ગ્રંથ પાઠ

પૈપ્પલાદ-સંહિતા · અધ્યાય 2.24

2.24.1

યો અસ્મિન્ યક્ષ્મઃ પુરુષે પ્રવિષ્ટ
ઇષિતં દૈવ્યં સહઃ ।
અગ્નિષ્ ટં ઘૃતબોધનો
અપ સ્કન્દયત્વ્ અધિ દૂરમ્ અસ્મત્
સો અન્યેન સમ્ ઋચ્છતાં
તમ્ અસ્મૈ પ્ર સુવામસિ ॥

2.24.2

યસ્ ત્વા યક્ષ્મો દેવેષિત
ઇષિતઃ પિતૃભિશ્ ચ યઃ ।
તસ્માત્ ત્વા વિશ્વે દેવા
મુઞ્ચન્તુ પર્ય્ અંહસઃ ।
તે તે યક્ષ્મમ્ અપ સ્કન્દયન્ત્વ્ અધિ (…) ।
(…) ॥

2.24.3

યત્ ત્વમ્ એનો અન્યકૃતં
યદ્ આત્મકૃતમ્ આરિથ ।
તસ્માત્ ત્વા વિશ્વા ભૂતાનિ
મુઞ્ચન્તુ પર્ય્ અંહસઃ ।
તાનિ તે યક્ષ્મમ્ અપ સ્કન્દયન્ત્વ્ અધિ (…)
(…) ॥

2.24.4

યત્ ત્વા સ્વ આદૃશા
યદ્ વા ચકાર નિષ્ટ્યઃ ।
તસ્માત્ ત્વા પૃથિવી માતા
મુઞ્ચતુ પર્ય્ અંહસઃ ।
સા તે યક્ષ્મમ્ અપ સ્કન્દયત્વ્ અધિ (…)
(…) ॥

2.24.5

અપસ્કન્દેન હવિષા
યક્ષ્મં તે નાશયામસિ ।
તદ્ અગ્નિર્ આહ તદ્ ઉ સોમ આહ
બૃહસ્પતિઃ સવિતા તદ્ ઇન્દ્રઃ ।
તે તે યક્ષ્મમ્ અપ સ્કન્દયન્ત્વ્ અધિ દૂરમ્ અસ્મત્
સો અન્યેન સમ્ ઋચ્છતાં
તમ્ અસ્મૈ પ્ર સુવામસિ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0