પૈપ્પલાદ-સંહિતા · અધ્યાય 19.48

આ વદ બહુલં ગોષ્ઠં
સુવીરં બહુપૂરુષમ્ ।
યથેતો ન પ્રમીયાતા
એવા મે ગોષ્ઠમ્ આ વદ ॥

આ વદ દુહિતુષ્ પતે
ભ્રાતુર્ જામાતર્ આ વદ ।
પશ્ચા ત ઉદ્ભૂતઃ સ્ફિગઃ
કિષ્કિન્ધાનામ્ અવીર્ જહિ ॥

યદ્ ઉલૂકો વદતિ મોઘમ્ એતદ્
યત્ કપોતઃ પદમ્ અગ્નૌ કૃણોતિ ।
શ્રુતકર્ણાય કવયે સ્તોમ્યાય
તસ્મૈ યમાય નમો અસ્ત્વ્ અદ્ય ॥

ય ઐન્દ્રાઃ પાશા યે ચ વારુણા
આરે અસ્મત્ તાન્ દેવી નિરૃતિર્ દધાતુ ॥

યે વૈશ્વાનરાઃ પાશા યે ચ મારુતા
આરે અસ્મત્ તાન્ દેવી નિરૃતિર્ દધાતુ ॥

યે વૈશ્વદેવાઃ પાશા યે ચ વૈશ્વકર્મણા
આરે અસ્મત્ તાન્ દેવી નિરૃતિર્ દધાતુ ॥

નારદે કિતવે વરુણે સોમ
ઐચ્છન્ મહિમાનં મહાન્તમ્ ।
અવિન્દત્ તં વિશ્વકર્મા સમુદ્રે
અક્ષાણાં ક્લન્દમ્ ઐનમ્ અસ્મિન્ દધામિ ॥

યદ્ ધસ્તયોર્ યચ્ ચક્ષુષોર્
મનો યત્ પ્રવિવેશ તે ।
સ્કન્દાન્ અસ્ય પ્રસ્કન્દેન
ક્લન્દેન ક્લન્દયામિ તત્ ॥

તિસ્રો દેવીર્ અપ્સરસ આકૈકા સાકૈકા પ્રેતપ્રયામ્ એત્ય્ એકસ્યા નામ ।
જુષાણા અપ્સરસ આજ્યસ્ય સહસો વ્યન્તુ સ્વાહા ॥

અત્યાક્ષં ત્વા મનસા-
-અત્યાક્ષં હૃદયેન ત્વા ।
અત્યાક્ષં સર્વૈર્ અઙ્ગૈસ્ ત્વા
તથા હિ ત્યજનં કૃતમ્ ॥

ઇમા યાઃ પ્રતિ નન્દથ
સ્ત્રિયઃ પુમાંસમ્ અન્વિતમ્ ।
સર્વાઃ સંગત્ય બ્રૂત
તેજને ત્યજનં કૃતમ્ ॥

ત્યજનં મે દ્યાવાપૃથિવી અધાતાં
ત્યજનં દેવઃ સવિતા બૃહસ્પતિઃ ।
અગ્નિશ્ ચ તુભ્યં સૂર્યશ્ ચ
તેજને ત્યજનં કૃતમ્ ॥

સં દિવઃ સં પૃથિવ્યાઃ
સં વાતાત્ સં નદીભ્યઃ ।
સંસ્કન્દમ્ ઇન્દ્ર આભરત્
સ આગાત્ સો ઽગાદ્ ઇદમ્ ॥

સંસ્કન્દમ્ ઓજ ઓજસા
દેવેભિર્ નામ તે હિતમ્ ।
હિરણ્યનામ નામ તે
સંસ્કન્દાસ્ય્ ઓષધે ॥

સં સમુદ્રો નદીભિઃ
સં દ્યાવાપૃથિવી ઉભે ।
સં જાયા પત્યા યોન્યાં
સંસ્કન્દાસ્ય્ ઓષધે ॥

સં તે શીર્ષ્ણઃ કપાલાનિ
સં યોનિં સંગવીન્યૌ ।
સં તે સર્વાણ્ય્ અઙ્ગાનિ
સં સ્કન્દેનાભિ દધ્મસિ ॥

શ્રિયં ધાતુર્ મયિ ધેહિ
શ્રિયા માધિપતિં કૃણુ ।
વિશામ્ ઈશાનો મઘવાન્
ઇન્દ્રો મા યશસા નયત્ ॥

મયિ ત્યદ્ ઇન્દ્રિયં બૃહન્
મયિ દક્ષ ઉત ક્રતુઃ ।
ઘર્મસ્ ત્રિશ્ ચિદ્ વિ ભાતુ મા
ગાયત્રીચ્છન્દસા વિરાડ્જ્યોતિષા
તસ્ય દોહમ્ અશીય ॥

અર્કાસધસ્થૌ કવિમાતરિશ્વાનૌ યમાઙ્ગિરસઃ ।
યશસ્વિનં મા દેવા યશસઃ કૃણુત સ્વાહા ॥