પૈપ્પલાદ-સંહિતા · અધ્યાય 19.47

ય આખો યો વ્યુખો
વીણવાઁ ઇહ સર્પતિ ।
તં પરિ પરિભેષજં
વૃશ્ચિકજમ્ભનમ્ અસિ ॥

મયૂરો અત્તિ વૃશ્ચિકં
મયૂરં વયમ્ અદ્મસિ ।
તં પરિ પરિભેષજં
વૃશ્ચિકજમ્ભનમ્ અસિ ॥

આપ ઇદ્ વા ઉ ભેષજીર્
આપો અમીવચાતનીઃ ।
આપો વિશ્વસ્ય ભેષજીર્
આપો વૃશ્ચિકજમ્ભનીઃ ॥

ત્વમ્ અગ્ને વ્રતપા અસિ
દેવ આ મર્ત્યેષ્વ્ આ ।
ત્વં યજ્ઞેષ્વ્ ઈડ્યઃ ॥

યદ્ વો વયં પ્રમિનામ વ્રતાનિ
વિદુષાં દેવા અવિદુષ્ટરાસઃ ।
અગ્નિષ્ ટદ્ વિશ્વાદ્ આ પૃણાતુ વિદ્વાન્
સોમસ્ય યો બ્રાહ્મણાઁ આવિવેશ ॥

આ દેવાનામ્ અપિ પન્થામ્ અગન્મ
યચ્ છક્નવામ તદ્ અનુ પ્રવોધુમ્ ।
અગ્નિર્ વિદ્વાન્ સ યજાત્ સ ઇદ્ ધોતા
સો અધ્વરં સ ઋતૂન્ કલ્પયાતિ ॥

ઉત્ તુદા ઇ શિમિદ્વતીં
વિ દુર્યોણા ઇવ દુપદા ઇ ।
ઉદ્ અસ્યાઃ પાતયા મનઃ
શશ્વતીભ્યઃ સમાભ્યઃ ॥

પક્વં માંસમ્ ઇવાસિના
શકુનિપ્રપતનાં કૃધિ ।
મૃગાઁ અનુ પ્ર પાતય
મરીચીર્ અનુ નાશય ॥

વિષ્વઞ્ચૌ ગાવાવ્ આ કુરુ
વિષ્વઞ્ચૌ યુગ્યા ઉત ।
ઉતાસૌ સૂર્ય ઊર્ધ્વં
વિષ્વઞ્ચૌ વાં વ્ય્ આ કરત્ ॥

વિષમ્ ઉગ્રં વિષં સ્થિરં
વિષસ્ય મહિમા મહાન્ ।
વિષં પરસ્વતઃ શિરઃ
શતધા વ્ય્ અપાતયત્ ॥

સં દહ વ્રજં યથા
વસુધા વસુ વર્તયત્ ।
યં વિષ પ્રસર્પસિ
સમ્ અગ્નિર્ ઇવ તં દહ ॥

ગૃહાણ માંસાન્ય્
અવ લોમાનિ પાતય ।
પાંશૂન્ કૃકાટ આ વાપાચ્ છિન્ધ્ય્
ઉત્તાનપાદમ્ અર્દય ॥

મધોર્ અહં મધુતરો
મધુઘાન્ મધુમત્તરઃ ।
આસનિ કિલ મે મધુ
મુખે નિમન્દનં કૃતમ્ ॥

મામ્ ઇત્ ત્વમ્ અભિ ચાકશો
મૃગસ્ તૃષ્યન્ન્ ઇવોદકમ્ ।
અધસ્પદાન્ મ ઉદ્ વદાન્
મણ્ડૂકો ગોશફાદ્ ઇવ ॥

ઉદ્ વદા મે અધસ્પદાન્
મણ્ડૂકો ગોશફાદ્ ઇવ ।
અથો ઽપ ચક્રા આસાસૈ
શ્વા બન્ધ ઇવાહતઃ ॥