પૈપ્પલાદ-સંહિતા · અધ્યાય 19.43

પ્રતીકં મે વિચક્ષણમ્
અક્ષૌ મે મધુકાશિની ।
કર્ણાભ્યાં ભૂરિસુસ્રવઃ ॥

જિહ્વા મે મધુસંસ્રાવા
જિહ્વા મે મધુવાદિની ।
તયાહમ્ અદ્ય જિહ્વયા-
-ઉદ્યાસં મધુમદ્ વચઃ ॥

યથા મધુ મધુકૃતઃ
સંભરન્તિ મધાવ્ અધિ ।
એવાહમ્ અદ્ય છન્દોભિર્
ઉદ્યાસં મધુમદ્ વચઃ ॥

વાયોઃ પૂતઃ પવિત્રેણ
પ્રત્યક્ સોમો અધિશ્રિતઃ ।
ઇન્દ્રસ્ય યુજ્યઃ સખા ॥

યત્ કિઞ્ ચેદં વરુણ દૈવ્યે જને
અભિદ્રોહં મનુષ્યાશ્ ચરન્તિ ।
અતિ ચેત્ તવ ધર્મા યુયોપિમ
મા નસ્ તસ્માદ્ એનસો દેવ રીરિષઃ ॥

આપો અસ્માન્ માતરઃ સૂદયન્તુ
ઘૃતેન નો ઘૃતપવઃ પુનન્તુ ।
વિશ્વં હિ રિપ્રં પ્રવહન્તિ દેવીર્
ઉદ્ ઇદ્ આભ્યઃ શુચિર્ આ પૂત એમિ ॥

મિત્રશ્ ચ સમ્રાડ્ વરુણશ્ ચ રાજા
તૌ તે ભક્ષં કૃણુતાં પ્રાતર્ અગ્ને ।
તયોર્ અહમ્ અનુ ભક્ષં કૃણોમિ
સૂર્યવર્ચા ભગ ભક્તો ન આ વિશ ॥

સૂર્યવર્ચા ન આ વિશ
વિશ્વવિન્ મનસસ્ પતિઃ ।
અનેહા સોમ જાગૃવિર્
ઇન્દ્રઃ પ્રીત સ્તુતો નૃભિઃ ॥

ઇન્દ્ર પ્રીતસ્ય તે વયં
શુક્રસ્ય રોચનાવતઃ ।
ભક્ષીમહિ પ્રજામ્ ઇષં
સાહસ્રસ્ય યશસ્વિનઃ ॥

અગ્નિઃ પ્રાતઃસવને પાત્વ્ અસ્માન્
વૈશ્વાનરઃ પથિકૃદ્ વિશ્વકૃષ્ટિઃ ।
સ નઃ પાવકો દ્રવિણે દધાત્ય્
આયુષ્મન્તઃ સહભક્ષાઃ સ્યામ ॥

વિશ્વે દેવા મરુત ઇન્દ્રો અસ્માન્
અસ્મિન્ દ્વિતીયે સવને ન જહ્યુઃ ।
આયુષ્મન્તઃ પ્રિયમ્ એષાં વદન્તો
વયં દેવાનાં સુમતૌ સ્યામ ॥

ઇદં તૃતીયં સવનં કવીનામ્
ઋતેન યચ્ ચમસં સમૈરયન્ ।
સૌધન્વના અમૃતમ્ આનશાનાઃ
સ્વિષ્ટિન્ નો અભિ વસ્યો નયાથ ॥

સં સં સ્રવન્તુ નદ્યઃ
સં વાતાઃ સં પતત્રિણઃ ।
યજ્ઞમ્ ઇમં વર્ધયતા ગિરઃ
સંસ્રાવ્યેણ હવિષા જુહોમિ ॥

ઇમં હોમા યજ્ઞમ્ અવત-
-ઇમં સંસ્રાવણા ઉત ।
યજ્ઞમ્ ઇમં વર્ધયતા ગિરઃ
સંસ્રાવ્યેણ હવિષા જુહોમિ ॥

રૂપંરૂપં વયોવયઃ
સંરભ્યૈનં પરિ ષ્વજે ।
યજ્ઞમ્ ઇમં ચતસ્રઃ પ્રદિશો વર્ધયન્તુ
સંસ્રાવ્યેણ હવિષા જુહોમિ ॥