પૈપ્પલાદ-સંહિતા · અધ્યાય 19.41

સોમસ્ય પ્રાણઃ પવતે પુરસ્તાદ્
દક્ષિણત ઐન્દ્ર આ વાતુ વાતઃ ।
અસ્ય દિશો માતુરો યા પ્રતીચી
સ નો દેવાઃ શિવો અસ્ત્વ્ ઇહ વાતઃ ॥

મિત્રસ્ય પ્રાણઃ પવતે ય ઉત્તરાદ્
બૃહસ્પતેર્ ઊર્ધ્વ ઉદ્ વાતુ વાતઃ ।
યો અન્તરિક્ષમ્ અનુ વાતિ વિદ્વાન્
સ નો દેવઃ શિવો અસ્ત્વ્ ઇહ વાતઃ ॥

ય ઉત્તરાત્ પવતે યઃ પુરસ્તાદ્
યો દક્ષિણાત્ પવતે યશ્ ચ પશ્ચાત્ ।
ઊર્ધ્વાઁ ઉદ્દેશાઁ અનુ યઃ પ્રવાતિ
સ નો દેવઃ શિવો અસ્ત્વ્ ઇહ વાતઃ ॥

ત્રીણ્ય્ અન્તરિક્ષાણ્ય્ અનુ વાસિ
વાત તિસ્રો વાસિ પરાવતઃ ।
સહસ્રાક્ષૌ વૃત્રહા પાહ્ય્
અર્વાઙ્ વિનુદં ક્ષેત્રિયં રપઃ ॥

ન તત્ર દારઃ કૃપણં સસાર
ન પ્રતિઘ્નાના રુદતી ન બિભ્રતી ।
ઇન્દ્રો નો યત્રોરુકૃદ્ વિચક્ષણઃ
સ નો *ઽજ્યાનિ મહતીં નિ યચ્છાત્ ॥

ઇન્દ્રઃ સેનાં મોહયતુ
મરુતો ઘ્નન્ત્વ્ ઓજસા ।
અગ્નેર્ વાતસ્ય ધ્રાજ્યા
તાન્ વિષૂચો વિ નાશય ॥

ન દ્યૌર્ એષાં ન પૃથિવી
નાદિતિર્ ન ધનંજયા ।
ચક્ષૂંષ્ય્ અગ્નિર્ આ ધત્તાં
પુનર્ યન્તુ પરાજિતાઃ ॥

અમિત્રાણાં દરય ગ્રામમ્ ઇન્દ્ર
યો નઃ શત્રુર્ અભ્યેતિ જિઘાંસન્ ।
યથૈષામ્ ઇન્દ્રનુત્તાનામ્
અગ્નિના વેશો અનુ વર્તયાનિ મે ॥

જિહ્મં યુગં કૃણ્વતામ્ ઇન્દ્રનુત્તાઃ
પરાચીનૈઃ પથિભિર્ યન્તુ રિષ્યન્તઃ ।
તઞ્ જયન્તો અન્વ્ આસદેમ-
-અગ્નિના વેશો અનુ વર્તયન્તઃ ॥

અમિત્રાણાં ગ્રામમ્ ઉપયુક્તમ્
ઇન્દ્રેણ નુત્તં વિ રદાત્ય્ અગ્નિઃ ।
સત્વાનઃ સન્ત્વ્ અનુમાદ્યા ઇમે
યેભ્યશ્ ચરામિ હવિષા ઘૃતેન ॥

અર્યમણં હિ દેવં ભદ્રં
કન્યા યમ્ અયક્ષત ।
સ એના વૃત્રહા દેવ
ઇતો મુઞ્ચાતુ મામુતઃ ॥

ઇયં તે રાજન્ વરુણ
જામિકા કૃણુતે હવિઃ ।
તસ્યૈ પતિં ન્ય્ આ વહ
સુભદ્રં પ્રતિકામ્યમ્ ॥

આ ક્રન્દય ધનપતે
વરમ્ આમનસં કૃણુ ।
સર્વં પ્રદક્ષિણં કૃધિ
પતિમ્ અસ્યૈ પ્રતિકામ્યમ્ ॥

આ પશ્ચાદ્ આ પુરસ્તાદ્
ઓત્તરાદ્ અધરાદ્ ઉત ।
પૂર્ણા ભગસ્ય વર્તનિસ્
તેનેમામ્ અભિ વર્તયામસિ
વર્ચસા ચ ભગેન ચ ॥

નાસૃગ્ અસ્તિ પતઙ્ગસ્ય
તર્દસ્ય મશકદ્યાઃ ।
ન સંપતત્રમ્ ઉદ્યુગો
ન્યગ્ ગ્લૌર્ અત્ર ભવિષ્યતિ ॥

અપદસ્વદ્ અપાદસત્
તુણ્ડિવ્યધ્માપાદસત્ ।
અપાપચિદ્ ઇતો ઽદસદ્
અપેતો ગ્લૌર્ નશિષ્યત્ય્
અપિવ્યધ્મન્ નશિષ્યતિ ॥

યથા સૂર્યશ્ ચન્દ્રમસમ્
ઉદ્યન્ન્ એવાપગૂહતિ ।
એવા ત્વમ્ ઉગ્ર ઓષધ
ઇમાં ગ્લાવમ્ અપગૂહતાદ્ ઇતઃ ॥