પૈપ્પલાદ-સંહિતા · અધ્યાય 19.40

નાશય પલિતં શીર્ષ્ણો
યઃ કૃષ્ણસ્ તન્ ન આ ભર ।
તમ્ ઓષધે ત્વં વર્ધય
કેશં કૃષ્ણતરં કૃધિ ॥

યથાઞ્જનં તથાસસિ
યથા ત્રૈકકુદં તથા ।
તત્ સંભવાત્ તત્ સભસ્ તે
વ્યુચ્છન્તીર્ અનૂષસઃ ॥

યત્રાસ્તિ યત્ર તિષ્ઠતિ
યતો નશ્યત્વાસિનમ્ ।
દિવ્યઃ સુપર્ણો અબ્રવીદ્
એતત્ પલિતભેષજમ્ ॥

દિવો નુ મા બૃહતો અન્તરિક્ષાદ્
અપાં સ્તોકો અભ્ય્ અપપ્તદ્ રસાય ।
સમ્ ઇન્દ્રિયેણ પયસાહમ્ અગ્ને
ઋષીણાં યજ્ઞૈઃ સુકૃતાં કૃતેન ॥

યદિ વૃક્ષાદ્ અભ્ય્ અપપ્તત્ ફલં તદ્
યદ્ય્ અન્તરિક્ષાત્ તદ્ ઉ વાયુર્ એવ ।
યત્રાસ્પૃષ્ટ તન્વો યત્ર વાસસો
ન તત્ પ્રાપ્નોતિ નિરૃતિઃ પરસ્તાત્ ॥

અભ્યઞ્જનં સુરભ્યાદ્ ઉ વાસશ્
ચન્દ્રં હિરણ્યમ્ અધિ પૂત્રિમં યત્ ।
સર્વા પવિત્રા વિતતાધ્ય્ અસ્મિંચ્
છતં જીવાતિ શરદસ્ તવાયમ્ ॥

યઃ કીકસાઃ પ્રશૃણાતિ
તલીડ્યમ્ ઉપતિષ્ઠતિ ।
પરાસ્થં સર્વં જાયાન્યં
યઃ કશ્ ચ કકુભિ શ્રિતઃ ॥

પક્ષી જાયાન્યઃ પતતિ
ય આવિશતિ પૂરુષમ્ ।
તસ્યાહં વેદ તે નામ
યતો જાયાન્ય જાયસે ॥

વેદ વૈ તે નામ
યતો જાયાન્ય જાયસે ।
કથં હિ તત્ર ત્વં હન્યા
યત્ કુર્યામ્ અહં હવિઃ ॥

ય આસ્યં પ્રવિશતિ
કરોત્ય્ ઉદરં મહત્ ।
યક્ષ્મો યો અત્ર જાયસે
તં જાયાન્યમ્ અનીનશમ્ ॥

આરોહાન્ મે મુખં જાતમ્
આરોહાજ્ જઘનં મમ ।
આરોહાત્ સર્વા જાતાસ્મ્ય્
ઋષભસ્યોપયોધનાત્ ॥

સ્વાદીયસી સુરાયા
લવણાચ્ ચારુમત્તરા ।
ગોભ્યો વનીયસીદ્ અહમ્ ॥

યાં ત્વા વાતો ઽવારયદ્
આર્દ્રનાભા મહર્ષભઃ ।
તસ્યાસ્ તે દેવિ પૃથિવ્યા
અહં સંવનનં દદ
આ તે શૌષ્કાસ્યં દદે ॥

યુક્તૌ મનસા સં સુરેતસા
દેવેભ્યો હવ્યં કૃણવાવ સાધુ ।
યેષાં ભાગસ્ ત ઇદં જુષન્તામ્
અવિક્ષુબ્ધાવ્ ઉદયાવ ભદ્રયા ॥

યેન દેવા જ્યોતિષા દ્યામ્ ઉદાયન્
યેનાદિત્યા વસવો યેન રુદ્રાઃ ।
યેનાઙ્ગિરસઃ સ્વર્ આરુરુહુસ્
તેનોદ્ અયાવ યજમાનૌ સ્વસ્તિ ॥

યં પપાચાદિતિઃ પુત્રકામા
યેન પ્રજાઃ કશ્યપઃ પર્યગૃહ્નાત્ ।
ય ઓદનઃ પચ્યતે વૈશ્વદેવઃ
સ નો યમે અક્ષિતો ભાગો અસ્તુ ॥