પૈપ્પલાદ-સંહિતા · અધ્યાય 2.22

યુનક્ત સીરા વિ યુગા તનોત
કૃતે ક્ષેત્રે વપતેહ બીજમ્ ।
વિરાજઃ શ્નુષ્ટિઃ સભરા અસન્ નો
નેદીય ઇત્ સૃણ્યઃ પક્વમ્ આ યવમ્ ॥

સીરા યુઞ્જન્તિ કવયો
યુગા વિ તન્વતે પૃથગ્
ધીરા દેવેષુ સુમ્નયૌ ।
અનડ્વાહઃ પુરુષા યે કૃષન્તિ
લાઙ્ગલં ફાલં સમ્ અનજ્મિ સ્ફાત્યા ॥

શુનં કીનાશો અન્વ્ એતુ વાહાઞ્
છુનં ફાલો વિનુદન્ન્ એતુ ભૂમિમ્ ।
શુનાસીરા હવિષા યો યજાતૈ
સુપિપ્પલા ઓષધયઃ સન્તુ તસ્મૈ ॥

શુનં નરો લાઙ્ગલેનાનડુદ્ભિર્
ભગઃ ફાલૈઃ ક્ષેત્રપતિર્ મરુદ્ભિઃ ।
પર્જન્યો બીજમ્ ઇરયેદં હિનોતુ
શુનાસીરા કૃણુતં ધાન્યેહ ॥

ઇન્દ્રઃ સીતાં નિ ગૃહ્ણાતુ
તાં પૂષાભિ રક્ષતુ ।
સા નઃ પયસ્વતી દુહામ્
ઉત્તરામુત્તરાં સમામ્ ॥

ઉદ્ અસ્થાદ્ રથજિદ્ ગોજિદ્ અશ્વજિદ્ ધિરણ્યજિત્
સૂનૃતયા પરીવૃતઃ ।
એકચક્રેણ સવિતા રથેન-
-ઊર્જો ભાગૈઃ પૃથિવીમ્ એત્ય્ આપૃણન્ ॥