ્ તત્ પશ્યત્ પરમં પદં
યત્ર વિશ્વં ભવત્ય્ એકનીડમ્ ।
ઇદં ધેનુર્ અદુહજ્ જાયમાનાઃ
સ્વર્વિદો અભ્ય્ અનૂષત વ્રાઃ ॥

પ્ર તદ્ વોચેદ્ અમૃતં ન વિદ્વાન્
ગન્ધર્વો ધામ પરમં ગુહા યત્ ।
ત્રીણિ પદા નિહિતા ગુહાસ્ય
યસ્ તાનિ વેદ સ પિતુષ્ પિતાસત્ ॥

સ નો બન્ધુર્ જનિતા સ વિધર્તા
ધામાનિ વેદ ભુવનાનિ વિશ્વા ।
યત્ર દેવા અમૃતમ્ આનશાનાઃ
સમાને ધામન્ન્ અધ્ય્ ઐરયન્ત ॥

પરિ વિશ્વા ભુવનાન્ય્ આયમ્
ઉપાતિષ્ઠે પ્રથમજા ઋતસ્ય ।
વાચમ્ ઇવ વક્તરિ ભુવનેષ્ઠા
ધાસ્યુર્ ન્વ્ એષ નન્વ્ એષો અગ્નિઃ ॥

પરિ દ્યાવાપૃથિવી સદ્ય આયમ્
ઋતસ્ય તન્તું વિતતં દૃશે કમ્ ।
દેવો દેવત્વમ્ અભિરક્ષમાણઃ
સમાનં બન્ધું વ્ય્ અપૃચ્છદ્ એકઃ ॥