પૈપ્પલાદ-સંહિતા · અધ્યાય 19.55

યયોઃ સર્વમ્ ઇદમ્ આર્પિતં વશે
ભૂતં ચ નિમિષચ્ ચ ચેષ્ટત્ ।
તૌ મા વદન્તં ગૃહ્ણીતામ્ ઉપદ્રષ્ટારમ્ અત્ર
માસ્યોચ્ છેષ્ય્ અયથાવત્ પ્રજાપતે ॥

યો મા વદન્તં હૃદયેન વાચા
વાચા શ્રોત્રેણ મનસા જિહૃક્ષાત્ ।
તમ્ ઇન્દ્રો દેવો વરુણો બૃહસ્પતિર્
ઈશાનો દેવો અભિ યાતુ મૃત્યુર્
યથા ન જીવાદ્ ઉષસં તૃતીયામ્ ॥

યો મા જિહૃક્ષાદ્ બ્રહ્મીયાન્ મન્યમાન
ઇત્થં વિદ્વાંસં પ્રમતિર્ મતીનામ્ ।
તમ્ ઇન્દ્રો દેવો વરુણો બૃહસ્પતિર્
ઈશાનો દેવો અભિ યાતુ મૃત્યુર્
યથા ન જીવાદ્ ઉષસં તૃતીયામ્ ॥

પ્રત્યગ્વધેનાસ્યાપિ દધામિ
પ્રાણં મો દાનં વિદત યો મા જિહૃક્ષાત્ ।
સો અસ્યાયુર્ આ છિનત્તુ કુલિશેનેવ વૃક્ષં
યથા ન જીવાદ્ ઉષસં તૃતીયામ્ ॥

યસ્યા અક્ષરમ્ એકમ્ એવ
પરઃ સહસ્રા અયુતં ચ શાખાઃ ।
તસ્યા વાચો વિદથાવદન્તં
યો મા જિહૃક્ષાત્ સ ન્વ્ એત્વ્ આર્તિમ્ ॥

ઉષા વા આદિત્યમ્ ઐન્ધ
સ ઉષસેદ્ધ ઉદ્ ઐત્ સ ઉદ્યન્ પ્રજાભ્ય આતપત્
સો ઽપ તમો ઽહત સો ઽન્નાદ્યમ્ અવારુન્ધ ।
અપ તમો હતે ઽન્નાદો ભવતિ ય એવં વેદ ॥

વાતો વા અગ્નિમ્ ઐન્ધ
સ વાતેનેદ્ધો ઽજ્વલત્ સો ઽદીપ્યત
સો ઽપ તમો ઽહત સો ઽન્નાદ્યમ્ અવારુન્ધ ।
અપ તમો હતે ઽન્નાદો ભવતિ ય એવં વેદ ॥

મનોમયી બ્રાહ્મણમ્ ઐન્ધ
સ બ્રહ્મચર્યમ્ અવસત્ સ વેદમ્ અન્વ્ અબ્રૂત
સો ઽપ તમો ઽહત સો ઽન્નાદ્યમ્ અવારુન્ધ ।
અપ તમો હતે ઽન્નાદો ભવતિ ય એવં વેદ ॥

હોમેન પ્રતિરન્ પ્રજાપતે દમ્પતી પરિ દધામિ પુષ્ટ્યા ।
રાયસ્પોષં સવિતર્ નિ યચ્છ
જરામૃત્યૂ કૃણુહિ સર્વવીરૌ ॥

અયં હોમો વર્ધયન્ન્ એતુ દમ્પતી
પ્રજાવન્તૌ પશુવન્તૌ સુવીરૌ ।
રાયસ્પોષં સવિતર્ નિ યચ્છ
જરામૃત્યૂ કૃણુહિ સર્વવીરૌ ॥

ગોમન્તં પશુમન્તમ્ અશ્વમન્તં
હોમં દમ્પતીભ્યાં જુહોમિ ।
રાયસ્પોષં સવિતર્ નિ યચ્છ
જરામૃત્યૂ કૃણુહિ સર્વવીરૌ ॥

જીવા સ્થ જીવ્યાસં સર્વમ્ આયુર્ જીવ્યાસમ્ ॥

ઉપજીવા સ્થોપ જીવ્યાસં સર્વમ્ આયુર્ જીવ્યાસમ્ ॥

સંજીવા સ્થ સં જીવ્યાસં સર્વમ્ આયુર્ જીવ્યાસમ્ ॥

જીવલા સ્થ જીવ્યાસં સર્વમ્ આયુર્ જીવ્યાસમ્ ॥

પ્રજાપતેર્ આકૂતિર્ અસિ સાહસ્રી પુષ્ટિઃ ।
પ્રજાપતેર્ આકૂત્યાહં સાહસ્ર્યા પુષ્ટ્યા
સાહસ્રાન્ પશૂન્ પુષેયમ્ ॥

બૃહસ્પતેર્ આકૂતિઃ (…) ।
બૃહસ્પતેર્ આકૂત્યા (…) ॥

બ્રહ્મણ આકૂતિર્ અસિ સાહસ્રી પુષ્ટિઃ ।
બ્રહ્મણ આકૂત્યાહં સાહસ્ર્યા પુષ્ટ્યા
સાહસ્રાન્ પશૂન્ પુષેયમ્ ॥