પૈપ્પલાદ-સંહિતા · અધ્યાય 2.23

ગવાં ગૃહાણાં રસમ્ ઓષધીનામ્
અનુજ્યેષ્ઠં વર્ચ આયુર્ વિકલ્પ્ય ।
સ મા હિંસીઃ પિતરૌ વર્ધમાનો
ભદ્રાચ્ છ્રેયાંસમ્ અભિ લોકમ્ એહિ ॥

યદીદં ભક્તં યદિ વા વિભક્તં
ક્ષેત્રં દેવાનાં યદિ વા પિતૄણામ્ ।
યદિ સૂર્ય ઉદિતે યદિ વા મનુષ્યવચ્
છિવા નો અસ્તુ પૃથિવી ઉત દ્યૌઃ ॥

ઊર્જો વાં ભાગો વર આ પૃથિવ્યા
દેવી દ્વારૌ બ્રહ્મણા વાં ધારયામિ ।
શિવં શગ્મમ્ અવસાનં નો અસ્તુ
રાતં દેવેભિઃ પિતૃભિર્ મનુષ્યૈઃ ॥

વિશ્વાવસોસ્ ત્વા સદનં કુલાયં
ગન્ધર્વાસો વેધસો મહ્યમ્ ઊચુઃ ।
સ મા હિંસીઃ શેવધિં યં ત એતં
શતં હિમાઃ પરિ દદ્મો મનુષ્યમ્ ॥

રુદ્રા ઉત્સે સદમ્ અક્ષીયમાણે
દેવા મદન્તિ પિતરો મનુષ્યાઃ ।
અયં ભાગો ભાગપતિશ્ ચ દેવા
ઉર્વીર્ અસ્તર્યાઃ શરદસ્ તરેમ ॥